ᓘᑲᓯᐅᑉ ᐊᒡᓚᖏᑦ 15:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᐅᓪᓗᐃᑦ ᐅᓄᖏᑦᑐᑦ ᑭᖑᕐᖓᒍᑦ, ᐃᕐᓂᖓᑕ ᓄᑲᕐᖠᐅᑉ ᐱᖁᑎᓕᒫᓂ ᑲᑎᓪᓗᒋᑦ ᓄᓇᒧᑦ ᐅᖓᓯᒃᑐᒧᑦ ᐊᐅᓪᓚᕐᐳᖅ, ᑕᐅᕙᓂ ᐱᖁᑎᓕᒫᓂ ᓄᖑᑉᐰᑦ ᐃᓱᒪᕐᓲᓗᐊᕐᓂᕐᒧᑦ.

Aglait Ijjurnaittut

¹³ Ulluit ununngittut kingurngagut, irningata nukaqtliup piqutilimaani katillugit nunamut ungasiktumut aullaqpuq, tauvani piqutilimaani nunguppait isumaqsuuluarnirmut.

ᓘᑲᓯᐅᑉ ᐊᒡᓚᖏᑦ 15:13 ပူးပေါင်းရင်းမြစ်များ

ᐃᓐᖏᕈᑎᑦ 73:27

ᐃᓛᒃ ᐃᓕᖕᓂᑦ ᐅᖓᓯᒃᑐᑦ ᑖᒃᑯᐊ ᐊᓯᐅᔪᒫᕐᐳᑦ; ᓄᖑᑎᑦᓱᒫᕋᕕᒋᑦ ᐃᓕᖕᓂᒃ ᕿᒤᓪᓗᑎᒃ ᐊᓯᓐᓂᐊᕐᓯᒪᔪᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:9

ᐱᓇᓱᐊᕆᐊᒥᒃ ᐃᕿᐊᓱᒃᑐᖅ, ᐊᓯᕈᕐᓮᔨᒥᒃ ᖃᑕᓐᖑᑎᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:17

ᖁᕕᐊᒋᔭᑐᐃᓐᓇᕐᒥᓂᒃ ᐊᑐᕈᒪᔪᖅ ᐊᔪᕐᓴᓕᕐᓂᐊᕐᐳᖅ, ᕔᓂᒥᒃ ᐅᕐᓱᒥᒡᓗ ᐱᐅᒋᔭᑐᐊᖃᕐᑐᖅ ᐊᒃᓱᐃᓕᓂᐊᓐᖏᓚᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 21:20

ᓯᓚᑐᔪᑦ ᐃᒡᓗᖓᓂ ᖃᓄᐃᑦᑐᑐᐃᓐᓇᕐᓂᒃ ᐱᒃᑯᒥᓇᕐᑐᓂᒃ ᐅᕐᓱᒃᓴᓂᒡᓗ ᐱᑕᖃᕐᐳᖅ, ᓯᓔᑦᑐᓪᓕ ᑕᒤᓐᓂᒃ ᓄᖑᕈᑎᑲᐅᑎᒋᕚᒃᐳᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:8

ᓲᕐᓗ ᑎᖕᒥᐊᖅ ᐃᕙᕕᖕᒥᓂᑦ ᕿᒤᒃᐸᑦ ᑍᒫᒃᑕᐅᖅ ᐃᓄᒃ ᕿᒤᒋᕗᖅ ᐃᓂᒋᔭᒥᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:7

ᓇᓪᓕᐊᑦ ᐱᖁᔭᒥᒃ ᒪᓕᑦᓯᐊᕐᑐᖅ ᕿᑐᕐᖓᐅᕗᖅ ᓯᓚᑐᔪᖅ, ᓂᕆᑐᔪᒥᒡᓕ ᐃᓅᖃᑎᓕᒃ ᐊᑖᑕᓂ ᑲᓐᖑᓱᒃᑎᑉᐹ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 29:3

ᓯᓚᑐᓂᕐᒥᒃ ᐃᓪᓕᕆᔭᓕᐅᑉ ᐊᑖᑕᓂ ᖁᕕᐊᓱᒃᑎᑉᐹ, ᐊᕐᓇᓂᒡᓕ ᐊᑐᒐᕐᓂᒃ ᐃᓅᖃᑎᓕᐅᑉ ᐊᔪᕐᓴᖏᓐᓂᓂ ᑐᓂᐅᖅᑲᐅᑎᒋᕔᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 6:26

