ᓘᑲᓯᐅᑉ ᐊᒡᓚᖏᑦ 1:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᑖᓐᓇ ᐊᖏᓂᕐᐹᖑᔪᒫᕐᐳᖅ, ᑍᔭᐅᔪᒫᕐᓗᓂᓗ ᖁᓪᓕᕐᐸᐅᔫᑉ ᐃᕐᓂᖓᓂᒃ; ᐊᑕᓂᐅᑉ ᒎᑎᐅᑉ ᐊᖓᔪᖅᑳᕐᔪᐊᓐᖑᕐᑎᑦᓱᒫᕐᐹ ᓯᕗᓕᕕᓂᖓᑐᑦ ᑍᕕᑎᑐᑦ.

Aglait Ijjurnaittut

³² Taanna anginiqpaangujumaaqpuq, taijaujumaarlunilu Qulliqpaujuup Irninganik; Ataniup Guutiup angajuqqaarjuannguqtittumaaqpaa sivuliviningatut Taivititut.

ᓘᑲᓯᐅᑉ ᐊᒡᓚᖏᑦ 1:32 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 7:16

ᑭᖑᕚᑎᓪᓕ ᐊᑕᓂᐅᕖᓪᓗ ᓱᖁᓯᔪᐃᑦᑑᑎᑦᓱᒪᕙᒃᑲ ᐃᓱᖃᖏᑦᑐᒧᑦ; ᐊᖓᔪᖅᑲᐅᓃᓪᓗ ᑲᔪᓯᓂᐊᕐᐳᖅ ᐃᓱᖃᖏᑦᑐᒧᑦ.’”

ᐃᓐᖏᕈᑎᑦ 132:11

ᐊᑕᓂᖅ ᓱᓕᒻᒪᕆᒃᓗᓂ ᐊᖏᒻᒪᕆᓚᐅᕐᐳᖅ ᑍᕕᑎᒧᑦ; ᑕᒪᓐᓇᓗ ᓴᖑᓂᐊᕈᓐᓃᕐᓗᓂᐅᒃ: “ᐃᒃᓯᕙᐅᑕᕐᔪᐊᕐᓄᑦ ᑎᒥᕕᑦ ᐱᕈᕐᑎᑕᖓᓂᒃ ᐃᖏᑎᑦᓯᔪᒫᕐᐳᖓ.

ᐃᓐᖏᕈᑎᑦ 132:12

ᕿᑐᕐᖓᕕᑦ ᐊᖏᖃᑎᒌᒍᑎᒋᓯᒪᔭᕋ ᓈᓚᖕᓂᐊᕐᐸᑦᔪᒃ ᐅᓐᓂᕐᓯᐅᕈᑎᒋᓯᒪᔭᒃᑲᓗ ᑖᒃᑯᓄᖓ ᐊᔪᕆᕐᑐᐃᑦᔪᑎᒋᓛᕐᑕᒃᑲ, ᕿᑐᕐᖓᖏᑦᑕᐅᖅ ᐃᒃᓯᕙᐅᑕᕐᔪᐊᕐᓂ ᐃᒃᓯᕙᔪᒫᕐᐳᑦ ᐃᓱᖃᖏᑦᑐᒧᑦ.”

ᐂᓮᐊᓯᐅᑉ ᐊᒡᓚᖏᑦ 16:5

ᑕᕝᕙ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᒥᒃ ᐊᖓᔪᖅᑳᕐᔪᐊᕐᑖᕈᒪᕐᐳᑦ, ᐃᓄᖁᑎᓂᓗ ᐊᐅᓚᑦᓱᒫᕐᐰᑦ ᓱᕐᕋᔪᐃᑦᑐᒥᒃ ᓇᒡᓕᖕᓂᕐᒧᑦ, ᐃᓱᐊᕐᑐᒥᒃ ᐱᓇᓱᐊᕈᒫᕐᐳᖅ ᑕᒪᕐᒥᒡᓗ ᐊᑦᔨᒌᑦᓯᐊᕐᑐᒥᒃ ᐱᓇᓱᐊᕐᕕᐅᑎᑦᓱᒫᕐᐰᑦ.

