ᓘᑲᓯᐅᑉ ᐊᒡᓚᖏᑦ 1:79 - ᐊᒡᓔᑦ ᐃᑦᔪᕐᖕᓁᑦᑐᑦ

⁷⁹ ᖃᐅᒻᒪᒃᑎᓪᓗᒋᑦ ᑖᕐᑐᒥ ᐃᓅᔪᑦ ᑐᖂᓪᓗ ᑕᕐᕋᓕᓂᖓᓃᑦᑐᑦ, ᐃᑎᒐᕗᓪᓗ ᑕᓯᐅᕐᓗᒋᑦ ᐊᖅᑯᒻᒧᑦ ᓮᒻᒪᕐᑎᑕᐅᓇᕐᑐᒧᑦ.”

Aglait Ijjurnaittut

⁷⁹ Qaummaktillugit taaqtumi inuujut tuquullu tarralininganiittut, Itigavullu tasiurlugit aqqummut saimmaqtitaunaqtumut.”

ᓘᑲᓯᐅᑉ ᐊᒡᓚᖏᑦ 1:79 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 10:22

ᓄᓇᒧᑦ ᑖᕐᑐᕐᔪᐊᒧᑦ ᓇᓗᓕᕐᓇᕐᑐᒧᓪᓗ, ᑕᕝᕙᓂ ᖃᐅᒪᔪᖅ ᑖᕐᑐᕐᔪᐊᑎᑐᑦ ᑍᒤᑉᐳᖅ.”

ᔫᐱᐅᑉ ᐊᒡᓚᖏᑦ 3:5

ᐅᓪᓗᖅ ᑍᓐᓇ ᓄᒫᓇᕐᓯᓗᓂ ᑖᕐᓯᒻᒪᕆᓕᕐᓕ. ᓄᕗᔭᓄᑦ ᐅᓕᒃᑕᐅᓕ; ᕿᕐᓈᖓᔪᓄᑦ ᑲᑉᐱᐊᓵᕐᑕᐅᓕ.

ᐃᓐᖏᕈᑎᑦ 107:10

ᑖᕐᑐᒥ ᐃᒃᓯᕙᔪᑦ ᑐᖂᓪᓗ ᑕᕐᕋᓕᓂᖓᓃᑦᑐᑦ, ᕿᓚᒃᓱᕐᑕᐅᓯᒪᔪᑦ ᐋᓐᓂᐊᑎᑕᐅᓂᕐᒧᑦ ᓴᕕᕋᔭᖕᓄᓪᓗ;

ᐃᓐᖏᕈᑎᑦ 107:14

ᑖᑦᓱᒪ ᐊᓂᑎᑉᐰᑦ ᑖᕐᑐᒥᑦ ᑐᖂᓪᓗ ᑕᕐᕋᓕᓂᖓᓂᑦ, ᓯᖁᒥᓪᓗᒋᓪᓗ ᕿᓚᒃᓯᒪᐅᑎᖏᑦ ᓯᖃᓪᓕᕔᑦ.

ᐃᓐᖏᕈᑎᑦ 23:4

ᐊᒡᓛᑦ ᐱᓱᖕᓂᐊᕋᓗᐊᕈᒪ ᓇᕐᓴᒃᑯᑦ, ᑐᖂᑉ ᑕᕐᕋᓕᓂᖓᒍᑦ, ᐱᐅᖏᑦᑐᒥᒃ ᑲᑉᐱᐊᓱᖕᓂᐊᓐᖏᓚᖓ: ᐃᕝᕕᑦ ᓇᔪᕋᕕᖓ; ᐊᔭᐅᑉᐱᐊᕕᑦ ᓰᐱᓕᕆᑦᔪᑎᕕᓪᓗ ᓮᒻᒪᕐᑎᒻᒪᖓ.

ᐃᓐᖏᕈᑎᑦ 25:12

ᑭᓇ ᑍᒪ ᐃᓄᒃ ᓯᕘᕋᕙ ᐊᑕᓂᕐᒥᒃ? ᑖᓐᓇᐅᕗᖅ ᐊᔪᕆᑐᕐᓂᐊᕐᑕᖓ ᐊᖅᑯᑎᒥᒃ ᓂᕈᐊᕐᓯᒪᔭᒥᓂᒃ ᑖᑦᓱᒧᖓ.

