ᓘᑲᓯᐅᑉ ᐊᒡᓚᖏᑦ 12:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑕᕐᓂᕋᓗ ᐅᖃᐅᑎᓗᒍ, ᑕᕐᓃᒃ, ᐊᕐᕌᒍᓂᒃ ᐊᒥᓱᓂᒃ ᐱᐅᔪᓂᒃ ᐱᒃᓴᖃᓕᕐᐳᑎᑦ; ᐱᓇᓱᐊᕈᓐᓃᕆᑦ ᓂᕆᓗᑎᑦ ᐃᒥᓕᕆᑦ, ᖁᕕᐊᓱᒡᓗᑎᓪᓗ.’

Aglait Ijjurnaittut

¹⁹ Tarniralu uqautilugu, tarniik, arraagunik amisunik piujunik piksaqaliqputit; pinasuarunniirit nirilutit imilirit, quviasuglutillu.’

ᓘᑲᓯᐅᑉ ᐊᒡᓚᖏᑦ 12:19 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 27:1

ᖃᐅᒃᐸᐅᓂᐊᕐᑐᕐᒧᑦ ᐱᔪᕆᑦᑍᓕᒋᑦ, ᖃᐅᔨᒪᖏᓐᓇᕕᑦ ᓱᓇᒥᒃ ᐅᓪᓗᖅ ᐱᑎᑦᓯᓂᐊᕐᒪᖔᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:32

ᑐᖁᖓᔪᓪᓕ ᒪᑭᕝᕕᒃᓴᖃᖏᑉᐸᑕ, ᓱᓇᒥᒡᓕ ᑍᒪ ᐱᕙᓪᓕᕈᑎᖃᕐᐳᖔ? ᐃᓄᑐᐃᓐᓇᐅᑉ ᐃᓕᖅᑯᓯᖓᒍᑦ, ᐆᒪᔪᑎᑐᑦ ᐃᕐᓯᓇᕐᑐᑎᑐᑦ ᐃᓕᖅᑯᓯᓕᖕᓂᒃ ᐅᓇᑕᓚᐅᕋᒪ ᐃᐱᓲᓯᒥ, ᐅᖃᐅᓯᕐᑕᖃᕐᒪᑦ, “ᓂᕆᓕᕐᑕ ᐃᒥᕐᓗᑕᓗ ᖃᐅᒃᐸᑦ ᑐᖁᓛᕋᑦᑕ.”

ᐂᓮᐊᓯᐅᑉ ᐊᒡᓚᖏᑦ 5:11

ᑲᑉᐱᐊᓐᓇᒦᒃ ᑍᒃᑯᐊ ᐅᓪᓛᕌᕐᔪᒃᑯᑦ ᒪᑭᑉᐸᒃᑐᑦ, ᐃᒥᐊᓗᖕᒥᒃ ᓴᓐᖏᔪᒥᒃ ᐱᔪᓐᓇᕐᓯᔪᒪᓪᓗᑎᒃ, ᐅᓐᓄᐊᒧᑦ ᑎᑭᓪᓗᒍ ᐊᖏᕐᕋᕐᐸᖏᑦᑐᑦ ᐃᒥᐊᓗᖕᒧᑦ ᐆᓇᕐᓯᑎᑕᐅᓚᐅᖏᓐᓂᕐᒥᖕᓂ!

ᐃᓕᓯᒪᓃᑦ ᐃᒃᓖᓯᐊᓯᑏᔅ 11:9

ᖁᕕᐊᓱᒋᑦ ᐃᓅᓱᒃᑑᔪᑎᑦ, ᐃᓅᓱᖕᓂᕐᓂ, ᐆᒻᒪᑎᕕᓪᓗ ᖁᕕᐊᓱᒃᑎᓪᓕᑎᑦ ᐅᓪᓗᓂ ᐃᓅᓱᒃᑑᓂᕐᓂ. ᐆᒻᒪᑎᕕᑦ ᐊᑐᕈᒪᔭᖏᓐᓂᒃ ᐊᑐᕆᑦ, ᑕᑯᔭᕐᓂᒡᓗ ᑕᒤᓐᓂᒃ, ᖃᐅᔨᒪᓗᑎᓪᓕ ᑕᒪᒃᑯᓄᖓ ᑕᒤᓐᓄᑦ ᒎᑎᐅᑉ ᐃᖅᑲᕐᑐᕈᒫᕐᒪᑎᑦ.

