ᓘᑲᓯᐅᑉ ᐊᒡᓚᖏᑦ 18:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᕉᒪᒥᐅᓪᓕ ᑮᓇᐅᔧᕐᑎᑦᓯᔨᖓ, ᖃᓂᖏᑦᑐᒥ ᓇᖏᕐᐳᖅ, ᖁᒻᒧᓪᓘᓐᓃᑦ ᐋᕐᓗᕈᒪᖏᑦᑐᖅ, ᓴᒡᕕᓂᓗ ᐸᑎᒃᑕᕐᓗᒍ ᐅᖃᕐᐳᖅ, ‘ᒎᑎ ᓂᑲᒋᓚᐅᓐᖓ ᐊᔪᕐᑐᓕᔨᐊᓘᒐᒪ!’

Aglait Ijjurnaittut

¹³ Ruumamiulli kiinaujaiqtitsijinga, qaninngittumi nangiqpuq, qummulluunniit aarlurumanngittuq, sagvinilu patiktarlugu uqaqpuq, ‘Guuti nikagilaunnga ajuqtulijialuugama!’

ᓘᑲᓯᐅᑉ ᐊᒡᓚᖏᑦ 18:13 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 12:13

ᑍᕕᑎ ᐅᖃᕐᐳᖅ ᓁᑕᓂᒧᑦ, “ᐊᔪᕐᑐᓕᓚᐅᕐᐳᖓ ᐊᑕᓂᕐᒧᑦ.” ᓁᑕᓂᓗ ᑭᐅᕗᖅ, “ᐊᑕᓂᐅᑉ ᐃᓱᒪᒋᔪᓐᓁᕐᕕᒋᓯᒪᕚᑎᑦ; ᑐᖁᓂᐊᓐᖏᓚᑎᑦ.

ᑯᕉᓂᑲ ᐂᑉᐸᖏᑦ 33:19

ᑐᒃᓯᐊᕐᓂᖓᓗ, ᖃᓄᕐᓗ ᒎᑎᒧᑦ ᑭᐅᔭᐅᓚᐅᕐᓂᖓ ᕿᓄᓂᖓᓄᑦ, ᐊᔪᕐᑐᓕᓂᓕᒫᖏᓪᓗ ᐅᒃᐱᓚᐅᖏᓐᓂᖓᓗ, ᓇᓂᓗ ᑐᒃᓯᐊᕐᕕᓕᐅᓚᐅᕐᓂᖓ ᒎᑎᓐᖑᐊᓄᑦ ᐋᖅᑭᒃᓱᐃᓚᐅᕐᓂᖓᓗ ᕿᔪᖕᓂᒃ ᐊᓯᕋᒥᒃ ᐊᑎᓕᖕᒥᒃ ᐃᓄᓐᖑᐊᓂᒡᓗ ᓴᓇᓚᐅᕐᓂᖓ, ᒥᑭᒡᓕᑎᓚᐅᖏᓐᓂᕐᒥᓂ, ᑕᑯᒋᑦ, ᑎᑎᕋᕐᓯᒪᕗᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓᑕ ᑎᑎᕋᕐᓯᒪᔪᖁᑎᖏᓐᓂ.

ᑯᕉᓂᑲ ᐂᑉᐸᖏᑦ 33:23

ᐃᒻᒥᓂᒃ ᒥᑭᒡᓕᑎᓚᐅᓐᖏᓚᖅ ᐊᑕᓂᐅᑉ ᓵᖓᓂ, ᐊᑖᑕᖓᑕ ᒫᓇᓯᐅᑉ ᒥᑭᒡᓕᑎᕐᓂᕆᓚᐅᕐᑕᖓᑐᑦ; ᐋᒪᓐᓕ ᕿᒤᕙᓪᓕᐊᑐᐃᓐᓇᓚᐅᕐᐳᖅ ᐸᓯᔭᒃᓴᕈᕐᐸᓪᓕᐊᑐᐃᓐᓇᕐᓗᓂᓗ.

