ᓘᑲᓯᐅᑉ ᐊᒡᓚᖏᑦ 2:34 - ᐊᒡᓔᑦ ᐃᑦᔪᕐᖕᓁᑦᑐᑦ

³⁴ ᓯᒥᐅᓂᐅᑉ ᓮᒻᒪᕐᑎᑉᐰᑦ ᐊᓈᓇᖓᓄᑦ ᒥᐊᕆᒧᑦ ᐅᖃᕐᓗᓂ, “ᑕᑯᒋᑦ, ᐅᓇ ᓄᑕᕋᑯᓗᒃ ᐅᓄᕐᑐᓄᑦ ᐃᓴᕆᐊᓕᒥᐅᓄᑦ ᑲᑕᒍᑕᐅᔪᒫᕐᐳᖅ ᒪᑭᑦᔪᑕᐅᔪᒫᕐᓗᓂᓗ, ᓇᓗᓁᒃᑯᑕᐅᔪᒫᕐᐳᖅ ᐊᑭᕋᕐᑐᑕᐅᓗᓂ.

Aglait Ijjurnaittut

³⁴ Simiuniup saimmaqtippait anaananganut Miarimut uqarluni, “Takugit, una nutarakuluk unuqtunut Isarialimiunut katagutaujumaaqpuq makijjutaujumaarlunilu, nalunaikkutaujumaaqpuq akiraqtutauluni.

ᓘᑲᓯᐅᑉ ᐊᒡᓚᖏᑦ 2:34 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 14:19

ᓮᒻᒪᕐᑎᓪᓗᒍᓗ ᐅᖃᐅᑎᕚ, “ᐂᑉᕋᒻ ᒎᑎᐅᑉ ᖁᑦᓯᖕᓂᕐᐹᖑᔫᑉ ᓮᒻᒪᕐᑎᓪᓕᐅᒃ, ᕿᓚᖕᒥᒃ ᓄᓇᒥᒡᓗ ᓴᓇᓚᐅᕐᑑᑉ!

ᒨᓯᓯ ᓯᕗᓪᓖᑦ 47:7

ᑕᕝᕙ ᔫᓯᐱᐅᑉ ᐊᑖᑕᓂ ᑕᕝᕗᓐᖓᐅᑎᒋᕚ, ᐰᕉᒧᓪᓗ ᑕᓯᐅᕐᓗᒍ, ᔧᑰᓪᓗ ᐰᕉ ᓮᒻᒪᕐᑎᑉᐹ.

ᒨᓯᓯ ᐂᑉᐸᖏᑦ 39:43

ᒨᓯᓯᐅᓪᓗ ᑕᒪᕐᒥᒃ ᖃᐅᔨᓴᕐᐰᑦ ᑕᑯᓪᓗᒋᓪᓗ ᑍᒫᑦᓯᐊᖅ ᓴᓇᔭᐅᓯᒪᖕᒪᑕ ᐊᑕᓂᐅᑉ ᐱᖁᔨᓂᕆᓚᐅᕐᑕᖓᑐᑦ. ᑍᒤᒻᒪᑦ ᑕᕝᕙ ᒨᓯᓯᐅᑉ ᓮᒻᒪᕐᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 8:18

ᑕᑯᒋᑦ, ᐅᕙᖓ ᓱᕈᓯᕐᓂᒃ ᐃᓚᖃᕐᐳᖓ ᐊᑕᓂᐅᑉ ᑐᓂᓚᐅᕐᑕᖏᓐᓂᒃ ᐅᕙᓐᓄᑦ! ᓇᓗᓁᒃᑯᑕᐅᕗᒍᑦ ᑲᒪᓇᕐᑐᓕᓂᐅᓪᓗᑕᓗ ᐃᓴᕆᐊᓕᒥ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᓐᓂᑦ, ᓮᐅᓂᒥ ᖃᖅᑲᒥ ᐃᓂᖃᕐᑐᒥᑦ.

