ᓘᑲᓯᐅᑉ ᐊᒡᓚᖏᑦ 1:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᑐᓂᕐᕈᓯᕐᑎᑦᓯᔨᐅᑉ ᐃᓕᖅᑯᓯᕆᕙᒃᑕᖏᑦ ᒪᓕᒡᓗᒋᑦ, ᓇᓚᐅᑦᓵᕈᑎᒃᑯᑦ ᓇᓚᐅᑕᐅᒐᒥ ᐱᓇᓱᐊᓕᓚᐅᕐᐳᖅ ᑎᐱᑦᓯᐊᕆᒃᑐᒥᒃ ᐳᔫᕐᑎᑦᓯᔭᕆᐊᖃᓕᕐᓗᓂ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓄᑦ ᐃᓯᓚᐅᕐᐳᖅ.

Aglait Ijjurnaittut

⁹ Tunirrusiqtitsijiup iliqqusirivaktangit maliglugit, nalauttaarutikkut nalautaugami pinasualilauqpuq tipitsiariktumik pujuuqtitsijariaqalirluni Ataniup tuksiarvigjuaqutinganut isilauqpuq.

ᓘᑲᓯᐅᑉ ᐊᒡᓚᖏᑦ 1:9 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 23:13

ᐊᒪᕌᒥᐅᑉ ᐃᕐᓂᖏᒃ: ᐂᕉᓂ ᒨᓯᓯᓗ. ᐂᕉᓂ ᓴᓂᕐᕙᒃᑕᐅᓯᒪᓚᐅᕐᐳᖅ ᐃᑦᔪᕐᓁᓐᓂᕐᐹᓂᒃ ᐱᓇᓱᐊᕐᑎᐅᖁᓪᓗᒍ, ᐂᕉᓂᓗ ᐃᕐᓂᖏᓪᓗ ᐃᓱᖃᖏᑦᑐᒧᑦ ᑎᐱᑦᓯᐊᕆᒃᑐᓂᒃ ᐳᔫᕐᑎᑦᓯᔨᐅᖁᓪᓗᒋᑦ ᐊᑕᓂᐅᑉ ᓵᖓᓂ, ᑖᓐᓇᓗ ᐱᔨᑦᓯᕐᓗᒍ ᓮᒻᒪᕐᑎᑦᓯᖃᑦᑕᕐᓗᑎᒡᓗ ᐃᓄᖕᓂᒃ ᑖᑦᓱᒪ ᐊᑎᖓᓂ ᐃᓱᖃᖏᑦᑐᒧᑦ.

ᑯᕉᓂᑲ ᓯᕗᓪᓖᑦ 6:49

ᐂᕉᓂᓕ ᐃᕐᓂᖏᓪᓗ ᑐᓂᕐᕈᓯᖃᑦᑕᓚᐅᕐᐳᑦ ᑐᓂᕐᕈᑎᓂᒃ ᑐᓂᕐᕈᓯᕐᕕᖕᒥ ᐃᑯᐊᓚᒋᐊᓕᖕᓂᒃ ᑎᐱᑦᓯᐊᕆᒃᑐᓂᒡᓗ ᐳᔪᕐᓂᒃ ᐱᓇᓱᒋᐊᓕᓕᒫᓂᒡᓗ ᐃᑦᔪᕐᓁᓐᓂᕐᐹᒥ ᐱᓇᓱᐊᕐᐸᒃᓱᑎᒃ, ᐃᓴᕆᐊᓕᒥᐅᓪᓗ ᐃᓱᒪᒋᔪᓐᓁᕐᑕᐅᑦᔪᑎᒃᓴᖏᓐᓂᒃ, ᒎᑎᐅᑉ ᐱᔨᖓᑕ ᒨᓯᓯᐅᑉ ᐱᖁᔭᓕᒫᖏᑦ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 26:16

ᐱᔪᓐᓇᕐᓯᒐᒥ ᐆᒻᒪᑎᒥᒍᑦ ᐱᐅᔪᕆᓂᖃᓕᓚᐅᕐᐳᖅ, ᑕᒪᓐᓇᓗ ᑲᑕᒍᑎᒋᓪᓗᓂᐅᒃ. ᓱᓕᖏᑦᑐᒦᓕᓚᐅᕐᒪᑦ ᐊᑕᓂᕐᒧᑦ ᒎᑎᒥᓄᑦ, ᐃᓯᓚᐅᕐᒪᑦ ᐊᑕᓂᐅᑉ ᑐᒃᓯᐊᕐᕕᒡᔪᐊᖁᑎᖓᓄᑦ ᐃᑯᐊᓪᓔᒋᐊᕐᑐᕐᓗᓂ ᑎᐱᑦᓯᐊᕆᒃᑐᒥᒃ ᑐᓂᕐᕈᓯᕐᕕᖕᒥ.