ᐄᓱᕋᐅᑉ ᐊᒡᓚᖏᑦ 9:6

ᐅᖃᕐᓗᖓᓗ: “ᒎᑏᒃ, ᑲᓐᖑᓱᓗᐊᕐᐳᖓ ᐃᓕᕋᓱᒃᓗᖓᓗ ᐃᓕᖕᓄᑦ ᐋᕐᓗᕆᐊᒃᓴᖅ ᒎᑎᒐ, ᓵᖕᓂ ᐊᔪᕐᓂᕗᑦ ᐳᕐᑐᓂᕐᓴᐅᓕᕐᒪᑕ ᓂᐊᖁᑦᑎᓐᓂᑦ; ᐸᓯᔭᒃᓴᐅᓂᕗᓪᓗ ᐊᓪᓛᑦ ᑎᑭᐅᑎᕗᑦ ᕿᓚᖕᒧᑦ.

ᔫᐱᐅᑉ ᐊᒡᓚᖏᑦ 42:6

ᑍᒤᒻᒪᑦ ᑲᓐᖑᓱᓕᕐᐳᖓ ᐸᓯᔭᒃᓴᐅᓕᕐᓗᖓᓗ, ᖃᕿᐊᓕᕐᓗᖓᓗ ᐳᔪᕋᒥᑎᕐᓂᐊᕐᐳᖓ ᐊᕐᔭᓕᓂᕐᑎᕐᓗᖓᓗ.”

ᐃᓐᖏᕈᑎᑦ 106:6

ᐊᔪᕐᑐᓕᓚᐅᕐᐳᒍᑦ ᓯᕗᓕᕆᓚᐅᕐᑕᕗᑦ ᐃᓚᒋᓪᓗᒋᑦ; ᓈᒻᒪᖏᑦᑐᓕᒻᒪᕆᒃᓯᒪᕗᒍᑦ, ᐱᐅᖏᑦᑐᓕᓯᒪᓪᓗᑕᓗ.

ᐃᓐᖏᕈᑎᑦ 119:41

ᐊᑕᓃᖅ, ᓇᒡᓕᒍᓱᖕᓃᑦ ᓱᖁᓯᔪᐃᑦᑐᖅ ᐅᕙᓐᓄᑦ ᑎᑭᐅᑎᑎᓚᐅᕈᒃ, ᐱᐅᓕᒃᓯᓃᓪᓗ ᐅᖃᐅᓯᕐᑎᑦ ᒪᓕᒡᓗᒋᑦ.

ᐃᓐᖏᕈᑎᑦ 130:7

ᐃᓴᕆᐊᓕᑎᒃᑯᑦ, ᐊᑕᓂᖅ ᓂᕆᐅᒡᕕᒋᓯᐅᒃ! ᐊᑕᓂᕐᒥ ᓇᒡᓕᖕᓂᕐᑕᖃᕐᒪᑦ ᓱᖁᓯᔪᐃᑦᑐᒥᒃ, ᐱᐅᓕᔭᐅᕕᒃᓴᕐᑕᖃᕐᓗᓂᓗ ᐊᖏᔪᒥᒃ ᑖᑦᓱᒪᓂ.

ᐃᓐᖏᕈᑎᑦ 25:11

ᐊᑏᑦ ᐱᓪᓗᒍ, ᐊᑕᓃᖅ, ᐃᓱᒪᒋᔪᓐᓁᕐᕕᒋᓐᖓ ᑕᒻᒪᕐᓂᓐᓂᒃ, ᐅᓄᕐᑐᐊᓘᒐᓗᐊᕐᑎᓪᓗᒋᑦ.

ᐃᓐᖏᕈᑎᑦ 25:7

ᐃᓅᓱᒃᑑᓂᓐᓄᑦ ᐊᔪᕐᑐᓕᓂᕆᓚᐅᕐᑕᒃᑲ ᐃᖅᑲᐅᒪᓂᐊᕐᓇᒋᑦ, ᑕᐸᓱᖕᓂᕆᓚᐅᕐᑕᒃᑲᓘᓐᓃᑦ; ᓇᒡᓕᒍᓱᖕᓂᕐᓄᑦ ᓱᖁᓯᔪᐃᑦᑐᒧᑦ, ᐃᖅᑲᐅᒪᓐᖓ, ᐱᐅᔫᒐᕕᑦ, ᐊᑕᓃᖅ.