ᕼᐆᓯᐊᑉ ᐊᒡᓚᖏᑦ 14:9

ᓇᓪᓕᐊᑦ ᓯᓚᑐᔪᖅ, ᑕᒪᒃᑯᓂᖓ ᑐᑭᓯᓕᕐᓕ; ᓇᓪᓕᐊᑦ ᖃᐅᔨᔪᓐᓇᕐᑐᖅ ᑖᒃᑯᓂᖓ ᖃᐅᔨᓕᕐᓕ; ᐊᑕᓂᐅᑉ ᐊᖅᑯᑎᖏᑦ ᓈᒻᒪᑦᓯᐊᕐᒪᑕ; ᐃᓱᐊᕐᑐᑦ ᑕᒪᓐᓇ ᐊᑐᕐᐹᑦ, ᐱᐅᖏᑦᑐᓕᔪᓪᓕ ᑕᒪᐅᓇ ᐹᓪᓚᒃᐳᑦ.

ᒫᑎᐅᓯᐅᑉ ᐊᒡᓚᖏᑦ 11:19

ᐃᓅᓪᓕ ᐃᕐᓂᖓ ᑎᑭᒻᒪᑦ, ᓂᕆᖃᑦᑕᕐᐳᖅ ᐃᒥᖃᑦᑕᕐᓗᓂᓗ, ᐃᓄᐃᓪᓗ ᐅᖃᕐᐳᑦ, ‘ᐅᓇ ᐊᖑᑦ ᑕᑯᓯᐅᒃ! ᓂᕆᓗᐊᖃᑦᑕᕐᑐᖅ, ᐅᐂᓂᒥᒡᓗ ᐃᒥᕐᑎᐅᓪᓗᓂ, ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖏᑕ ᐊᔪᕐᑐᓕᔪᓪᓗ ᐱᖃᓐᓇᕆᔭᖓᑦ!’ ᒎᑎᐅᓪᓕ ᓯᓚᑐᓂᖓ ᓴᖅᑭᑎᑕᐅᕗᖅ ᐱᓂᐊᕐᓂᖏᑎᒍᑦ.”

ᒫᑎᐅᓯᐅᑉ ᐊᒡᓚᖏᑦ 12:46

ᔩᓱᓯ ᓱᓕ ᐅᖃᓪᓚᒃᑎᓪᓗᒍ ᐃᓄᖕᓄᑦ, ᑕᑯᒋᑦ, ᔩᓱᓯᐅᑉ ᐊᓈᓇᖓ ᖃᑕᓐᖑᑎᖏᓪᓗ ᑕᕝᕗᖓ ᑎᑭᑉᐳᑦ, ᐃᒡᓘᑉ ᓯᓚᑖᓃᓕᕋᒥᒃ, ᔩᓱᓯ ᐅᖃᐅᑦᔭᐅᖁᕚᑦ ᐅᖃᖃᑎᖃᕈᒪᓪᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 21:44

ᓇᓪᓕᐊᑦ ᑕᕝᕗᖓ ᐅᔭᕋᖕᒧᑦ ᑲᑕᒃᑐᖅ ᓯᖁᒥᓐᓂᐊᕐᐳᖅ; ᐅᔭᕋᒃ ᓇᓪᓕᐊᓐᓄᑦ ᑲᑕᒃᑯᓂ, ᑲᑕᒡᕕᒋᔭᒥᓂᒃ ᓯᖃᓪᓕᓯᓂᐊᕐᐳᖅ.]”

ᒫᑎᐅᓯᐅᑉ ᐊᒡᓚᖏᑦ 27:63

ᐅᖃᕐᓗᑎᒃ, “ᐊᖓᔪᖅᑳᖅ, ᐃᖅᑬᒐᑦᑕ ᑍᓐᓇ ᓴᒡᓗᑐᔪᐊᓗᒃ ᓱᓕ ᐃᓅᓪᓗᓂ ᐅᖃᓚᐅᕐᒪᑦ, ‘ᐅᓪᓗᑦ ᐱᖓᔪᐊᓐᓂ ᒪᑭᑦᓱᒫᕐᐳᖓ ᐃᓅᓕᕐᒥᓗᖓ.’