ᔧᒥᓯᐅᑉ ᐊᒡᓚᖏᑦ 5:5

ᒫᓂ ᓄᓇᒥ ᐊᔪᕐᓴᖏᑦᑐᐊᓘᓪᓗᓯ ᖁᕕᐊᓱᑐᐃᓐᓇᕋᓱᐊᕐᓗᓯᓗ ᐃᓅᓚᐅᕐᐳᓯ; ᐃᓕᑦᓯᓐᓂᒃ ᖁᐃᓂᔪᓐᖑᕐᑎᑉᐳᓯ ᐅᓪᓗᒧᑦ ᑐᖁᑕᐅᓂᒃᓴᑦᓯᓐᓄᑦ.

ᐱᓕᐱᒥᐅᓄᑦ 3:19

ᑖᒃᑯᐊᓕ ᐃᓱᖃᕈᒫᕐᐳᑦ ᐊᓯᕈᕐᑕᐅᓂᕐᒥᒃ, ᐊᕿᐊᕈᕐᒥᖕᓂᒃ ᒎᑎᖃᕐᒪᑕ, ᖁᕕᐊᓲᑎᖃᕐᓗᑎᒡᓗ ᑲᓐᖑᓲᑎᒃᓴᐅᔪᓂᒃ, ᓄᓇᐅᓪᓗ ᐱᖏᓂᒃ ᐃᓱᒪᑐᐊᖃᕐᓗᑎᒃ ᐃᓅᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 18:11

ᐊᒃᓱᐃᑦᑑᑉ ᐱᖁᑎᕐᔪᐊᓂ ᐃᒡᓗᒐᓴᒡᔪᐊᕆᕔᑦ ᐊᑦᑕᕐᓁᑦᑐᑦ, ᐊᕙᓗᕐᔪᐊᑎᑐᓪᓗ ᐳᕐᑐᔪᑎᑐᑦ ᐱᔭᐅᑦᔧᒃᑯᑎᒋᕔᑦ.

ᐃᓐᖏᕈᑎᑦ 62:10

ᐊᒃᓱᕈᕐᑎᑕᐅᓂᕐᒧᑦ ᓵᓚᖃᕋᓱᐊᕐᓂᖅ ᑕᑎᒋᓂᐊᕐᓇᒍ, ᐱᐅᔪᕆᑦᔪᑎᒋᓂᐊᕐᓇᒋᓪᓗ ᑎᒡᓕᒐᕕᓃᑦ; ᐊᒃᓗᐃᓕᒐᓗᐊᕈᕕᑦ, ᐆᒻᒪᑏᑦ ᑕᕝᕙᓂ ᐃᓂᖃᓕᕐᑎᓐᓂᐊᕐᓇᒍ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:7

ᐃᒻᒥᓂᒃ ᓂᕐᑐᕐᓇᕐᑎᓚᐅᕐᒪᑦ ᐊᔪᕐᓴᖏᑦᑐᕐᔪᐊᖑᓕᕐᓗᓂᓗ, ᑍᒫᒃᑕᐅᖅ ᐅᖁᒤᑦᑐᒧᑦ ᐋᓐᓂᐊᑎᑕᐅᓂᕐᒧᑦ ᕿᒃᓵᖕᓇᕐᑐᒧᐊᕐᑕᐅᓕᕐᓕ. ᐆᒻᒪᑎᒥᒍᑦ ᐃᓱᒪᕙᖕᒪᑦ, ‘ᐃᒃᓯᕙᕗᖓ ᐊᖓᔪᖅᑳᕐᔪᐊᖑᕕᖕᒥ ᐅᐃᒡᒐᕐᓂᐅᖏᓐᓇᒪ, ᕿᒃᓵᖕᓇᕐᑐᒥᒃ ᖃᐅᔨᓚᐅᕐᓯᒪᓂᐊᓐᖏᓚᖓ.’

ᐲᑦᑐᕉᓯ ᓯᕗᓪᓖᑦ 4:3

ᐊᓂᒍᕐᓯᒪᓕᕐᒪᑕ ᐃᓅᓯᕆᓚᐅᕐᑕᓯ ᐅᒃᐱᖏᑦᑐᑦ ᐱᔪᒪᓂᖏᑦ ᒪᓕᒃᓗᒋᑦ, ᐃᓅᓯᒪᒐᑦᓯ ᑲᓐᖑᓇᕐᑐᓕᓂᕐᓂᒃ, ᐃᒃᖠᒍᖕᓂᕐᓂᒃ, ᐋᖓᔮᕐᓂᕐᓂᒃ, ᓄᓕᐊᕐᓂᕐᓂᒃ, ᐃᒥᐊᓗᖕᒧᑦ ᖁᕕᐊᓲᑎᖃᕐᓂᕐᓂᒃ, ᓇᕐᕈᓇᕐᑐᓄᓪᓗ ᑐᒃᓯᐊᖃᑦᑕᕐᓂᕐᓂᒃ ᒎᑎᐅᖏᑦᑐᓄᑦ.

