ᓘᑲᓯᐅᑉ ᐊᒡᓚᖏᑦ 2:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᔫᓯᐱᑦᑕᐅᖅ ᓈᓴᕇᑎᒥᑦ ᐱᓪᓗᓂ ᒐᓕᓕᐊᒦᑦᑐᒥᑦ ᐱᑦᓕᐊᒧᐊᕆᕗᖅ ᔫᑎᐊᒦᑦᑐᒧᑦ, ᑍᕕᑎᐅᑉ ᐃᒡᓗᒐᓴᖏᓐᓄᑦ, ᐱᑦᓕᐊᒥᒃ ᐊᑎᓕᖕᒧᑦ, ᑕᕝᕗᓐᖓᓚᐅᕐᐳᖅ ᑍᕕᑎᐅᑉ ᑭᖑᕚᕆᖕᒪᒍ.

Aglait Ijjurnaittut

⁴ Juusipittauq Naasariitimit pilluni Galiliamiittumit Pitliamuarivuq Juutiamiittumut, Taivitiup iglugasanginnut, Pitliamik atilingmut, tavvunngalauqpuq Taivitiup kinguvaaringmagu.

ᓘᑲᓯᐅᑉ ᐊᒡᓚᖏᑦ 2:4 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 35:19

ᕅᒋᓕᓕ ᑐᖁᖕᒪᑦ, ᐃᓗᕕᕐᑕᐅᕗᖅ ᐃᐸᕋᑕᓕᐊᕆᐊᑉ ᐊᖅᑯᑎᖓᓂ, ᒫᓐᓇᒃᑯᑦ ᐊᑎᖃᓕᕐᑑᑉ ᐱᑦᓕᐊᒥᒃ.

ᒨᓯᓯ ᓯᕗᓪᓖᑦ 48:7

ᓄᓇᒥᓪᓕ ᐸᑖᓐᒥᑦ ᑎᑭᓐᓇᒪ, ᕅᒋᓕ ᑐᖁᓚᐅᕐᐳᖅ ᓴᓂᐊᓂ ᓇᔫᑎᑎᓪᓗᖓ ᓄᓇᒥ ᑬᓇᓂᒥ, ᐃᖏᕐᕋᑎᓪᓗᑕ ᓄᓇ ᐃᐸᕋᑕ ᓱᓕ ᐅᖓᓯᒋᓪᓗᑎᒍ ᑍᑯᓐᖓᕐᐸᓪᓕᐊᓕᕐᓗᑕ; ᑕᕝᕙᓂᓗ ᐃᓗᕕᓚᐅᕐᐸᕋ ᐃᐸᕋᑕᓕᐊᕆᐊᒥ ᐊᖅᑯᒻᒥ (ᑕᕝᕙ ᐱᑦᓕᐊᒥ).”

ᒤᑲᐅᑉ ᐊᒡᓚᖏᑦ 5:2

“ᐃᕝᕕᓪᓕ ᐱᑦᓕᐊᒻ ᐃᐸᕋᑕ, ᔫᑕᒥᐅᓂᑦ ᒥᑭᓐᓂᕐᐹᖑᒐᓗᐊᕐᑐᑎᑦ, ᐃᓕᖕᓂᑦ ᐱᔪᒫᕐᐳᖅ ᐊᐅᓚᑦᓯᔨᒃᓴᖅ, ᐃᓴᕆᐊᓕᒥᐅᓂᒃ ᐊᐅᓚᑦᓯᔨᐅᔪᒫᕐᑐᖅ, ᐃᓚᒌᓂᑦ ᑍᑦᓱᒪᓂᐊᓗᖕᓂᑦ ᐱᔪᒥᒃ ᐃᓱᖃᖏᑦᑐᒥᑦ.”

ᒫᑎᐅᓯᐅᑉ ᐊᒡᓚᖏᑦ 1:20

ᑕᒪᑐᒥᖓ ᐃᓱᒪᖃᓕᕐᑎᓪᓗᒍ, ᑕᑯᒋᑦ, ᐊᑕᓂᐅᑉ ᐂᖏᓕᖓᑕ ᓴᖅᑭᕝᕕᒋᕚ ᓯᓐᓇᒃᑑᒪᒃᑯᑦ, ᐅᖃᕐᓗᓂ, “ᔫᓯᐲ, ᑍᕕᑎᐅᑉ ᐃᕐᓂᖓ, ᓯᕘᕋᓂᐊᕐᓇᒃ ᒥᐊᕆᒥᒃ ᓄᓕᐊᕐᑖᕆᐊᒃᓴᖅ, ᓄᑕᕋᒃᓴᖓ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ ᐱᖕᒪᑦ.

