ᓘᑲᓯᐅᑉ ᐊᒡᓚᖏᑦ 11:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᐅᖃᐅᑎᕙᑦᓯ, ᐱᔪᒪᒍᑦᓯ, ᑕᕝᕙ ᑐᓂᓯᕕᐅᓂᐊᕐᐳᓯ; ᕿᓂᕆᑦᓯ, ᑕᕝᕙ ᓇᓂᓯᓂᐊᕐᐳᓯ; ᑎᒡᓗᒃᑐᕆᑦᓯ, ᑕᕝᕙ ᒪᑐᐃᕈᑦᔭᐅᓂᐊᕐᐳᓯ.

Aglait Ijjurnaittut

⁹ Uqautivassi, pijumagussi, tavva tunisiviuniaqpusi; qinirissi, tavva nanisiniaqpusi; tiglukturissi, tavva matuirujjauniaqpusi.

ᓘᑲᓯᐅᑉ ᐊᒡᓚᖏᑦ 11:9 ပူးပေါင်းရင်းမြစ်များ

ᐃᓐᖏᕈᑎᑦ 118:5

ᐊᒃᓱᕈᕕᒃᔪᐊᓕᕐᑎᓪᓗᖓ ᐊᑕᓂᖅ ᓂᓪᓕᐊᕕᒋᓚᐅᕐᐸᕋ: ᑕᕝᕙ ᐊᑕᓂᐅᑉ ᑭᐅᓚᐅᕐᐹᖓ ᕿᓚᕈᑦᔮᕐᓗᓂᖓᓗ.

ᐃᓐᖏᕈᑎᑦ 27:4

ᐊᑕᐅᓯᖅ ᕿᓄᐊᕆᕙᕋ ᐊᑕᓂᕐᒥᑦ, ᕿᓂᕐᓗᒍᓗ ᓇᓂᔪᒪᓪᓗᒍ; ᐊᑕᓂᐅᑉ ᐃᒡᓗᖓᓂ ᐃᓂᖃᕈᒪᓪᓗᖓ, ᐃᓅᓯᕐᒪ ᐅᓪᓗᖃᕐᓂᖓᓂ.

ᐃᓐᖏᕈᑎᑦ 27:8

ᐅᖃᕋᕕᑦ, “ᑮᓇᕋ ᕿᓂᕈᒃ,” ᐆᒻᒪᑎᒐ ᑕᕝᕙ ᐃᓕᖕᓄᑦ ᐅᖃᕐᐳᖅ, “ᑮᓁᑦ, ᐊᑕᓃᖅ ᕿᓂᕈᒪᕙᕋ.”

ᐃᓐᖏᕈᑎᑦ 34:10

ᓛᔧᑦ ᐃᓐᓇᐅᖏᑦᑐᑦ ᐊᔪᕐᓴᕈᓐᓇᕐᐳᑦ, ᑳᒡᓗᑎᒡᓗ ᐊᑕᓂᕐᒥᒡᓕ ᕿᓂᕐᑐᑦ ᓱᓇᒥᒡᓘᓐᓃᑦ ᐱᐅᔪᒥᒃ ᑭᓐᖒᒪᔭᖃᓐᖏᓚᑦ.

ᐃᓐᖏᕈᑎᑦ 34:4

ᐊᑕᓂᖅ ᕿᓂᓚᐅᕐᐸᕋ, ᑐᓴᓚᐅᕐᐹᖓᓗ, ᓴᐳᑎᓪᓗᖓᓗ ᑲᑉᐱᐊᒋᔭᓐᓂᑦ ᑕᒤᓐᓂᑦ.

ᐃᓐᖏᕈᑎᑦ 50:15

ᓂᓪᓕᐊᕕᒋᓯᓐᖓ ᐅᓪᓗᒥᒃ ᐊᒃᓱᕈᕐᓇᕐᑐᖃᕐᑎᓪᓗᒍ; ᑕᕝᕙ ᓴᐳᑎᓂᐊᕐᐸᑦᓯ, ᓂᕐᑐᕐᓂᐊᕐᐸᑦᓯᓐᖓᓗ.”

