ᓘᑲᓯᐅᑉ ᐊᒡᓚᖏᑦ 1:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓴᑲᕅᐊ ᐱᓇᓱᐊᕐᑎᓪᓗᒍ ᑐᓂᕐᕈᓯᕐᓂᕐᒥᒃ ᒎᑎᐅᑉ ᓵᖓᓂ ᖃᐅᑕᒫᑦ ᐊᑐᕐᑕᐅᕙᒃᑐᒥᒃ ᑐᒃᓯᐊᕐᕕᒡᔪᐊᒥ; ᐱᓇᓱᐊᕐᕕᒃᓴᖓ ᓇᓪᓕᐅᑎᓯᒪᓕᕐᒪᑦ.

Aglait Ijjurnaittut

⁸ Sakaraia pinasuaqtillugu tunirrusirnirmik Guutiup saangani qautamaat atuqtauvaktumik tuksiarvigjuami; pinasuarviksanga nalliutisimalirmat.

ᓘᑲᓯᐅᑉ ᐊᒡᓚᖏᑦ 1:8 ပူးပေါင်းရင်းမြစ်များ

ᑯᕉᓂᑲ ᓯᕗᓪᓖᑦ 24:19

ᑖᒃᑯᐊ ᐱᕕᒃᓴᕐᑖᕐᑎᑕᐅᕗᑦ ᐊᑐᓂᑦ ᐱᔨᑦᓯᖁᓪᓗᒋᑦ ᐊᑕᓂᐅᑉ ᐃᒡᓗᖓᓄᑦ ᐃᑎᕐᕕᒃᓴᖃᕐᓗᑎᒃ ᐱᖁᔧᑦ ᒪᓕᒡᓗᒋᑦ ᓯᕗᓕᖓᓐᓂᑦ ᐂᕉᓂᒥᑦ ᐱᒋᐊᕐᑎᑕᐅᓯᒪᔪᑦ, ᑍᒫᒃ ᐊᑕᓂᐅᑉ ᐃᓴᕆᐊᓕᒥᐅᑉ ᒎᑎᖓᑕ ᑎᓕᓚᐅᕐᒪᒍ.

ᑯᕉᓂᑲ ᓯᕗᓪᓖᑦ 24:2

ᓁᑖᑉᓗ ᐊᐱᕼᐅᓗ ᑐᖁᖅᑳᓚᐅᕐᐴᒃ ᐊᑖᑕᒥᖕᓂᑦ, ᕿᑐᕐᖓᕐᑖᓚᐅᕋᑎᒃ; ᑍᒤᒻᒪᑦ ᐃᓕᓯᕆᒃᑯᒃ ᐃᑕᒫᕆᒃᑯᒃ ᑐᓂᕐᕈᓯᕐᑎᑦᓯᔨᐅᓕᓚᐅᕐᐴᒃ.

ᑯᕉᓂᑲ ᐂᑉᐸᖏᑦ 11:14

ᓕᕔᑏᑦ ᓄᓇᖁᑎᒥᖕᓂᒃ ᐱᖁᑎᒥᖕᓂᒡᓗ ᕿᒤᓪᓗᑎᒃ ᔫᑕᒧᐊᕐᐳᑦ ᔨᕉᓴᓕᒧᓪᓗ, ᔨᕈᐳᐊᒻ ᐃᕐᓂᖏᑕᓗ ᐊᓂᑎᓚᐅᕐᒪᒋᑦ ᐱᔨᑦᓯᕐᕕᖏᓐᓂᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ ᐊᑕᓂᕐᒧᑦ,

ᑯᕉᓂᑲ ᐂᑉᐸᖏᑦ 31:19

ᐂᕉᓂᐅᓪᓗ ᐃᕐᓂᖏᑦ ᑐᓂᕐᕈᓯᕐᑎᑦᓯᔩᑦ, ᐱᕈᕐᓰᕕᖁᑎᖃᓚᐅᕐᐳᑦ ᐃᒡᓗᒐᓴᖁᑎᒥᖕᓂ, ᐃᒡᓗᒐᓴᓕᒫᓂ ᐊᖑᑏᑦ ᑎᓕᔭᐅᓯᒪᓚᐅᕐᐳᑦ ᐊᑎᖏᑦ ᒪᓕᒡᓗᒋᑦ ᐂᑦᑐᕐᑐᐃᔨᐅᖁᓪᓗᒋᑦ ᐊᖑᑎᓕᒫᓄᑦ ᑐᓂᕐᕈᓯᕐᑎᑦᓯᔨᓄᑦ ᓕᕔᑎᓄᓪᓗ ᐃᓚᒌᖕᓂᖏᑕ ᑎᑎᕋᕐᑕᐅᓯᒪᓂᖏᑦ ᒪᓕᒡᓗᒋᑦ.