ᐃᓐᖏᕈᑎᑦ 40:12

ᓈᓴᒐᒃᓴᐅᖏᑦᑐᑦ ᐱᐅᖏᑦᑐᑦ ᐊᕙᓗᓯᒪᕚᖓ; ᐱᐅᖏᑦᑐᓕᓂᕐᒪᓗ ᓵᓚᒋᓯᒪᖕᒪᖓ, ᖁᒻᒧᓪᓘᓐᓃᑦ ᑕᑯᓴᕈᓐᓁᓪᓕᓪᓗᖓ; ᐅᓄᕐᓂᕐᓴᐅᖕᒪᑕ ᓄᔭᓐᓂᑦ ᓂᐊᖁᓐᓃᑦᑐᓂᑦ; ᑍᒤᒻᒪᑦ ᐆᒻᒪᑎᒐ ᐊᔪᓕᕐᐳᖅ.

ᐃᓐᖏᕈᑎᑦ 41:4

ᐅᖃᓚᐅᕐᐳᖓ, “ᐊᑕᓃᖅ, ᓂᑲᒋᓚᐅᓐᖓ; ᑕᕐᓂᕋ ᐃᓅᓕᓚᐅᕈᒃ ᐃᓕᖕᓄᑦ ᐱᐅᖏᑦᑐᓕᓯᒪᒐᒪ.”

ᒨᓯᓯ ᐂᑉᐸᖏᑦ 33:10

ᐃᓄᓕᒫᓪᓕ ᓄᕗᔭᒥᒃ ᐊᒥᑦᑐᑳᒥᒃ ᑐᐱᐅᑉ ᐹᖓᓄᑦ ᐊᒻᒧᐊᒃᑐᒥᒃ ᑕᑯᔭᕅᒐᒥᒃ, ᐅᑯᓪᓗᑎᒃ ᑐᒃᓯᐊᓕᖃᑦᑕᓚᐅᕐᐳᑦ, ᐃᓄᓕᒫᑦ ᑐᐱᕐᒥᒃᑕ ᐹᖏᓐᓂ.

ᐂᓮᐊᓯᐅᑉ ᐊᒡᓚᖏᑦ 1:18

“ᐊᑕᓂᖅ ᐅᖃᕐᐳᖅ, ᕾᒋᑦᓯ ᐃᓱᒪᓕᐅᖃᑎᒌᓚᐅᕐᑕ ᑕᒪᑐᒥᖓ, ᐊᔪᕐᓂᓯ ᐊᐅᑉᐸᕆᒃᑐᑐᑦ ᑍᒤᒃᑲᓗᐊᕐᐸᑕ, ᐊᐳᑎᑐᑦ ᖃᑯᕐᓯᑎᑕᐅᔪᒫᕐᐳᑦ; ᐊᐅᐸᓪᓚᕆᒃᑐᑐᓪᓗ ᑍᒤᒐᓗᐊᕐᐸᑕ, ᓰᐱᐅᑉ ᒥᖅᑯᖏᑎᑐᑦ ᖃᑯᕐᓯᑎᒋᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 6:5

ᑕᕝᕙ ᐅᖃᕐᐳᖓ: “ᑲᑉᐱᐊᓐᓇᒦᒃ, ᑐᖁᓂᐊᓕᕐᐳᖓ; ᓴᓗᒪᖏᑦᑐᒥᒃ ᖃᓂᕋ ᑕᑕᒻᒪᑦ, ᐃᓅᖃᑎᖃᕋᒪᓗ ᓴᓗᒪᖏᑦᑐᓂᒃ ᐅᖃᓪᓚᖃᑦᑕᕐᑐᓂᒃ; ᐃᔨᓐᓄᑦ ᓇᖕᒥᓂᖅ ᑕᑯᒐᒃᑯ ᐊᖓᔪᖅᑳᕐᔪᐊᖅ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ.”