ᐃᓐᖏᕈᑎᑦ 44:19

ᓯᖁᒥᑦᑎᐊᕐᓯᒪᒐᑦᑎᒍᑦ ᔮᑯᓄᑦ ᑎᕆᒐᓂᐊᖑᔮᕐᑐᓄᑦ ᐃᓂᒋᔭᐅᓕᕐᓗᑕ, ᐅᓕᒃᓯᒪᒐᑦᑎᒍᓪᓗ ᑐᖂᑉ ᑕᕐᕋᓕᓂᖓᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 3:17

ᐱᓂᐊᕐᓂᖏᑦ ᓮᒪᓇᕐᑐᒥᒃ ᐱᓂᐊᕐᓂᐅᕗᑦ, ᐊᖅᑯᓯᓂᖏᓪᓗ ᓮᓕᓇᕐᑑᓪᓗᑎᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 8:20

ᐱᓱᒃᐳᖓ ᐊᖅᑯᑎᒃᑯᑦ ᓇᓛᒎᕐᓂᒃᑯᑦ; ᐊᑦᔨᒌᒃᑎᑦᓯᓂᐅᓪᓗ ᐊᖅᑯᑎᖓᓂᒃ ᐊᑐᕐᓗᖓ.

ᐂᓮᐊᓯᐅᑉ ᐊᒡᓚᖏᑦ 42:16

ᑕᐅᑐᖏᑦᑐᑦ ᑎᑭᐅᑎᑎᑦᓱᒫᕐᐸᒃᑲ ᖃᐅᔨᒪᓐᖏᑕᖏᓐᓄᑦ; ᑕᓯᐅᕈᒫᕐᐸᒃᑲ ᐊᖅᑯᑎᒃᑯᑦ ᖃᐅᔨᒪᓐᖏᑕᖏᑎᒍᑦ. ᑖᕐᑐᖅ ᓯᕗᓂᖏᓐᓃᑦᑐᖅ ᖃᐅᒪᔪᓐᖑᕐᑎᑦᓱᒫᕐᐸᕋ, ᒪᓂᕋᐅᖏᑦᑐᓪᓗ ᒪᓂᖅᑲᒃᓴᕐᓗᒋᑦ, ᑍᒤᑦᑐᓂᒃ ᐱᓇᓱᐊᕐᕕᒋᔪᒫᕐᐸᒃᑲ, ᕿᒪᖕᓂᐊᓐᖏᓚᒃᑲᓗ.

ᐂᓮᐊᓯᐅᑉ ᐊᒡᓚᖏᑦ 42:7

ᑕᐅᑐᖏᑦᑐᓂᒃ ᑕᐅᑐᓕᕐᑎᑦᓯᖁᓪᓗᑎᑦ, ᑎᒍᔭᐅᓯᒪᔪᓂᒃ ᐊᓂᑎᑦᓯᖁᓪᓗᑎᑦ ᑎᒍᔭᐅᓯᒪᕕᖕᒥᑦ, ᑎᒍᔭᐅᓯᒪᕕᐅᓪᓗ ᑖᕐᓂᕐᐹᖓᓃᑦᑐᓂᒃ ᐊᓂᑎᑦᓯᖁᓪᓗᑎᑦ.

ᐂᓮᐊᓯᐅᑉ ᐊᒡᓚᖏᑦ 48:17

ᐊᑕᓂᖅ ᐃᒫᒃ ᐅᖃᕐᐳᖅ, ᓂᐅᕕᐊᕆᓪᓗᓯ ᐅᑎᕐᑎᑦᓯᔨᓯ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ: “ᐅᕙᖓᐅᕗᖅ ᐊᑕᓂᖅ ᒎᑎᓯ, ᐃᓕᓐᓂᐊᕐᑎᑉᐸᑦᓯ ᐱᕚᓪᓕᖁᓪᓗᓯ, ᑕᓯᐅᕐᐸᑦᓯᓗ ᐊᖅᑯᒻᒧᑦ ᐊᑐᕆᐊᖃᕐᑕᑦᓯᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 48:22

ᐊᑕᓂᖅ ᐅᖃᕐᐳᖅ, “ᓮᒻᒪᓇᕐᑐᖃᓐᖏᓚᖅ, ᐊᔪᕐᑐᓕᔪᓄᑦ.”