ᓘᑲᓯᐅᑉ ᐊᒡᓚᖏᑦ 2:35

ᐃᕝᕕᑦ ᒥᐊᕆ ᐆᒻᒪᑏᑦ ᑭᓪᓕᒃᑕᐅᔪᒫᕐᐳᖅ ᓴᕕᒡᔪᐊᑎᑐᑦ, ᐃᓄᐃᑦ ᐊᒥᓱᑦ ᐃᓱᒪᖏᑦ ᓴᖅᑭᑎᑦᓱᒫᕐᐰᑦ.”

ᔪᐊᓇᓯᐅᑉ ᐊᒡᓚᖏᑦ 3:20

ᐱᐅᖏᑦᑐᓕᔫᑉ ᖃᐅᒪᔪᖅ ᐆᒥᒋᕚ, ᖃᐅᒪᔪᒧᐊᕈᒪᓇᓂᓗ, ᐱᐅᖏᑦᑐᓕᓂᖏᑦ ᓴᖅᑭᑎᑕᐅᖁᓇᒋᑦ ᖃᐅᒪᔪᒧᑦ.

ᔪᐊᓇᓯᐅᑉ ᐊᒡᓚᖏᑦ 5:18

ᑍᒤᒻᒪᑦ ᔫᑎᑦ ᐊᖓᔪᖅᑳᖏᑕ ᔩᓱᓯ ᑐᖁᑕᐅᕕᒃᓴᕐᓯᐅᒃᑲᓐᓂᓕᕐᐹᑦ, ᓴᐸᑎᒥ ᐱᖁᔭᒥᒃ ᓈᓚᓚᐅᖏᓐᓂᖓ ᐱᑦᔪᑎᒋᑐᐃᓐᓇᕐᓇᒍ, ᐅᖃᕐᓯᒪᓂᖓᓄᓪᓕ ᒎᑎᒥᒃ ᓇᖕᒥᓂᕆᓪᓗᒍ ᐊᑖᑕᖃᕐᓂᕋᕐᒪᑦ, ᒎᑎᒥᒃ ᐃᒻᒥᓂᒃ ᑍᒤᓪᓗᐊᖃᕐᑎᖃᕋᓱᖕᓂᕋᕐᖢᓂᑦᔪᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 13:45

ᔫᑎᓪᓕ ᐃᓄᒋᐊᒃᑐᐊᓗᖕᓂᒃ ᑕᑯᒐᒥᒃ ᐊᑲᐅᒃᓴᕈᓐᓃᕐᐳᑦ ᓵᓐᖓᔭᐅᓂᕐᓴᐅᔪᒪᓪᓗᑎᒃ; ᐅᖃᐅᓯᕐᒥᖕᓄᑦ ᓵᓚᖃᕋᓱᐊᕐᐳᑦ ᐸᐅᓗᓯᒥᒃ ᐱᐅᒋᔭᐅᔪᓐᓃᑎᓇᓱᐊᕐᖢᒍ.