ᐂᓮᐊᓯᐅᑉ ᐊᒡᓚᖏᑦ 66:2

ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.

ᐃᓯᑭᐊᓕᐅᑉ ᐊᒡᓚᖏᑦ 16:63

ᐱᓂᐊᕐᓂᕆᖃᑦᑕᓚᐅᕐᑕᓯᓐᓂᒃ ᐃᖅᑬᒍᑦᓯ ᐅᖃᐅᓯᕆᔭᕆᐊᖏᓪᓘᓐᓃᑦ ᑲᓐᖑᓇᓗᐊᓕᕈᒫᕐᐳᑦ, ᐃᓱᒪᒋᔪᓐᓁᕐᕕᒋᒍᑦᓯ ᑕᒻᒪᕈᑎᒋᓯᒪᔭᓕᒫᑦᓯᓐᓂᒃ. ᐊᑕᓂᖅ ᒎᑎ ᐅᖃᕐᐳᖅ.”

ᑖᓂᐊᓕᐅᑉ ᐊᒡᓚᖏᑦ 9:5

“ᐱᐅᖏᑦᑐᓕᓯᒪᒐᑦᑕ ᓈᒻᒪᖏᑦᑐᓂᒡᓗ ᐱᓂᐊᕐᓂᖃᕐᓯᒪᓪᓗᑕ, ᐱᐅᖏᑦᑐᐊᓘᓯᒪᒐᑦᑕ ᐃᓕᖕᓂᒡᓗ ᐊᑭᕋᕐᑐᕐᓯᒪᓪᓗᑕ; ᒪᓕᒐᒃᓴᐅᖁᔭᕐᓂᒃ ᐱᖁᔭᕐᓂᒡᓗ ᕿᒤᓯᒪᒐᑦᑕ.

ᒫᑎᐅᓯᐅᑉ ᐊᒡᓚᖏᑦ 10:3

ᐱᓕᑉᐴᓯ, ᐸᑎᐅᓗᒥᐅᓗ; ᑑᒪᓯ, ᒫᑎᐅᓯᓗ, ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖓᑦ; ᔧᒥᓯᓗ ᐊᐅᓪᐱᐊᓯᐅᑉ ᐃᕐᓂᖓ, ᑖᑎᐊᓯᓗ;

ᒫᑎᐅᓯᐅᑉ ᐊᒡᓚᖏᑦ 6:5

“ᑐᒃᓯᐊᓕᕌᖓᑦᓯ ᑕᒃᑯᕐᒨᕐᑐᑎᑐᑦ ᑍᒤᑦᑐᒃᓴᐅᓐᖏᓚᓯ; ᑍᒃᑯᐊ ᐃᓄᖕᓄᑦ ᑕᑯᓐᓇᕐᑕᐅᔪᒪᑐᐃᓐᓇᕐᖢᑎᒃ ᑐᒃᓯᐊᓲᖑᖕᒪᑕ ᓇᖏᕐᓗᑎᒃ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ. ᓱᓕᔪᒥᒃ ᐅᖃᐅᑎᕙᑦᓯ, ᑖᒃᑯᐊ ᐊᑭᓕᕐᑕᐅᔭᕇᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 9:13

ᐊᑏ ᖃᐅᔨᓴᑦᓯᐊᓚᐅᕆᑦᓯ, ᒎᑎᐅᑉ ᐅᖃᐅᓯᖏᓐᓂ ᖃᓄᖅ ᑐᑭᖃᕐᒪᖔᑦ, ᐃᒫᒃ ᐅᖃᕐᓯᒪᔪᖅ: ‘ᓂᑲᒍᓱᖕᓂᖅ ᐱᔪᒪᕙᕋ, ᐆᒪᔪᓂᒃ ᑐᓂᕐᕈᓯᕐᓂᐅᖏᑦᑐᖅ.’ ᓇᓛᒎᑦᓯᐊᕐᑐᓂᒃ ᑎᑭᑦᔪᑎᖃᕐᓯᒪᓐᖏᓚᖓ, ᐊᔪᕐᑐᓕᔪᓂᒡᓕ ᕾᖁᔨᔭᕐᑐᕐᐳᖓ.”