ᐂᓮᐊᓯᐅᑉ ᐊᒡᓚᖏᑦ 49:6

ᑖᓐᓇ ᐅᖃᕐᐳᖅ, ‘ᐱᔨᒋᑐᐃᓐᓇᕈᒃᑭᑦ ᓱᓇᐅᓐᖏᓗᐊᕐᐳᖅ, ᒪᑭᑎᑦᓯᓗᑎᑦ ᔧᑰᑉ ᑭᖑᕚᖏᓐᓂᒃ, ᐅᑎᕐᑎᑦᓯᖁᓪᓗᑎᓪᓗ ᐃᓴᕆᐊᓕᒥᐅᑦ ᐊᒥᐊᒃᑯᖏᓐᓂᒃ; ᑐᓂᔪᒪᕙᒋᓪᓗ ᖃᐅᒻᒪᒃᓮᔨᐅᖁᓪᓗᑎᑦ ᐃᓅᖃᑎᒌᒡᔪᐊᓄᑦ, ᐱᐅᓕᒃᓯᔨᐅᓃᓪᓗ ᓄᓇᕐᔪᐊᑉ ᑭᒡᓕᖏᓐᓄᑦ ᑎᑭᐅᑎᖁᓪᓗᒍ.’”

ᐂᓮᐊᓯᐅᑉ ᐊᒡᓚᖏᑦ 49:9

ᐅᖃᐅᑦᔨᖁᓪᓗᑎᑦ ᑎᒍᔭᐅᓯᒪᕕᖕᒦᑦᑐᓄᑦ, ‘ᐊᓂᓕᕆᑦᓯ,’ ᑖᕐᓂᕐᐸᖓᓃᑦᑐᓄᓪᓗ, ‘ᓴᖅᑭᓕᕆᑦᓯ.’ ᐊᖅᑯᑎᓂ ᓂᕆᕕᒃᓴᕐᓯᐊᕈᒫᕐᐳᑦ, ᐱᖑᕐᓂᓗ ᐱᕈᕐᑐᖃᖏᑦᑐᓂ ᓂᕆᓇᓱᐊᕐᕕᖃᓕᕈᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 59:8

ᐊᖅᑯᒻᒥᒃ ᓮᒪᓇᕐᑐᒥᒃ ᖃᐅᔨᒪᓐᖏᓚᑦ, ᐊᑦᔨᒌᒃᑎᑦᓯᓂᕐᒥᒃ ᐊᖅᑯᑏᑦ ᐊᑐᕐᑕᖏᑦ ᑕᑯᔭᒃᓴᕐᑕᖃᓐᖏᓚᑦ; ᐊᖅᑯᑎᓂᒃ ᓴᖑᐃᕐᑎᑦᓯᕗᑦ, ᓇᓪᓕᐊᑦ ᐊᖅᑯᑎᖏᑎᒎᕐᑐᖅ ᓮᒪᓇᕐᑐᒥᒃ ᖃᐅᔨᓂᐊᓐᖏᓚᖅ.

ᐂᓮᐊᓯᐅᑉ ᐊᒡᓚᖏᑦ 9:2

ᐃᓄᐃᑦ ᑖᕐᑐᒥ ᐃᓅᔪᑦ ᖃᐅᒪᔪᕐᔪᐊᒥᒃ ᑕᑯᓯᒪᕗᑦ. ᓄᓇᖃᕐᑐᓪᓗ ᑐᖂᑉ ᑕᕐᕋᓕᓂᖓᓂ, ᒫᓐᓇᓕ ᖃᐅᒪᔪᒧᑦ ᖃᐅᒻᒪᒃᑎᑕᐅᕗᑦ.

