ᓘᑲᓯᐅᑉ ᐊᒡᓚᖏᑦ 16:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᔩᓱᓯᐅᑉ ᐅᖃᐅᑎᕔᑦ, “ᐃᓕᑦᓯ ᑕᕝᕙ ᐃᓄᖕᓄᑦ ᓈᒻᒪᒋᔭᐅᑦᓯᐊᕋᓱᐊᕐᐳᓯ, ᒎᑎᐅᓪᓕ ᐆᒻᒪᑎᓯ ᖃᐅᔨᒪᕔᑦ; ᐃᓄᖕᓄᑦ ᓂᕐᑐᕐᑕᐅᔪᑦ ᒎᑎᒧᑦ ᐊᑑᑎᖃᖏᒻᒪᑕ.

Aglait Ijjurnaittut

¹⁵ Jiisusiup uqautivait, “Ilissi tavva inungnut naammagijautsiarasuaqpusi, Guutiulli uummatisi qaujimavait; inungnut niqtuqtaujut Guutimut atuutiqanngimmata.

ᓘᑲᓯᐅᑉ ᐊᒡᓚᖏᑦ 16:15 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 29:17

ᖃᐅᔨᒪᕗᖓ, ᒎᑎᒑ, ᐆᒻᒪᑏᑦ ᖃᐅᔨᓴᖃᑦᑕᕋᕕᒋᑦ, ᐃᓱᐊᕐᓂᕐᒦᑦᑐᓪᓗ ᖁᕕᐊᒋᒐᕕᒋᑦ; ᐅᕙᖓᓕ, ᐆᒻᒪᑎᒪ ᐃᓱᐊᕐᓂᖓᓄᑦ ᓇᖕᒥᓂᖅ ᐱᔪᒪᓂᕋ ᒪᓕᒡᓗᒍ ᑐᓂᓯᕗᖓ ᑕᒪᒃᑯᓂᖓᓕᒫᖅ, ᒫᓐᓇᓗ ᐃᓄᖁᑎᑎᑦ ᑕᑯᓯᒪᕙᒃᑲ, ᒫᓐᓇ ᐅᕙᓃᑦᑐᑦ, ᐱᔪᒪᑦᓯᐊᕐᓗᑎᒃ ᖁᕕᐊᓱᒡᓗᑎᒡᓗ ᑐᓂᓯᕗᑦ ᐃᓕᖕᓄᑦ.

ᑯᕉᓂᑲ ᐂᑉᐸᖏᑦ 6:30

ᑐᓴᓚᐅᕆᑦ ᕿᓚᖕᒥᑦ ᐃᓂᒋᔭᕐᓂᑦ, ᐃᓱᒪᒋᔪᓐᓁᕐᓗᒋᓪᓗ, ᑐᓂᓯᕕᒋᓗᒋᓪᓗ ᐊᑐᓂᑦ ᐱᔭᕆᐊᖃᕐᓂᖏᑦ ᒪᓕᒡᓗᒋᑦ ᐆᒻᒪᑎᖏᑦ ᖃᐅᔨᒪᒐᕕᒋᑦ, ᐱᓂᐊᕐᓂᖏᓪᓗ ᒪᓕᒡᓗᒋᑦ (ᐃᕝᕕᑐᐊᖅ ᑭᓯᕕᑦ, ᐆᒻᒪᑎᖏᑦ ᖃᐅᔨᒪᒐᕕᒋᑦ ᐃᓅᑉ ᕿᑐᕐᖓᖏᑦ);

ᐃᓐᖏᕈᑎᑦ 10:3

ᐱᐅᖏᑦᑐᓕᔪᑦ ᐆᒻᒪᑎᒥ ᐱᔪᒪᔭᖏᓐᓂᒃ ᐱᐅᔪᕆᑦᔪᑎᖃᕐᐳᑦ; ᐱᔪᒪᑐᓛᕐᑐᑦ ᐱᔪᒪᔭᖏᓐᓂᒃ ᑐᓂᓯᕕᒋᕔᑦ, ᐊᑕᓂᕐᒥᒡᓗ ᓇᕐᕈᒋᔭᖃᕐᓗᑎᒃ.