ᒫᑯᓯᐅᑉ ᐊᒡᓚᖏᑦ 11:25

ᓇᖏᕐᓗᓯᓕ ᑐᒃᓯᐊᕈᑦᓯ, ᐃᓱᒪᒋᔪᓐᓁᕐᕕᖃᕆᑦᓯ ᐃᓅᖃᑎᑦᓯ ᐊᑲᐅᒃᓴᖏᒃᔪᑎᒃᓴᖃᕈᑦᓯ; ᐊᑖᑕᑦᓯᓐᓄᑦᑕᐅᖅ ᕿᓚᖕᒦᑦᑐᒧᑦ ᐃᓱᒪᒋᔪᓐᓁᕐᕕᐅᖁᓪᓗᓯ ᐊᔪᕐᑐᓕᓂᑦᓯᓐᓂᑦ. [

ᓘᑲᓯᐅᑉ ᐊᒡᓚᖏᑦ 17:12

ᓄᓇᓕᖕᓄᐊᓕᕐᑎᓪᓗᒍ, ᐅᐸᒃᑕᐅᕗᖅ ᐊᖑᑎᓂᑦ ᖁᓕᓂᑦ, ᑲᑉᐱᐊᒋᔭᐅᔪᒥᒃ ᐸᕐᑎᕐᑐᓂᑦ, ᑖᒃᑯᐊ ᖃᓂᖏᑦᑐᒥ ᓇᖏᕐᐳᑦ,

ᓘᑲᓯᐅᑉ ᐊᒡᓚᖏᑦ 22:41

ᕿᒪᒃᐰᑦ ᒥᓘᑎᒧᑦ ᑎᑭᑕᒃᓴᐅᔪᒧᑦ, ᓰᖅᑯᕐᓗᓂ ᑐᒃᓯᐊᕐᐳᖅ,

ᓘᑲᓯᐅᑉ ᐊᒡᓚᖏᑦ 23:48

ᐃᓄᓕᒫᑦ ᑕᕝᕙᓃᑦᑐᑦ ᑕᑯᔭᕐᑐᕐᓯᒪᔪᑦ, ᑕᒪᑐᒥᖓ ᖃᐅᔨᒐᒥᒃ ᖃᓄᐃᑦᑐᖃᕐᒪᖔᑦ, ᐊᖏᕐᕋᓕᕐᐳᑦ ᓴᒡᕕᖕᒥᖕᓂᒃ ᐸᑎᒃᓯᖃᑦᑕᕐᓗᑎᒃ ᕿᒃᓵᖕᓂᕐᒧᑦ.

ᓘᑲᓯᐅᑉ ᐊᒡᓚᖏᑦ 5:8

ᓮᒨᓂ ᐲᑦᑐᕉᓯ ᑕᒪᑐᒥᖓ ᑕᑯᒐᒥ, ᔩᓱᓯᐅᑉ ᓵᖓᓄᑦ ᓰᖅᑯᕐᐳᖅ, ᐅᖃᕐᓗᓂ, “ᕿᒪᓚᐅᓐᖓ ᐊᑕᓃᖅ ᐱᐅᖏᑦᑐᐊᓘᒐᒪ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:37

ᐃᓄᐃᑦ ᑕᒪᑐᒥᖓ ᑐᓴᕋᒥᒃ ᐆᒻᒪᑎᒥᒍᑦ ᐊᒃᑐᕐᑕᐅᕗᑦ, ᐲᑦᑐᕉᓯᒧᑦ ᐋᐴᓯᑕᓕᖕᓄᓪᓗ ᐅᖃᓕᕐᓗᑎᒃ, “ᐃᓅᖃᑎᕗᑦ ᖃᓄᕐᓕ ᐱᓂᐊᓕᕐᐱᑖ?”

