ᓘᑲᓯᐅᑉ ᐊᒡᓚᖏᑦ 2:41 - ᐊᒡᓔᑦ ᐃᑦᔪᕐᖕᓁᑦᑐᑦ

⁴¹ ᐊᕐᕌᒍᑕᒫᑦ ᔩᓱᓯᐅᑉ ᐊᖓᔪᖅᑳᖏᒃ ᔨᕉᓴᓕᒻᒧᐊᖃᑦᑕᓚᐅᕐᐴᒃ ᓇᓪᓕᐅᓐᓂᕐᓯᐅᕆᐊᕐᑐᕐᓗᑎᒃ ᖄᖏᕐᑕᐅᕕᖕᒥᒃ.

Aglait Ijjurnaittut

⁴¹ Arraagutamaat Jiisusiup angajuqqaangik Jiruusalimmuaqattalauqpuuk nalliunniqsiuriaqturlutik Qaangiqtauvingmik.

ᓘᑲᓯᐅᑉ ᐊᒡᓚᖏᑦ 2:41 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 12:11

ᐃᒫᒃ ᑕᕝᕙ ᓂᕆᔭᒃᓴᕆᕙᓯ, ᕿᑎᑦᓯᒍᑦ ᑕᑦᓯᕈᓯᕐᓯᒪᔪᒃᓴᐅᕗᓯ ᐃᑎᒐᒍᓯᕐᓯᒪᓗᓯᓗ, ᐊᔭᐅᑉᐱᐊᓯᓗ ᑎᒍᒥᐊᕐᓗᒋᑦ; ᑐᐊᕕᕐᓗᓯ ᓂᕆᔪᒃᓴᐅᕗᓯ. ᑕᒪᓐᓇ ᐊᑕᓂᐅᑉ ᖄᖏᕐᑕᐅᕕᒃᓯᐅᑎᒋᖕᒪᒍ.

ᒨᓯᓯ ᐂᑉᐸᖏᑦ 12:14

ᑕᒪᓐᓇᓗ ᐅᒃᐱᕐᓂᒃᑯᑦ ᓇᓪᓕᐅᓐᓂᕐᓯᐅᕈᑎᒋᖃᑦᑕᕆᐊᖃᕈᒫᕐᐸᓯ ᐃᖅᑲᐅᒪᒃᓯᕈᑕᐅᖁᓪᓗᒍ ᖃᓄᖅ ᐅᕙᖓ ᐊᑕᓂᐅᔪᖓ ᐱᓇᓱᐊᓚᐅᕐᓯᒪᓂᓐᓂᒃ, ᓇᓪᓕᐅᓐᓂᕐᓯᐅᕐᐸᒍᒫᕐᐸᓯ ᑍᒪᓐᖓᑦ ᓯᕗᓂᕐᒥ ᐱᔪᒫᕐᑐᒥ.”

ᒨᓯᓯ ᐂᑉᐸᖏᑦ 34:23

“ᐊᕐᕌᒍᒥ ᐊᑕᐅᓯᕐᒥ ᐊᖑᑎᓕᒫᑦ ᐱᖓᓱᐃᕐᑐᕐᓗᑎᒃ ᑐᒃᓯᐊᕆᐊᕐᑐᒃᓴᐅᕗᑦ ᐅᕙᓐᓄᑦ, ᐊᑕᓂᕐᒧᑦ, ᐃᓴᕆᐊᓕᒥᐅᑦ ᒎᑎᖓᓐᓄᑦ.

ᒨᓯᓯ ᐱᖓᔪᖏᑦ 23:5

ᖄᖏᕐᑕᐅᕕᒃ, ᐱᒋᐊᓲᖑᕗᖅ ᐅᓪᓛᒃᑯᑦ ᖃᐅᒻᒪᓕᕐᑎᓪᓗᒍ ᐅᓪᓗᐃᑦ 14ᖓᓂ ᑕᖅᑮᓪᓗ ᓯᕗᓪᓕᕐᐹᖓᓂ.

