ᓘᑲᓯᐅᑉ ᐊᒡᓚᖏᑦ 1:48 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁸ ᑍᒫᒃ ᐱᔭᐅᔪᒃᓴᐅᑎᓐᓇᖓ ᐱᑎᒻᒪᖓ, ᑕᑯᒋᑦ, ᒫᓐᓇᒥᑦ ᐱᒋᐊᕐᓗᒍ ᖁᕕᐊᓱᖕᓂᕋ ᐃᓄᖕᓄᑦ ᐅᖃᐅᓯᐅᕙᒍᒫᓕᕐᐳᖅ;

Aglait Ijjurnaittut

⁴⁸ Taimaak pijaujuksautinnanga pitimmanga, Takugit, maannamit pigiarlugu quviasungnira inungnut uqausiuvagumaaliqpuq;

ᓘᑲᓯᐅᑉ ᐊᒡᓚᖏᑦ 1:48 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 30:13

ᓕᐊᓗ ᐅᖃᕐᐳᖅ, “ᐊᒃᓱᒻᒪᕆᐊᓗᒃ ᖁᕕᐊᓱᒃᐳᖓ! ᒫᓐᓇᒥᑦ ᐊᕐᓇᓂᑦ ᑍᔭᐅᕙᖕᓂᐊᓕᕐᐳᖓ ᖁᕕᐊᓱᒃᑐᒥᒃ”; ᑍᒤᒻᒪᑦ ᐊᑦᓯᕐᐹ ᐋᓱᕆᒥᒃ.

ᓴᒧᐃᓕ ᐂᑉᐸᖏᑦ 7:8

“ᒫᓐᓇ ᑍᒤᒻᒪᑦ ᐱᔨᒐ ᑍᕕᑎ ᐅᖃᐅᑎᔭᕐᑐᕈᒃ, ‘ᐊᑕᓂᖅ ᖁᑦᓯᖕᓂᕐᐹᖑᔪᖅ ᐃᒫᒃ ᐅᖃᕐᐳᖅ, ᕾᖁᓚᐅᕐᐸᒋᑦ ᓰᐱᓂᒃ ᐰᕐᓯᔨᐅᑎᓪᓗᑎᑦ, ᐊᐅᓚᑦᓯᔨᐅᖁᓪᓗᑎᑦ ᐃᓄᖁᑎᓐᓄᑦ ᐃᓴᕆᐊᓕᒥᐅᓄᑦ.

ᐃᓐᖏᕈᑎᑦ 102:17

ᐊᖏᕐᕋᖃᕈᓐᓃᕐᓯᒪᔪᑦ ᑐᒃᓯᐊᕐᓂᖏᑦ ᓵᕝᕕᒋᓂᐊᕐᐰᑦ, ᕿᓄᐊᕆᔭᖏᓪᓗ ᓇᕐᕈᒋᓂᐊᓐᖏᓔᑦ.

ᐃᓐᖏᕈᑎᑦ 136:23

ᐃᖅᑲᐅᒪᓚᐅᕐᐹᑎᒍᑦ ᓱᓇᐅᔪᓐᓃᕐᑎᑕᐅᓯᒪᑎᓪᓗᑕ, ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑐᖅ ᐃᓱᖃᖏᑦᑐᒧᑦ ᑍᒤᖏᓐᓇᕐᓂᐊᕐᐳᖅ;

ᐃᓐᖏᕈᑎᑦ 138:6

ᐊᑕᓂᖅ ᖁᑦᓯᒃᑲᓗᐊᕋᒥ, ᓱᓕ ᐃᒃᐱᒍᓱᑦᓯᐊᕐᐳᖅ ᒥᑭᒡᓕᑎᕐᓯᒪᔪᓂᒃ; ᐱᐅᔪᕆᔪᓪᓕ ᖃᐅᔨᒪᑦᓯᐊᕐᐰᑦ ᐅᖓᓯᒋᔭᖏᓐᓂᑦ.

