ᓘᑲᓯᐅᑉ ᐊᒡᓚᖏᑦ 13:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᑖᓐᓇ ᑭᐅᔪᒫᕆᕗᖅ, ‘ᓇᑭᓐᖔᕐᒪᖔᑦᓯ ᖃᐅᔨᒪᓐᖏᓚᑦᓯ; ᑕᒫᓃᓐᖏᓚᐅᕆᑦᓯ, ᐱᐅᖏᑦᑐᓕᔪᐊᓘᔪᓯ!’

Aglait Ijjurnaittut

²⁷ Taanna kiujumaarivuq, ‘Nakinngaarmangaassi qaujimanngilassi; tamaaniinngilaurissi, piunngittulijualuujusi!’

ᓘᑲᓯᐅᑉ ᐊᒡᓚᖏᑦ 13:27 ပူးပေါင်းရင်းမြစ်များ

ᐃᓐᖏᕈᑎᑦ 1:6

ᐱᓇᓱᐊᑦᓯᐊᕐᑐᑦ ᐱᓂᐊᕐᓂᖏᑦ ᐊᑕᓂᐅᑉ ᖃᐅᔨᒪᕔᑦ, ᐱᐅᖏᑦᑐᓕᔪᓪᓕ ᐱᓂᐊᕐᓂᖏᑦ ᓄᖑᔪᒫᕐᐳᑦ.

ᐃᓐᖏᕈᑎᑦ 101:8

ᐅᓪᓛᑕᒫᑦ ᐱᐅᖏᑦᑐᓕᒫᑦ ᓄᓇᒥ ᓄᖑᓐᓂᐊᕐᐸᒃᑲ, ᓄᖅᑲᕐᑎᓐᓂᐊᕐᐸᒃᑲ ᐱᐅᖏᑦᑐᓕᔪᓕᒫᑦ ᐊᑕᓂᐅᑉ ᐃᒡᓗᒐᓴᖏᓐᓂ.

ᐃᓐᖏᕈᑎᑦ 119:115

ᐅᕙᓐᓂᑦ ᕿᒪᕉᑎᒋᑦᓯ, ᐃᓕᑦᓯ ᐊᔪᕐᑐᓕᔪᓯ, ᒎᑎᒪ ᐱᖁᔭᖏᑦ ᒪᓕᖕᓂᐊᕋᒃᑭᑦ.

ᐃᓐᖏᕈᑎᑦ 125:5

ᐱᐅᖏᑦᑐᓕᓂᕐᒧᓪᓕ ᓴᖑᕕᖃᕐᑐᑦ, ᐊᑕᓂᐅᑉ ᐊᐅᓪᓚᕐᑎᓐᓂᐊᕐᐰᑦ ᐱᐅᖏᑦᑐᓕᔪᑦ ᐃᓚᒋᓗᒋᑦ! ᐃᓴᕆᐊᓕᒃᑯᑦ ᓮᒻᒪᕐᑎᑕᐅᓕᑦ!

ᐃᓐᖏᕈᑎᑦ 28:3

ᐱᐅᖏᑦᑐᓕᔪᑦ ᐃᓚᒋᓗᒋᑦ ᓴᓂᕐᕙᖃᓯᐅᑎᓂᐊᕐᓇᖓ, ᐱᐅᖏᑦᑐᐊᓗᖕᓂᒡᓘᓐᓂᑦ ᐱᓇᓱᐊᕐᑎᑦ ᐃᓚᒋᓗᒋᑦ. ᐃᓅᖃᑎᒥᖕᓄᑦ ᓮᒪᓂᕐᒥᒃ ᐅᖃᐅᓯᖃᕐᐳᑦ, ᐱᐅᖏᑦᑐᐊᓗᖕᓂᒡᓗ ᐆᒻᒪᒥᐅᑕᖃᕐᓗᑎᒃ.

ᐃᓐᖏᕈᑎᑦ 5:6

ᑐᖁᑦᓱᒫᕐᐸᑎᓪᓗ ᓱᓕᖏᑦᑐᓂᒃ ᐅᖃᐅᓯᖃᕐᑐᑦ; ᐊᑕᓂᐅᑉ ᑐᓄᑉᐰᑦ ᐃᓅᖃᑎᒥᖕᓂᒃ ᑐᖁᑦᓯᔪᑦ, ᐃᓄᐃᓪᓗ ᐅᐃᕕᕆᒃᓯᔪᑦ.