ᐃᓐᖏᕈᑎᑦ 49:13

ᑍᒫᒃ ᑕᕝᕙ ᓯᓔᑦᑐᑦ ᐱᐅᓯᖓᑦ, ᒪᓕᒃᑎᖏᑕᓗ, ᐅᖃᐅᓯᕆᕙᒃᑕᖏᓐᓂᒃ ᓈᒻᒪᒃᓴᕐᑐᑦ. ᓰᓚ

ᐃᓐᖏᕈᑎᑦ 49:18

ᐃᓅᓂᕐᒥᓂ ᐃᒻᒥᓂᒃ ᓮᒻᒪᕐᑎᓯᒪᓂᕋᕐᐳᖅ ᐊᔪᕐᓴᓐᖏᓕᕈᕕᑦ ᐃᓄᖕᓂᑦ ᓂᕐᑐᕐᑕᐅᓂᐊᕋᕕᑦ,

ᐃᓐᖏᕈᑎᑦ 7:9

ᐱᐅᖏᑦᑐᓕᔪᑦ ᐱᐅᖏᑦᑐᓕᓂᖏᑦ ᐃᓱᓕᑎᓚᐅᒃᑭᑦ, ᐃᓱᐊᕐᑐᓕᔪᓪᓗ ᑲᔪᓯᑎᓪᓗᒋᑦ; ᐃᓱᐊᕐᑐᓕᔫᑉ ᐆᒻᒪᑎᖏᑦ ᐃᓱᒪᖏᓪᓗ ᒎᑎᐅᑉ ᖃᐅᔨᓴᕐᐰᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:5

ᐱᐅᔪᕆᔪᓕᒫᑦ ᐊᑕᓂᕐᒧᑦ ᓇᕐᕈᓇᕐᐳᑦ, ᖃᐅᔨᒪᓕᕆᑦ ᐊᑕᓂᐅᑉ ᓱᒋᐊᓐᖏᓮᓐᓇᕐᓂᐊᓐᖏᓔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:6

ᐃᓄᐃᑦ ᐅᓄᕐᑐᑦ ᑕᑎᒋᔭᐅᔪᓐᓇᕐᓂᕋᕐᓗᑎᒃ ᐅᖃᕈᓐᓇᕐᐳᑦ, ᑭᓇᓕ ᑕᑎᒋᔭᒃᓴᓪᓚᕆᖕᒥᒃ ᓇᓂᓯᔪᓐᓇᕐᐸ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:2

ᐃᓅᑉ ᐊᑐᕐᑕᓕᒫᓂ ᓈᒻᒪᒐᓱᒋᕔᑦ ᑕᐅᑐᒃᑕᒥᒍᑦ, ᐊᑕᓂᐅᓪᓕ ᐆᒻᒪᑎᖏᑎᒍᑦ ᖃᐅᔨᓴᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 17:10

ᐅᕙᖓ ᐊᑕᓂᖅ ᖃᐅᔨᓴᕈᓐᓇᕐᐳᖓ, ᐃᓅᑉ ᐆᒻᒪᑎᖓᓂᒃ ᐃᓱᒪᖓᓂᒡᓗ, ᑐᓂᓯᔪᓐᓇᕐᓗᖓᓗ ᐃᓅᑉ ᐱᓂᐊᕐᓂᖏᑦ ᒪᓕᒡᓗᒋᑦ, ᐱᓂᐊᕐᓂᖏᑕ ᐱᕈᕐᑎᑕᖏᓐᓂᒃ.”

ᒪᓚᑬᑉ ᐊᒡᓚᖏᑦ 3:15

ᐊᒡᓛᑦ ᐱᐅᔪᕆᔪᑦ ᓮᒻᒪᕐᑎᑕᐅᓯᒪᕗᑦ; ᐱᐅᖏᑦᑐᓕᔪᑦ ᐊᔪᕐᓴᕈᓐᓁᕐᐸᓪᓕᐊᑐᐃᓐᓇᓐᖏᓚᑦ ᒎᑎᒥᒡᓗ ᐆᒃᑐᕋᕋᓗᐊᕐᒪᑕ ᑲᒪᒋᔭᐅᓐᖏᓚᑦ.’”