ᔨᕆᒤᐊᐅᑉ ᐊᒡᓚᖏᑦ 17:25

ᑕᕝᕙ ᐊᖓᔪᖅᑳᕐᔪᐊᕆᔭᓯ ᑍᕕᑎᐅᑉ ᑭᖑᕚᖏᓐᓂᑦ ᐱᓯᒪᔪᑦ ᐊᖓᔪᖅᑳᖁᑎᖏᓪᓗ ᐃᑎᕐᐸᖕᓂᐊᕐᐳᑦ ᐃᒡᓗᒐᓴᒡᔪᐊᑦ ᐃᑎᕐᑕᕐᕕᖏᑎᒍᑦ ᔫᑕᒥᐅᓂᒃ ᔨᕉᓴᓕᒥᐅᓂᒡᓗ ᐃᓚᖃᕐᓗᑎᒃ ᕿᒧᒃᓯᐅᑎᖁᑎᒥᒃᑎᒍᑦ, ᐃᒡᓗᒐᓴᒡᔪᐊᓪᓗ ᑖᒃᑯᐊ ᐃᓄᕾᓐᓇᕐᓂᐊᕐᐳᑦ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐊᒡᓚᖏᑦ 22:2

ᐅᖃᕐᓗᑎᑦ, ‘ᐊᑕᓂᐅᑉ ᐅᖃᐅᓯᖏᑦ ᑐᓴᒃᑭᑦ, ᔫᑕᐅᑉ ᐊᖓᔪᖅᑳᕐᔪᐊᖓ ᑍᕕᑎᐅᑉ ᐊᖓᔪᖅᑳᕐᔪᐊᖑᓂᖓᓂ ᐊᖓᔪᖅᑳᖑᔪᑎᑦ, ᐊᖓᔪᖅᑳᖁᑎᑎᓪᓗ ᐃᓄᑯᑎᑎᓪᓗ ᑐᓴᖃᑎᒋᓗᒋᑦ ᐃᑎᖃᑦᑕᕐᑐᑦ ᐃᑎᕐᑕᕐᕕᒃᑯᑦ.

ᑖᓂᐊᓕᐅᑉ ᐊᒡᓚᖏᑦ 2:44

ᑖᒃᑯᐊ ᐊᖓᔪᖅᑳᕐᔪᐊᑦ ᑭᖑᓕᕇᒃᑕᕐᓗᑎᒃ ᐊᖓᔪᖅᑲᐅᑎᓪᓗᒋᑦ, ᒎᑎ ᕿᓚᖕᒦᑦᑐᖅ ᐊᖓᔪᖅᑲᐅᕕᓕᐅᕈᒫᕆᕗᖅ ᓯᖁᒥᑕᐅᓂᐊᖏᑦᑐᒥᒃ, ᐃᓄᐃᓪᓗ ᐊᓯᖏᓐᓄᑦ ᐱᔭᐅᓂᐊᖏᑦᑐᒥᒃ. ᑖᓐᓇ ᓵᓚᖃᕈᒫᕐᐳᖅ ᐊᖓᔪᖅᑲᐅᕕᖕᓂᒃ ᐊᓯᒥᓂᒃ ᑖᒃᑯᓂᖓ ᐃᓱᓕᑎᓪᓗᒋᓪᓗ, ᐊᖓᔪᖅᑲᐅᕕᒡᓕ ᑖᓐᓇ ᐃᓱᓕᓐᓂᐊᓐᖏᓚᖅ ᐃᓱᖃᖏᑦᑐᒧᑦ.

ᒫᑎᐅᓯᐅᑉ ᐊᒡᓚᖏᑦ 1:1

ᐅᑯᐊ ᓇᓗᓁᕐᓯᕗᑦ ᔩᓱᓯ ᙭ᔅᑑᓯᐅᑉ ᓯᕗᓕᕕᓂᖏᓐᓂᒃ, ᑖᓐᓇ ᑍᕕᑎᐅᑉ ᑭᖑᕚᕆᓚᐅᑕᖓ, ᐂᑉᕋᕼᐋᒻᓗ ᑭᖑᕚᕆᓪᓗᓂᐅᒃ.

ᒫᑎᐅᓯᐅᑉ ᐊᒡᓚᖏᑦ 12:42

ᐃᖅᑲᕐᑐᕐᑕᐅᕕᒃ ᓇᓪᓕᐅᑎᒃᐸᑦ ᓰᐸᒥᐅᑦ ᐊᖓᔪᖅᑳᕐᔪᐊᖓ ᐊᕐᓇᖅ ᒪᑭᑦᓱᒫᕐᐳᖅ ᒫᓐᓇ ᐃᓅᔪᓂᒃ ᐃᒋᑕᒃᓴᓐᖑᕐᑎᑦᓯᓗᓂ; ᑖᓐᓇ ᐅᖓᓯᒃᑐᐊᓗᖕᒧᑦ ᐃᖏᕐᕋᓚᐅᕐᒪᑦ ᓄᓇᒥᓂᑦ, ᑐᓵᔭᕐᑐᕐᓗᓂ ᐊᖓᔪᖅᑳᕐᔪᐊᑉ ᓲᓗᒨᓂᐅᑉ ᓯᓚᑐᓂᖓᓂᒃ, ᑕᑯᒋᑦ, ᐅᖃᐅᑎᕙᑦᓯ ᑕᕝᕙᓃᑦᑐᖃᕐᐳᖅ ᓲᓗᒨᓂᒥᑦ ᐊᔪᖏᓐᓂᕐᓴᐅᔪᒥᒃ!”

