ᓘᑲᓯᐅᑉ ᐊᒡᓚᖏᑦ 20:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᑕᕝᕙ ᐱᕕᒃᓴᕐᓯᐅᓕᕐᐳᑦ, ᐊᖑᑎᓂᒃ ᐊᑭᓖᕕᖃᕐᓗᑎᒃ ᑎᓕᓯᕗᑦ ᓱᓕᔪᕐᓇᑦᑎᐊᕋᓱᐊᕐᑐᓂᒃ, ᔩᓱᓯ ᐊᐱᕐᓱᕐᓗᒍ ᑭᐅᑦᔪᑎᒃᓮᕈᑦᔨᓇᓱᐊᕐᓂᐊᕐᑐᓂᒃ, ᐱᕖᕈᑦᔨᒍᑎᒃ ᕉᒪᒥᐅᑦ ᐊᐅᓚᑦᑎᔨᖏᓐᓄᑦ ᐱᔭᐅᑎᑦᑐᒪᓪᓗᒍ.

Aglait Ijjurnaittut

²⁰ Tavva piviksaqsiuliqput, angutinik akiliiviqarlutik tilisivut sulijurnattiarasuaqtunik, Jiisusi apiqsurlugu kiujjutiksairujjinasuarniaqtunik, piviirujjigutik Ruumamiut aulattijinginnut pijautittumallugu.

ᓘᑲᓯᐅᑉ ᐊᒡᓚᖏᑦ 20:20 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 14:2

ᑍᒤᒻᒪᑦ ᔪᐊᐱ ᐊᕐᓇᒥᒃ ᓯᓚᑐᔪᒻᒪᕆᖕᒥᒃ ᕾᖁᔨᓚᐅᕐᐳᖅ ᓄᓇᖃᕐᑐᒥᒃ ᑎᑯᐊᒥ. ᑎᑭᒻᒪᓪᓗ, ᐅᖃᐅᑎᕚ, “ᕿᒃᓵᓐᖑᐊᕐᓗᑎᑦ; ᐊᓐᓄᕌᓪᓗ ᕿᒃᓵᒍᑎᑎᑦ ᐊᑎᓗᒋᑦ, ᓄᔭᑎᓪᓗ ᐃᓪᓔᕐᑍᓕᓗᒋᑦ, ᐊᕐᓇᑎᑐᑦ ᐊᑯᓂᐊᓗᒃ ᑐᖁᓯᒪᔪᓄᑦ ᕿᒃᓵᒃᑐᑎᑐᑦ ᐱᓂᐊᕐᐳᑎᑦ;

ᐃᓐᖏᕈᑎᑦ 38:12

ᐅᕙᓐᓂᒡᓕ ᑐᖁᑦᓯᔪᒪᔪᑦ ᓂᒐᕐᑎᑕᐅᕕᒃᓴᓐᓂᒃ ᐋᖅᑭᒃᓱᐃᕗᑦ; ᐅᕙᓐᓂᒡᓗ ᐋᓐᓂᕐᓯᔪᒪᔪᑦ ᖃᓄᐃᓕᔭᐅᑦᔪᑎᒃᓴᓐᓂᒃ ᐅᖃᐅᓯᖃᕐᐳᑦ.

ᐃᓐᖏᕈᑎᑦ 66:3

ᒎᑎᒧᓪᓗ ᐅᖃᕐᓗᓯ, “ᓴᓇᓯᒪᔭᑎᑦ ᑲᒪᓇᕐᑐᐊᓘᕗᑦ! ᐊᔪᒐᖃᖏᓐᓂᕕᑦ ᐊᖏᔪᕐᔪᐊᖑᓂᖓᓄᑦ ᐊᑭᕋᕐᑐᕐᑎᑎᑦ ᐹᒻᒫᒃᑎᕐᐳᑦ ᐃᓕᖕᓄᑦ.

ᐃᓐᖏᕈᑎᑦ 81:15

ᐊᑕᓂᕐᒥᒃ ᐆᒥᓱᒃᑐᑦ ᐅᑯᓂᐊᕐᐳᑦ ᓯᕘᕋᓂᕐᒧᑦ ᑖᑦᓱᒥᖓ, ᓱᒋᐊᕐᑕᐅᓂᖏᓪᓗ ᓄᖑᓐᓂᐊᓐᖏᓚᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 11:19