ᐊᑭᓕᕐᑕᐅᓪᓗᓂ ᓄᓕᐊᒐᖅ ᓂᐊᖁᔮᕐᑖᕈᑎᒃᓴᒥᒃ ᐊᑭᓕᕐᑕᐅᔪᓐᓇᕐᐳᖅ, ᐊᖑᓐᓂᐊᕐᑎᓕ ᐊᕐᓇᖅ ᑎᒡᓕᒃᐳᖅ ᐊᖑᑎᐅᑉ ᐃᓅᓯᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 1:4

“ᓈᓚᒋᑦᓯ, ᐃᓅᖃᑎᒌᒡᔪᐊᖑᔪᓯ ᐊᔪᕐᑐᓕᔪᓯ, ᐃᓄᐃᑦ ᐊᔪᕐᓂᕐᒥᒃ ᑕᑕᑦᑐᑦ, ᐱᐅᖏᑦᑐᐊᓗᖕᓂᒃ ᐱᓇᓱᐊᕐᑏᑦ ᕿᑐᕐᖓᖏᑦ, ᕿᑐᕐᖎᑦ ᐱᓂᐊᕐᓂᖃᕐᑐᑦ ᐅᐃᕕᕆᒃᓯᓂᕐᒥᒃ! ᐊᑕᓂᖅ ᑲᒪᒋᔪᓐᓃᕐᐹᑦ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ ᓇᕐᕈᒋᕚᑦ, ᐃᒻᒥᖕᓂᒃ ᐊᕕᑕᐅᑎᓯᒪᒻᒪᕆᒃᐳᑦ.

ᐂᓮᐊᓯᐅᑉ ᐊᒡᓚᖏᑦ 22:13

ᖁᕕᐊᓱᒡᓗᓯᓕ ᐊᓕᐊᓁᒍᓱᓚᐅᕐᐳᓯ, ᓂᕆᕕᒡᔪᐊᕐᓂᐊᕐᑕᑦᓯᓐᓂᒃ ᓰᐱᓂᒃ ᐃᒻᒧᒃᓯᐅᒐᕐᓂᒡᓗ ᑐᖁᑦᓯᓚᐅᕐᐳᓯ, ᓂᕆᓪᓗᓯ ᐃᒥᕐᓗᓯᓗ ᕔᓂᒥᒃ: ᐅᖃᕐᓗᓯ, “ᓂᕆᓚᐅᕐᑕ ᐃᒥᕐᓗᑕᓗ, ᖃᐅᒃᐸᑦ ᑐᖁᓂᐊᓕᕋᑦᑕ!”

ᐂᓮᐊᓯᐅᑉ ᐊᒡᓚᖏᑦ 30:11

ᐊᖅᑯᒻᒥᑦ ᐊᒡᕔᕆᑦᓯ, ᐊᖅᑯᑕᐅᕙᒃᑐᖅ ᐊᑐᕈᓐᓃᕐᓗᒍ, ᑐᓴᕐᑎᑦᓯᓂᐊᕋᓯ ᐃᓴᕆᐊᓕᑎᑦ ᐃᑦᔪᕐᓁᑦᑐᖁᑎᖓᓂᒃ ᐅᕙᑦᑎᓐᓄᑦ.”

ᐂᓮᐊᓯᐅᑉ ᐊᒡᓚᖏᑦ 56:12

ᐅᖃᕐᐸᒃᐳᑦ, ‘ᕾᒋᑦᓯ ᕔᓂᒥᒃ ᐃᒥᕐᓂᐊᕐᑕᑦᓯᓐᓂᒃ ᐱᓂᐊᕋᒪ, ᐃᒥᕈᐃᑦᓯᐊᕐᓗᑕ ᓲᖑᔪᒥᒃ ᐃᒥᓚᐅᕐᑕ; ᖃᐅᒃᐸᑦ ᓱᓕ ᐅᓪᓗᒥᑐᑦ ᐱᓂᐊᕐᒥᒐᑦᑕ, ᐅᕝᕙᓘᓐᓃᑦ ᐱᐅᓂᕐᓴᒃᑲᓐᓂᕐᒥᒃ ᐱᓛᕐᐳᒍᑦ.’”

ᔨᕆᒤᐊᐅᑉ ᐊᒡᓚᖏᑦ 2:13

ᐃᓄᖁᑎᒃᑲ ᒪᕐᕉᖕᓂᒃ ᐊᔪᕐᑐᓕᖕᒪᑕ, ᐅᕙᓐᓂᒃ ᕿᒤᓚᐅᕐᒪᑕ, ᐃᒥᕐᒥᒃ ᐃᓅᓯᖃᕐᓇᕐᑐᒥᒃ ᑰᒃᑐᒥᒃ, ᓇᖕᒥᓂᕐᓗ ᐃᒥᕐᑕᕐᕕᒃᓴᓕᐅᕐᓗᑎᒃ ᐃᒥᕐᑕᕐᕕᖕᓂᒃ ᓄᑎᒃᓯᒪᔪᓂᒃ ᐃᒪᖃᕈᓐᓇᖏᑦᑐᓂᒃ.”