ᒨᓯᓯ ᓯᑕᒪᖏᑦ 28:16

“ᐅᓪᓗᐃᑦ 14ᖓᓂ ᑕᖅᑮᑦ ᓯᕗᓪᓕᕐᐹᖓᓂ ᐊᑕᓂᐅᑉ ᐊᐅᓪᓚᕐᕕᒃᓯᐅᕐᕕᖓ ᓇᓪᓕᐅᑎᕗᖅ.

ᓘᑲᓯᐅᑉ ᐊᒡᓚᖏᑦ 2:42

ᔩᓱᓯ 12ᓂᒃ ᐊᕐᕌᒍᖃᓕᕐᑎᓪᓗᒍ, ᐊᖓᔪᖅᑳᖏᒃᑕ ᐃᓚᒋᓪᓗᒍ ᔨᕉᓴᓕᒻᒧᐊᕐᐳᑦ ᓇᓪᓕᐅᓐᓂᕐᓯᐅᕆᐊᕐᑐᕐᓗᑎᒃ ᐃᓕᖅᑯᓯᕆᕙᒃᑕᒥᒃᑎᑐᑦ;

ᔪᐊᓇᓯᐅᑉ ᐊᒡᓚᖏᑦ 11:55

ᔫᑎᑦ ᓇᓪᓕᐅᓐᓂᕐᓯᐅᕐᕕᖓᑦ ᖄᖏᕐᑕᐅᕕᖕᒥᒃ ᖃᒡᓕᓕᕐᒪᑦ, ᐃᓄᒐᓴᒡᔪᐊᑦ ᓇᓂᑐᐃᓐᓇᖅ ᓄᓇᓖᑦ ᔨᕉᓴᓕᒻᒧᐊᕐᐸᓪᓕᐊᓕᕐᐳᑦ ᖄᖏᕐᑕᐅᕕᐅᑉ ᓯᕗᓂᖓᓂ, ᓴᓗᒻᒪᕐᓴᕐᑕᐅᓂᕐᒥᒃ ᐊᑐᕈᒪᓪᓗᑎᒃ.

ᔪᐊᓇᓯᐅᑉ ᐊᒡᓚᖏᑦ 13:1

ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃᓴᐅᑉ ᓯᕗᓂᖓᓂ, ᔩᓱᓯ ᖃᐅᔨᒪᒐᒥ ᐊᑖᑕᒥᓄᑦ ᐊᐅᓪᓚᕐᕕᒃᓴᖓ ᓯᓚᕐᔪᐊᕐᒥᑦ ᓇᓪᓕᐅᑎᓕᕐᒪᑦ, ᓇᖕᒥᓂᖅ ᐃᓄᖁᑎᓂ ᓇᒡᓕᒋᒐᒥᒋᑦ ᓯᓚᕐᔪᐊᕐᒦᑦᑐᑦ, ᐃᓱᓕᑦᑎᕕᒋᔭᓂ ᑎᑭᓪᓗᒍ ᓇᓪᓕᒌᓐᓇᓚᐅᕐᐰᑦ.

ᔪᐊᓇᓯᐅᑉ ᐊᒡᓚᖏᑦ 2:13

ᔫᑎᑦ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᖓᑦ ᖃᒡᓕᓕᕐᒪᑦ, ᔩᓱᓯ ᔨᕉᓴᓕᒻᒧᐊᕐᐳᖅ.

ᔪᐊᓇᓯᐅᑉ ᐊᒡᓚᖏᑦ 6:4

ᔫᑎᓪᓕ ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᖓᑦ ᖃᒡᓕᓕᕐᐳᖅ.

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 12:18

ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᓕᕔᑎᓪᓗ ᓄᓇᒋᔭᑦᓯᓐᓂ ᓄᓇᖃᕐᑐᑦ, ᑕᒪᒃᑯᐊ ᓂᕆᔭᒃᓴᕆᕙᓯ ᑐᓂᕐᕈᑎᐅᓯᒪᔪᑦ ᐊᑕᓂᐅᑉ ᒎᑎᑦᓯ ᓇᔪᒑᖓᓂ ᐊᓯᐊᓂᐅᖏᑦᑐᖅ, ᐊᑕᓂᐅᑉ ᒎᑎᑦᓯ ᓂᕈᐊᕐᓯᒪᔭᖓᓂ ᑐᓂᕐᕈᓯᕐᕕᒃᓴᐅᖁᔭᖓᓂ ᑕᕝᕙᓂᑐᐊᖅ. ᑕᕝᕙᓂᓗ ᖁᕕᐊᓲᑎᖃᕐᑐᒃᓴᐅᕗᑎᑦ ᐱᓇᓱᐊᕐᓯᒪᔭᓕᒫᕐᓂᒃ.

