ᓘᑲᓯᐅᑉ ᐊᒡᓚᖏᑦ 11:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐊᓂᕐᓂᕐᓗᐃᑦ ᐊᓂᑎᑉᐸᒃᑯᒃᑭᑦ ᐱᐅᓪᓯᐹᐱᒃᑯᑦ, ᓱᓇᒧᓪᓕ ᒪᓕᒃᑎᓯ ᐊᓂᕐᓂᕐᓗᖕᓂᒃ ᐊᓂᑎᑦᓯᕙᒃᐹᑦ? ᑍᒤᒻᒪᑦ ᒪᓕᒃᑎᑦᓯᒍᑦ ᓱᓕᖏᓐᓂᓯ ᓴᖅᑭᑕᐅᕗᖅ.

Aglait Ijjurnaittut

¹⁹ Anirnirluit anitippakkukkit Piulsipaapikkut, sunamulli maliktisi anirnirlungnik anititsivakpaat? Taimaimmat maliktitsigut sulinnginnisi saqqitauvuq.

ᓘᑲᓯᐅᑉ ᐊᒡᓚᖏᑦ 11:19 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 15:6

ᓇᖕᒥᓂᖅ ᐅᖃᐅᓯᕐᓄᑦ ᐸᓯᔭᐅᕗᑎᑦ, ᐅᕙᓐᓅᖏᑦᑐᖅ; ᖃᓂᕐᓄᑦ ᓇᖕᒥᓂᖅ ᓇᓗᓁᕐᐳᑎᑦ ᐊᑭᕋᕐᑐᕐᑕᐅᒐᕕᑦ.

ᒫᑎᐅᓯᐅᑉ ᐊᒡᓚᖏᑦ 10:25

ᑍᒤᒻᒪᑦ, ᐃᓕᓐᓂᐊᕐᑎ ᐃᓕᓐᓂᐊᕐᑎᑦᓯᔨᒥᑐᑦ ᑍᒤᓕᕈᓂ ᑕᕝᕙ ᓈᒻᒪᒃᓯᕗᖅ, ᐱᔨᓗ ᐊᖓᔪᖅᑳᖃᕐᑐᖅ ᑍᒫᑦᓮᓐᓇᖅ ᐊᖓᔪᖅᑳᒥᑑᓕᕈᓂ ᑕᕝᕙ ᓈᒻᒪᒃᓯᕗᖅ. ᐃᓚᒌᒃᑐᑦ ᐊᖓᔪᖅᑳᖓᑦ ᐱᐅᓪᓯᐹᐱᒥᒃ ᑍᔭᐅᖃᑦᑕᕐᓯᒪᒃᐸᑦ, ᑕᕝᕙ ᓇᖕᒥᓂᖏᑦ ᐊᑎᖃᕐᑎᑕᐅᓂᐊᕐᐳᑦ, ᐱᐅᖏᓐᓂᕐᓴᐅᒃᑲᓐᓂᕐᑐᒥᒃ!”

ᒫᑎᐅᓯᐅᑉ ᐊᒡᓚᖏᑦ 4:24

ᑐᓴᐅᒪᔭᐅᓕᕐᐳᖅ ᓄᓇᒥ ᓯᕆᐊᓕᒫᒥ, ᐃᓄᐃᑦ ᑕᕝᕗᓐᖓᐅᑦᔨᕗᑦ ᖃᓂᒪᔪᖁᑎᒥᖕᓂᒃ, ᐊᑦᔨᒌᖏᑦᑐᓂᒃ ᖃᓂᒻᒪᓯᖃᕐᑐᓂᒃ, ᐃᓕᖅᑯᓯᕐᓗᒡᑐᓂᒡᓗ, ᐊᓂᕐᓂᕐᓗᖕᒧᓪᓗ ᐃᑎᕐᕕᐅᓯᒪᔪᓂᒃ, ᖀᕐᓱᕐᐸᒃᑐᓂᒡᓗ, ᓄᑭᖃᖏᑦᑐᓂᒡᓗ, ᔩᓱᓯᐅᑉ ᑕᒪᕐᒥᒃ ᐋᖅᑭᒃᐰᑦ.

ᓘᑲᓯᐅᑉ ᐊᒡᓚᖏᑦ 19:22

ᐊᖓᔪᖅᑳᖓᑕ ᑭᐅᕚ, ‘ᐃᖅᑲᕐᑐᕐᓂᐊᕐᐸᒋᑦ ᐅᖃᐅᓯᕐᑎᑦ ᒪᓕᒡᓗᒋᑦ, ᐱᔨᑦᓯᐊᕙᐅᖏᑦᑐᑎᑦ! ᖃᐅᔨᒪᒐᕕᑦ ᓂᑲᒍᓱᖃᖏᑦᑐᖓ, ᐃᓕᓚᐅᖏᑕᒃᑲᓗ ᑎᒍᒐᒃᑭᑦ, ᑲᓐᖓᕐᓲᑎᒋᓚᐅᓐᖏᑕᒃᑲᓗ ᑲᑎᕐᓱᕋᒃᑭᑦ.

ᓘᑲᓯᐅᑉ ᐊᒡᓚᖏᑦ 9:49

ᔪᐊᓇᓯ ᐅᖃᓕᕐᐳᖅ, “ᐊᔪᕆᕐᑐᐃᔩ, ᐃᓄᖕᒥᒃ ᑕᑯᓚᐅᕐᐳᒍᑦ ᐊᓂᑎᑦᓯᖃᑦᑕᕐᑐᒥᒃ ᐊᓂᕐᓂᕐᓗᖕᓂᒃ ᐃᕝᕕᑦ ᐊᑎᖓᓂ, ᑖᓐᓇ ᐃᓂᕐᑎᓚᐅᕐᐸᕗᑦ ᑍᒤᓕᐅᖁᓇᒍ ᐃᓚᒋᖏᓐᓇᑦᑎᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 19:13

ᐃᓚᖏᑦ ᔫᑎᑦ ᐊᓂᕐᓂᕐᓗᖕᓂᒃ ᐊᓂᑎᑦᓯᕙᒃᑐᑦ ᐊᑕᓂᐅᑉ ᔩᓱᓯᐅᑉ ᐊᑎᖓᓂᒃᑕᐅᖅ ᐊᑐᕋᓱᐊᓕᕐᐳᑦ ᐅᖃᕐᓗᑎᒃ, “ᐊᓂᖁᕙᑦᓯ ᔩᓱᓯᐅᑉ ᐊᑎᖓᓂ, ᐸᐅᓗᓯᐅᑉ ᐊᔪᕆᕐᑐᐃᑦᔪᑎᒋᔭᖓᓂ.”

ᕉᒪᒥᐅᓄᑦ 3:19

ᒫᓐᓇ ᖃᐅᔨᒪᕗᒍᑦ ᐱᖁᔧᑦ ᐅᖃᐅᑦᔨᖕᒪᑕ ᐱᖁᔭᖃᕐᑐᓄᑦ, ᐃᓄᓕᒫᑦ ᑭᐅᑦᔪᑎᒃᓴᖃᖁᓇᒋᑦ, ᓯᓚᕐᔪᐊᕐᒥᐅᓕᒫᑦ ᐃᖅᑲᕐᑐᕐᑕᐅᓕᕐᐸᑕ ᒎᑎᒧᑦ.