ᒫᑎᐅᓯᐅᑉ ᐊᒡᓚᖏᑦ 23:5

ᓱᓇᑐᐃᓐᓇᕐᓂᒃ ᐱᓇᓱᐊᖃᑦᑕᕐᐳᑦ ᐃᓄᖕᓄᑦ ᑕᑯᔭᐅᔪᒪᑐᐃᓐᓇᕐᓗᑎᒃ; ᒎᑎᐅᑉ ᐅᖃᐅᓯᖏᓐᓂᒃ ᑎᑎᕋᕐᕕᒋᓯᒪᔪᑦ ᖃᐅᕈᑎᖏᑦ ᑕᓕᕐᒥᐅᑕᖏᓪᓗ, ᑕᑯᓚᐅᕐᓯᐅᒃ ᐊᖏᔫᑎᐊᓗᐃᑦ! ᐅᓕᒡᔪᐊᖏᑕᓗ ᓂᒡᔭᖏᑦ ᑕᑭᔫᑎᐊᓗᐃᑦ!

ᒫᑎᐅᓯᐅᑉ ᐊᒡᓚᖏᑦ 6:16

“ᓂᕆᑦᑍᓕᔭᕌᖓᑦᓯ, ᑕᒃᑯᕐᒨᕐᑐᑎᑐ ᑍᒤᑦᑐᒃᓴᐅᓐᖏᓚᓯ ᑮᓇᕐᒥᖕᓂᒃ ᑕᑯᒥᓇᕈᓐᓃᕐᑎᑦᓯᔪᑎᑐᑦ, ᑕᐅᑦᑐᒥᒍᑦ ᑕᑯᒃᓴᐅᓇᓱᐊᕐᐸᖕᒪᑕ ᓂᕆᑦᑍᓕᓂᕐᒥᖕᓂᒃ ᖃᐅᔨᔭᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 6:2

“ᑍᒤᒻᒪᑦ ᑐᓂᕐᕈᓯᕈᑦᓯ, ᑐᓂᓯᓂᓯ ᖃᐅᔨᔭᐅᓇᓱᐊᕐᓗᓯ ᑎᑦᑐᓚᐅᑎᒥᒃ ᓂᓪᓕᕐᑎᑦᓯᔭᕆᐊᖃᓐᖏᓚᓯ, ᑕᒃᑯᕐᒨᕐᑐᑎᑐᑦ ᑖᒃᑯᐊ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ, ᑍᒤᓕᐅᕐᐸᖕᒪᑕ ᐃᓄᖕᓄᑦ ᓂᕐᑐᕐᑕᐅᔪᒪᓪᓗᑎᒃ. ᓱᓕᔪᒥᒃ ᐅᖃᐅᑎᕙᑦᓯ, ᐊᑭᓕᕐᑕᐅᔭᕇᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 6:5

“ᑐᒃᓯᐊᓕᕌᖓᑦᓯ ᑕᒃᑯᕐᒨᕐᑐᑎᑐᑦ ᑍᒤᑦᑐᒃᓴᐅᓐᖏᓚᓯ; ᑍᒃᑯᐊ ᐃᓄᖕᓄᑦ ᑕᑯᓐᓇᕐᑕᐅᔪᒪᑐᐃᓐᓇᕐᖢᑎᒃ ᑐᒃᓯᐊᓲᖑᖕᒪᑕ ᓇᖏᕐᓗᑎᒃ, ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ ᐊᖅᑯᑎᓂᓗ. ᓱᓕᔪᒥᒃ ᐅᖃᐅᑎᕙᑦᓯ, ᑖᒃᑯᐊ ᐊᑭᓕᕐᑕᐅᔭᕇᕐᐳᑦ.

ᓘᑲᓯᐅᑉ ᐊᒡᓚᖏᑦ 10:29

ᐱᖁᔭᓂᒃ ᐃᓕᓮᔨ ᓈᒻᒪᑦᑎᐊᕐᑐᒦᓐᓂᕐᒥᖕᓂᒃ ᖃᐅᔨᒪᔭᐅᔪᒪᓕᕋᒥ ᔩᓱᓯ ᐊᐱᕆᕚ, “ᑭᓇᓕ ᑍᒪ ᐃᓅᖃᑎᒋᕙᕋ?”

