ᓘᑲᓯᐅᑉ ᐊᒡᓚᖏᑦ 1:67 - ᐊᒡᓔᑦ ᐃᑦᔪᕐᖕᓁᑦᑐᑦ

⁶⁷ ᔪᐊᓇᓯᐅᑉ ᐊᑖᑕᖓ ᓴᑲᕅᐊ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᒐᒥ, ᒎᑎᐅᑉ ᐅᖃᐅᓯᕆᖁᔭᖏᓐᓂᒃ ᐅᖃᓕᕐᐳᖅ:

Aglait Ijjurnaittut

⁶⁷ Juanasiup ataatanga Sakaraia Anirnirmik Ijjurnaittumik ilummiqtaugami, Guutiup uqausiriqujanginnik uqaliqpuq:

ᓘᑲᓯᐅᑉ ᐊᒡᓚᖏᑦ 1:67 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 23:2

“ᐊᑕᓂᐅᑉ ᐊᓂᕐᓂᖓ ᐅᕙᒃᑯᑦ ᐅᖃᓪᓚᒃᐳᖅ, ᐅᖃᐅᓯᖏᓪᓗ ᖃᓂᓐᓃᑉᐳᑦ.

ᔪᐃᓕᐅᑉ ᐊᒡᓚᖏᑦ 2:28

“ᓇᓪᓕᐅᑎᔪᒫᕐᐳᖅ ᒪᑐᒪ ᑭᖑᕐᖓᒍᑦ ᐊᓂᕐᓂᕋ ᑯᕕᔪᒫᕋᒃᑯ ᐃᓄᓕᒫᓄᑦ; ᐃᕐᓂᓯ ᐸᓂᓯᓗ ᐅᖃᐅᓯᖃᖃᑦᑕᕈᒫᕐᐳᑦ ᐅᖃᐅᓯᐅᖁᔭᓐᓂᒃ, ᐃᓄᑐᖃᓯ ᓯᓐᓇᒃᑑᒪᖃᑦᑕᕈᒫᕐᐳᑦ, ᐃᓅᓱᒃᑐᓯᓗ ᑕᑯᑎᑦᔪᑎᓂᒃ ᑕᑯᖃᑦᑕᕈᒫᕐᐳᑦ.

ᒨᓯᓯ ᓯᑕᒪᖏᑦ 11:25

ᑕᕝᕙ ᐊᑕᓂᖅ ᓄᕗᔭᒃᑯᑦ ᐊᖅᑲᕐᐳᖅ ᐅᖃᕐᕕᒋᓪᓗᒍᓗ, ᐊᓂᕐᓂᕐᓗ ᐱᓯᒪᔭᖓᑕ ᐃᓚᖓ ᑎᒍᕚ ᐊᖓᔪᖅᑳᓄᓪᓗ 70ᓄᑦ ᑐᓂᓪᓗᒍ; ᐊᓂᕐᓂᐅᓪᓗ ᐊᖅᑲᕐᕕᒋᖕᒪᒋᑦ, ᒎᑎᐅᑉ ᐅᖃᐅᓯᐅᖁᔭᖓᓂᒃ ᐅᖃᓪᓚᓕᕐᐳᑦ, ᑭᖑᓂᖓᒍᓪᓕ ᑍᒤᓕᐅᒃᑲᓐᓂᕈᓐᓃᕐᓗᑎᒃ.

ᓘᑲᓯᐅᑉ ᐊᒡᓚᖏᑦ 1:15

ᐊᔪᖏᑦᑐᕐᔪᐊᖑᔪᒫᕐᒪᑦ ᐊᑕᓂᐅᑉ ᓵᖓᓂ, ᐃᒥᖃᑦᑕᕈᒫᓐᖏᓚᖅ ᐅᐂᓂᒥᒃ ᐃᒥᐊᓗᖕᒥᒡᓘᓐᓃᑦ ᓴᓐᖏᔪᒥᒃ, ᐊᓈᓇᖓᑕ ᐃᒡᓕᐊᖓᓃᓪᓗᓂ ᓱᓕ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᔪᒫᕐᐳᖅ.

ᓘᑲᓯᐅᑉ ᐊᒡᓚᖏᑦ 1:41

ᐃᓕᓴᐱᐅᑉ ᒥᐊᕆᐅᑉ ᓂᐱᖓ ᑐᓴᕋᒥᐅᒃ, ᓄᑕᕋᒃᓴᖓ ᓈᖓᓂ ᐊᐅᓚᑦᔭᒃᐳᖅ; ᐃᓕᓴᐱᓗ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᕗᖅ.

ᐋᐴᓯᑕᓖᑦ ᐱᓂᐊᕐᓂᖏᑦ 2:4

ᑕᒪᕐᒥᒡᓗ ᐃᓗᒻᒥᕐᑕᐅᕗᑦ ᐊᓂᕐᓂᕐᒥᑦ ᐃᑦᔪᕐᓁᑦᑐᒥᑦ, ᐅᖃᐅᓯᕐᓄᑦ ᐅᖃᐅᓯᕆᓐᖏᑕᒥᖕᓄᑦ ᐅᖃᓪᓚᓕᕐᐳᑦ, ᑍᒫᒃ ᐊᓂᕐᓂᐅᑉ ᐃᑦᔪᕐᓁᑦᑑᑉ ᐅᖃᕈᓐᓇᕐᓯᑎᒻᒪᒋᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:8

ᖃᓄᐊᓗᒃ ᐊᑐᓂᑦ ᐅᖃᐅᓯᑐᖃᑦᑎᓐᓂᒃ ᐅᖃᓪᓚᒃᑎᓪᓗᒋᑦ ᑐᓵᓕᕐᐱᑕ?

ᐋᐴᓯᑕᓖᑦ ᐱᓂᐊᕐᓂᖏᑦ 9:17

ᑕᕝᕙ ᐊᓇᓁᐊᓯ ᐂᕗᖅ, ᐃᒡᓗᒧᑦ ᐃᑎᕐᓗᓂ; ᐸᑎᒻᒥᓪᓗᓂᐅᒃ ᐅᖃᕐᐳᖅ, “ᐅᒃᐱᖃᑎᒐ ᓴᐅᓗᓰ, ᐊᑕᓂᐅᑉ ᔩᓱᓯᐅᑉ ᐃᓕᖕᓄᑦ ᓴᖅᑭᓚᐅᕐᑑᑉ ᕾᓕᕐᑎᓪᓗᑎᑦ, ᑎᓕᕚᖓ ᑕᐅᑐᓕᕐᑎᑕᐅᖁᓪᓗᑎᑦ ᐊᓂᕐᓂᕐᒥᒡᓗ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᖁᓪᓗᑎᑦ.”

ᐲᑦᑐᕉᓯ ᐂᑉᐸᖏᑦ 1:21

ᓇᓚᐅᑦᑍᑦᔪᑕᐅᓯᒪᔪᑦ ᐃᓅᑉ ᐃᓱᒪᖓᓂᑦ ᐱᔪᖃᓚᐅᕐᓯᒪᖏᒻᒪᑕ, ᐃᓄᐃᓪᓕ ᐅᖃᕈᓐᓇᕐᑎᑕᐅᓯᒪᕗᑦ ᒎᑎᒥᑦ ᐱᔪᓂᒃ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᑕᓯᐅᕐᑕᐅᓪᓗᑎᒃ ᑭᓯᐊᓂ.