ᐃᓐᖏᕈᑎᑦ 6:8

ᐱᐅᖏᑦᑐᓕᓂᕐᒥᒃ ᐱᓇᓱᐊᕐᑎᐅᔪᓯ ᕿᒪᓚᐅᕐᓯᓐᖓ; ᐊᑕᓂᐅᑉ ᖁᕝᕕᐅᕐᓂᕐᒪ ᓂᐱᖓ ᑐᓵᖕᒪᒍ.

ᕼᐆᓯᐊᑉ ᐊᒡᓚᖏᑦ 9:12

ᕿᑐᕐᖓᒥᖕᓂᒡᓗ ᐱᕈᐃᒐᓗᐊᕈᑎᒃ, ᕿᒃᓵᒃᑎᑦᓱᒫᕐᐸᒃᑲ ᐊᒥᐊᒃᑯᖃᕈᓐᓃᕐᑎᓪᓗᒋᑦ. ᑲᑉᐱᐊᓐᓇᒦᒃ ᑖᒃᑯᐊ ᕿᒪᒍᒃᑭᑦ!”

ᒫᑎᐅᓯᐅᑉ ᐊᒡᓚᖏᑦ 25:12

ᐅᐃᒃᓴᐅᓪᓕ ᑭᐅᕔᑦ, ‘ᓱᓕᔪᒥᒃ ᐅᖃᐅᑎᕙᑦᓯ, ᑭᓇᒃᑰᖕᒪᖔᑦᓯ ᐃᓕᑕᕆᓐᖏᓚᑦᓯ!’

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᓘᑲᓯᐅᑉ ᐊᒡᓚᖏᑦ 13:25

ᐃᒡᓘᑉ ᐃᓄᐊᑕ ᒪᑭᓪᓗᓂ ᒪᑐ ᒪᑐᒃᐸᒍ; ᐃᓕᑦᓯ ᑕᕝᕙ ᓯᓚᑖᓂ ᓇᖏᓕᕈᒫᕐᐳᓯ ᑎᒡᓗᒃᑐᕐᓗᓯ, ᐅᖃᕈᒫᕐᐳᓯ, ‘ᐊᑕᓃᖅ, ᒪᑐᐃᕈᑎᑎᒍᑦ,’ ᑖᑦᓱᒪ ᑭᐅᔪᒫᕐᐹᓯ, ‘ᓇᑭᓐᖔᕐᒪᖔᑦᓯ ᖃᐅᔨᒪᓐᖏᓚᑦᓯ.’

ᑯᕆᓐᑎᐊᒥᐅᓄᑦ ᓯᕗᓪᓖᑦ 8:3

ᒎᑎᒥᒡᓕ ᐱᓐᓇᕆᔭᖃᕐᑐᖅ ᑖᓐᓇ ᒎᑎᐅᑉ ᖃᐅᔨᒪᕚ.

ᒐᓔᑎᐊᒥᐅᓄᑦ 4:9

ᒫᓐᓇᓕ ᒎᑎᒥᒃ ᖃᐅᔨᒪᓕᕋᑦᓯ, ᐅᕝᕙᓗ ᒎᑎᒧᑦ ᖃᐅᔨᒪᔭᐅᓕᕋᑦᓯ, ᓱᖕᒪᑦ ᐅᑎᕐᓯᒪᓕᕐᐱᓰ ᐊᓂᕐᓂᕐᓄᑦ ᐱᔪᓐᓇᕐᓂᖃᖏᑦᑐᓄᑦ? ᓯᐊᓛᕆᔭᐅᒃᑲᓐᓂᕈᒪᓕᕆᕕᓰ ᑍᒃᑯᓄᖓ?

ᑎᒧᑎᒧᑦ ᐂᑉᐸᖏᑦ 2:19

ᒎᑎᐅᓪᓕ ᑐᓐᖓᕕᓕᐊᕆᓯᒪᔭᖓ ᐊᐅᓚᖏᑦᑐᖅ ᓱᕐᕋᒃᑕᐅᔪᓐᓇᓐᖏᓚᖅ; ᐃᒤᑦᑐᓂᒃ ᓇᓗᓁᒃᑯᑕᓕᒃ: “ᐊᑕᓂᐅᑉ ᐃᓄᖁᑎᓂ ᖃᐅᔨᒪᕔᑦ,” ᐊᒻᒪᓗ, “ᑕᒪᕐᒥᒃ ᐊᑕᓂᕐᒧᑦ ᐃᓄᖁᑕᐅᔪᑦ ᐱᐅᖏᑦᑐᓕᓂᕐᓂᒃ ᐊᑐᕈᓐᓁᕐᓕᑦ.”