ᓘᑲᓯᐅᑉ ᐊᒡᓚᖏᑦ 11:48 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁸ ᑕᕝᕙ ᓇᓗᓁᕐᓯᕗᓯ ᓈᒻᒪᒃᓴᕐᓂᑦᓯᓐᓂᒃ ᓯᕗᓕᑦᓯ ᐱᓂᐊᕐᓂᕆᓚᐅᕐᑕᖏᓐᓂᒃ; ᓯᕗᓕᓯ ᓇᓚᐅᑦᑍᔪᓂᒃ ᑐᖁᑦᓯᓚᐅᕐᐳᑦ, ᐃᓕᑦᓯᓕ ᑐᖁᓚᐅᕐᑕᖏᑦ ᐃᓗᕕᖃᕐᕕᓕᐅᕐᐸᓯ ᐃᖅᑲᐅᒪᔭᐅᑦᔪᑎᒃᓴᖏᓐᓂᒃ.

Aglait Ijjurnaittut

⁴⁸ Tavva nalunaiqsivusi naammaksarnissinnik sivulissi piniarnirilauqtanginnik; sivulissi nalauttaijunik tuqutsilauqput, ilissili tuqulauqtangit iluviqarviliuqpasi iqqaumajaujjutiksanginnik.

ᓘᑲᓯᐅᑉ ᐊᒡᓚᖏᑦ 11:48 ပူးပေါင်းရင်းမြစ်များ

ᔧᒥᓯᐅᑉ ᐊᒡᓚᖏᑦ 5:10

ᐅᒃᐱᕐᑑᖃᑎᒃᑲ, ᓇᓚᐅᑦᑍᔫᓚᐅᕐᑐᑦ ᐃᖅᑲᐅᒪᓚᐅᕐᓯᐅᒃ ᐊᑕᓂᐅᑉ ᐊᑎᖓᓂ ᐅᖃᕐᐸᓚᐅᕐᑐᑦ, ᐊᒃᓱᕈᕐᓇᕐᑐᒦᑎᑕᐅᓂᕐᒥᖕᓂ ᕿᓄᐃᓵᕈᑎᖃᕐᓗᑎᒃ ᐊᓂᒍᐃᕙᓚᐅᕐᑐᑦ.

ᒫᑎᐅᓯᐅᑉ ᐊᒡᓚᖏᑦ 23:31

ᑭᓯᐊᓂᓕ ᓇᓗᓁᕐᓯᕗᓯ ᑍᒃᑯᓄᖓ ᑭᖑᕚᕆᔭᐅᓂᑦᓯᓐᓂᒃ, ᓇᓚᐅᑦᑍᔪᓂᒃ ᐃᓄᐊᓚᐅᕐᑐᓄᑦ.

ᑯᕉᓂᑲ ᐂᑉᐸᖏᑦ 36:16

ᑖᒃᑯᐊᓕ ᒥᑕᐅᑎᖃᖃᑦᑕᓚᐅᕐᐳᑦ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᓐᓂᒃ, ᐅᖃᐅᓯᖏᓪᓗ ᓈᓚᒍᒪᓇᒋᑦ, ᐅᖃᕐᑎᖏᑦ ᒥᑕᐅᑎᒋᓪᓗᒋᑦ ᐅᖃᕐᓂᕐᓗᒡᕕᒋᖃᑦᑕᓚᐅᕐᐰᑦ, ᐊᑕᓂᐅᑉ ᓂᓐᖓᐅᓯᖓ ᐃᓄᖁᑎᒥᓄᑦ ᑎᑭᓚᐅᕐᑎᓐᓇᒍ, ᑖᒃᑯᐊᓗ ᐱᐅᓕᔭᐅᕕᒃᓴᖃᕈᓐᓃᓚᐅᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 18:19

“ᐊᐱᕆᒍᕕᓪᓕ ᖃᓄᐃᒻᒪᑦ ᐃᕐᓂᖓ ᐋᓐᓂᐊᕈᑎᖃᖃᑕᐅᓐᖏᓚᖅ ᐊᑖᑕᖓᑕ ᐊᔪᕐᑐᓕᓂᕕᓂᖏᓐᓅᑦ? ᑭᐅᒐᔭᕐᐸᑦᓯ ᐃᕐᓂᖓ ᐃᓱᐊᕐᑐᒥᒃ ᓈᒻᒪᑦᓯᐊᕐᑐᒥᒡᓗ ᐱᓇᓱᐊᓚᐅᕐᒪᑦ, ᒪᓕᒐᒃᓴᐅᖁᔭᒃᑲᓗ ᒪᓕᑦᓯᐊᓚᐅᕐᒪᒋᑦ, ᐃᓅᔪᒫᕐᐳᖅ ᖁᓚᕐᓇᖏᑦᑐᒥᒃ.