ᓘᑲᓯᐅᑉ ᐊᒡᓚᖏᑦ 11:39

ᐊᑕᓂᐅᑉ ᐅᖃᐅᑎᕚ, “ᐃᓕᑦᓯ ᐹᕆᓯᑦ ᑏᑑᑏᑦ ᓂᕐᕆᑏᓪᓗ ᓯᓚᑎᖏᑦ ᓴᓗᒻᒪᕐᓴᕋᓗᐊᕐᐸᓯ, ᐃᓗᓯᓕ ᐱᑖᕈᒫᓂᐊᓗᖕᒥᒃ ᐱᐅᖏᑦᑐᓕᓂᕐᒥᒡᓗ ᑕᑕᑉᐳᖅ.

ᓘᑲᓯᐅᑉ ᐊᒡᓚᖏᑦ 18:11

ᐹᕆᓯ ᐃᓄᑑᓪᓗᓂ ᓇᖏᕐᐳᖅ ᑐᒃᓯᐊᕐᓗᓂ, ‘ᒎᑏ, ᖁᔭᒋᕙᒋᑦ ᐊᓯᑦᑐᑦ ᑍᒤᖏᓐᓇᒪ, ᐱᔪᒪᑐᔪᐊᓗᒃᑎᑐᑦ, ᑎᒡᓕᑐᔪᐊᓗᒃᑎᑐᓪᓘᓐᓃᑦ, ᓄᓕᐊᒥᖕᓂᒃ ᐊᓯᓐᓂᐊᕐᐸᒃᑐᑎᑐᑦ, ᐆᑐᓇᖅ ᕉᒪᒥᐅᑦ ᑮᓇᐅᔧᕐᑎᑦᓯᔨᖓᑐᑦ.

ᓘᑲᓯᐅᑉ ᐊᒡᓚᖏᑦ 18:14

ᐅᖃᐅᑎᕙᑦᓯ, ᑖᓐᓇ ᕉᒪᒥᐅᑦ ᑮᓇᐅᔧᕐᑎᑦᓯᔨᖓ ᒎᑎᒧᑦ ᓈᒻᒪᒋᔭᐅᓂᕐᓴᐅᓕᕐᓗᓂ ᐂᑉᐸᕆᔭᒥᓂᑦ ᐃᒡᓗᒥᓄᑦ ᐊᖏᕐᕋᓚᐅᕐᐳᖅ; ᓇᓪᓕᐊᑦ ᐃᒻᒥᓂᒃ ᐊᖏᔪᕈᕐᑎᑦᑐᖅ ᒎᑎᐅᑉ ᒥᑭᒡᓕᑎᕐᓂᐊᕐᐹ, ᐃᒻᒥᖕᓂᒡᓕ ᒥᑭᒡᓕᑎᕐᑐᖅ ᑖᓐᓇ ᐊᖏᔪᕈᕐᑎᑕᐅᓂᐊᕐᐳᖅ.”

ᓘᑲᓯᐅᑉ ᐊᒡᓚᖏᑦ 18:21

ᑖᑦᓱᒪ ᑭᐅᕚ, “ᑕᒪᒃᑯᐊ ᑍᒪᓐᖓᑦ ᐃᓅᓱᒃᑑᓂᓐᓂᑦ ᐱᖁᔧᑦ ᒪᓕᒃᐸᒃᑲ.”