ᔨᕆᒤᐊᐅᑉ ᐊᒡᓚᖏᑦ 2:6

ᐅᖃᓚᐅᓐᖏᓚᓪᓘᓐᓃᑦ, ᐊᑕᓂᖅ ᓇᓃᒻᒪᖔᑦ, ᑭᓇᒧᓪᓗ ᐄᑦᔨᑉᑎᒥᑦ ᐊᐅᓪᓚᕐᑎᑕᐅᓚᐅᕐᒪᖔᕐᒥᒃ; ᑭᓇᒧᓪᓗ ᐃᓄᖃᖏᑦᑐᒃᑯᑦ ᑕᓯᐅᕐᑕᐅᓚᐅᕐᒪᖔᕐᒥᒃ, ᓄᓇᒃᑯᑦ ᓯᐅᕋᒃᑯᑦ ᑭᕕᓐᓇᕐᑐᓕᒃᑯᓪᓗ, ᓄᓇᒃᑯᓪᓗ ᑳᖕᓇᕐᑐᖃᕐᑐᒃᑯᑦ ᑲᑉᐱᐊᓇᕐᑐᖃᕐᑐᒃᑯᓪᓗ, ᓄᓇᒃᑯᑦ ᐊᐅᓚᕝᕕᐅᕙᖏᑦᑐᒃᑯᑦ ᓄᓇᖃᕐᕕᐅᕙᖏᑦᑐᒃᑯᓪᓗ.

ᔨᕆᒤᐊᐅᑉ ᐊᒡᓚᖏᑦ 6:16

ᐃᒫᒃ ᐊᑕᓂᖅ ᐅᖃᕐᐳᖅ, “ᐊᖅᑯᑏᑦ ᑲᑎᓐᓂᖏᓐᓄᑦ ᑕᑯᔭᕐᑐᕆᑦᓯ, ᐊᑐᕐᑕᐅᕙᒃᑐᑐᕾᓪᓗ ᖃᐅᔨᓇᓱᐊᕐᓯᒋᑦ, ᑐᑭᓯᑎᑕᐅᔪᒪᓗᓯ ᐊᖅᑯᒻᒥᒃ ᐊᑲᐅᔪᒥᒃ ᐊᑐᕐᓂᐊᕐᑕᑦᓯᓐᓂᒃ. ᑕᕝᕙ ᑕᕐᓂᑦᓯᓐᓄᑦ ᒥᕐᖑᐃᕐᓯᕐᕕᒃᓴᕐᓯᓂᐊᕐᐳᓯ. “ᑭᓯᐊᓂᓕ ᐅᖃᕐᐳᑦ, ‘ᐊᖅᑯᒻᒥᒃ ᑍᒤᑦᑐᒥᒃ ᐊᑐᕈᒪᓐᖏᓚᒍᑦ.’

ᒫᑎᐅᓯᐅᑉ ᐊᒡᓚᖏᑦ 4:16

ᑕᕝᕙᓂ ᐃᓄᐃᑦ ᑖᕐᑐᒦᑦᑐᑦ ᖃᐅᒪᔪᕐᔪᐊᖅ ᑕᑯᕚᑦ, ᑐᖂᓪᓗ ᑕᕐᕋᓕᓂᖓᓃᑦᑐᓄᑦ ᖃᐅᒪᔪᖅ ᓴᖅᑭᑉᐳᖅ.”

ᓘᑲᓯᐅᑉ ᐊᒡᓚᖏᑦ 2:32

ᖃᐅᒪᔪᖅ ᖃᐅᒻᒪᒃᓮᖁᓪᓗᒍ ᔫᑎᐅᖏᑦᑐᓂᒃ, ᐃᓄᖁᑎᕕᓪᓗ ᐃᓴᕆᐊᓕᒥᐅᑦ ᓂᕐᑐᕐᓇᕈᑎᒃᓴᖓᑦ.”

ᔪᐊᓇᓯᐅᑉ ᐊᒡᓚᖏᑦ 1:9

ᓱᓕᔪᒥᒡᓕ ᖃᐅᒪᔫᕗᖅ ᑖᓐᓇ ᓯᓚᕐᔪᐊᕐᒧᑦ ᑎᑭᑦᑐᓕᒫᓂᒃ ᐃᓄᖕᓂᒃ ᖃᐅᒪᒃᓮᔪᖅ.