ᓲᓗᒨᓂᐅᑉ ᐃᓐᖏᕈᓯᖏᑦ 5:6

ᓇᒡᓕᒋᔨᒐ ᐅᒃᑯᐃᕈᑎᒐᒃᑯ, ᕿᒪᕉᑎᔭᕇᕐᓂᕋᒥ ᑕᒫᓃᓐᖏᓚᖅ. ᓄᑮᕐᔫᒥᓚᐅᕐᐳᖓ ᓂᐱᖓ ᑐᓴᕈᒪᒐᓗᐊᕐᓗᒍ. ᕿᓂᓚᐅᕋᓗᐊᕐᐸᕋ ᓇᓂᓇᒍᓗ; ᕾᒐᓛᕋᓗᐊᕋᒃᑯ, ᑭᐅᓚᐅᓐᖏᓛᖓ.

ᐂᓮᐊᓯᐅᑉ ᐊᒡᓚᖏᑦ 45:19

ᐃᔨᕋᕐᑐᕐᓗᖓ ᐅᖃᓚᐅᓐᖏᓚᖓ, ᓄᓇᐅᑉ ᑖᕐᓂᖓᓃᑦᑐᒥ; ᔧᑰᑉ ᑭᖑᕚᖏᑦ ᐅᖃᐅᑎᓚᐅᓐᖏᓚᒃᑲ, ‘ᕿᓂᕐᓯᓐᖓ ᑕᒪᐅᖎᓐᓇᖅ,’ ᐅᕙᖓ ᐊᑕᓂᖅ ᓇᓛᒎᕐᑐᒥᒃ ᐅᖃᐅᓯᖃᕐᐳᖓ, ᓈᒻᒪᓈᑦᓯᐊᕐᑐᓂᒡᓗ ᓇᓗᓁᕐᓯᓲᖑᓪᓗᖓ.”

ᔨᕆᒤᐊᐅᑉ ᐊᒡᓚᖏᑦ 29:12

ᕿᓄᒍᑦᓯ ᐅᕙᓐᓄᓪᓗ ᑐᒃᓯᐊᕈᑦᓯ ᑐᓴᕐᓂᐊᕐᐸᑦᓯ.

ᔨᕆᒤᐊᐅᑉ ᐊᒡᓚᖏᑦ 33:3

ᑐᒃᓯᐊᕐᕕᒋᒍᕕᖓ ᑭᐅᓂᐊᕐᐸᒋᑦ, ᐅᖃᐅᑎᓗᑎᓪᓗ ᖃᐅᔨᒪᓚᐅᓐᖏᑕᕐᓂᒃ ᐅᓄᕐᑐᓂᒃ.

ᑖᓂᐊᓕᐅᑉ ᐊᒡᓚᖏᑦ 9:3

ᑍᒤᒻᒪᑦ ᐊᑕᓂᕐᒧᑦ ᒎᑎᒧᑦ ᓵᓚᐅᕐᐳᖓ ᕿᓄᕕᒋᓪᓗᒍᓗ ᑐᒃᓯᐊᕐᕕᒋᕙᕋ, ᓂᕆᑦᑍᓕᓪᓗᖓᓗ, ᐊᓐᓄᕌᕐᓯᒪᓪᓗᖓᓗ ᐃᒃᐱᐊᕐᔪᒐᔭᐅᔮᕐᑐᓂᒃ, ᐊᕐᔭᓕᓂᕐᓃᓪᓗᖓᓗ.

ᒫᑎᐅᓯᐅᑉ ᐊᒡᓚᖏᑦ 21:22

ᓱᓇᑐᐃᓐᓇᑦᓯᐊᒥᒡᓗ ᑐᒃᓯᐊᕈᑦᓯ, ᑕᕝᕙ ᑐᓂᓯᕕᐅᓂᐊᕐᐳᓯ, ᐅᒃᐱᕈᑦᓯ.”