ᑎᒧᑎᒧᑦ ᐂᑉᐸᖏᑦ 3:4

ᐱᔭᐅᒃᑬᔨᓂᒃ, ᐃᓕᕋᒃᑯᑎᔪᓐᓇᖏᑦᑐᓂᒃ, ᐱᓯᑎᐅᔪᕆᓂᕐᒧᑦ ᐱᐅᔪᕆᓗᐊᕐᑐᓂᒃ, ᖁᕕᐊᒋᔭᒥᖕᓂᒃ ᐅᖓᓂᕐᓴᐅᔪᓂᒃ ᒎᑎᒥᑦ;

ᕼᐆᓯᐊᑉ ᐊᒡᓚᖏᑦ 12:8

ᐃᕗᕅᑎᓕ ᐅᖃᓚᐅᕐᐳᖅ, ‘ᐊᒃᓱᐃᓕᕗᖓ, ᓇᖕᒥᓂᖅ ᐊᔪᕐᓴᕈᓐᓃᕐᑎᑉᐳᖓ; ᖃᐅᔨᔭᐅᓂᐊᓐᖏᓚᖓ ᐱᑦᓯᐊᕐᓯᒪᖏᓐᓂᓐᓂᒃ.’

ᐂᓮᐊᓯᐅᑉ ᐊᒡᓚᖏᑦ 22:13

ᖁᕕᐊᓱᒡᓗᓯᓕ ᐊᓕᐊᓁᒍᓱᓚᐅᕐᐳᓯ, ᓂᕆᕕᒡᔪᐊᕐᓂᐊᕐᑕᑦᓯᓐᓂᒃ ᓰᐱᓂᒃ ᐃᒻᒧᒃᓯᐅᒐᕐᓂᒡᓗ ᑐᖁᑦᓯᓚᐅᕐᐳᓯ, ᓂᕆᓪᓗᓯ ᐃᒥᕐᓗᓯᓗ ᕔᓂᒥᒃ: ᐅᖃᕐᓗᓯ, “ᓂᕆᓚᐅᕐᑕ ᐃᒥᕐᓗᑕᓗ, ᖃᐅᒃᐸᑦ ᑐᖁᓂᐊᓕᕋᑦᑕ!”

ᐂᓮᐊᓯᐅᑉ ᐊᒡᓚᖏᑦ 5:8

ᑲᑉᐱᐊᓐᓇᒦᒃ ᐃᒡᓗᓕᐅᕐᐸᓪᓕᐊᔪᖅ ᐊᒃᑐᐊᖃᑦᑕᐅᑎᔪᓂᒃ, ᐱᕈᕐᓰᕕᓕᐅᕐᐸᓪᓕᐊᔪᕐᓗ ᐊᒃᑐᐊᖃᑦᑕᐅᑎᔪᓂᒃ, ᐃᓂᒃᓮᕈᑎᑐᐃᓐᓇᕐᓗᒍ ᖃᓂᒋᔭᖓ, ᐃᓄᑑᓗᑎᒃ ᓄᓇᖃᕐᕕᒋᓕᕐᓗᒍ ᓄᓇᒋᔭᓂ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:5

ᐊᒃᓱᐃᓕᕐᓂᖅ ᐃᔨᖕᓄᑦ ᑕᑯᒐᕕᐅᒃ, ᑕᕝᕔᓐᓇᖅ ᐊᓯᐅᕗᖅ; ᐊᒃᓱᐃᓐᓂᖅ ᐃᓴᕈᖃᕐᑐᑎᑐᑦ ᑎᖏᔪᑐᑦ ᑍᒤᒻᒪᑦ; ᓇᒃᑐᕋᓕᒃᑐᑦ ᕿᓚᖕᒧᑦ ᑎᖏᔪᑐᑦ.

ᔫᐱᐅᑉ ᐊᒡᓚᖏᑦ 14:1

“ᐃᓄᒃ ᐊᕐᓇᒥᑦ ᐃᕐᓂᐊᖑᓯᒪᔪᖅ ᐅᓪᓗᖃᕐᐳᖅ ᓁᑦᑐᓂᒃ, ᐊᑲᐅᖏᑦᔪᑎᒃᓴᓂᒡᓗ ᑕᑕᓪᓗᓂ.