ᔪᐊᓇᓯᐅᑉ ᐊᒡᓚᖏᑦ 12:46

ᖃᐅᒪᔫᓪᓗᖓ ᓯᓚᕐᔪᐊᕐᒧᑦ ᑎᑭᑉᐳᖓ, ᐅᕙᓐᓄᑦ ᐅᒃᐱᕐᑐᖅ ᑖᕐᑐᒦᖏᓐᓇᖁᓇᒍ.

ᔪᐊᓇᓯᐅᑉ ᐊᒡᓚᖏᑦ 8:12

ᔩᓱᓯᐅᑉ ᐹᕆᓯᑦ ᐅᖃᐅᑎᒃᑲᓐᓂᕐᐰᑦ, “ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ; ᐅᕙᓐᓂᒃ ᒪᓕᒃᑐᖅ ᑖᕐᑐᒥ ᐃᓅᓂᐊᓐᖏᓚᖅ, ᖃᐅᒪᔪᒥᓕ ᐃᓅᓂᐊᕐᐳᖅ.”

ᔪᐊᓇᓯᐅᑉ ᐊᒡᓚᖏᑦ 9:5

ᓯᓚᕐᔪᐊᕐᒦᓐᓂᓐᓂ, ᓯᓚᕐᔪᐊᕐᒥᐅᑦ ᖃᐅᒪᓂᕆᕚᖓ.”

ᐋᐴᓯᑕᓖᑦ ᐱᓂᐊᕐᓂᖏᑦ 10:36

ᖃᐅᔨᒪᒐᑦᓯ ᐅᖃᐅᓯᕆᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ, ᐊᔪᕆᕐᑑᓰᑦ ᐅᖃᐅᓰᑦ ᑐᓴᕈᒥᓇᕐᑐᑦ ᓮᒻᒪᕐᑎᑕᐅᓇᕐᑐᖅ ᔩᓱᓯ ᙭ᔅᑑᓯᒃᑯᑦ, ᑕᒤᓐᓄᑦ ᐊᑕᓂᐅᔪᒧᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 26:18

ᐃᔨᖏᑦ ᐅᐃᑎᑕᐅᖁᓪᓗᒋᑦ, ᑖᕐᑐᒥᑦ ᓵᒋᐊᖁᓪᓗᒋᑦ ᖃᐅᒪᔪᒧᑦ, ᓵᑖᓇᓯᐅᓪᓗ ᐱᔪᓐᓇᕐᓂᖓᓂᑦ ᒎᑎᒧᑦ, ᐅᒃᐱᕐᓂᕐᒥᒍᓪᓗ ᐅᕙᓐᓄᑦ ᐊᔪᕐᓂᕐᒥᖕᓂᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᐃᓂᖃᓕᖁᓪᓗᒋᓪᓗ ᒎᑎᐅᑉ ᐃᑦᔪᕐᓁᑎᓯᒪᔭᖏᓐᓂ ᐅᒃᐱᕐᓂᒃᑯᑦ.’”

ᕉᒪᒥᐅᓄᑦ 3:17

ᓮᒪᓂᖃᑦᓯᐊᕐᓂᕐᒥᒃ ᖃᐅᔨᒪᓐᖏᓚᑦ,

ᐃᐱᓯᒥᐅᓄᑦ 5:8

ᐃᓕᑦᓯᑦᑕᐅᖅ ᒪᑐᒪ ᓯᕗᕐᖓᒍᑦ ᑖᕐᑐᒥᐅᖑᓚᐅᕋᑦᓯ, ᒫᓐᓇᓕ ᐊᑕᓂᕐᒥ ᖃᐅᒪᔪᒦᓕᕐᐳᓯ; ᑍᒤᒻᒪᑦ ᖃᐅᒪᔫᑉ ᕿᑐᕐᖓᖏᑎᑐᑦ ᐃᓅᓕᕆᑦᓯ,