ᖃᐅᔨᒪᓇᖓᓕ ᓄᕐᕋᐅᔭᕐᑎᑐᑦ ᑐᖁᑕᐅᕕᒃᓴᒥᓄᑦ ᐋᑕᐅᓕᕐᑐᑎᑐᑦ ᑍᒤᓚᐅᕐᐳᖓ. ᖃᐅᔨᒪᓚᐅᓐᖏᓚᖓ ᐋᖅᑭᒃᓱᐃᓯᒪᔪᕕᓂᐅᓕᕐᑎᓪᓗᒋᑦ ᑐᖁᑦᓯᔪᒪᓪᓗᑎᒃ ᐅᕙᓐᓂᒃ, ᐅᖃᕐᓗᑎᒃ, “ᓇᐹᕐᑐᖅ ᐊᓯᕈᓚᐅᕐᓚᕗᑦ ᐱᕈᕐᑐᖏᓪᓗ ᐆᒪᔪᑦ ᓄᓇᖓᓂᑦ ᓇᑲᓚᐅᕐᓚᕗᑦ, ᐊᑎᖓᓗ ᐃᖅᑲᐅᒪᔭᐅᔪᓐᓁᖁᓪᓗᒍ.”

ᔨᕆᒤᐊᐅᑉ ᐊᒡᓚᖏᑦ 18:18

ᐃᓄᐃᓪᓕ ᐅᖃᕐᐳᑦ, “ᔨᕆᒤᐊ ᖃᓄᐃᓕᐅᕈᑎᒋᓚᐅᕐᓚᕗᑦ! ᑐᓂᕐᕈᓯᕐᑎᑦᓯᔩᑦ ᐱᖁᔭᓂᒃ ᐊᔪᕆᕐᑐᐃᓂᕆᕙᒃᑕᖏᑦ ᐊᓯᐅᑎᑕᐅᔭᕆᐊᖃᖏᒻᒪᑕ, ᐃᓕᓯᒪᑦᓯᐊᕐᑐᓪᓗ ᐅᖃᐅᑦᔪᐃᓂᖏᑦ, ᐱᔪᖃᓛᕐᑐᒥᒡᓗ ᐅᖃᕐᑎᑦ ᐅᖃᐅᓯᖏᑦ. ᔨᕆᒤᐊ ᐸᓯᔭᒃᓴᓕᐊᕆᓚᐅᕐᓚᕗᑦ ᐅᖃᐅᓯᖏᓪᓗ ᓈᓚᖏᓪᓗᒋᑦ.”

ᔨᕆᒤᐊᐅᑉ ᐊᒡᓚᖏᑦ 20:10

ᐅᖃᐅᓯᐅᓂᓐᓂᒃ ᑐᓴᖃᑦᑕᕐᐳᖓ, ᐅᕙᓐᓂᒃ ᐊᕙᑎᓕᒫᓐᓂᑦ ᑲᑉᐱᐊᓵᕆᔪᓂᒃ, ᐅᖃᐅᓯᐅᖁᔨᔪᑦ ᐅᖃᐅᓯᖃᕈᒪᔪᓪᓗ, ᐃᓚᓐᓇᕆᔭᓕᒫᒃᑲ ᐅᑕᖅᑭᕗᑦ ᑕᒻᒪᕐᓂᐊᕐᒪᖔᕐᒪ, ᐅᖃᕐᓗᑎᒃ, “ᐃᒻᒪᖄ ᓯᓔᕐᕆᔭᐅᓂᐊᕐᐳᖅ, ᐋᖅᑭᒋᐊᕐᓂᐊᕐᐸᕗᑦ ᑕᕝᕙ.”

ᑖᓂᐊᓕᐅᑉ ᐊᒡᓚᖏᑦ 6:4

ᑍᒤᒻᒪᑦ, ᐊᖓᔪᖅᑳᖑᖃᑎᖏᑦ ᐊᖓᔪᖅᑳᕐᔪᐊᓪᓗ ᐊᖓᔪᖅᑳᖁᑎᖏᑦ ᕿᓂᓚᐅᕐᐳᑦ ᑖᓂᐊᓕ ᐸᓯᔪᒪᓪᓗᒍ ᐊᖓᔪᖅᑲᐅᕕᖕᒥᒃ ᐊᐅᓚᑦᓯᓂᖓᒍᑦ, ᐸᑦᓯᑎᒃᓴᕐᓯᔪᓐᓇᓚᐅᓐᖏᓚᓪᓕ, ᓈᒻᒪᖏᑦᑐᒥᒃ ᓇᓂᓯᕝᕕᒋᔪᓐᓇᓚᐅᖏᓐᓇᒥᑦᔪᒃ, ᐃᕿᐊᓱᒍᓐᓇᖏᒻᒪᑦ ᓈᒻᒪᖏᑦᑐᒥᒡᓗ ᐱᓂᐊᕐᓂᖃᕋᓂ.