ᒫᑎᐅᓯᐅᑉ ᐊᒡᓚᖏᑦ 28:18

ᔩᓱᓯᐅᑉ ᐅᐸᒃᓗᒋᑦ ᐅᖃᐅᑎᕔᑦ, “ᐱᔪᓐᓇᕐᓂᕐᓂᒃ ᑕᒤᓐᓂᒃ ᑐᓂᓯᕕᐅᕗᖓ ᕿᓚᖕᒥ ᓄᓇᕐᔪᐊᒥᓗ.

ᒫᑎᐅᓯᐅᑉ ᐊᒡᓚᖏᑦ 3:11

ᐃᒪᕐᒧᑦ ᐹᑉᑎᑉᐸᑦᓯ ᖃᕿᐊᓕᕐᓂᑦᓯᓐᓄᑦ ᓇᓗᓁᒃᑯᑕᐅᖁᓪᓗᒍ, ᑭᖑᓂᒃᑯᓪᓕ ᕾᓂᐊᕐᑐᖅ ᐅᕙᓐᓂᑦ ᐊᔪᖏᓐᓂᕐᓴᕐᔪᐊᖑᕗᖅ, ᓇᓗᖅᑯᑎᕗᖓ, ᐊᒡᓛᑦ ᐃᑎᒐᒍᑎᖏᓐᓂᒃ ᑎᒍᒥᐊᕆᐊᒃᓴᖅ, ᑖᑦᓱᒪ ᐹᑉᑎᑦᓱᒫᕐᐹᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᑯᒪᒧᓪᓗ.

ᒫᑯᓯᐅᑉ ᐊᒡᓚᖏᑦ 14:61

ᔩᓱᓯ ᓂᓪᓕᓐᖏᓚᖅ ᑭᐅᓇᓂᓗ. ᓱᓕ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦᑕ ᐊᐱᕆᒃᑲᓐᓂᕐᐹ, “᙭ᔅᑑᓯᐅᕖᑦ, ᒎᑎᐅᑉ ᓂᕐᑐᕐᓇᕐᑑᑉ ᐃᕐᓂᖓ?”

ᒫᑯᓯᐅᑉ ᐊᒡᓚᖏᑦ 5:7

ᕾᒐᓛᕐᓗᓂ ᓂᐱᖁᕐᑐᓪᓗᓂ ᐅᖃᕐᐳᖅ, “ᐅᕙᓐᓅᑦ ᖃᓄᐃᓕᐅᕆᐊᕐᑐᕐᐲᑦ ᔩᓱᓰ, ᒎᑎᐅᑉ ᖁᑦᓯᖕᓂᕐᐹᑉ ᐃᕐᓂᖓ? ᒎᑎᐅᑉ ᓵᖓᓂ ᕿᓄᕕᒋᕙᒋᑦ, ᐋᓐᓂᕐᓯᕐᑍᓕᓐᖓ.”

ᓘᑲᓯᐅᑉ ᐊᒡᓚᖏᑦ 1:15

ᐊᔪᖏᑦᑐᕐᔪᐊᖑᔪᒫᕐᒪᑦ ᐊᑕᓂᐅᑉ ᓵᖓᓂ, ᐃᒥᖃᑦᑕᕈᒫᓐᖏᓚᖅ ᐅᐂᓂᒥᒃ ᐃᒥᐊᓗᖕᒥᒡᓘᓐᓃᑦ ᓴᓐᖏᔪᒥᒃ, ᐊᓈᓇᖓᑕ ᐃᒡᓕᐊᖓᓃᓪᓗᓂ ᓱᓕ ᐊᓂᕐᓂᕐᒥᒃ ᐃᑦᔪᕐᓁᑦᑐᒥᒃ ᐃᓗᒻᒥᕐᑕᐅᔪᒫᕐᐳᖅ.