ᒨᓯᓯ ᑕᓪᓕᒪᖏᑦ 16:16

“ᐊᖑᑎᓕᒫᑦ ᐃᓅᖃᑎᒌᒡᔪᐊᓂᑦ ᐱᓯᒪᔪᑦ ᑐᒃᓯᐊᕆᐊᖃᑦᑕᕐᑐᒃᓴᐅᕗᑦ ᐊᑕᓂᕐᒧᑦ ᐱᖓᓱᐃᕐᑐᕐᓗᑎᒃ ᐊᕐᕌᒍᒥ ᐊᑕᐅᓯᕐᒥ ᑕᕝᕙᓂ ᑐᒃᓯᐊᕐᕕᖕᒥ: ᖄᖏᕐᑕᐅᕕᖕᒥᒃ ᓇᓪᓕᐅᓐᓂᕐᓯᐅᕐᕕᒥ, ᐱᕈᕐᑐᓂᒃ ᑲᑎᕐᓯᕕᐅᑉ ᓇᓪᓕᐅᓐᓂᕐᓯᐅᕐᑕᐅᓂᖓᓂ, ᑐᐲᓐᓇᕐᒥᓗ ᐃᓂᖃᓚᐅᕐᓂᑦᓯ ᓇᓪᓕᐅᓐᓂᕐᓯᐅᕐᑕᐅᓂᖓᓂ. ᐊᖑᑎᓪᓕ ᐊᑐᓂᑦ ᑐᓂᕐᕈᑎᒃᓴᒥᖕᓂᒃ ᓇᒃᓴᕐᑐᒃᓴᐅᕗᑦ;

ᓴᒧᐃᓕ ᓯᕗᓪᓖᑦ 1:21

ᐃᐅᓪᑳᓇᐅᓪᓗ ᐃᓚᓕᒫᖏᑕᓗ ᐊᐅᓪᓚᕐᕕᒃᓴᖓ ᓮᓗᐊᒧᑦ ᓇᓪᓕᐅᑎᖕᒪᑦ ᑐᓂᕐᕈᓯᕆᐊᕐᑐᕐᐳᖅ ᐊᑕᓂᕐᒧᑦ ᐊᕐᕌᒍᑕᒫᕐᓯᐅᑎᒥᒃ ᑐᓂᕐᕈᓯᕆᐊᕐᑐᕐᓗᑎᒃ, ᐊᖏᕈᑎᒋᓯᒪᔭᒥᓂᒡᓗ ᑐᓂᕐᕈᓯᕆᐊᕐᑐᕐᓗᓂ.

ᓴᒧᐃᓕ ᓯᕗᓪᓖᑦ 1:3

ᐊᕐᕌᒍᑕᒫᓪᓕ ᐃᐅᓪᑳᓇ ᐂᕙᓚᐅᕐᐳᖅ ᕌᒪᒥᑦ ᓮᓗᐊᒧᑦ ᑐᓂᕐᕈᓯᕆᐊᕐᑐᕐᓗᓂ ᑐᒃᓯᐊᕆᐊᕐᓗᓂᓗ ᐊᑕᓂᕐᒧᑦ ᐊᔪᒐᖃᖏᑦᑐᒧᑦ, ᕼᐅᐱᓂ ᐱᓂᕼᐋᓯᓗ ᐃᓔᑉ ᐃᕐᓂᖏᒃ ᐃᓚᒋᒡᓗᒋᒃ, ᑖᒃᑯᐊᒃ ᑐᓂᕐᕈᓯᕐᑎᑦᓯᔨᐅᔫᒃ ᐊᑕᓂᕐᒧᑦ.