ᑎᒧᑎᒧᑦ ᓯᕗᓪᓖᑦ 6:17

ᓯᓚᕐᔪᐊᑉ ᐱᖏᓐᓄᑦ ᐊᔪᕐᓴᓐᖏᑦᑐᑦ, ᐱᐅᔪᕆᖁᖏᓪᓗᒋᑦ ᐅᖃᐅᑎᒃᑭᑦ, ᓂᕆᐅᖁᖏᓪᓗᒋᓪᓗ ᐊᔪᕐᓴᖏᑦᑐᒪᓂᑐᐃᓐᓇᒧᑦ ᐊᐅᓚᑕᐅᔪᒥᒃ, ᒎᑎᒥᓪᓕ ᑖᑦᓱᒪ ᐊᓐᓂᕈᓱᒐᓂ ᓱᓇᓕᒫᓂᒃ ᑐᓂᓯᕕᒋᖕᒪᑎᒍᑦ ᖁᕕᐊᓲᑎᒋᓗᒋᑦ ᐃᓅᖁᓪᓗᑕ.

ᑎᒧᑎᒧᑦ ᓯᕗᓪᓖᑦ 5:6

ᐅᐃᒡᒐᕐᓂᕐᓕ ᖁᕕᐊᒋᔭᑐᐃᓐᓇᕐᒥᓂᒃ ᐊᑐᕈᒪᔪᖅ ᐆᒪᒐᓗᐊᕐᓗᓂ ᑐᖁᖓᕗᖅ.

ᓘᑲᓯᐅᑉ ᐊᒡᓚᖏᑦ 21:34

“ᖃᐅᔨᓴᑦᓯᐊᕆᑦᓯ ᐃᓕᑦᓯᓐᓂᒃ ᐆᒻᒪᑎᑦᓯᒍᑦ ᐅᖁᒤᓕᑎᑕᐅᖁᓇᓯ ᓂᕆᓗᐊᕐᓂᕐᒧᑦ ᐃᒥᓗᐊᕐᓂᕐᒧᓪᓗ ᐃᓅᓯᕐᒧᓪᓗ ᐃᓱᒪᔮᓇᕐᑐᑕᖃᕐᓂᖓᓄᑦ, ᐅᓪᓗᒧᑦ ᑍᑦᓱᒧᖓ ᐅᐸᓗᐃᔭᐅᖁᓇᓯ ᓂᒐᕐᑎᑕᐅᔪᑎᑐᑦ.

ᓘᑲᓯᐅᑉ ᐊᒡᓚᖏᑦ 16:19

“ᐊᔪᕐᓴᖏᑦᑐᖕᒥᒃ ᐊᖑᑎᑕᖃᓚᐅᕐᐳᖅ ᐊᓐᓄᕌᓯᒪᕙᒃᑐᒥᒃ ᐊᓐᓄᕌᓂᒃ ᐊᑭᑐᓂᕐᐹᓂᒃ ᐊᐅᐸᓪᓚᕆᒃᑐᓂᒃ, ᖃᐅᑕᒫᑦ ᓂᕆᕕᒃᔪᐊᕐᑎᑦᓰᓐᓇᕐᑐᒥᒃ.

ᕼᐊᐸᑲᐅᑉ ᐊᒡᓚᖏᑦ 1:16

ᑍᒤᒻᒪᑦ ᓄᓗᐊᒥᖕᓄᑦ ᑐᓂᕐᕈᓯᖃᑦᑕᕐᐳᑦ, ᐃᒪᒃᑯᑦ ᐅᓂᐊᖃᑦᑕᕐᑕᒥᖕᓄᑦ ᐃᓯᕐᓗᐊᕐᓂᕐᑎᑦᓯᕙᒃᐳᑦ; ᑖᒃᑯᓄᖓ ᐃᓅᑦᔪᑎᒃᓴᒥᖕᓂᒃ ᐊᒥᒐᕐᓯᑎᑕᐅᖏᓐᓇᒥᒃ, ᓂᕿᒃᓴᒥᖕᓂᒡᓗ ᐊᒥᒐᕐᓯᓇᑎᒃ.