ᕉᒪᒥᐅᓄᑦ 5:8

ᒎᑎᐅᓪᓕ ᓇᒡᓕᖕᓂᓂ ᐅᕙᑦᑎᓐᓄᑦ ᓴᖅᑭᑎᓚᐅᕐᐹ ᓱᓕ ᐊᔪᕐᑐᓕᔨᐅᑎᓪᓗᑕ ᙭ᔅᑑᓯᐅᑉ ᑐᖁᑦᔪᑎᒋᓚᐅᕐᐹᑎᒍᑦ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:11

ᑕᕝᕙ ᖃᐅᔨᓕᕆᑦᓯ ᑕᒪᓐᓇ ᕿᒃᓵᒃᑎᑕᐅᓂᓯ ᖃᓄᖅ ᒎᑎᒧᑦ ᐊᑐᕐᑕᐅᓯᒪᓂᖓᓂᒃ; ᐱᒋᐊᒃᑲᓐᓂᕈᑎᒋᒐᑦᓯᐅᒃ ᐸᓯᔭᒃᓴᐅᔪᒪᖏᓐᓂᑦᓯᓐᓄᓪᓗ ᓇᓗᓁᕐᓯᑦᔪᑎᒋᓪᓗᒍ, ᓯᕘᕋᓂᖃᕐᑎᓚᐅᕐᒪᓯ ᓇᒡᓕᒍᓱᖕᓂᖃᕐᑎᒻᒪᓯᓗ ᐃᓱᒪᔮᕈᑎᖃᕐᑎᒻᒪᓯᓗ, ᐊᑲᐅᔪᒥᒃ ᐃᖅᑲᕐᑐᐃᓂᖅ ᓴᖅᑭᖁᓪᓗᒍ. ᑕᕝᕙ ᑕᒤᑎᒍᑦ ᓇᓗᓁᕐᐳᓯ ᐸᓯᔭᒃᓴᐅᖏᓐᓂᑦᓯᓐᓂᒃ.

ᑎᒧᑎᒧᑦ ᓯᕗᓪᓖᑦ 1:15

ᐅᖃᐅᓯᖅ ᐃᒤᓕᔪᖅ ᓱᓕᕗᖅ ᓈᒻᒪᒋᔭᐅᔭᕆᐊᓕᒃ ᐅᒃᐱᕆᔭᐅᓗᓂᓗ, ᙭ᔅᑑᓯ ᔩᓱᓯ ᓯᓚᕐᔪᐊᕐᒧᑦ ᑎᑭᓚᐅᕐᒪᑦ ᐊᔪᕐᑐᓕᔪᑦ ᐱᐅᓕᔭᕐᑐᕐᓗᒋᑦ; ᐅᕙᖓᓕ ᑖᒃᑯᓇᓐᖓᑦ ᐊᔪᕐᑐᓕᔪᓂᑦ ᐱᐅᖏᓐᓂᕐᐹᖑᕗᖓ.

ᐄᑉᕈᐃᓄᑦ 4:16

ᑍᒤᒻᒪᑦ ᓯᕘᕋᖏᓪᓗᑕ ᐃᒃᓯᕙᐅᑕᕐᔪᐊᖅ ᖃᒡᓕᓕᕐᓚᕗᑦ ᐱᑦᓯᐊᕐᕕᐅᓂᖅ, ᑕᕝᕙᓂ ᓂᑲᒋᔭᐅᖁᓪᓗᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᓪᓗ ᐃᑲᔪᕐᑕᐅᖁᓪᓗᑕ ᐃᑲᔪᕐᑕᐅᔭᕆᐊᖃᕐᓂᕗᑦ ᒪᓕᒡᓗᒍ.

ᐄᑉᕈᐃᓄᑦ 8:12

ᐱᐅᖏᑦᑐᓕᓂᖏᑦ ᐃᓱᒪᒋᔪᓐᓁᕈᒫᕋᒃᑭᑦ ᐊᔪᕐᓂᖏᓪᓗ ᐃᖅᑲᐅᒪᔪᓐᓃᕈᒫᕐᐸᒃᑲ.”