ᔫᐱᐅᑉ ᐊᒡᓚᖏᑦ 15:6

ᓇᖕᒥᓂᖅ ᐅᖃᐅᓯᕐᓄᑦ ᐸᓯᔭᐅᕗᑎᑦ, ᐅᕙᓐᓅᖏᑦᑐᖅ; ᖃᓂᕐᓄᑦ ᓇᖕᒥᓂᖅ ᓇᓗᓁᕐᐳᑎᑦ ᐊᑭᕋᕐᑐᕐᑕᐅᒐᕕᑦ.

ᔮᓱᐊᑉ ᐊᒡᓚᖏᑦ 24:22

ᑕᕝᕙ ᔮᓱᐊᑉ ᐃᓄᐃᑦ ᐅᖃᐅᑎᕔᑦ, “ᐊᓯᑦᓯᓐᓂᒃ ᓵᑕᒃᓴᖃᕐᓂᐊᖏᓐᓚᓯ ᖃᐅᔨᒪᓂᐊᕐᐳᓯ ᓇᖕᒥᓂᖅ ᓂᕈᐊᓚᐅᕋᑦᓯ ᐊᑕᓂᖅ ᐱᔨᑦᓯᕈᒪᓪᓗᒍ.” ᑖᒃᑯᐊ ᑭᐅᕗᑦ, “ᖃᐅᔨᒪᓂᐊᕐᐳᒍᑦ ᐊᓯᑦᑎᓐᓂᒃ ᓵᑕᒃᓴᖃᑦᔮᖏᓐᓇᑦᑕ.”

ᐃᓐᖏᕈᑎᑦ 64:8

ᓵᑕᐅᑎᑦᓱᒫᕐᐰᓪᓗ ᓇᖕᒥᓂᖅ ᐅᖃᐅᓯᖏᓐᓄᑦ; ᐊᔪᓕᕐᑎᓪᓗᒋᓪᓗ, ᑖᒃᑯᓂᖓᓗ ᑕᑯᔪᑦ ᕿᒫᔪᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 23:27

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐱᖁᔭᓂᒃ ᐃᓕᓮᔩᑦ ᐹᕆᓯᓪᓗ, ᑕᒃᑯᕐᒨᕐᑐᓯ! ᐃᓗᕕᕐᑎᑐᑦ ᖃᑯᕐᑕᒥᒃ ᓯᓚᑖᒍᑦ ᐊᒥᐊᕆᔪᑎᑐᑦ ᑍᒤᑉᐳᓯ, ᓯᓚᑎᖏᑦ ᑕᑯᒥᓇᕐᑐᐊᓘᕗᑦ, ᐃᓗᖏᓪᓕ ᑕᑕᑉᐳᑦ ᓴᐅᓂᕕᓂᕐᓂᒃ ᒪᒤᑦᑐᐊᓗᖕᓂᒡᓗ.

ᓘᑲᓯᐅᑉ ᐊᒡᓚᖏᑦ 11:47

ᐃᓕᑦᓯᓐᓄᑦ ᑲᑉᐱᐊᓐᓇᒦᒃ ᐃᓕᑦᓯ! ᓇᓚᐅᑦᑍᔪᑦ ᓯᕗᓕᑦᓯ ᑐᖁᓚᐅᕐᑕᖏᑦ ᐃᓗᕕᖃᕐᕕᓕᐅᕋᑦᓯᐅᒃ ᐃᖅᑲᐅᒪᔭᐅᑦᔪᑎᒃᓴᖏᓐᓂᒃ.

ᓘᑲᓯᐅᑉ ᐊᒡᓚᖏᑦ 11:49

ᑍᒤᒻᒪᑦ ᒎᑎ ᓯᓚᑐᓂᕐᒥᒍᑦ ᐅᖃᓚᐅᕐᐳᖅ, ‘ᓇᓚᐅᑦᑍᔪᓂᒃ ᐅᖃᕆᐊᕐᑐᕐᑎᑕᓐᓂᒡᓗ ᑎᓕᓯᕕᒋᔪᒫᕐᐸᒃᑲ; ᑖᒃᑯᐊᓕ ᑐᖁᑦᓯᔪᒫᕐᐳᑦ ᐃᓚᖏᓐᓂᒃ, ᐃᓚᖏᓪᓗ ᐊᑭᕋᕐᑐᕐᓗᒋᑦ.’

ᕉᒪᒥᐅᓄᑦ 1:32

ᒎᑎᐅᑉ ᐊᑐᕐᑕᐅᖁᔭᖓ ᓈᒻᒪᓈᕐᓯᒪᔪᖅ ᖃᐅᔨᒪᒐᓗᐊᕐᐹᑦ ᑍᒤᓕᐅᕐᑐᑦ ᑐᖁᑕᒃᓴᐅᓂᖏᓐᓂᒃ, ᑕᒪᒃᑯᓂᖓᓕ ᐊᑐᑐᐃᓐᓇᓐᖏᓚᑦ ᐊᓯᒥᖕᓂᒡᓕ ᐊᒡᓛᑦ ᓈᒻᒪᒃᓴᕐᐳᑦ ᑕᒪᒃᑯᓂᖓ ᐊᑐᕐᑐᓂᒃ.