ᒫᑎᐅᓯᐅᑉ ᐊᒡᓚᖏᑦ 27:2

ᐊᑦᓱᖏᕐᓗᒍ ᐰᓛᑑᓯᒧᐊᕈᑎᕚᑦ, ᕉᒪᒥᐅᑦ ᓄᓇᓕᖕᓂ ᐊᐅᓚᑦᓯᔨᖁᑎᖓᓄᑦ.

ᒫᑯᓯᐅᑉ ᐊᒡᓚᖏᑦ 3:2

ᐃᓄᐃᑦ ᑕᕝᕙᓃᓚᐅᕆᕗᑦ ᖃᐅᔨᓴᕆᐊᕐᓯᒪᓪᓗᑎᒃ ᐊᖑᑦ ᓴᐸᑎᒥ ᐋᖅᑭᖕᓂᐊᕐᒪᖔᒍ, ᐸᓯᒃᖠᕈᑎᒃᓴᕐᓯᐅᕐᓗᑎᒃ.

ᓘᑲᓯᐅᑉ ᐊᒡᓚᖏᑦ 11:54

ᐅᐸᓗᐃᓇᓱᐊᕐᐹᑦ ᖃᓄᑐᐃᓐᓇᖅ, ᐅᖃᐅᓯᖏᑦ ᖃᐅᔨᒪᓇᓱᐊᑦᑎᐊᕐᐰᑦ, ᐅᖃᕐᑕᖓᒍᑦ ᓵᑕᒃᓴᓐᖑᕐᑎᑦᑐᒪᓪᓗᒍ.

ᓘᑲᓯᐅᑉ ᐊᒡᓚᖏᑦ 20:21

ᑖᒃᑯᐊ ᖃᐅᔨᓴᕐᑎᑕᐅᔪᑦ ᔩᓱᓯᒧᑦ ᐊᐱᕆᕗᑦ, “ᐊᔪᕆᕐᑐᐃᔩ, ᖃᐅᔨᒪᕗᒍᑦ ᐅᖃᐅᑦᔨᑦᓯᐊᕐᐸᒃᑲᕕᑦ ᐊᔪᕆᕐᑐᐃᑦᓯᐊᕐᐸᒡᓗᑎᓪᓗ ᐊᑲᐅᔪᓂᒃ, ᐃᓄᖕᓂᒃ ᐊᑦᔨᒌᒃᑎᑦᓯᒐᕕᑦ, ᓱᓕᑦᓯᐊᕐᑐᒥᒡᓗ ᒎᑎᐅᑉ ᐊᑐᕐᑕᐅᖁᔭᖓᓂᒃ ᐊᔪᕆᕐᑐᐃᖃᑦᑕᕋᕕᑦ.

ᓘᑲᓯᐅᑉ ᐊᒡᓚᖏᑦ 20:26

ᑎᓕᔭᐅᓯᒪᔪᑦ ᐃᓄᐃᑦ ᑕᒃᑯᐊᓂ ᐸᓯᒃᓯᕈᑎᓴᕐᑖᕈᓐᓇᖏᓚᑦ ᔩᓱᓯᐅᑉ ᐅᖃᐅᓯᖏᓐᓂᑦ; ᑲᒪᓂᐊᕈᑎᖃᓚᐅᕐᐳᓪᓕ ᑭᒡᒍᓯᖓᓂᒃ ᐅᖃᐅᓯᒃᓮᕈᑦᔭᐅᒐᒥᒃ.

ᐲᑦᑐᕉᓯ ᐂᑉᐸᖏᑦ 2:3

ᐱᔪᒪᓗᐊᕐᓂᕐᒥᖕᓄᑦ ᑖᒃᑯᐊ ᐊᔪᕆᕐᓱᐃᓂᕐᓗᒃᑐᑦ ᑮᓇᐅᔭᓕᐅᕋᓱᑐᐃᓐᓇᕐᓗᑎᒃ ᓇᖕᒥᓂᖅ ᐅᖃᐅᓯᒃᓴᓕᐊᕆᓯᒪᔭᒥᖕᓂᒃ ᓱᓕᖏᑦᑐᓂᒃ ᐅᖃᐅᓯᖃᖃᑦᑕᕈᒫᕐᐳᑦ ᐋᖅᑭᒌᕐᓯᒪᕗᖅ ᐃᖅᑲᕐᑐᐃᔨᒋᔪᒫᕐᑕᖓᑦᑕ ᐅᑕᖅᑭᔪᑎᓕᕐᐰᑦ, ᑖᒃᑯᓂᖓ ᓄᖒᑦᓯᔪᒃᓴᖅ ᓯᓂᖕᓂᐊᓐᖏᓚᖅ ᐅᑕᖅᑭᓗᓂ.