ᑯᕉᓂᑲ ᐂᑉᐸᖏᑦ 31:2

ᕼᐃᓯᑬᐊᐅᓪᓗ ᑐᓂᕐᕈᓯᕐᑎᑦᓯᔩᑦ ᑎᓕᕔᑦ ᐊᕕᒃᑐᕐᓯᒪᔪᑦ ᓕᕔᑎᓪᓗ ᐊᒡᒍᕐᓯᒪᓂᖏᑦ ᒪᓕᒡᓗᒋᑦ, ᐃᓘᓐᓇᑎᒃ ᐱᓕᕆᐊᕆᔭᕆᐊᖃᕐᑕᖏᑦ ᒪᓕᒡᓗᒋᑦ, ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ, ᐃᑯᐊᓪᓚᒋᐊᓕᖕᓄᑦ ᓮᒻᒪᕐᑎᑕᐅᓂᕐᒧᓪᓗ ᑐᓂᕐᕈᑎᓂᒃ ᐱᔨᑦᓯᖁᓪᓗᒋᑦ, ᖁᔭᓕᖁᓪᓗᒋᑦ ᓂᕐᑐᐃᖁᓪᓗᒋᓪᓗ ᑐᒃᓯᐊᕐᕕᒡᔪᐊᑉ ᐃᑎᕐᑕᕐᕕᖏᓐᓂ.

ᑯᕉᓂᑲ ᐂᑉᐸᖏᑦ 8:14

ᐊᑖᑕᖓᑕ ᑍᕕᑎᐅᑉ ᐊᑐᕐᑕᐅᖃᕐᑕᖁᓚᐅᕐᑕᖏᑦ ᒪᓕᒡᓗᒋᑦ, ᑎᓕᓯᕗᖅ ᑐᓂᕐᕈᓯᕐᑎᑦᓯᔩᑦ ᐊᕕᒃᑐᕐᓗᒋᑦ ᐱᓂᐊᒐᒃᓴᖏᓐᓄᑦ, ᓕᕔᑏᓪᓗ ᐱᓂᐊᒐᒃᓴᖏᓐᓄᑦ ᓂᕐᑐᐃᔨᐅᖁᓪᓗᒋᑦ ᐱᔨᑦᓯᕐᓗᑎᒃ ᑐᓂᕐᕈᓯᕐᑎᑦᓯᔨᓂᒃ ᐅᓪᓗᑕᒫᑦ ᐱᔭᒃᓴᖏᑦ ᒪᓕᒡᓗᒋᑦ, ᐃᑎᕐᑕᕐᕕᖕᒥᐅᑍᓪᓗ ᐊᕕᒃᑐᕐᓯᒪᓂᖏᑦ ᐃᑎᕐᑕᕐᕕᖕᓂ ᒪᓕᒡᓗᒋᑦ; ᑍᕕᑎᐅᑉ ᒎᑎᐅᑉ ᐃᓄᖁᑎᖓᑕ ᐱᖁᔨᑦᔪᑎᒋᓚᐅᕐᑕᖏᑦ ᒪᓕᒡᓗᒋᑦ.

ᐄᓱᕋᐅᑉ ᐊᒡᓚᖏᑦ 6:18

ᐋᖅᑭᒃᓱᐃᓚᐅᕐᐳᑦ ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕐᕕᒃᓴᖏᓐᓂᒃ ᓕᕔᑎᓪᓗ ᑐᒃᓯᐊᕐᑎᑦᓯᖃᑦᑕᕐᓂᒃᓴᖏᓐᓂᒃ ᑐᒃᓯᐊᕐᕕᒡᔪᐊᒥ ᔨᕉᓴᓕᒦᑦᑐᒥ, ᒨᓯᓯᐅᑉ ᐊᓪᓚᖏᑕ ᐱᖁᔨᓂᖏᑦ ᒪᓕᒡᓗᒋᑦ.