ᐋᐴᓯᑕᓖᑦ ᐱᓂᐊᕐᓂᖏᑦ 17:6

ᓇᓂᖏᓐᓇᒥᑦᔪᒃ, ᔧᓴᓐ ᐅᒃᐱᕐᑐᓪᓗ ᐊᓯᖏᑦ ᑎᒍᕔᑦ, ᓄᓇᓖᑦ ᐊᐅᓚᑦᓯᔨᖏᓐᓄᐊᕐᑎᓪᓗᒋᑦ, ᕾᒐᓛᕐᓗᑎᒃ ᐅᖃᕐᐳᑦ, “ᐅᑯᐊ ᐊᖑᑏᑦ ᐅᐃᒪᔮᕐᑎᑦᓯᓕᕐᐳᑦ ᓇᓂᑐᐃᓐᓇᖅ, ᒫᓐᓇ ᓄᓇᑦᑎᓐᓂ ᑍᒤᓕᐅᓕᕆᕗᑦ,

ᐋᐴᓯᑕᓖᑦ ᐱᓂᐊᕐᓂᖏᑦ 24:5

“ᐅᓇ ᐊᖑᑦ ᖃᐅᔨᔭᕗᑦ ᐃᓅᖃᑎᒌᓂᒃ ᓱᕋᒃᑎᕆᔨᐅᖕᒪᑦ, ᔫᑎᓂᒃ ᓇᓂᑐᐃᓐᓇᖅ ᐅᐃᒪᔮᕐᑎᑦᓯᕙᒃᓗᓂ, ᐊᖓᔪᖅᑳᕆᔭᐅᔪᕐᓗ ᓈᓴᕇᑎᒥᐅᓄᑦ ᐅᒃᐱᕐᑐᓂᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 28:22

ᑐᓴᕈᒪᔪᐊᓘᕗᒍᓪᓕ ᐃᓱᒪᒋᔭᕐᓂᒃ; ᖃᐅᔨᒪᒐᑦᑕ ᓇᓂᑐᐃᓐᓇᖅ ᐃᓄᐃᑦ ᐊᑭᕋᕐᑐᖃᑦᑕᕐᒪᑕ ᑕᒪᑐᒧᖓ ᐃᓚᐅᕕᒋᔭᕐᓄᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 4:26

ᓄᓇᕐᔪᐊᑉ ᐊᖓᔪᖅᑳᕐᔪᐊᖏᑦ ᐅᐸᓗᖕᒊᔭᓕᕐᐳᑦ, ᐊᐅᓚᑦᓯᔨᓪᓗ ᑲᑎᒪᓕᕐᐳᑦ, ᐊᑭᕋᕐᑐᕈᒪᓪᓗᑎᒃ ᐊᑕᓂᕐᒧᑦ ᙭ᔅᑑᓯᖓᓄᓪᓗ.’

ᐋᐴᓯᑕᓖᑦ ᐱᓂᐊᕐᓂᖏᑦ 6:7

ᒎᑎᐅᑉ ᐅᖃᐅᓯᖏᑦ ᐅᒃᐱᕆᔭᐅᓕᕐᐸᓪᓕᐊᕗᑦ; ᐃᓕᓐᓂᐊᕐᑎᑦ ᔨᕉᓴᓕᒻᒥ ᐅᓄᕐᑐᐊᓘᓕᓚᐅᕐᐳᑦ ᐃᓚᕙᓪᓕᐊᓪᓗᑎᒃ, ᑐᓂᕐᕈᓯᕐᑎᑦᓯᔨᑦ ᐊᒥᓱᑦ ᓈᓚᒡᓗᑎᒃ ᐅᒃᐱᓕᓚᐅᕐᐳᑦ.

ᕉᒪᒥᐅᓄᑦ 9:32

ᓱᖕᒪᑦ ᐃᓗᐊᕐᓯᑎᑕᐅᓚᐅᓐᖏᓚᑦ? ᐅᒃᐱᕐᓂᑯᑦ ᕿᓂᓚᐅᖏᒻᒪᑕ, ᐱᓂᐊᕐᓂᒃᑯᓪᓕ ᕿᓂᓚᐅᕐᒪᑕ. ᑍᒤᒻᒪᑦ ᐹᓪᓚᓚᐅᕐᐳᑦ ᐅᔭᕋᖕᒧᑦ ᓈᑎᑕᐅᓪᓗᑎᒃ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:23