ᔨᕆᒤᐊᐅᑉ ᐊᒡᓚᖏᑦ 2:31

ᑭᖑᕚᖑᖃᑎᒌᖑᔪᓯ ᐊᑕᓂᐅᑉ ᐅᖃᐅᓯᕆᔭᖏᑦ ᑐᓴᕐᓯᒋᒃ, ᐃᓴᕆᐊᓕᒥᐅᓄᑦ ᓄᓇᑎᑐᑦ ᐃᓄᖃᔪᐃᑦᑐᑎᑐᑦ ᑍᒤᓐᓇᒫ? ᓄᓇᑎᑐᓪᓘᓐᓃᑦ ᑲᑉᐱᐊᓇᕐᑐᕐᑕᖃᕐᑐᑎᑐᑦ! ᓱᖕᒪᓪᓕ ᐃᓄᖁᑎᒃᑲ ᐅᖃᕐᐹᑦ, ᐃᓱᒪᕐᓱᕐᐳᒍᑦ, ᐃᓕᖕᓄᑦ ᐅᐸᒍᑎᓂᐊᕈᓐᓃᕐᐳᒍᑦ.

ᔨᕆᒤᐊᐅᑉ ᐊᒡᓚᖏᑦ 2:5

ᐊᑕᓂᖅ ᐅᖃᕐᐳᖅ: “ᓱᓇᒥᒃ ᓯᕗᓕᓯ ᐸᑦᓯᑎᒃᓴᖃᓚᐅᕐᐹᑦ ᐅᕙᓐᓄᑦ? ᓱᓇᒧᑦ ᐅᕙᓐᓂᒃ ᑐᓄᐃᑎᑕᐅᕚᑦ? ᑐᒃᓯᐊᕐᕕᖃᓕᕐᓗᑎᒡᓗ ᐊᑑᑎᒃᓴᖃᖏᑦᑐᓂᒃ ᒎᑎᓐᖑᐊᓂᒃ, ᓇᖕᒥᓂᖅ ᓱᓇᐅᔪᓐᓃᕐᓗᑎᒃ.

ᒤᑲᐅᑉ ᐊᒡᓚᖏᑦ 6:3

“ᐃᓄᖁᑎᒃᑲ, ᐃᓕᑦᓯᓐᓄᑦ ᖃᓄᐃᓕᐅᕐᓯᒪᒐᒪ? ᖃᓄᕐᓗ ᐊᒃᓱᕈᕐᑎᑦᓯᓚᐅᕋᒪ ᐃᓕᑦᓯᓐᓂᒃ? ᑭᐅᓚᐅᕐᓯᓐᖓ.

ᓘᑲᓯᐅᑉ ᐊᒡᓚᖏᑦ 15:12

ᓄᑲᕐᖠᐅᑉ ᐊᑖᑕᓂ ᐅᖃᐅᑎᕚ, ‘ᐊᑖᑖᒃ, ᐱᖁᑎᑎᑦ ᐃᓅᔪᓐᓃᕈᕕᑦ ᐱᑖᒃᓴᒃᑲ ᒫᓐᓇ ᕾᓕᒃᑭᑦ.’ ᐊᑖᑕᖓᑕ ᐱᖁᑎᓂ ᐊᕕᒃᐰᑦ ᑐᓂᓪᓗᒋᑦ ᐊᑐᓂᑦ ᐃᕐᓃᖕᒥᓄᑦ.

ᓘᑲᓯᐅᑉ ᐊᒡᓚᖏᑦ 15:14

ᐱᖁᑎᓕᒫᒥᓂᒃ ᓄᖑᑎᓯᒪᓕᕐᑎᓪᓗᒍ, ᓄᓇᓕᖕᓂ ᓇᔪᕐᑕᖓᓂ ᑳᖕᓇᕐᑐᕐᔪᐊᖃᓕᕐᐳᖅ, ᑕᑉᕙ ᐊᔪᕐᓴᓇᕐᑐᕐᔪᐊᒦᓕᕐᐳᖅ.