ᒫᑎᐅᓯᐅᑉ ᐊᒡᓚᖏᑦ 2:23

ᐃᒡᓗᒐᓴᖕᓄᑦ ᓈᓴᕇᑎᒥᒃ ᐊᑎᓕᖕᓄᑦ ᑎᑭᓐᓇᒥ, ᑕᕝᕙᓂ ᓄᓇᖃᓕᕐᐳᖅ, ᓇᓚᐅᑦᑍᔫᑦ ᐅᖃᐅᓯᕆᓯᒪᔭᖏᑦ ᓇᓚᐅᑦᓯᓕᕐᐳᑦ ᐃᒤᓕᔪᑦ: “ᓈᓴᕇᑎᒥᐅᑕᕐᒥᒃ ᑍᔭᐅᔪᒫᕐᐳᖅ.”

ᓘᑲᓯᐅᑉ ᐊᒡᓚᖏᑦ 2:3

ᐃᓄᓕᒫᑦ ᑎᑎᕋᕐᑕᐅᔭᕐᑐᓚᐅᕐᐳᑦ ᓯᕗᓕᕕᓂᖏᑕ ᓄᓇᕕᓂᖏᓐᓄᑦ ᐂᓪᓗᑎᒃ.

ᓘᑲᓯᐅᑉ ᐊᒡᓚᖏᑦ 2:5

ᑎᑎᕋᕐᑕᐅᔭᕐᑐᓚᐅᕐᐳᖅ ᒥᐊᕆ ᐱᖃᑎᒋᓪᓗᒍ, ᑖᓐᓇ ᓄᓕᐊᒃᓴᕇᖕᓂᕐᒧᑦ ᐊᖏᖃᑎᒋᓯᒪᔭᓂ, ᓄᑕᕋᒃᓴᓕᒃ.

ᓘᑲᓯᐅᑉ ᐊᒡᓚᖏᑦ 4:16

ᑭᖑᕐᖓᒍᑦ ᔩᓱᓯ ᓈᓴᕇᑎᒧᐊᕐᐳᖅ, ᐱᕈᕐᓴᕕᒋᓚᐅᕐᑕᒥᓄᑦ; ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᓐᓄᐊᕐᐳᖅ, ᐃᓕᖅᑯᓯᕆᕙᒃᑕᒥᑐᑦ ᓴᐸᑎᐅᑎᓪᓗᒍ, ᓂᑯᕕᑉᐳᖅ ᐊᑐᐊᕐᓯᓂᐊᓕᕋᒥ ᐊᒡᓚᖕᓂᒃ;

ᔪᐊᓇᓯᐅᑉ ᐊᒡᓚᖏᑦ 1:46

ᓈᑕᓁᑉ ᐊᐱᕆᕚ, “ᓈᓴᕇᑎᒥᑦ ᐱᐅᔪᒥᒃ ᓴᖅᑭᑦᑐᖃᕈᓐᓇᕐᐹ?” ᐱᓕᑉᐴᓯᐅᑉ ᑭᐅᕚ, “ᕾᓗᑎᑦ ᑕᑯᔭᕐᑐᕆᑦ.”

ᔪᐊᓇᓯᐅᑉ ᐊᒡᓚᖏᑦ 7:42

ᐊᒡᓔᑦ ᐅᖃᕐᓯᒪᕗᑦ, ᙭ᔅᑑᓯᒎᖅ ᑍᕕᑎᐅᑉ ᑭᖑᕚᕆᓛᕐᐹ, ᐃᕐᓂᐊᖑᓛᕐᓗᓂᓗ ᐱᑦᓕᐊᒥ, ᑍᕕᑎᐅᑉ ᓄᓇᕕᓂᖓᓂ.”

ᕉᑎᐅᑉ ᐅᓂᒃᑲᐅᓯᓂᖓ 1:19

ᐱᓱᖃᑎᒌᓕᕐᐴᒃ ᑕᕝᕙ ᐱᑦᓕᐊᒧᑦ. ᑎᑭᒻᒪᑎᒡᓗ ᐱᑦᓕᐊᒥᐅᓕᒪᑦ ᖁᕕᐊᓱᖃᑎᒌᒃᐳᑦ ᑖᒃᑯᐊᒃ ᐱᑦᔪᑎᒋᓪᓗᒋᒃ; ᑕᕝᕙ ᐊᕐᓇᓂᒃ ᐅᖃᕐᑐᖃᖃᑦᑕᓕᕐᐳᖅ, “ᓁᐅᒥᐅᕖ?”

ᕉᑎᐅᑉ ᐅᓂᒃᑲᐅᓯᓂᖓ 2:4

ᑕᒪᑐᒪ ᑭᖑᓂᖓᒍᑦ ᑕᑯᒋᑦ ᐳᐊᓯ ᐱᑦᓕᐊᒥᖔᕐᐳᖅ, ᐅᖃᕐᓗᓂᓗ ᑲᑎᕐᓱᐃᔨᖁᑎᒥᓄᑦ, “ᐊᑕᓂᐅᑉ ᐃᓚᒋᓕᓯ.” ᑖᒃᑯᐊᓗ ᑭᐅᕗᑦ, “ᐊᑕᓂᐅᑉ ᓮᒻᒪᕐᑎᓪᓕᑎᑦ!”

ᕉᑎᐅᑉ ᐅᓂᒃᑲᐅᓯᓂᖓ 4:11

ᑖᒃᑯᐊ ᐊᖓᔪᖅᑳᑦ ᐊᓯᖏᓪᓗ ᐅᖃᕐᐳᑦ, “ᐃᓛᒃ ᑕᒪᑐᒥᖓ ᖃᐅᔨᓯᒪᓂᐊᕐᐳᒍᑦ, ᑐᒃᓯᐊᕐᐳᒍᓪᓗ ᐊᑕᓂᕐᒧᑦ ᑖᓐᓇ ᓄᓕᐊᑖᕆᓂᐊᕐᑍᑦ ᓲᕐᓗ ᕅᒋᓕᑐᑦ ᓕᐊᑐᓪᓗ ᐱᖁᓪᓗᒍ, ᑖᒃᑯᐊᒃ ᕿᑐᕐᖏᐅᓚᐅᕐᒪᑎᒃ ᔧᑯᒃᑯᑦ; ᐊᔪᕐᓴᖏᑦᓯᐊᖁᕙᑦᑎᒋᑦ ᐃᐸᕋᑕᐅᑉ ᑭᖑᕚᕇᖑᖃᑎᒌᖏᓐᓂ ᐃᖅᑲᐅᒪᔭᐅᑦᓯᐊᖁᓪᓗᑎᓪᓗ ᐱᑦᓕᐊᒥ.

ᕉᑎᐅᑉ ᐅᓂᒃᑲᐅᓯᓂᖓ 4:17

ᐊᕐᓇᐅᖃᑎᖏᓐᓂᓪᓗ ᐊᑎᕐᑖᕐᑎᑕᐅᕗᖅ ᐅᐱᑎᒥᒃ, ᐅᖃᐅᑦᔨᓕᕐᓗᑎᒡᓗ, “ᓁᐅᒥ ᐊᖑᑎᑯᓗᖕᒥᒃ ᐃᕐᖑᑕᖃᓕᕐᒪᑦ.” ᑖᓐᓇ ᐅᐱᑎ ᐃᕐᓂᕐᑖᓚᐅᕐᐳᖅ ᔨᓯᒥᒃ, ᑍᕕᑎᐅᑉ ᐊᑖᑕᒋᓚᐅᕐᑕᖓᓂᒃ.

ᓴᒧᐃᓕ ᓯᕗᓪᓖᑦ 16:1

ᐊᑕᓂᕐᓗ ᐅᖃᕐᐳᖅ ᓴᒧᐃᓕᒧᑦ, “ᖃᓄᖅ ᐊᑯᓂᐅᑎᒋᔪᖅ ᕿᒃᓵᖕᓂᐊᕐᐲᑦ ᓴᐅᓕ ᐱᑦᔪᑎᒋᓗᒍ? ᓇᕐᕈᒋᓕᕐᐸᕋ ᐊᖓᔪᖅᑳᕐᔪᐊᖑᓂᖓᓂᒃ ᐃᓴᕆᐊᓕᒥᐅᓄᑦ, ᓇᒡᔪᖁᑏᑦ ᐃᒻᒥᓕᕈᒃ ᐅᕐᓱᒥᒃ, ᐊᐅᓪᓚᕐᓗᑎᓪᓗ; ᑎᓕᕙᒋᑦ ᔨᓯᒧᑦ ᐱᑦᓕᐊᒥᐅᑕᕐᒧᑦ, ᐃᕐᓂᖓᑦᑕ ᐃᓚᖓᑦ ᓂᕈᐊᕐᓯᒪᒐᒃᑯ ᐊᖓᔪᖅᑳᕐᔪᐊᓐᖑᖁᓪᓗᒍ.”

ᓴᒧᐃᓕ ᓯᕗᓪᓖᑦ 16:4

ᓴᒧᐃᓕ ᑕᕝᕙ ᐱᓇᓱᐊᕐᐳᖅ ᐊᑕᓂᐅᑉ ᐱᖁᔨᑦᔪᑎᒋᔭᖓᓂᒃ, ᐱᑦᓕᐊᒧᓪᓗ ᐂᓪᓗᓂ. ᐃᒡᓗᒐᓮᓪᓗ ᐊᖓᔪᖅᑳᖏᑦ ᓴᔪᒃᐳᑦ ᑎᑭᓐᓂᖓᓂᒃ, ᐅᖃᕐᓗᑎᒡᓗ, “ᓮᒪᓂᒃᑯᑦ ᑎᑭᑉᐲᑦ?”

ᓴᒧᐃᓕ ᓯᕗᓪᓖᑦ 17:12

ᑍᕕᑎ ᐃᕐᓂᕆᔭᐅᕗᖅ ᐃᕗᕅᒥᐅᑕᕐᒧᑦ ᐱᑦᓕᐊᒥ ᔫᑕᒦᑦᑐᒥ, ᔨᓯᒥᒃ ᐊᑎᓕᖕᒧᑦ, ᑖᓐᓇ ᐃᕐᓂᖃᕐᐳᖅ ᓯᑕᒪᐅᔪᕐᑐᓂᒃ. ᐃᓄᑐᖃᐅᓕᕐᐳᖅ ᐊᕐᕌᒍᖃᓕᕐᓗᓂᓗ ᐅᓄᕐᑐᓂᒃ, ᑍᑦᓱᒪᓂ ᓴᐅᓕ ᐊᖓᔪᖅᑳᕐᔪᐊᖑᑎᓪᓗᒍ.

ᓴᒧᐃᓕ ᓯᕗᓪᓖᑦ 17:58

ᓴᐅᓕᐅᓪᓗ ᐅᖃᐅᑎᕚ, “ᐃᓅᓱᒃᑑᖅ, ᑭᐊ ᐃᕐᓂᕆᕚᑎᑦ?” ᑍᕕᑎ ᑭᐅᕗᖅ, “ᐱᔨᕕᑦ ᔨᓯᐅᑉ ᐱᑦᓕᐊᒥᐅᑕᐅᑉ ᐃᕐᓂᕆᕚᖓ.”

ᓴᒧᐃᓕ ᓯᕗᓪᓖᑦ 20:6

ᐊᑖᑍᑦ ᑭᓐᖑᐃᒃᐸᑦ ᐅᕙᓐᓂᒃ, ᐅᖃᐅᑎᔪᒫᕐᐸᑦ, ‘ᑍᕕᑎ ᐊᔪᐃᓐᓇᓚᐅᕐᒪᑦ ᐊᖏᕐᕋᕈᓐᓇᕐᑎᑕᐅᔪᒪᓪᓗᓂ ᐱᑦᓕᐊᒻᒧᑦ ᐃᒡᓗᒐᓴᖁᑎᒥᓄᑦ; ᐃᓚᒌᓕᒫᑦ ᑐᓂᕐᕈᓯᕆᐊᖃᕐᓂᖏᑕ ᐊᕐᕌᒍᑕᒫᑦ ᓇᓪᓕᐅᑎᓂᖓᓄᑦ.’