ᓘᑲᓯᐅᑉ ᐊᒡᓚᖏᑦ 1:35

ᐂᖏᓕᐅᑉ ᐅᖃᐅᑎᕚ, “ᐊᓂᕐᓂᐅᑉ ᐃᑦᔪᕐᓁᑦᑑᑉ ᑎᑭᕝᕕᒋᓂᐊᕐᐹᑎᑦ, ᖁᑦᓯᖕᓂᕐᐸᐅᔫᓪᓗ ᐱᔪᓐᓇᕐᓂᖓᑕ ᐅᓕᖕᓂᐊᕐᐹᑎᑦ; ᑍᒤᒻᒪᑦ ᕿᑐᕐᖓᕐᑖᕆᓛᕐᑍᑦ ᐃᑦᔪᕐᓁᓐᓂᕋᕐᑕᐅᔪᒫᕐᐳᖅ, ᒎᑎᐅᑉ ᐃᕐᓂᖓᓂᒃ ᑍᔭᐅᓗᓂ.

ᓘᑲᓯᐅᑉ ᐊᒡᓚᖏᑦ 1:76

ᐃᓛᒃ ᐃᕝᕕᑦ ᓄᑕᕋᖅ, ᑍᔭᐅᔪᒫᕐᐳᑎᑦ ᖁᑦᓯᖕᓂᕐᐸᑉ ᓇᓚᐅᑍᔪᖁᑎᖓᓂᒃ; ᐊᑕᓂᐅᑉ ᓯᕗᓕᕆᔪᒫᕐᒪᑎᑦ ᐊᖅᑯᑎᒃᓴᖓᓂᒃ ᐋᖅᑭᒃᓱᐃᓗᑎᑦ,

ᓘᑲᓯᐅᑉ ᐊᒡᓚᖏᑦ 3:16

ᔪᐊᓇᓯᐅᑉ ᑕᒪᕐᒥᒃ ᐅᖃᐅᑎᕔᑦ, “ᐃᒥᕐᒧᑦ ᐹᑉᑎᑉᐸᑦᓯ; ᐅᕙᓐᓂᓪᓕ ᐱᔪᓐᓇᕐᓂᕐᓴᖅ ᑎᑭᓐᓂᐊᕐᐳᖅ, ᓇᓗᖅᑯᑎᕗᖓ ᑖᑦᓱᒪ ᐃᑎᒐᒍᑎᖏᓐᓂᒃ ᓯᖐᑦᔮᕐᓯᔭᕆᐊᒃᓴᖅ; ᑖᑦᓱᒪ ᐹᑉᑎᑦᓱᒫᕐᐹᓯ ᐊᓂᕐᓂᕐᒧᑦ ᐃᑦᔪᕐᓁᑦᑐᒧᑦ ᐃᑯᒪᒧᓪᓗ.

ᓘᑲᓯᐅᑉ ᐊᒡᓚᖏᑦ 6:35

ᐊᑭᕋᕐᑐᕐᑎᓯ ᓇᒡᓕᒋᓯᐅᒃ, ᐱᑦᓯᐊᕐᕕᒋᓗᒋᓪᓗ, ᐊᑐᕐᑎᑉᐸᒡᓗᒋᓪᓗ ᐅᑎᕐᑎᑦᓯᕕᐅᓂᐊᕆᐊᒃᓴᖅ ᐃᓱᒪᖏᓪᓗᓯ; ᑕᕝᕙ ᐊᑭᓕᕐᑕᐅᓂᒃᓴᓯ ᐊᖏᔪᐊᓘᔪᒫᕐᐳᖅ, ᖁᑦᓯᖕᓂᕐᐹᖑᔫᑉ ᐃᕐᓂᕆᓂᐊᕐᐹᓯ; ᑖᓐᓇ ᐱᑦᓯᐊᕐᒪᑦ ᖁᔭᓕᖏᑦᑐᓄᑦ ᐱᐅᖏᑦᑐᓕᔪᓄᓪᓗ.

ᔪᐊᓇᓯᐅᑉ ᐊᒡᓚᖏᑦ 12:34

ᐃᓄᒋᐊᒃᑐᕐᔪᐊᑦ ᑭᐅᕚᑦ, “ᐱᖁᔭᑦᑎᓐᓂᑦ ᑐᓴᕐᓯᒪᕗᒍᑦ ᙭ᔅᑑᓯᒎᖅ ᐃᓱᖃᖏᑦᑐᒧᑦ ᐃᓅᔪᒫᕐᒪᑦ. ᖃᓄᐃᒻᒪᓪᓕ ