ᓘᑲᓯᐅᑉ ᐊᒡᓚᖏᑦ 11:41 - ᐊᒡᓔᑦ ᐃᑦᔪᕐᖕᓁᑦᑐᑦ

⁴¹ ᑏᑑᑎᐅᑉ ᓂᕐᕆᓰᓪᓗ ᐃᓗᐊᓃᑦᑐᑦ ᑐᓂᓯᒋᒃ ᐊᒃᖢᔪᓄᑦ; ᑕᑯᒋᑦ, ᑕᕝᕙ ᓴᓗᒻᒪᑦᓯᐊᓕᕐᓂᐊᕐᐳᓯ ᐃᓘᓐᓇᖓᒍᑦ.

Aglait Ijjurnaittut

⁴¹ Tiituutiup nirrisiillu iluaniittut tunisigik aktlujunut; takugit, tavva salummatsialirniaqpusi iluunnangagut.

ᓘᑲᓯᐅᑉ ᐊᒡᓚᖏᑦ 11:41 ပူးပေါင်းရင်းမြစ်များ

ᐃᓐᖏᕈᑎᑦ 112:9

ᐂᑦᑐᕐᑐᐃᖃᑦᑕᕐᑐᖅ ᐊᓐᓂᕈᓱᒐᓂ, ᑐᓂᓯᖃᑦᑕᕐᑐᕐᓗ ᐃᑲᔪᕐᑕᐅᔭᕆᐊᓕᖕᓄᑦ; ᑖᑦᓱᒪ ᓇᓛᒎᕐᓂᖓ ᐃᓱᖃᖏᑦᑐᒧᑦ ᐃᓕᖓᕗᖅ; ᑖᑦᓱᒪ ᐱᔪᓐᓇᕐᓂᖓ ᐊᖏᒡᓕᑎᑕᐅᓂᐊᕐᐳᖅ ᐅᐱᒋᔭᐅᓗᓂᓗ.

ᐃᓐᖏᕈᑎᑦ 41:1

ᖁᕕᐊᓱᑦᓯᐊᕐᐳᖅ ᐊᔪᕐᓴᕐᑐᓂᒃ ᐃᓱᒪᒋᔭᖃᕐᑐᖅ; ᐊᑕᓂᐅᑉ ᓴᐳᑎᔪᒫᕐᒪᒍ ᐊᔪᕐᓇᕐᑐᖃᓕᕐᐸᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 14:31

ᐊᒃᓗᔪᓂᒃ ᐅᖁᒤᒃᓴᕐᑎᑦᓯᔪᖅ ᐱᓐᖑᕐᑎᑎᔨᒥᓂᒃ ᐱᐅᒃᓴᓐᖏᓚᖅ, ᐊᒃᓗᔪᓂᒡᓕ ᐱᑦᓯᐊᕐᑐᖅ ᒎᑎᒥᒃ ᐅᐱᒍᓱᖕᓂᖃᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 16:6

ᑲᒪᑦᓯᐊᕐᓂᕐᒧᑦ ᓱᖁᓯᔪᐃᑦᑑᓂᕐᒧᓪᓗ ᐊᔪᕐᑐᓕᓃᑦ ᐃᓱᒪᒋᔪᓐᓁᕐᑕᐅᑦᔪᑎᒃᓴᖃᕐᐳᑦ, ᐊᑕᓂᕐᒥᒃ ᓯᕘᕋᓂᒃᑯᑦ ᐃᓄᒃ ᐱᐅᖏᑦᑐᓂᒃ ᓂᒍᐃᔪᓐᓇᕐᐳᖅ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 19:17

ᐊᒃᓗᔪᓂᒃ ᐱᑦᓯᐊᕐᕕᖃᕐᑐᖅ ᐊᑕᓂᕐᒥᒃ ᐊᑐᕐᑎᑦᓯᔪᑎᑐᑦ ᑍᒤᑉᐳᖅ, ᐱᓂᐊᕐᓂᖏᓪᓗ ᐱᓪᓗᒋᑦ ᐅᑎᕐᑎᑦᓯᕕᐅᓂᐊᕆᕗᖅ.

ᑖᓂᐊᓕᐅᑉ ᐊᒡᓚᖏᑦ 4:27

ᑍᒤᒻᒪᑦ ᐊᖓᔪᖅᑳᕐᔪᐊᖅ, ᐅᖃᐅᓯᕋ ᐃᓚᓕᐅᕈᒃ: ᐊᔪᕐᓂᑎᑦ ᑐᓄᓕᒃᑭᑦ, ᐊᑲᐅᔪᒥᒃ ᐱᓇᓱᐊᕐᓗᑎᑦ, ᐱᐅᖏᑦᑐᓕᓂᑎᓪᓗ ᕿᒪᓕᒃᑭᑦ ᐊᔪᕐᓴᕐᑐᑦ ᓂᑲᒋᓗᒋᑦ; ᐊᔪᕐᓴᖏᓐᓃᑦ ᑲᔪᓰᓐᓇᖁᓪᓗᒍ.”

ᒫᑎᐅᓯᐅᑉ ᐊᒡᓚᖏᑦ 26:11

ᑍᒪᓐᖓᓕᒫᖅ ᐊᔪᕐᓴᕐᑐᓂᒃ ᓇᔪᕐᑎᕾᓐᓇᕐᓂᐊᕐᐳᓯ, ᑭᓯᐊᓂᓕ ᐅᕙᓐᓂᒃ ᓇᔪᕐᑎᕾᓐᓇᕐᓂᐊᓐᖏᓚᓯ.

ᒫᑎᐅᓯᐅᑉ ᐊᒡᓚᖏᑦ 5:42

ᓇᓪᓕᐊᓐᓄᑦ ᐱᔪᒪᕕᐅᒍᕕᑦ ᑐᓂᓯᕕᒋᓚᐅᕈᒃ: ᓱᓇᑐᐃᓐᓇᕐᒥᒃ ᐊᑐᕐᕕᐅᔪᒪᒍᕕᑦ ᐊᑐᕐᑎᓚᐅᕈᒃ.”

ᒫᑯᓯᐅᑉ ᐊᒡᓚᖏᑦ 7:19

ᐅᐱᓐᓇᕋᓂ ᐃᓅᑉ ᐃᓱᒪᖓᓄᐊᖏᓐᓇᒥ, ᐊᕿᐊᕈᖓᓄᐊᕐᐳᓪᓕ, ᐊᓂᓕᕆᓪᓗᑎᒃ ᐱᐅᓯᕐᒥᑐᑦ.” ᑕᒪᑐᒥᖓ ᔩᓱᓯ ᓇᓗᓁᕐᓯᕗᖅ ᓂᖀᑦ ᓂᕆᔭᐅᑦᑍᓕᔭᕆᐊᖃᖏᓐᓂᖏᓐᓂᒃ.

ᓘᑲᓯᐅᑉ ᐊᒡᓚᖏᑦ 12:33

ᐱᖁᑎᓯ ᓂᐅᕐᕈᑎᒋᓯᐅᒃ, ᑮᓇᐅᔧᑦ ᑐᓂᓗᒋᑦ ᐊᔪᕐᓴᕐᑐᓄᑦ; ᐴᒃᓴᕐᑖᕆᑦᓯ ᐱᑐᖃᓐᖑᕐᓂᐊᖏᑦᑐᓂᒃ, ᐱᒃᓴᕐᑖᕐᓗᓯᓗ ᕿᓚᖕᒥ ᓄᖑᓐᓂᐊᖏᑦᑐᓂᒃ, ᑎᒡᓕᒃᑎᓄᑦ ᐱᔭᐅᔪᓐᓇᖏᑦᑐᓂᒃ, ᖁᐱᕐᕈᓄᓪᓗ ᖃᓪᓗᓈᕐᑕᓂᒃ ᓂᕆᓲᓄᑦ ᓱᒃᑯᑕᐅᓂᐊᖏᑦᑐᓂᒃ.

ᓘᑲᓯᐅᑉ ᐊᒡᓚᖏᑦ 16:9

“ᐅᖃᐅᑎᕙᑦᓯ, ᐃᓚᓐᓈᖃᕋᓱᐊᕆᑦᓯ ᓯᓚᕐᔪᐊᕐᒥᐅᑦ ᐊᔪᕐᓴᖏᑦᔪᑎᖏᑦ ᐊᑐᕐᓗᒋᑦ, ᐊᔪᕐᓴᓕᕈᑦᓯ ᑐᓐᖓᓱᒃᑎᑕᐅᖁᓪᓗᓯ ᐊᖏᕐᕋᒃᓴᑦᓯᓄᑦ ᐃᓱᖃᖏᑦᑐᒧᑦ.

ᓘᑲᓯᐅᑉ ᐊᒡᓚᖏᑦ 18:22

ᔩᓱᓯᐅᑉ ᑐᓴᕋᒥᐅᒃ, ᐅᖃᐅᑎᕚ, “ᓱᓕ ᐊᑕᐅᓯᕐᒥᒃ ᐱᓯᒪᓐᖏᓚᑎᑦ. ᐱᖁᑎᓕᒫᑎᑦ ᓂᐅᕐᕈᑎᒋᔭᕐᑐᒃᑭᑦ ᑮᓇᐅᔭᑖᕆᔮᑎᓪᓗ ᑐᓂᐅᖃᐅᑎᒋᓗᒋᑦ ᐊᔪᕐᓴᕐᑐᓄᑦ, ᕿᓚᖕᒥ ᑕᕝᕙ ᐱᖁᑎᖃᑦᓯᐊᕐᓂᐊᕐᐳᑎᑦ; ᕾᓗᑎᑦ ᒪᓕᓐᖓ.”

ᓘᑲᓯᐅᑉ ᐊᒡᓚᖏᑦ 19:8

ᓴᑭᐊᓯ ᓂᑯᕕᓪᓗᓂ ᐊᑕᓂᕐᒧᑦ ᐅᖃᕐᐳᖅ, “ᑕᑯᒋᑦ ᐊᑕᓃᖅ, ᐱᖁᑎᒪ ᐊᕝᕙᖏᑦ ᑐᓂᓂᐊᕐᐸᒃᑲ ᐊᒃᖢᔪᓄᑦ; ᓴᒡᓗᕿᑦᓯᓯᒪᓐᓂᕈᒪᓗ ᓇᓪᓕᐊᓐᓂᑐᐃᓐᓇᖅ ᐅᑎᕐᑎᑦᓯᕕᒋᓂᐊᕐᐸᕋ ᓯᑕᒤᕐᓱᓪᓗᐊᕐᑐᒥᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:15

ᓂᐱᐅᑉ ᐂᑉᐸᖓᓂᒃ ᐅᖃᐅᑎᒃᑲᓐᓂᕐᐹ, “ᒎᑎᐅᑉ ᓴᓗᒻᒪᕐᑎᑕᖓᓂᒃ ᓇᕐᕈᓇᕐᑎᑦᓯᔪᒃᓴᐅᓐᖏᓚᑎᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 11:29

ᐅᒃᐱᕐᑐᑦ ᐋᖅᑭᒃᓯᓚᐅᕐᐳᑦ ᐊᑐᓂᑦ ᑐᔪᐃᔪᒪᓪᓗᑎᒃ ᐊᔪᓐᖏᑕᒥᖕᓂᒃ, ᐃᑲᔫᑎᒋᓂᐊᕐᑕᒥᖕᓂᒃ ᐅᒃᐱᕐᑑᖃᑎᒌᓄᑦ ᔫᑎᐊᒥ ᓄᓇᖃᕐᑐᓄᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 24:17

“ᐊᕐᕌᒍᓂᒃ ᐊᒥᓱᓂᒃ ᐊᐅᓪᓚᕐᓯᒪᓚᐅᕐᓗᖓ ᔨᕉᓴᓕᒻᒧᑦ ᐅᑎᓚᐅᕐᐳᖓ, ᐃᓅᖃᑎᒃᑲ ᐊᔪᕐᓴᕐᑐᑦ ᑮᓇᐅᔭᓂᒃ ᑐᓂᓯᕕᒋᔭᕐᑐᕐᓗᒋᑦ, ᑐᓂᕐᕈᓯᕆᐊᑐᕐᓗᖓᓗ ᑐᒃᓯᐊᕐᕕᒡᔪᐊᒥ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:12

ᑐᓂᓯᔪᒪᓂᕐᑕᖃᕐᐸᑦ, ᐃᓅᑉ ᑐᓂᕐᕈᑎᖓ ᐃᓚᓕᐅᕐᑕᐅᓂᐊᕐᐳᖅ ᑐᓂᓯᔪᒪᓂᖓ ᒪᓕᒡᓗᒍ, ᐱᖃᖏᓐᓂᖓ ᒪᓕᖕᓇᒍ.

ᐃᐱᓯᒥᐅᓄᑦ 4:28

ᑎᒡᓕᒃᐸᓚᐅᕐᑐᖅ ᑎᒡᓕᖃᑦᑕᕈᓐᓁᕐᓕ, ᓇᖕᒥᓂᕐᓕ ᐃᖅᑲᓁᔭᓕᕐᓕ, ᐱᐅᔪᒥᒃ ᐱᓇᓱᐊᕐᓗᓂ ᓇᖕᒥᓂᖅ ᐃᓅᑦᔪᑎᒃᓴᓕᐊᒥᓄᑦ ᒪᑭᑕᑎᒍᓐᓇᕐᓯᓂᐊᕐᒪᑦ, ᐊᓯᒥᓂᒡᓗ ᐊᔪᕐᓴᕐᑐᓂᒃ ᐃᑲᔪᕈᓐᓇᕐᓯᓗᓂ.

ᑍᑑᓯᒧᑦ 1:15

ᓱᓇᓕᒫᑦ ᐃᑦᔪᕐᓁᑉᐳᑦ ᐃᒻᒥᖕᓂᒃ ᐃᑦᔪᕐᓁᑎᑦᑐᓄᑦ, ᓇᕐᕈᓇᕐᑐᓕᔪᓄᓪᓕ ᐅᒃᐱᖏᑦᑐᓄᓪᓗ ᓱᓇᓕᒫᑦ ᐃᑦᔪᕐᓁᑦᑐᖃᓐᖏᓚᑦ; ᐃᓱᒪᖏᑦ ᐃᒃᐱᒋᓂᖏᓪᓗ ᓱᒃᑯᑕᐅᓯᒪᖕᒪᑕ.

ᐄᑉᕈᐃᓄᑦ 13:16

ᓄᖅᑲᐅᑦᔨᓂᐊᕋᓯ ᐱᑦᓯᐊᕐᓂᕐᒥᒃ ᐱᖁᑎᑦᓯᓐᓂᒡᓗ ᑲᑐᑦᔨᖃᑎᖃᕐᓂᕐᒥᒃ, ᑕᒪᒃᑯᐊ ᑐᓂᕐᕈᑏᑦ ᒎᑎᐅᑉ ᖁᕕᐊᒋᖕᒪᒋᑦ.

ᐄᑉᕈᐃᓄᑦ 6:10

ᒎᑎ ᐊᑦᔨᒌᖏᑎᑦᓯᖏᒻᒪᑦ; ᐱᓇᓱᐊᕐᓯᒪᔭᑦᓯᓐᓂᒃ ᖄᖐᓐᓁᓂᐊᖏᓚᖅ ᑖᑦᓱᒥᖓᓗ ᐱᓪᓚᕆᖃᕐᓂᕐᒥᒃ ᓴᖅᑭᑎᓯᒪᔭᑦᓯᓐᓂᒃ ᐃᓄᖁᑎᖏᓐᓂᒃ ᐃᑲᔪᖃᑦᑕᕐᓯᒪᓂᑦᓯᒍᑦ ᓱᓕᓗ ᐃᑲᔪᖃᑦᑕᕋᑦᓯᒋᒃ.

ᔧᒥᓯᐅᑉ ᐊᒡᓚᖏᑦ 1:27

ᐅᒃᐱᕐᓂᖅ ᐸᓯᔭᒃᓴᐅᓂᖃᖏᑦᑐᖅ ᓱᓕᔪᕐᓗ ᒎᑎᐅᑉ ᐊᑖᑕᐅᑉ ᓈᒻᒪᒋᔭᖓ ᐃᒤᑦᑑᕗᖅ; ᐃᓕᐊᕐᔪᐃᑦ ᐳᓛᕆᐊᖃᑦᑕᕐᓗᒋᑦ ᐅᐃᒡᒐᕐᓃᓪᓗ ᐅᖁᒤᒃᓴᕐᓂᖏᓐᓂᒃ ᐃᑲᔪᕐᓗᒋᑦ, ᓇᖕᒥᓂᕐᓗ ᐃᑦᔪᕐᓇᕐᓯᑎᑕᐅᑦᑍᓕᓗᓂ ᓯᓚᕐᔪᐊᕐᒥᐅᑦ ᐱᐅᓯᖏᓐᓄᑦ.