ᒫᑎᐅᓯᐅᑉ ᐊᒡᓚᖏᑦ 21:31

ᓇᓪᓕᐊᒃ ᑍᒪ ᐊᑖᑕᒥ ᐱᓇᓱᐊᕐᑕᐅᖁᔭᖓᓂᒃ ᐱᓇᓱᐊᓚᐅᕐᐹ?” ᑖᒃᑯᐊ ᑭᐅᕚ, “ᑖᓐᓇ ᐊᖓᔪᒃᖠᖅ.” ᑕᕝᕙ ᔩᓱᓯᐅᑉ ᐅᖃᐅᑎᕔᑦ, “ᓱᓕᔪᒥᒃ ᐅᖃᐅᑎᕙᑦᓯ, ᕉᒪᒥᐅᑦ ᑮᓇᐅᔧᕐᑎᑦᓯᔨᖁᑎᖏᑦ ᐊᖑᓐᓂᐊᕐᑏᓪᓗ ᐊᑐᒐᐅᓪᓗᑎᒃ ᓯᕗᓪᓕᐅᓗᑎᒃ ᐃᓕᑦᓯᓐᓂᑦ ᒎᑎᐅᑉ ᐊᑕᓂᐅᕕᖓᓄᐊᖅᑳᕈᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 6:29

ᐅᖃᐅᑎᕙᑦᓯ ᓲᓗᒨᓂ ᐊᖓᔪᖅᑳᕐᔪᐊᖅ ᐊᔪᕐᓴᖏᑦᑑᒐᓗᐊᕐᓗᓂ ᐊᓐᓄᕌᕐᓯᒪᕙᓚᐅᓐᖏᓚᖅ ᓄᓇᕋᕐᑎᑐᑦ ᑕᑯᒥᓇᕐᑎᒋᔪᓂᒃ.

ᒫᑯᓯᐅᑉ ᐊᒡᓚᖏᑦ 11:24

ᑍᒤᒻᒪᑦ ᐅᖃᐅᑎᕙᑦᓯ, ᑐᒃᓯᐊᕈᑦᓯ ᓱᓇᑐᐃᓐᓇᕐᒥᒃ ᐱᔪᒪᔭᖃᕐᓗᓯ, ᐅᒃᐱᕆᑦᓯ ᐱᔪᒪᔭᓯ ᐱᒐᑦᓯᐅᒃ, ᑕᕝᕙ ᑐᓂᓯᕕᐅᓂᐊᕐᐳᓯ.

ᒫᑯᓯᐅᑉ ᐊᒡᓚᖏᑦ 13:37

ᐃᓕᑦᓯᓐᓄᑦ ᐅᖃᐅᓯᕆᔭᕋ ᑕᒤᓐᓄᑦ ᐅᖃᕐᐸᕋ: ᐃᖅᑯᒪᑦᑎᐊᕆᑦᓯ.”

ᓘᑲᓯᐅᑉ ᐊᒡᓚᖏᑦ 11:10

ᓇᓪᓕᐊᑦ ᐱᔪᒪᔪᖅ ᑐᓂᓯᕕᐅᓂᐊᕐᒪᑦ, ᕿᓂᕐᑐᕐᓗ ᓇᓂᓯᓂᐊᕐᒪᑦ, ᑎᒡᓗᒃᑐᕐᑐᕐᓗ ᒪᑐᐃᕈᑦᔭᐅᓂᐊᕐᒪᑦ.

ᔪᐊᓇᓯᐅᑉ ᐊᒡᓚᖏᑦ 14:13

ᓱᓇᒥᒡᓘᓐᓃᑦ ᑐᒃᓯᐊᕐᓂᐊᕈᑦᓯ ᐊᑎᓐᓂ, ᐱᓇᓱᐊᕐᓂᐊᕐᐳᖓ, ᐊᑖᑕ ᓂᕐᑐᕐᓇᕐᑎᑕᐅᖁᓪᓗᒍ ᐃᕐᓂᕐᒥᒍᑦ;

ᔪᐊᓇᓯᐅᑉ ᐊᒡᓚᖏᑦ 15:16

ᓂᕈᐊᓚᐅᓐᖏᓚᑦᓯᓐᖓ, ᓂᕈᐊᓚᐅᕐᐸᑦᓯᓕ ᑎᓕᓪᓗᓯᓗ ᐸᐅᕐᖓᑲᕆᐊᕐᑐᖁᓪᓗᓯ ᐸᐅᕐᖓᖃᕐᓂᓯ ᑲᔪᓯᖁᓪᓗᒍ; ᓱᓇᑐᐃᓐᓇᕐᒥᒃ ᐊᑖᑕ ᑐᒃᓯᐊᕐᕕᒋᒍᑦᓯᐅᒃ ᐊᑎᓐᓂ, ᑐᓂᓯᓂᐊᕐᐳᖅ ᐃᓕᑦᓯᓐᓄᑦ.

ᔪᐊᓇᓯᐅᑉ ᐊᒡᓚᖏᑦ 15:7

ᐅᕙᓐᓃᓐᖏᓇᕈᑦᓯ, ᐅᖃᐅᓯᒃᑲᓗ ᐃᓗᑦᓯᓐᓃᖏᓐᓇᕐᐸᑕ, ᐱᔪᒪᔭᑦᓯᓐᓂᒃ ᓱᓇᑐᐃᓐᓇᒥᒃ ᑐᒃᓯᐊᕈᑦᓯ, ᑕᕝᕙ ᑐᓂᓯᕕᐅᓂᐊᕐᐳᓯ.

ᔪᐊᓇᓯᐅᑉ ᐊᒡᓚᖏᑦ 4:10

ᔩᓱᓯᐅᑉ ᑭᐅᕚ, “ᖃᐅᔨᒪᒍᕕᑦ ᒎᑎᐅᑉ ᑐᓂᕐᕈᑖᓂᒃ, ᑭᓇᐅᖕᒪᖔᓪᓗ ᐃᓕᖕᓄᑦ ᐃᒥᕐᑎᑕᐅᔪᒪᔪᖅ, ᑐᓂᓯᕕᐅᔪᒪᒐᔭᕐᐳᑎᑦ ᑖᑦᓱᒧᖓ, ᑖᑦᓱᒪᓗ ᑐᓂᓯᕕᒋᒐᔭᕐᐹᑎᑦ ᐃᒥᕐᒥᒃ ᐃᓅᓯᖃᕐᓇᕐᑐᒥᒃ.”

ᕉᒪᒥᐅᓄᑦ 2:7

ᕿᓄᐃᓵᕐᓗᑎᒡᓕ ᐱᐅᔪᒥᒃ ᐱᓇᓱᐊᕐᑐᑦ, ᓂᕐᑐᕐᑕᐅᓂᕐᒥᒃ ᕿᓂᕐᑐᑦ, ᐅᐱᒋᔭᐅᓂᕐᒥᒡᓗ, ᑐᖁᓱᐃᑦᑑᓂᕐᒥᒡᓗ, ᑖᑦᓱᒪ ᑐᓂᓯᕕᒋᔪᒫᕐᐰᑦ ᐃᓅᓯᕐᒥᒃ ᓄᖑᓱᐃᑦᑐᒥᒃ;

ᑯᕆᓐᑎᐊᒥᐅᓄᑦ ᐂᑉᐸᖏᑦ 6:2

ᒎᑎ ᐅᖃᕐᓯᒪᖕᒪᑦ, “ᓇᓪᓕᐅᓐᓂᖅ ᐊᑲᐅᓈᑦᓯᐊᓕᕐᑎᓪᓗᒍ ᑐᓴᓚᐅᕐᐸᒋᑦ, ᐃᑲᔪᓚᐅᕐᐸᒋᓪᓗ ᐅᓪᓗᖅ ᐱᐅᓕᔭᐅᕕᒃ ᓇᓪᓕᐅᑎᑎᓪᓗᒍ.” ᑕᑯᒋᑦ, ᒫᓐᓇ ᐊᑲᐅᓈᑦᓯᐊᕐᑐᖅ ᓇᓪᓕᐅᑎᕗᖅ; ᑕᑯᒋᑦ, ᒫᓐᓇ ᐅᓪᓗᖅ ᐱᐅᓕᔭᐅᕕᒃ ᓇᓪᓕᐅᑎᕗᖅ.