ᓘᑲᓯᐅᑉ ᐊᒡᓚᖏᑦ 18:9

ᐊᑦᔨᐅᔪᒥᒃᑕᐅᖅ ᔩᓱᓯᐅᑉ ᐅᖃᐅᑎᕔᑦ ᐃᓄᐃᑦ ᐃᒻᒥᖕᓂᒃ ᖃᓄᐃᓐᓇᓱᒋᖏᑦᑐᑦ ᐊᓯᒥᖕᓂᒡᓗ ᓇᕐᕈᔪᑦ:

ᓘᑲᓯᐅᑉ ᐊᒡᓚᖏᑦ 20:20

ᑕᕝᕙ ᐱᕕᒃᓴᕐᓯᐅᓕᕐᐳᑦ, ᐊᖑᑎᓂᒃ ᐊᑭᓖᕕᖃᕐᓗᑎᒃ ᑎᓕᓯᕗᑦ ᓱᓕᔪᕐᓇᑦᑎᐊᕋᓱᐊᕐᑐᓂᒃ, ᔩᓱᓯ ᐊᐱᕐᓱᕐᓗᒍ ᑭᐅᑦᔪᑎᒃᓮᕈᑦᔨᓇᓱᐊᕐᓂᐊᕐᑐᓂᒃ, ᐱᕖᕈᑦᔨᒍᑎᒃ ᕉᒪᒥᐅᑦ ᐊᐅᓚᑦᑎᔨᖏᓐᓄᑦ ᐱᔭᐅᑎᑦᑐᒪᓪᓗᒍ.

ᓘᑲᓯᐅᑉ ᐊᒡᓚᖏᑦ 20:47

ᓯᓔᕐᕆᒃᓯᕙᒃᓗᑎᒃ ᐅᐃᒡᒐᕐᓂᕐᓂᒃ ᑎᒡᓕᒐᕐᕕᒋᔪᒪᓪᓗᒋᑦ ᐊᖏᕐᕋᖏᓐᓂᑦ, ᑕᑯᓐᓇᕐᑕᐅᓇᓱᐊᕐᓗᑎᒡᓗ ᑐᒃᓯᐅᑦᔨᓕᕐᐸᒃᓗᑎᒃ ᑕᑭᔪᐊᓗᖕᓂᒃ. ᑖᒃᑯᐊ ᓱᒋᐊᕐᑕᐅᓂᖏᑦ ᐱᐅᖏᓐᓂᕐᓴᓪᓚᕆᐊᓘᔪᒫᕐᐳᑦ.”

ᔪᐊᓇᓯᐅᑉ ᐊᒡᓚᖏᑦ 2:25

ᐃᓄᓕᒫᑦ ᖃᐅᔨᒪᑦᓯᐊᕋᒥᒋᑦ ᐃᓄᖕᓄᑦ ᓇᓪᓕᐊᓐᓄᓪᓘᓐᓃᑦ ᓇᓗᓁᕐᓯᕕᐅᔭᕆᐊᖃᓚᐅᓐᖏᓚᖅ; ᖃᐅᔨᒪᑦᓯᐊᕋᒥ ᐃᓅᑉ ᐃᓗᒥᐅᑕᕆᔭᖏᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 21:17

ᐱᖓᔪᐊᓐᓂᒃ ᔩᓱᓯᐅᑉ ᐅᖃᐅᑎᕚ, “ᓮᒨᓃ, ᔪᐊᓇᓯᐅᑉ ᐃᕐᓂᖓ, ᓇᒡᓕᒋᕕᖔ?” ᐲᑦᑐᕉᓯᓕ ᕿᒃᓵᓕᕐᐳᖅ ᐱᖓᔪᐊᓐᓂᒃ ᐅᖃᐅᑎᖕᒪᒍ, “ᓇᒡᓕᒋᕕᖔ?” ᑕᕝᕙ ᐅᖃᐅᑎᓕᕐᐹ, “ᐊᑕᓃᖅ, ᓱᓇᓕᒫᓂᒃ ᖃᐅᔨᒪᕗᑎᑦ; ᖃᐅᔨᒪᕙᕐᒪ ᓇᒡᓕᒋᒐᒃᑭᑦ.” ᔩᓱᓯᐅᑉ ᐅᖃᐅᑎᕚ, “ᓰᐱᖁᑎᒃᑲ ᓂᕆᑎᓐᓂᐊᒃᑭᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:18