ᐃᓐᖏᕈᑎᑦ 49:18

ᐃᓅᓂᕐᒥᓂ ᐃᒻᒥᓂᒃ ᓮᒻᒪᕐᑎᓯᒪᓂᕋᕐᐳᖅ ᐊᔪᕐᓴᓐᖏᓕᕈᕕᑦ ᐃᓄᖕᓂᑦ ᓂᕐᑐᕐᑕᐅᓂᐊᕋᕕᑦ,

ᓴᒧᐃᓕ ᓯᕗᓪᓖᑦ 30:16

ᑕᕝᕙ ᑕᓯᐅᓚᐅᕐᐰᑦ ᑍᕕᑎᒃᑯᑦ ᑍᒃᑯᓄᖓ. ᐅᓇᑕᕆᐊᕐᓯᒪᓚᐅᕐᑐᑦ ᓯᐊᒻᒪᖓᓚᐅᕐᐳᑦ ᓇᒧᑐᐃᓐᓇᖅ, ᓂᕆᓪᓗᑎᒃ ᐃᒥᕐᓗᑎᒡᓗ, ᖁᕕᐊᓱᒍᑎᖃᑦᓱᑎᒃ ᑎᒍᔭᕕᓂᕐᒥᖕᓂᒃ ᐱᓕᔅᑍᓂᐅᒥᐅᓂᑦ ᔫᑕᒥᐅᓂᓪᓗ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 10:2

ᐊᒃᓗᐃᓕᔪᖅ ᐱᐅᖏᑦᑐᓕᓂᒃᑯᑦ ᐱᕙᓪᓕᐅᑎᖃᓐᖏᓚᖅ, ᐃᓱᐊᕐᑐᒃᑯᓪᓕ ᐱᔪᖅ ᑐᖁᒥᑦ ᓴᐳᑎᔭᐅᕗᖅ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 2:24

ᐱᐅᓂᕐᓴᕐᑕᖃᓐᖏᓚᖅ ᐊᖑᒻᒧᑦ ᓂᕆᓗᓂ ᐃᒥᕐᓗᓂᓗ, ᐱᓇᓱᐊᕐᑕᒥᓂᒡᓗ ᐊᒃᓱᕈᕈᑎᒋᔭᒥᓂᒃ ᖁᕕᐊᒋᔭᖃᕐᓗᓂ. ᑕᒪᓐᓇᓗ ᑕᑯᓚᐅᕆᕙᕋ ᒎᑎᐅᑉ ᐊᒡᒐᖏᓐᓂᑦ ᐱᔪᖅ.

ᐂᓮᐊᓯᐅᑉ ᐊᒡᓚᖏᑦ 56:12

ᐅᖃᕐᐸᒃᐳᑦ, ‘ᕾᒋᑦᓯ ᕔᓂᒥᒃ ᐃᒥᕐᓂᐊᕐᑕᑦᓯᓐᓂᒃ ᐱᓂᐊᕋᒪ, ᐃᒥᕈᐃᑦᓯᐊᕐᓗᑕ ᓲᖑᔪᒥᒃ ᐃᒥᓚᐅᕐᑕ; ᖃᐅᒃᐸᑦ ᓱᓕ ᐅᓪᓗᒥᑐᑦ ᐱᓂᐊᕐᒥᒐᑦᑕ, ᐅᕝᕙᓘᓐᓃᑦ ᐱᐅᓂᕐᓴᒃᑲᓐᓂᕐᒥᒃ ᐱᓛᕐᐳᒍᑦ.’”

ᐂᒨᓯᐅᑉ ᐊᒡᓚᖏᑦ 6:13

ᐃᓕᑦᓯ ᖁᕕᐊᓲᑎᖃᕐᑐᓯ ᓵᓚᒃᓴᕐᓂᕐᒥᒃ ᓘ-ᑎᐹᕐᒥᒃ, ᐅᖃᕐᑐᓯᓗ, “ᑳᕐᓁᒻ ᑎᒍᓚᐅᓐᖏᓚᕘᑦ ᓇᖕᒥᓂᖅ ᓴᓐᖏᓂᑦᑎᓐᓅᑦ?”

ᓘᑲᓯᐅᑉ ᐊᒡᓚᖏᑦ 12:18

ᐅᖃᓕᕐᓗᓂ, ‘ᓂᕿᒃᓴᒃᑯᕕᒃᑲ ᐃᒡᓗᐃᑦ ᐲᔭᕐᓂᐊᕐᐸᒃᑲ; ᐊᖏᓂᕐᓴᓂᒃ ᓴᓇᓗᖓ; ᓂᐊᖂᔭᒃᓴᖁᑎᒃᑲ ᐱᖁᑎᒃᑲᓗ ᐃᓂᖃᓕᖁᓪᓗᒋᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:24

ᓯᓚᑐᔪᑦ ᓂᐊᖂᑎᖃᕐᐳᑦ ᓯᓚᑐᓂᕐᒥᖕᓂᒃ, ᓯᓔᑦᑑᓪᓕ ᓯᓔᑦᑑᓂᖅ ᓂᐊᖂᑎᒋᕚᑦ.