ᓘᑲᓯᐅᑉ ᐊᒡᓚᖏᑦ 20:47 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁷ ᓯᓔᕐᕆᒃᓯᕙᒃᓗᑎᒃ ᐅᐃᒡᒐᕐᓂᕐᓂᒃ ᑎᒡᓕᒐᕐᕕᒋᔪᒪᓪᓗᒋᑦ ᐊᖏᕐᕋᖏᓐᓂᑦ, ᑕᑯᓐᓇᕐᑕᐅᓇᓱᐊᕐᓗᑎᒡᓗ ᑐᒃᓯᐅᑦᔨᓕᕐᐸᒃᓗᑎᒃ ᑕᑭᔪᐊᓗᖕᓂᒃ. ᑖᒃᑯᐊ ᓱᒋᐊᕐᑕᐅᓂᖏᑦ ᐱᐅᖏᓐᓂᕐᓴᓪᓚᕆᐊᓘᔪᒫᕐᐳᑦ.”

Aglait Ijjurnaittut

⁴⁷ Silairriksivaglutik uiggarnirnik tigligarvigijumallugit angirranginnit, takunnaqtaunasuarlutiglu tuksiujjiliqpaglutik takijualungnik. Taakkua sugiaqtauningit piunnginniqsallarialuujumaaqput.”

ᓘᑲᓯᐅᑉ ᐊᒡᓚᖏᑦ 20:47 ပူးပေါင်းရင်းမြစ်များ

ᐂᓮᐊᓯᐅᑉ ᐊᒡᓚᖏᑦ 10:2

ᐱᖃᖏᑦᑐᓂᒃ ᐱᑎᑦᓯᑦᑍᓕᕙᒃᑐᑦ ᐊᑦᔨᒌᒃᑎᑕᐅᓂᕐᒥᒃ ᑎᒡᓕᒐᕐᕕᒋᓪᓗᒋᓪᓗ ᐊᔪᕐᓴᕐᑐᑦ ᐃᓄᖁᑎᒪ ᐱᔪᓐᓇᐅᑎᖏᓐᓂᒃ, ᐅᐃᒡᒐᕐᓃᑦ ᐱᔭᒃᓴᖏᓐᓂᒃ ᐊᕐᓵᕐᓗᒋᑦ ᐱᑖᕐᐸᒃᑐᑦ, ᐃᓕᐊᕐᔪᐃᓪᓗ ᓵᓚᒋᓇᓱᐊᕐᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 22:7

ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᐅᐱᒍᓱᒃᑐᖃᓐᖏᓚᑦ ᓄᓇᑦᓯᓐᓂ; ᓄᓇᓕᑐᖃᐅᖏᑦᑐᑦ ᓯᓔᕐᕆᔭᐅᓪᓗᑎᒃ ᑎᒡᓕᒐᕐᕕᐅᕗᑦ ᑮᓇᐅᔭᓂᒃ; ᐃᓕᐊᕐᔪᐃᑦ ᐅᐃᒡᒐᕐᓃᓪᓗ ᐃᓖᔭᕆᔭᐅᖃᑦᑕᕐᐳᑦ ᓄᓇᑦᓯᓐᓂ.

ᐃᓯᑭᐊᓕᐅᑉ ᐊᒡᓚᖏᑦ 33:31

ᐃᓄᖁᑎᒃᑲ ᐃᓕᖕᓄᑦ ᕾᕙᒃᐳᑦ ᐊᓯᖏᑎᑐᑦ ᕾᕙᒃᑐᑎᑐᑦ, ᐅᖃᐅᓯᕐᓂᒡᓗ ᑐᓴᕆᐊᕐᑐᕐᓗᑎᒃ ᐃᒃᓯᕚᖃᑦᑕᕐᐳᑦ, ᑐᓴᕋᓗᐊᕋᒥᒡᓕ ᒪᓕᒍᓐᓇᓐᖏᓚᑦ ᐅᖃᐅᓯᕆᔭᕐᓂᒃ; ᓇᒡᓕᒍᓱᒃᑐᐊᓘᔮᕐᓗᑎᒃ ᐅᖃᓪᓚᖃᑦᑕᕐᐳᑦ, ᐆᒻᒪᑎᖏᓪᓕ ᐱᕙᓪᓕᕈᑎᒃᓴᒥᖕᓂᒃ ᑭᓯᐊᓂ ᐱᔪᒪᕗᑦ.

ᐂᒨᓯᐅᑉ ᐊᒡᓚᖏᑦ 2:7

ᑐᓪᓕᕋᕐᒪᑕ ᐊᔪᕐᓴᕐᑐᑦ ᓂᐊᖁᖏᓐᓂᒃ ᒪᓂᖅᑲᒥᒃ ᑐᓪᓕᕋᕐᑐᑎᑐᑦ, ᓵᓚᐅᓯᒪᔪᓪᓗ ᐱᑦᓯᐊᕐᓇᒋᑦ ᐊᒡᕖᕐᑎᓚᐅᕐᒪᒋᑦ; ᐊᑖᑕᒌᓪᓗ ᐊᕐᓇᒥᒃ ᑖᑦᓱᒥᖓᑦᓮᓐᓇᖅ ᐱᖃᑎᖃᖃᑦᑕᓚᐅᕐᒪᑕ, ᑕᒪᑐᒧᖓ ᐊᑎᕋ ᐃᑦᔪᕐᓁᑦᑐᖅ ᐃᑦᔪᕐᓇᕐᓯᑎᕐᑕᐅᕗᖅ.

ᒤᑲᐅᑉ ᐊᒡᓚᖏᑦ 2:2

ᐱᕈᕐᓰᕕᖕᓂᒃ ᐱᔪᒪᕕᒃᔪᐊᓕᕌᖓᒥᒃ ᐱᕋᔭᖕᓂᒃᑯᑦ ᐊᕐᓵᕐᓯᕙᒃᐳᑦ, ᐃᒡᓗᑖᕐᐸᒡᓗᑎᒡᓗ ᐊᕐᓵᕐᓯᓪᓗᑎᒃ. ᐅᖁᒤᒃᓴᕐᑎᑦᓯᓪᓗᑎᒡᓗ ᐊᖏᕐᕋᓕᖕᓂᒃ, ᐊᕐᓵᕐᓯᕙᒡᓗᑎᒡᓗ ᑭᖑᕐᖑᑎᔭᒃᓴᕆᔭᐅᔪᓂᒃ.

ᒤᑲᐅᑉ ᐊᒡᓚᖏᑦ 2:8

ᒫᓐᓇᑯᓪᓕ ᐃᓄᖁᑎᒃᑲ ᐊᑭᕋᕐᑎᑐᑦ ᐱᓇᓱᐊᓕᕐᐳᑦ, ᐅᓕᒡᔪᐊᖏᓐᓂᒃ ᐊᓐᓄᕌᖏᓐᓂᒡᓗ ᐊᕐᓵᕐᓯᖕᒪᑕ, ᐃᓕᑦᓯᓐᓂᒃ ᐃᓱᒪᔮᕈᑎᖃᕋᑎᒃ ᐊᖅᑯᓵᕐᑐᑦ, ᐊᖑᑎᑎᑐᑦ ᐅᑎᕋᑖᕐᑐᑎᑐᑦ ᐅᓇᑕᕐᓂᕐᒥᑦ.

ᒤᑲᐅᑉ ᐊᒡᓚᖏᑦ 3:2

ᐃᓕᑦᓯ ᐱᐅᔪᒥᒃ ᓇᕐᕈᔪᓯ ᐱᐅᒃᓴᕐᓗᓯᓗ ᐱᐅᖏᑦᑐᒥᒃ; ᐃᓕᑦᓯ ᐃᓄᖁᑎᒪ ᐅᕕᓂᖏᓐᓂᒃ ᐊᓕᒃᑐᐃᔪᓯ, ᓴᐅᓂᖏᑕ ᐅᕕᓂᖏᑦ ᐲᔭᕋᑦᓯᒋᒃ.

ᒫᑎᐅᓯᐅᑉ ᐊᒡᓚᖏᑦ 23:13

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᒎᑎᐅᑉ ᐊᑕᓂᐅᕕᖓᑕ ᐅᒃᑯᐊᖓ ᐅᒃᑯᐊᕐᓯᒪᒐᑦᓯᐅᒃ ᐃᓄᐃᑦ ᐃᑎᖁᓇᒋᑦ; ᓇᖕᒥᓂᕐᓗ ᐃᑎᕐᓯᒪᓇᓯ, ᑕᕝᕗᖓᓗ ᐃᑎᕋᓱᐊᕐᑐᑦ ᐊᒡᕕᐊᕋᓱᐊᕐᐸᓯ! [

ᒫᑎᐅᓯᐅᑉ ᐊᒡᓚᖏᑦ 23:14

“ᐃᓕᑦᓯᓐᓄᑦ ᑲᑉᐱᐊᓐᓇᒦᒃ, ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᐅᐃᒡᒐᕐᓃᑦ ᓴᖐᑦᑐᕐᓂᐊᒐᕆᓪᓗᒋᑦ ᐱᖁᑎᖏᓐᓂᒃ ᐊᕐᓵᕋᑦᓯᐅᒃ, ᑕᑯᓐᓇᕐᑕᐅᔪᒪᓪᓗᓯᓗ ᑕᑭᔪᓂᒃ ᑐᒃᓯᐅᑎᖃᑦᑕᕐᐸᓯ! ᑕᒪᓐᓇ ᐱᑦᔪᑎᒋᓪᓗᒍ ᓱᒋᐊᕐᑕᐅᓂᓯ ᐊᖏᓂᕐᓴᐅᔪᒫᕐᐳᖅ!]

ᒫᑯᓯᐅᑉ ᐊᒡᓚᖏᑦ 12:40

ᐅᐃᒡᒐᕐᓃᑦ ᓴᖐᑦᑐᕐᓂᐊᒐᕆᓪᓗᒋᑦ ᐱᖁᑎᖏᓐᓂᒃ ᐋᑎᕆᕙᒃᐳᑦ ᐊᖏᕐᕋᖏᓐᓂᑦ, ᑭᖑᓂᖓᒍᑦ ᑕᑯᓐᓇᕐᑕᐅᔪᒪᓪᓗᑎᒃ ᑕᑭᔪᓂᒃ ᑐᒃᓯᐅᑎᖃᑦᑕᕐᐰᑦ. ᑍᒤᒻᒪᑦ ᓱᒋᐊᕐᑕᐅᓂᒃᓴᖏᑦ ᐊᖏᓂᒃᓴᐅᔪᒫᕐᐳᑦ.”

ᓘᑲᓯᐅᑉ ᐊᒡᓚᖏᑦ 12:1

ᐃᓄᐃᑦ 1,000 ᐅᖓᑖᓃᑦᑐᑦ ᑲᑎᕙᓪᓕᐊᑎᓪᓗᒋᑦ, ᐊᒡᓛᑦ ᐃᒻᒥᖕᓄᑦ ᑐᓪᓕᕋᖃᑦᑕᐅᑎᓕᕐᓗᑎᒃ ᐅᓄᓗᐊᒧᑦ, ᔩᓱᓯᐅᑉ ᐃᓕᓐᓂᐊᕐᑎᓂ ᓯᕗᓪᓕᐅᓪᓗᒋᑦ ᐅᖃᐅᑎᕔᑦ, “ᖃᐅᔨᓴᕆᑦᓯ ᐹᕆᓯᑦ ᐳᕙᓪᓚᖅᑯᑎᖓᓂᒃ, ᑕᒪᓐᓇ ᑕᒃᑯᕐᒨᕐᓂᐅᖕᒪᑦ.

ᓘᑲᓯᐅᑉ ᐊᒡᓚᖏᑦ 20:46

“ᐃᓕᒪᓱᒋᑦᓯ ᐱᖁᔭᓂᒃ ᐃᓕᓮᔨᓂᒃ, ᑖᒃᑯᐊ ᐱᓱᒃᑲᑕᒍᒪᕙᖕᒪᑕ ᑕᑭᔪᓂᒃ ᐊᓐᓄᕌᕐᓯᒪᓗᑎᒃ, ᓂᓪᓕᐅᑦᔭᐅᑦᓯᐊᕈᒪᕙᒡᓗᑎᒃ ᓂᐅᕕᕐᕕᖕᓂ ᔫᑎᓪᓗ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐱᐅᓂᕐᐹᓂ ᐃᒃᓯᕙᔪᒪᕙᒡᓗᑎᒃ; ᓂᕆᕕᒡᔪᐊᕆᐊᕐᑐᕐᑐᓂᑦ ᐅᐱᒋᔭᐅᔪᑦ ᐃᓂᖏᓐᓂ ᐃᓂᖃᕈᒪᕙᒃᓗᑎᒃ.

ᓘᑲᓯᐅᑉ ᐊᒡᓚᖏᑦ 21:1

ᔩᓱᓯ ᑕᑯᓴᕋᒥ ᐊᔪᕐᓴᖏᑦᑐᓂᒃ ᑕᑯᕗᖅ ᑐᓂᕐᕈᑎᒥᖕᓂᒃ ᐴᕐᓯᖃᑦᑕᕐᑐᓂᒃ ᑐᒃᓯᐊᕐᕕᒡᔪᐊᑉ ᑐᓂᕐᕈᓯᕐᕕᖓᓄᑦ;

ᑎᓴᓗᓁᑲᒥᐅᓄᑦ ᓯᕗᓪᓖᑦ 2:5

ᐃᓕᑦᓯ ᖃᐅᔨᒪᑦᓯᐊᕐᐳᓯ ᓮᒻᒪᕐᓮᓐᖑᐊᑐᐃᓐᓇᕐᑐᓂᒃ ᐅᖃᐅᓯᖃᓚᐅᖏᓐᓇᑦᑕ, ᐱᖁᑎᓐᓂᐊᕈᒪᑐᐃᓐᓇᕐᓂᕐᒧᓪᓗ ᐅᖃᐅᓯᖃᓚᐅᖏᓐᓂᕗᒍᑦ, ᒎᑎᐅᑉ ᖃᐅᔨᒪᕚᑎᒍᑦ;

ᑍᑑᓯᒧᑦ 1:16

ᒎᑎᒥᒃ ᖃᐅᔨᒪᓂᕋᕋᓗᐊᕐᐳᑦ, ᐱᓂᐊᕐᓂᖏᓪᓕ ᓴᖅᑭᑎᑦᓯᕗᑦ ᓱᓕᖏᓐᓂᕐᒥᖕᓂᒃ; ᐆᒥᓱᒃᑎᐅᕗᑦ ᓈᓚᒍᓐᓇᕋᑎᒡᓗ, ᐱᐅᔪᒥᒡᓗ ᐱᓇᓱᐊᕐᕈᓐᓇᓐᖏᓚᑦ.

ᔧᒥᓯᐅᑉ ᐊᒡᓚᖏᑦ 3:1

ᐊᒥᓲᓐᖏᑦᑐᓯᒍᑦ ᐊᔪᕆᓱᐃᔨᖑᕐᑐᒃᓴᐅᕗᓯ, ᐅᒃᐱᕐᑑᖃᑎᒃᑲ, ᖃᐅᔨᒪᒐᑦᓯ ᐅᕙᒍᑦ ᐊᔪᕆᕐᓱᐃᕙᒃᑐᒍᑦ ᓂᑲᒋᔭᐅᓐᖏᓐᓂᕐᓴᐅᓗᑕ ᐃᖅᑲᕐᑐᕐᑕᐅᔪᒫᕋᑦᑕ.