ᐅᕙᒍᓪᓕ ᐊᔪᕆᕐᑐᐃᑦᔪᑎᖃᕐᐳᒍᑦ ᙭ᔅᑑᓯᒥᒃ ᑭᑭᐊᒃᑐᕐᑕᐅᓚᐅᕐᑐᒥᒃ, ᔫᑎᓄᑦ ᐅᒃᐱᕈᒪᖏᑦᔪᑕᐅᔪᒥᒃ, ᔫᑎᐅᖏᑦᑐᓄᓪᓗ ᓯᓔᓐᓂᐅᓇᓱᒋᔭᐅᓪᓗᓂ;

ᐄᑉᕈᐃᓄᑦ 7:1

ᒥᓪᑭᓯᑎᒃ ᑖᓐᓇ ᐊᖓᔪᖅᑳᕐᔪᐊᖑᓚᐅᕐᐳᖅ ᓮᓕᒻᒥ ᑐᓂᕐᕈᓯᕐᑎᑦᓯᔨᐅᓪᓗᓂᓗ ᒎᑎᒧᑦ ᖁᑦᓯᖕᓂᕐᐸᐅᔪᒧᑦ. ᐂᑉᕋᕼᐋᒻ ᐅᓇᑕᕆᐊᕐᓯᒪᓚᐅᕐᓗᓂ ᐅᑎᕋᒥ ᓵᓚᖃᕐᓗᓂ ᐊᖓᔪᖅᑳᕐᔪᐊᓂᒃ ᒥᓪᑭᓯᑎᐅᑉ ᐸᕐᕆᐊᕐᓗᓂᐅᒃ ᓮᒻᒪᕐᑎᓚᐅᕐᐹ,

ᐄᑉᕈᐃᓄᑦ 7:7

ᖁᓚᕐᓇᖏᑦᓯᐊᕐᐳᖅ ᑖᓐᓇ ᓮᒻᒪᕐᑎᑦᓯᔪᖅ ᐱᓪᓚᕆᐅᓂᕐᓴᐅᖕᒪᑦ ᓮᒻᒪᕐᑎᑕᐅᔪᒥᑦ.

ᐲᑦᑐᕉᓯ ᓯᕗᓪᓖᑦ 4:14

ᐅᖃᕐᓂᕐᓗᒃᕕᐅᒍᑦᓯ ᙭ᔅᑑᓯᐅᑉ ᐊᑎᖓ ᐱᓪᓗᒍ, ᑕᑉᕙ ᓮᒻᒪᕐᑎᑕᐅᑦᔪᑎᒃᓴᖃᕐᐳᓯ ᒎᑎᐅᑉ ᐊᓂᕐᓂᖓ ᐱᓐᓇᕐᓇᕐᑐᕐᔪᐊᖅ ᐃᓂᖃᕐᒪᑦ ᐃᓕᑦᓯᓐᓂ.

ᓴᒧᐃᓕ ᓯᕗᓪᓖᑦ 2:20

ᐃᓔᓪᓗ ᓮᒻᒪᕐᑎᑉᐸᓚᐅᕐᐹ ᐃᐅᓪᑳᓇ ᓄᓕᐊᖓᓗ, ᐅᖃᕐᐸᒡᓗᓂᓗ ᐃᐅᓪᑳᓇᒧᑦ, “ᐊᑕᓂᐅᑉ ᕿᑐᕐᖓᕐᑖᕐᑎᒃᑲᓐᓂᕐᓕᓯᒃ ᐊᕐᓇᒃᑯᑦ ᑖᑦᓱᒨᓇ ᑭᖑᕝᕕᕐᑕᐅᖁᓪᓗᒍ ᑐᓂᓚᐅᕐᑕᖓᓂᒃ ᐊᑕᓂᕐᒧᑦ.” ᐱᔭᕇᕋᖓᒥ ᐊᖏᕐᕋᕐᐸᓚᐅᕐᐴᒃ.