ᒨᓯᓯ ᐂᑉᐸᖏᑦ 28:1

“ᐊᖓᔪᐃᑦ ᐂᕉᓂ ᕾᖁᓚᐅᕈᒃ ᐃᕐᓂᖏᓪᓗ, ᓇᑖᑉ, ᐊᐱᕼᐅ, ᐃᓕᓯᕆ, ᐃᑕᒫᕐᓗ, ᑖᒃᑯᐊᓗ ᐃᓴᕆᐊᓕᒥᐅᑦ ᐃᓄᖏᓐᓂᑦ ᓴᓂᕐᕙᒃᑕᐅᔪᒃᓴᐅᕗᑦ, ᐅᕙᓐᓄᑦ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᕐᒥᒃ.

ᒨᓯᓯ ᐂᑉᐸᖏᑦ 28:41

ᐂᕉᓂ ᐊᖓᔪᐃᑦ ᐊᓐᓄᕌᕐᑕᒃᓴᕆᕙᑦ ᐃᕐᓂᖏᓪᓗ ᐃᓚᒋᓗᒋᑦ, ᓇᐹᕐᑑᓪᓗ ᐅᕐᓱᖓᓄᑦ ᒥᖑᐊᕐᓗᒋᑦ ᑐᓂᕐᕈᓯᕐᑎᑦᓯᔨᓐᖑᕐᑎᑕᒃᓴᕆᕙᑎᑦ, ᐃᑦᔪᕐᓁᑎᑕᒃᓴᕆᕙᑎᑦ ᑖᒃᑯᐊ ᐅᕙᓐᓂᒃ ᐱᔨᑦᓯᖁᓪᓗᒋᑦ ᑐᓂᕐᕈᓯᕐᑎᑦᓯᔨᐅᓂᒃᑯᑦ.

ᒨᓯᓯ ᐂᑉᐸᖏᑦ 29:1

“ᐃᒫᒃ ᑕᕝᕙ ᐱᔪᒃᓴᐅᕗᑎᑦ ᐂᕉᓂᒧᑦ ᐃᕐᓂᖏᓐᓄᓪᓗ ᑐᓂᕐᕈᓯᕐᑎᑦᓯᔨᓐᖑᕐᑎᑕᐅᖁᓪᓗᒋᑦ ᑐᓂᔭᐅᖁᓪᓗᒋᓪᓗ ᐅᕙᓐᓄᑦ, ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ ᓰᐱᐅᓪᓗ ᐊᖑᓴᓪᓗᖏᖕᓂᒃ ᒪᕐᕉᖕᓂᒃ ᖃᓄᐃᑦᔪᑎᖃᖏᑦᓯᐊᕐᑐᓂᒃ ᓇᒃᓴᕐᑐᒃᓴᐅᕗᑎᑦ.

ᒨᓯᓯ ᐂᑉᐸᖏᑦ 29:44

ᑐᐱᕐᓗ ᑐᓂᕐᕈᓯᕐᕕᓕᒫᓪᓗ ᐃᑦᔪᕐᓁᑦᑐᓐᖑᕐᑎᓐᓂᐊᕐᐸᒃᑲ; ᐂᕉᓂᓗ ᐃᕐᓂᖏᓪᓗ ᐃᑦᔪᕐᓁᑦᑐᓐᖑᕐᑎᓪᓗᒋᑦ ᓴᓂᕐᕙᒃᑕᐅᑎᓐᓂᐊᕐᐸᒃᑲ ᑐᓂᕐᕈᓯᕐᑎᑦᓯᔨᐅᓕᖁᓪᓗᒋᑦ ᐅᕙᓐᓄᑦ.

ᒨᓯᓯ ᐂᑉᐸᖏᑦ 29:9

ᑕᑦᓯᕈᓯᕐᓗᒋᓪᓗ ᓇᓴᕐᓗᒋᓪᓗ ᓂᒥᕐᓗᒋᑦ. ᑍᒫᒃ ᑕᕝᕙ ᐂᕉᓂᒃᑯᑦ ᐃᕐᓂᕇᑦ ᑐᓂᕐᕈᓯᕐᑎᑦᓯᔨᓐᖑᕐᑎᑕᒃᓴᕆᕙᑎᑦ, ᑖᒃᑯᐊᓗ ᑭᖑᕚᖏᓪᓗ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᔨᑦᓯᖁᓪᓗᒋᑦ ᐅᕙᓐᓂᒃ ᑍᒪᓐᖓᑦ ᐃᓱᖃᖏᑦᑐᒧᑦ.