(ᑖᑦᓱᒪ ᔫᑕᓯᐅᑉ ᐊᔪᕐᑐᓕᓂᕆᓚᐅᕐᑕᒥ ᐊᑭᖓᓄᑦ ᐱᕈᕐᓰᕕᖕᒥᒃ ᓂᐅᕕᓚᐅᕐᐳᖅ; ᑕᕝᕙᓂ ᐃᔪᒃᑲᕋᒥ ᑐᖁᓚᐅᕐᐳᖅ, ᖄᕐᓗᓂ ᐃᕐᕋᕕᓕᒫᖏᓪᓗ ᐊᓂᓚᐅᕐᐳᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 1:24

ᑖᒃᑯᐊ ᑐᒃᓯᐊᓕᕋᒥᒃ ᐅᖃᕐᐳᑦ, “ᐊᑕᓃᖅ, ᐃᓄᓕᒫᑦ ᐆᒻᒪᑎᖏᓐᓂᒃ ᖃᐅᔨᒪᔪᑎᑦ, ᓇᓗᓁᕐᓯᕕᒋᓚᐅᕐᑎᒍᑦ ᐅᑯᐊᒃ ᓇᓪᓕᐊᓐᓂᒃ ᓂᕈᐊᕐᒪᖔᕐᐱᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:8

ᒎᑎ ᐃᓱᒪᓕᒫᓂᒃ ᖃᐅᔨᒪᔪᖅ, ᓈᒻᒪᒃᓴᕐᓂᕐᒥᓂᒃ ᔫᑎᐅᖏᑦᑐᓂᒃ ᓇᓗᓁᕐᓯᓚᐅᕐᐳᖅ, ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᑐᓂᓯᕕᒋᒐᒥᒋᑦ ᐅᕙᑦᑎᓐᓄᑦ ᑐᓂᓯᓚᐅᕐᓂᕐᒥᑐᑦ.

ᕉᒪᒥᐅᓄᑦ 3:20

ᑍᒤᒻᒪᑦ ᒎᑎᐅᑉ ᓵᖓᓂ ᓈᒻᒪᒋᔭᐅᔪᓐᓇᕐᑐᖃᕐᓂᐊᓐᖏᓚᖅ ᐱᖁᔭᓂᒃ ᒪᓕᖕᓂᒃᑯᑦ, ᐱᖁᔭᑎᒍᑦ ᖃᐅᔨᑎᑕᐅᒐᑦᑕ ᐊᔪᕐᓂᕐᒥᒃ.

ᕉᒪᒥᐅᓄᑦ 8:27

ᒎᑎᐅᓪᓗ ᐃᓗᑦᑎᓐᓂᒃ ᖃᐅᔨᓴᕐᑎᐅᔫᑉ ᐊᓂᕐᓂᐅᑉ ᐃᓱᒪᖓ ᖃᐅᔨᒪᕚ, ᐊᓂᕐᓂᖅ ᑐᒃᓯᐅᑦᔨᕙᖕᒪᑦ ᒎᑎᐅᑉ ᐃᓄᖁᑎᖏᓐᓂᒃ ᒎᑎᐅᑉ ᐱᔪᒪᔭᖓ ᒪᓕᒃᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 4:5

ᑍᒤᒻᒪᑦ ᐃᖅᑲᕐᑐᐃᓂᐊᕋᓯ ᐃᖅᑲᕐᑐᐃᕕᒃ ᓇᓪᓕᐅᑎᖏᓐᓂᖓᓂ, ᐊᑕᓂᐅᑉ ᑎᑭᑦᓱᒫᕐᓂᖓᓂᒃ ᐅᑕᖅᑭᓕᕆᑦᓯ, ᑖᓐᓇ ᖃᐅᒪᔪᒧᑦ ᓴᖅᑭᑎᑦᓯᔪᒫᕐᒪᑦ ᒫᓐᓇ ᑖᕐᑐᒥ ᐃᔨᕐᓯᒪᔪᓂᒃ ᐃᓄᐃᓪᓗ ᐃᓗᒥᖕᓂ ᐃᓱᒪᒋᕙᒃᑕᖏᑦ ᓴᖅᑭᑎᑦᓱᒫᕐᐰᑦ. ᑕᕝᕙ ᐃᓄᓕᒫᑦ ᐊᑐᓂᑦ ᒎᑎᒧᑦ ᓈᒻᒪᒋᔭᐅᖕᒪᖔᕐᒥᒃ ᖃᐅᔨᑎᑕᐅᔪᒫᕐᐳᑦ.

