ᓘᑲᓯᐅᑉ ᐊᒡᓚᖏᑦ 10:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᑕᑯᒋᑦ, ᐱᔪᓐᓇᕐᑎᑕᐅᓂᕐᒥᒃ ᑐᓂᓯᕕᒋᓚᐅᕐᐸᑦᓯ, ᖁᒡᓗᒋᐊᑦ ᓯᑯᐊᕐᐱᐅᓃᓪᓗ ᑐᓪᓕᕋᕈᓐᓇᕐᓗᒋᑦ, ᐊᑭᕋᕐᑐᕐᑎᐅᓪᓗ ᐱᔪᓐᓇᕐᓂᓕᒫᖏᓐᓂᒃ ᓵᓚᖃᕈᓐᓇᖁᓪᓗᓯ; ᓱᓇᒧᓪᓘᓐᓃᑦ ᐋᓐᓂᕐᑕᐅᓂᐊᓐᖏᓚᓯ.

Aglait Ijjurnaittut

¹⁹ Takugit, pijunnaqtitaunirmik tunisivigilauqpassi, quglugiat sikuaqpiunillu tullirarunnarlugit, akiraqtuqtiullu pijunnarnilimaanginnik saalaqarunnaqullusi; sunamulluunniit aanniqtaunianngilasi.

ᓘᑲᓯᐅᑉ ᐊᒡᓚᖏᑦ 10:19 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 10:11

ᐊᑖᑕᒪᓗ ᐅᖁᒤᑦᑐᓂᒃ ᓇᖕᒪᒃᑎᓚᐅᕐᐹᓯ, ᓇᖕᒪᒃᑕᓯᓕ ᐃᓚᒋᐊᕈᒪᕙᒃᑲ. ᐊᑖᑕᒪ ᓱᒋᐊᖃᑦᑕᓚᐅᕐᐹᓯ ᐃᐸᕋᐅᑕᕐᒧᑦ, ᐅᕙᖓᓕ ᓱᒋᐊᕈᒫᕐᐸᑦᓯ ᑏᒐᕈᑎᓄᑦ ᓴᑯᐊᕐᐱᐅᓂᓄᑦ.’”

ᐃᓐᖏᕈᑎᑦ 91:13

ᓛᔭᓂᒃ ᖁᒡᓗᒋᐊᓂᒡᓗ ᐱᓱᒡᕕᖃᕐᓂᐊᕐᐳᑎᑦ, ᓛᔭᓪᓗ ᐃᓅᓱᒃᑐᑦ ᖁᒡᓗᒋᐊᓪᓗ ᑐᖁᓐᓇᕐᑐᓖᑦ ᑐᓪᓕᕋᕐᓂᐊᕐᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 11:8

ᓄᑕᕋᓛᕐᓗ ᐱᓐᖑᐊᕈᒫᕐᐳᖅ ᖁᒡᓗᒋᐊᑉ ᑐᖁᓐᓇᕐᑐᓕᐅᑉ ᓯᑎᖓᑕ ᓴᓂᐊᓂ, ᓄᑕᕈᑯᓘᓪᓗ ᐱᓱᒍᓐᓇᓕᕐᑑᑉ ᐊᒡᒐᖕᒥᓄᑦ ᑯᒡᓗᒋᐊᑉ ᓯᑎᖓ ᑲᐅᔪᒫᕐᐹ.