ᒨᓯᓯ ᐂᑉᐸᖏᑦ 30:30

ᑕᕝᕙ ᐂᕉᓂ ᐃᕐᓂᖏᓪᓗ ᑕᒪᑐᒧᖓ ᒥᖑᐊᕐᑕᕐᓴᕆᕙᑎᑦ, ᑎᓕᓗᒋᓪᓗ ᑐᓂᕐᕈᓯᕐᑎᑦᓯᔨᐅᓕᖁᓪᓗᒋᑦ ᑕᒪᑐᒨᓇ ᐅᕙᓐᓂᒃ ᐱᔨᑦᓯᕈᓐᓇᖁᓪᓗᒋᑦ.

ᒨᓯᓯ ᓯᑕᒪᖏᑦ 18:7

ᑍᒤᒻᒪᑦ ᐃᕝᕕᑦ, ᐃᕐᓂᑎᓪᓗ ᐃᓚᒋᓗᒋᑦ ᑐᓂᕐᕈᓯᕐᑎᑦᓯᔨᐅᓂᐊᕐᐳᓯ ᑐᓂᕐᕈᓯᕐᕕᖕᒥ ᖃᓄᐃᓕᐅᕆᐊᖃᕐᑐᓕᒫᓂᒃ ᑖᓗᑕᕐᔪᐊᓪᓗ ᐅᖓᑖᓃᑦᑐᓂᒃ; ᑍᒫᒃ ᐱᔨᑦᓯᕐᓂᐊᕐᐳᓯ. ᑐᓂᕐᕈᓯᕐᑎᑦᓯᔨᐅᓂᖅ ᐃᓕᑦᓯᓐᓄᑦ ᑐᓂᕐᕈᑎᒋᕙᕋ ᐱᔨᑦᓯᕈᑎᒋᓂᐊᕋᑦᓯᐅᒃ, ᓯᓚᑎᑦᓯᓐᓂᓪᓕ ᐱᔪᖅ ᐃᓕᑦᓯᓐᓄᑦ ᖃᒡᓕᔪᖅ ᑐᖁᑕᒃᓴᐅᕗᖅ.”

ᓘᑲᓯᐅᑉ ᐊᒡᓚᖏᑦ 1:5

ᑍᑦᓱᒪᓂ ᐃᕉᑕᓯ ᐊᖓᔪᖅᑳᕐᔪᐊᖑᑎᓪᓗᒍ ᔫᑎᐊᒥ, ᑐᓂᕐᕈᓯᕐᑎᑦᓯᔨᑕᖃᓚᐅᕐᐳᖅ ᓴᑲᕅᐊᒥᒃ ᐊᑎᓕᖕᒥᒃ, ᑐᓂᕐᕈᓯᕐᑎᑦᓯᔨᓄᑦ ᓇᓪᓕᐅᑎᖃᑦᑕᕐᑐᓄᑦ ᐊᐰᔭᒃᑯᓐᓄᑦ ᐃᓚᒋᔭᐅᓪᓗᓂ; ᓄᓕᐊᖓ ᐃᓕᓴᐱᒥᒃ ᐊᑎᖃᕐᐳᖅ ᐂᕉᓂᒃᑯᑦ ᑭᖑᕚᖓᑦ; ᑐᓂᕐᕈᓯᕐᑎᑦᓯᔨᓄᑦ ᑭᖑᕚᕆᔭᐅᒋᓪᓗᓂ.

ᓘᑲᓯᐅᑉ ᐊᒡᓚᖏᑦ 1:7

ᕿᑐᕐᖓᖃᓚᐅᓐᖏᓚᒡᓕ, ᐃᓕᓴᐱ ᕿᑐᕐᖏᓱᐃᑦᑑᓚᐅᕐᒪᑦ, ᐅᐃᒌᒃ ᑕᒪᕐᒥᒃ ᐃᓄᑐᖃᐅᓕᓚᐅᕐᐳᒃ.