ᓘᑲᓯᐅᑉ ᐊᒡᓚᖏᑦ 15:30

ᐃᕐᓃᑦ ᐅᑎᕐᒪᑦ, ᐱᖁᑎᖕᓂᒃ ᓄᖒᑦᓯᔪᖅ ᐊᕐᓇᓄᑦ ᐊᖑᓐᓂᐊᕐᑎᓄᑦ, ᐃᒻᒧᒃᓯᐅᒐᐅᑉ ᓄᕐᕋᖓᓂᒃ ᖁᐃᒃᓯᑦᓯᐊᖑᓯᒪᔪᒥᒃ ᑐᖁᑕᐅᑎᑦᓯᕗᑎᑦ!’

ᓘᑲᓯᐅᑉ ᐊᒡᓚᖏᑦ 16:1

ᔩᓱᓯᐅᑉ ᐃᓕᓐᓂᐊᕐᑎᓂ ᐅᖃᐅᑎᕔᑦ, “ᐊᖑᒻᒥᒃ ᐊᔪᕐᓴᖏᑦᑐᕐᑕᖃᓚᐅᕐᐳᖅ ᐱᖁᑎᒥᓄᑦ ᑲᒪᔨᖁᑎᖃᕐᑐᒥᒃ, ᐊᖓᔪᖅᑳᖓ ᐅᖃᐅᑦᔭᐅᕗᖅ ᐱᖁᑎᒥᓂᒃ ᐱᒪᔨᖁᑎᖓ ᑮᓇᐅᔭᖏᓐᓂᒃ ᓄᖑᓮᑐᐃᓐᓇᕐᓂᕋᕐᑕᐅᓪᓗᓂ.

ᓘᑲᓯᐅᑉ ᐊᒡᓚᖏᑦ 16:19

“ᐊᔪᕐᓴᖏᑦᑐᖕᒥᒃ ᐊᖑᑎᑕᖃᓚᐅᕐᐳᖅ ᐊᓐᓄᕌᓯᒪᕙᒃᑐᒥᒃ ᐊᓐᓄᕌᓂᒃ ᐊᑭᑐᓂᕐᐹᓂᒃ ᐊᐅᐸᓪᓚᕆᒃᑐᓂᒃ, ᖃᐅᑕᒫᑦ ᓂᕆᕕᒃᔪᐊᕐᑎᑦᓰᓐᓇᕐᑐᒥᒃ.

ᐃᐱᓯᒥᐅᓄᑦ 2:13

ᒫᓐᓇᓕ ᐃᓕᑦᓯ ᙭ᔅᑑᓯ ᔩᓱᓯᒦᑦᑐᓯ ᓯᕗᕐᖓᒍᑦ ᐅᖓᓯᒃᑐᒦᓚᐅᕐᑐᓯ ᖃᓂᒡᓕᑎᑕᐅᓯᒪᕗᓯ ᙭ᔅᑑᓯᐅᑉ ᐊᐅᖓᓄᑦ.

ᐃᐱᓯᒥᐅᓄᑦ 2:17

ᑎᑭᓚᐅᕆᕗᖅ ᐅᖃᐅᓯᖃᕐᓗᓂ ᑕᒤᓐᓄᑦ ᐃᓅᖃᑎᒌᑦᓯᐊᓕᕐᓇᕐᑐᒥᒃ ᐃᓕᑦᓯᓐᓄᑦ ᐅᖓᓯᒃᑐᒦᓚᐅᕐᑐᓄᑦ ᖃᓂᑦᑐᒦᓚᐅᕐᑐᓄᓪᓗ;

ᐲᑦᑐᕉᓯ ᐂᑉᐸᖏᑦ 2:13

ᐊᑭᓕᕐᑕᐅᔪᒪᕐᐳᑦ ᓯᕐᓕᕿᑎᑕᐅᓂᕐᒥᒃ ᓯᕐᓕᕿᑎᑦᓯᓂᕆᓚᐅᕐᑕᖏᑦ ᒪᓕᒡᓗᒋᑦ, ᖁᕕᐊᒋᔭᖃᕐᐳᑦ ᐱᓂᐊᕐᓂᖃᕐᓗᑎᒃ ᐅᓪᓘᑎᓪᓗᒍ ᓈᒻᒪᒃᓯᑎᑦᓯᓇᓱᐊᕐᓗᑎᒃ ᑎᒥᒥ ᐱᔪᒪᔭᖓᓂᒃ. ᑲᓐᖑᓲᑎᓇᕐᐳᑦ ᓱᕈᕐᑎᕆᓪᓗᑎᒡᓗ, ᓂᕆᖃᑎᒋᓕᕌᖓᒥᓯ ᑍᒪᓐᖓᑦ ᖁᕕᐊᓲᑎᖃᕐᐸᒃᐳᑦ ᓴᒡᓗᑎᖃᕐᓂᕐᒥᒃ.