ᐃᓐᖏᕈᑎᑦ 72:17

ᑖᑦᓱᒪ ᐊᑎᖓ ᐳᐃᒍᕐᑕᐅᓂᐊᓐᖏᓚᖅ ᐃᓱᖃᖏᑦᑐᒧᑦ; ᐅᐱᒋᔭᐅᔪᒫᕐᐳᕐᓗ ᓯᕿᓂᕐᑐᑦ ᐊᑯᓂᐅᑎᒋᔪᒥᒃ! ᐃᓄᐃᓪᓗ ᓮᒻᒪᕐᑎᑕᐅᔪᒫᕐᐳᑦ ᑖᑦᓱᒧᖓ; ᐃᓅᖃᑎᒌᒡᔪᐊᓕᒫᓪᓗ ᓮᒻᒪᕐᑎᑕᐅᓯᒪᔪᒥᒃ ᑍᔪᒫᕐᐹᑦ.

ᐂᓮᐊᓯᐅᑉ ᐊᒡᓚᖏᑦ 66:2

ᑕᒪᒃᑯᐊ ᓴᖅᑭᑎᑕᐅᓯᒪᔪᓕᒫᑦ ᐊᒡᒐᖕᒪ ᓴᓇᓯᒪᕔᑦ, ᑕᒪᕐᒥᓕᒫᕐᓗ ᐱᒋᕙᒃᑲ, ᐊᑕᓂᖅ ᐅᖃᕐᐳᖅ. ᐅᓇ ᑕᕝᕙ ᐃᓄᒃ ᑕᑯᓐᓇᕐᓂᐊᕐᑕᕋ, ᒥᑭᒡᓕᑎᕐᓯᒪᔪᖅ ᓯᖁᒥᓯᒪᔪᕐᓗ ᐊᓂᕐᓂᕐᒥᒍᑦ, ᐅᖃᐅᓯᓐᓂᒡᓗ ᑐᓴᕐᓗᓂ ᓴᔪᒃᑐᖅ.

ᒪᓚᑬᑉ ᐊᒡᓚᖏᑦ 3:12

ᑕᕝᕙ ᐃᓅᖃᑎᒌᒡᔪᐊᓕᒫᑦ ᐃᓕᑦᓯᓐᓂᒃ ᓮᒻᒪᕐᑎᑕᐅᓯᒪᓂᕅᓗᑎᒃ ᐅᖃᕈᒫᕐᐳᑦ, ᓄᓇᒥᒃ ᖁᕕᐊᓇᕐᓯᑎᑦᓯᔪᒫᕋᑦᓯ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.”

ᓘᑲᓯᐅᑉ ᐊᒡᓚᖏᑦ 1:28

ᐂᖏᓕᐅᑉ ᒥᐊᕆ ᓴᖅᑭᕝᕕᒋᕚ ᐅᖃᐅᑎᓪᓗᒍ, “ᖁᕕᐊᓱᓕᕆᑦ, ᒎᑎᒧᑦ ᖁᕕᐊᒋᔭᐅᒐᕕᑦ, ᐊᑕᓂᐅᑉ ᐃᓚᒋᕚᑎᑦ!”

ᓘᑲᓯᐅᑉ ᐊᒡᓚᖏᑦ 1:42

ᓂᐱᖅᑯᕐᑐᓪᓗᓂ ᐅᖃᕐᐳᖅ, “ᑐᓱᓐᓇᕐᓂᕐᐹᖑᔪᑎᑦ ᐊᕐᓇᓕᒫᓂᑦ ᓄᓇᒦᑦᑐᓂᑦ, ᓄᑕᕋᒃᓮᑦ ᐃᒡᓕᐊᕐᓃᑦᑐᖅ ᑐᓱᓐᓇᕐᓂᕐᐸᐅᒋᕗᖅ.