ᐲᑦᑐᕉᓯ ᓯᕗᓪᓖᑦ 3:4

ᐱᐅᓂᓯ ᐃᔨᕐᓯᒪᔪᒃᓴᐅᕗᖅ ᐃᓗᑦᓯᓐᓂ ᐊᓯᕈᔪᐃᑦᑑᓗᓂ ᑕᑯᒥᓇᕈᑎᖃᕐᓗᓂ ᐃᓅᖃᑎᑦᓯᐊᕙᐅᓂᕐᒥᒃ ᐅᐃᒪᔮᖏᑦᑐᒥᒡᓗ ᐊᓂᕐᓂᕐᒥᒃ, ᑕᒪᓐᓇ ᒎᑎᐅᑉ ᓵᖓᓂ ᐱᓐᓇᕐᓇᕐᑐᕐᔪᐊᖑᖕᒪᑦ.

ᐲᑦᑐᕉᓯ ᓯᕗᓪᓖᑦ 5:5

ᐃᓕᑦᓯᑦᑕᐅᖅ ᐃᓅᓱᒃᑑᔪᓯ ᐃᓐᓇᕐᓄᑦ ᐊᐅᓚᑦᓯᔨᓄᑦ ᐊᖏᕈᑎᒋᓯᒪᑦᓯᐊᕆᑦᓯ. ᑕᒪᑦᓯ ᐊᓐᓄᕌᕐᑐᒃᓴᐅᕗᓯ ᐱᐅᔪᕆᖏᓐᓂᕐᒥᒃ, ᐃᓕᑦᓯᓐᓄᑦ ᐱᔨᑦᓯᖃᑦᑕᐅᑎᓗᓯ, ᐊᒡᓔᑦ ᐅᖃᕐᒪᑕ, “ᒎᑎᐅᑉ ᐱᐅᔪᕆᔪᑦ ᐊᑭᕋᕐᑐᕐᐰᑦ, ᐱᐅᔪᕆᖏᑦᑐᓪᓕ ᐱᑦᓯᐊᕐᓂᕐᒥ ᐱᔪᓐᓇᕐᑎᑦᓯᓂᖓᓂᒃ ᓮᒻᒪᕐᑎᑉᐰᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:23

ᕿᑐᕐᖓᖏᓪᓗ ᑐᖁᖃᓯᐅᑎᓂᐊᕐᐸᒃᑲ. ᐅᒃᐱᕐᑑᖃᑎᒌᓕᒫᑦ ᖃᐅᔨᖁᓪᓗᒋᑦ ᐅᕙᖓᐅᒐᒪ ᖃᐅᔨᒪᔪᑐᐊᖅ ᐃᓄᐃᑦ ᐃᓱᒪᖏᓐᓂᒃ ᐆᒻᒪᒻᒥᐅᑕᖏᓐᓂᒡᓗ, ᐊᑐᓂᓪᓗ ᐱᓂᐊᕐᕕᒋᔪᒫᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ.

ᓴᒧᐃᓕ ᓯᕗᓪᓖᑦ 16:7

ᐊᑕᓂᕐᓕ ᐅᖃᕐᐳᖅ ᓴᒧᐃᓕᒧᑦ, “ᑕᑯᔪᒃᓴᐅᓐᖏᓚᑎᑦ ᑕᐅᑦᑐᖓᓂᒃ, ᐊᖏᓂᖓᓂᒡᓘᓐᓃᑦ, ᑖᓐᓇ ᓇᕐᕈᒋᒐᒃᑯ; ᐊᑕᓂᖅ ᑕᑯᓐᓇᖏᒻᒪᑦ ᐃᓅᑉ ᑕᑯᓐᓇᕐᓂᖓᑐᑦ; ᐃᓄᒃ ᑕᑯᓐᓇᕐᒪᑦ ᑕᐅᑦᑐᖓᓂᒃ, ᐊᑕᓂᕐᓕ ᑕᑯᓐᓇᕐᐳᖅ ᐆᒻᒪᑎᒥᒃ.”