ᐃᓯᑭᐊᓕᐅᑉ ᐊᒡᓚᖏᑦ 2:6

“ᐃᕝᕕᓪᓕ, ᐃᓅᑉ ᐃᕐᓂᖓ, ᑲᑉᐱᐊᒋᓂᐊᕐᓇᒋᑦ, ᐅᖃᐅᓯᖏᓪᓗ ᓯᕘᕋᒋᓇᒋᑦ, ᑲᑭᓪᓚᕐᓇᕐᑐᑎᑐᑦ ᑲᐱᔭᐅᓐᓇᕐᑐᑎᑐᓪᓗ ᓯᑯᐊᕐᐱᐅᓃᑦ ᐊᑯᓐᓂᖓᓃᑦᑐᑎᑐᑦ ᑍᒤᑦᑑᖃᑦᑕᕐᓂᐊᕐᐳᑎᑦ, ᑍᒤᒃᑲᓗᐊᕐᐸᑕ ᑲᑉᐱᐊᒋᑦᑍᓕᒃᑭᑦ ᐅᖃᐅᓯᖏᓪᓘᓐᓃᑦ ᓯᕘᕋᒋᑦᑍᓕᓗᒋᑦ, ᑕᐅᑦᑐᖏᓐᓄᑦ ᓴᐱᓕᕐᑎᑕᐅᑦᑍᓕᒋᑦ, ᑖᒃᑯᐊ ᐊᑭᕋᕐᑐᕐᑎᐅᖕᒪᑕ.

ᒫᑯᓯᐅᑉ ᐊᒡᓚᖏᑦ 16:18

ᖁᒡᓗᒋᐊᓂᒃ ᑐᖁᓐᓇᕐᑐᓕᒡᓂᒃ ᑎᒍᓯᔪᓐᓇᕈᒫᕐᐳᑦ, ᑐᖁᓐᓇᕐᑐᒥᒡᓗ ᐃᒥᕋᓗᐊᕈᑎᒃ ᖃᓄᐃᓕᖃᑕᕈᒫᓐᖏᓚᑦ; ᖃᓂᒪᔪᑦ ᐸᑎᒻᒥᒃᐸᒋᑦ ᖃᓄᐃᑦᓱᓐᓃᖃᑦᑕᕈᒫᕐᐳᑦ.”

ᓘᑲᓯᐅᑉ ᐊᒡᓚᖏᑦ 11:12

ᐅᕝᕙᓗ ᒪᓐᓂᖕᒥᒃ ᐱᑦᔪᒪᑎᓪᓗᒍ, ᓯᑯᐊᕐᐱᐅᓂᒥᒃ ᑐᖁᓐᓇᕐᑐᖃᕐᑐᒥᒃ ᑐᓂᓯᕕᒋᒐᔭᕐᐱᓯᐅᒃ?

ᐋᐴᓯᑕᓖᑦ ᐱᓂᐊᕐᓂᖏᑦ 28:5

ᐸᐅᓗᓯᐅᓪᓕ ᖁᒡᓗᒋᐊᖅ ᐃᑯᒪᒧᑦ ᐃᒋᑉᐹ, ᖃᓄᐃᓕᔭᐅᓇᓂ ᑖᑦᓱᒧᖓ.

ᕉᒪᒥᐅᓄᑦ 16:20

ᑕᕝᕙ ᒎᑎᐅᑉ ᐃᓱᒪᔮᓐᖏᑎᑦᓯᓂᕐᒥᒃ ᐱᑕᓕᑐᐊᑉ ᐊᑯᓂᐅᖏᑦᑐᖅ ᓵᑖᓇᓯ ᓱᓇᐅᔪᓐᓃᕐᑎᓂᐊᕋᑦᓯᐅᒃ ᐃᑎᒐᑦᓯ ᐊᑖᓂ. ᐊᑕᓂᑦᑕ ᔩᓱᓯ ᙭ᔅᑑᓯᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᑕ ᐃᓚᒋᓕᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 11:5

ᑖᒃᑯᐊᒡᓕ ᓇᓪᓕᐊᓐᓄᑦ ᐊᓯᕈᕐᑕᐅᓇᓱᐊᕐᐸᑎᒃ, ᐃᑯᒪᒥᒃ ᐋᓐᓂᑎᑦᓯᔪᓐᓇᕐᐴᒃ ᖃᓂᕐᒥᖕᓂᑦ ᐊᑭᕋᕐᑐᕐᑎᑎᒃ ᓄᖑᓪᓗᒋᑦ; ᓇᓪᓕᐊᑦ ᑖᒃᑯᖕᓂᖓ ᐊᓯᕈᐃᓇᓱᐊᕐᑐᖅ ᑍᒫᒃ ᑐᖁᑕᐅᔪᒃᓴᐅᕗᖅ.