ᓘᑲᓯᐅᑉ ᐊᒡᓚᖏᑦ 1:45

ᖁᕕᐊᓱᖕᓃᑦ ᑐᓱᓐᓇᒻᒪᕆᒃᐳᖅ ᐅᒃᐱᕈᓱᒃᑲᕕᑦ ᐊᑕᓂᕐᒧᑦ ᐅᖃᐅᑦᔭᐅᓯᒪᓂᕐᓂᒃ ᓇᓪᓚᐅᑦᓯᔪᒫᕐᑐᒥᒃ.”

ᓘᑲᓯᐅᑉ ᐊᒡᓚᖏᑦ 1:49

ᐊᖏᔪᕐᔪᐊᒥᒃ ᐱᑦᓯᐊᕐᕕᐅᒐᒪ ᒎᑎᒧᑦ ᐊᔪᒐᖃᖏᑦᑐᒧᑦ, ᐊᑎᖓ ᐃᑦᔪᕐᓁᑦᑑᕗᖅ.

ᓘᑲᓯᐅᑉ ᐊᒡᓚᖏᑦ 11:27

ᔩᓱᓯ ᑍᒫᒃ ᐅᖃᕐᑎᓗᒍ, ᐊᕐᓇᒥᒃ ᓂᓪᓕᕐᑐᖃᓕᕐᐳᖅ ᐅᖃᕐᓗᓂ, “ᓮᒻᒪᕐᑎᑕᐅᓯᒪᔪᒥᒃ ᐃᓅᓯᖃᕐᐳᖅ ᐊᕐᓇᖅ ᑍᓐᓇ ᐃᓕᖕᓂᒃ ᕿᑐᕐᒐᑖᑐᕕᓂᖅ ᐱᕈᕐᓮᓪᓗᓂᓗ!”

ᓴᒧᐃᓕ ᓯᕗᓪᓖᑦ 1:11

ᐊᖏᒻᒪᕆᒡᓗᓂᓗ ᐅᖃᕐᐳᖅ, “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᑕᑯᔪᓐᓇᕈᕕᐅᒃ ᐊᑲᐅᓐᖏᓕᐅᕈᑎᒋᔭᕋ, ᐃᖅᑲᐅᒪᓚᐅᓐᖓ, ᐳᐃᒍᕐᑍᓕᓗᓐᖓ, ᐃᕐᓂᕐᑖᕐᑎᓚᐅᓐᖓ, ᐊᖏᒻᒪᕆᒃᐳᖓ ᐃᓕᖕᓄᑦ ᐊᑕᓃᖅ ᐃᓅᓯᓕᒪᖓ ᑐᓂᔪᒫᕐᐸᕋ, ᓄᔭᖏᓪᓗ ᑭᑦᔭᕐᑕᐅᓚᐅᕐᓯᒪᒐᔭᓐᖏᓚᑦ.”

ᓴᒧᐃᓕ ᓯᕗᓪᓖᑦ 2:8

ᐊᒃᓗᔪᑦ ᒪᑭᑎᑉᐰᑦ ᓄᓇᐅᑉ ᐳᔪᕋᖓᓂᑦ; ᐃᑲᔪᕐᑕᐅᔭᕆᐊᓖᓪᓗ ᖁᕝᕙᕐᑎᑉᐰ ᐊᕐᔭᓕᓂᕐᓂᑦ, ᐊᖓᔪᖅᑳᕐᔪᐊᓪᓗ ᐃᕐᓂᖏᓐᓂ ᐃᒃᓯᕙᐅᑕᕐᑖᕐᑎᑉᐰᑦ ᑭᖑᕐᖑᑦᔨᑎᑉᐰᓪᓗ ᐃᒃᓯᕙᐅᑕᕐᔪᐊᕐᒥᒃ ᐱᓐᓇᕐᓇᕐᑐᒥᒃ. ᓄᓇᕐᔪᐊᑉ ᑐᓐᖓᕕᖏᑦ ᐊᑕᓂᐅᑉ ᐱᒋᕔᑦ; ᖄᖓᓄᓪᓗ ᓯᓚᕐᔪᐊᖅ ᐃᓕᓯᒪᕚ.