ᑯᕉᓂᑲ ᐂᑉᐸᖏᑦ 29:11

ᐃᕐᓂᒃᑳ, ᒫᓐᓇ ᐃᒃᐱᒍᓱᖏᑦᑑᑦᑍᓕᒋᑦᓯ, ᐊᑕᓂᐅᑉ ᓂᕈᐊᓚᐅᕐᒪᓯ ᓇᖏᖁᓪᓗᓯ ᑖᑦᓱᒪ ᓵᖓᓂ, ᐱᔨᑦᓯᕐᕕᒋᓗᒍ, ᑖᑦᓱᒧᖓᓗ ᐱᔨᑦᓯᕐᑎᒋᔭᐅᖁᓪᓗᓯ ᐃᑯᐊᓪᓔᖁᓪᓗᓯ ᑎᐱᑦᓯᐊᕆᒃᑐᒥᒃ.”

ᒨᓯᓯ ᓯᑕᒪᖏᑦ 16:40

ᐃᖅᑲᐅᒪᑦᔪᑕᐅᖁᓪᓗᒍ ᐃᓴᕆᐊᓕᒥᐅᓄᑦ ᒫᓐᖓᑐᐃᓐᓇᖅ ᐱᔪᑦ, ᐂᕉᓂᐅᑉ ᑭᖑᕚᖏᓐᓂᑦ ᐱᖏᑦᑐᑦ, ᐊᑕᓂᐅᑉ ᓵᖓᓂ ᐃᓯᕐᓗᐊᕐᓂᑎᑦᓯᓗᓂ ᑐᓂᕐᕈᓯᖁᓇᒍ ᐊᑕᓂᕐᒧᑦ, ᑰᕋᑐᑦ ᐃᓚᒋᓚᐅᕐᑕᖏᑎᑐᓪᓗ ᐱᔭᐅᖁᓇᒍ, ᐊᑕᓂᖅ ᑍᒫᒃ ᐅᖃᓚᐅᕐᒪᑦ ᒨᓯᓯᑯᑦ.

ᒫᑎᐅᓯᐅᑉ ᐊᒡᓚᖏᑦ 27:5

ᔫᑕᓯᐅᑉ ᑮᓇᐅᔧᑦ ᑐᒃᓯᐊᕐᕕᒃᔪᐊᕐᒧᑦ ᐃᒋᓪᓗᒋᑦ; ᑕᕝᕙᓐᖓᑦ ᐊᓂᕗᖅ; ᐃᒻᒥᓂᒃ ᕿᒥᑦᑕᕐᑐᕐᓗᓂ.

ᐄᑉᕈᐃᓄᑦ 9:6

ᑕᒪᒃᑯᐊ ᑍᒫᒃ ᐋᖅᑭᒃᑕᐅᓯᒪᓚᐅᕐᐳᑦ, ᖃᐅᑕᒫᑦ ᑐᓂᕐᕈᓯᕐᑎᑦᓯᔩᑦ ᑐᐱᕐᒧᐊᕐᐸᓚᐅᕐᐳᑦ ᓯᓚᑖᓃᓐᓂᕐᓴᒧᑦ ᐱᓇᓱᐊᒐᒃᓴᒥᖕᓂᒃ ᐱᓇᓱᐊᕐᓗᑎᒃ,

ᓴᒧᐃᓕ ᓯᕗᓪᓖᑦ 2:28

ᑖᓐᓇ ᓂᕈᐊᓚᐅᕐᐸᕋ ᐃᓴᕆᐊᓕᒥᐅᓕᒫᓂᑦ ᑐᓂᕐᕈᓯᕐᑎᑦᓯᔨᐅᖁᓪᓗᒍ, ᑐᓂᕐᕈᓯᕐᕕᖁᑎᓐᓂ, ᐳᔪᕐᒥᒃ ᐃᑯᐊᓪᓔᔨᐅᖁᓪᓗᒍ ᑎᐱᑦᓯᐊᕆᒃᑐᒥᒃ, ᓴᒡᕕᖕᒥᐅᑕᒥᒡᓗ ᐊᑐᖃᑦᑕᖁᓪᓗᒍ ᓵᓐᓂ; ᓯᕗᓕᓯᓗ ᐱᔪᓐᓇᕐᑎᓚᐅᕐᐸᕋ ᑐᓂᕐᕈᑏᑦ ᐃᑯᐊᓪᓚᒃᑕᐅᔪᑦ ᐃᓚᖏᓐᓂᒃ ᐃᓴᕆᐊᓕᒥᐅᓂᑦ ᑐᓂᕐᕈᓯᕐᕕᖕᒥᑦ ᐱᖃᑦᑕᖁᓪᓗᒍ.