ᐄᑉᕈᐃᓄᑦ 11:6

ᐅᒃᐱᕐᓂᖃᖏᓪᓗᓂ ᒎᑎᒧᑦ ᖁᕕᐊᒋᔭᐅᓂᖅ ᐊᔪᕐᓇᕕᒃᐳᖅ. ᒎᑎᒧᐊᕈᒪᔪᖅ ᒎᑎᖃᕐᑐᒥᒃ ᐅᒃᐱᕐᑐᒃᓴᐅᕗᖅ ᑖᓐᓇ ᕿᓂᕐᑎᒥᓄᑦ ᐊᑭᓖᔪᓐᓇᕐᒪᑦ.

ᐄᑉᕈᐃᓄᑦ 4:16

ᑍᒤᒻᒪᑦ ᓯᕘᕋᖏᓪᓗᑕ ᐃᒃᓯᕙᐅᑕᕐᔪᐊᖅ ᖃᒡᓕᓕᕐᓚᕗᑦ ᐱᑦᓯᐊᕐᕕᐅᓂᖅ, ᑕᕝᕙᓂ ᓂᑲᒋᔭᐅᖁᓪᓗᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓄᓪᓗ ᐃᑲᔪᕐᑕᐅᖁᓪᓗᑕ ᐃᑲᔪᕐᑕᐅᔭᕆᐊᖃᕐᓂᕗᑦ ᒪᓕᒡᓗᒍ.

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.

ᔧᒥᓯᐅᑉ ᐊᒡᓚᖏᑦ 5:15

ᑐᒃᓯᐊᕐᓂᐅᓪᓗ ᐅᒃᐱᕐᓂᒃᑰᕐᑐᑉ ᖃᓂᒪᔪᖅ ᐋᖅᑭᖕᓂᐊᕐᐹ, ᐊᑕᓂᐅᓪᓗ ᒪᑭᑎᓗᒍ; ᐊᔪᕐᑐᓕᓯᒪᒃᐸᓪᓗ, ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᔪᐊᓇᓯ ᓯᕗᓪᓖᑦ 3:22

ᑖᑦᓱᒪᖓᑦ ᑐᓂᓯᕕᐅᕙᒃᑲᑦᑕ ᑕᒤᓐᓂᒃ ᑐᒃᓯᐊᕈᑎᒋᔭᑦᑎᓐᓂᒃ, ᐱᖁᔭᖏᓐᓂᒃ ᒪᓕᒃᑲᑦᑕ ᖁᕕᐊᒋᔭᖓᓂᒡᓗ ᐱᓇᓱᐊᕐᓗᑕ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 2:24

“‘ᑍᐊᑍᕋᒥᐅᑕᐅᔪᓯᓕ, ᐊᔪᕆᕐᑐᐃᓂᕐᓗᖕᓂᕐᒥᒃ ᑕᒪᑐᒥᖓ ᒪᓕᓐᖏᓚᓯ, ᖃᐅᔨᓚᐅᖏᑦᑐᓯᓗ ᓵᑖᓇᓯᐅᑉ ᐃᔨᕐᓯᒪᓪᓚᕆᒃᑐᒃᑯᑦ ᐱᓇᓱᐊᕐᓂᖓᓂᒃ, ᐃᓕᑦᓯᓐᓄᑦ ᐅᖁᒤᑦᑐᒋᐊᓪᓚᖕᒥᒃ ᐱᑎᑦᓯᓂᐊᓐᖏᓚᖓ;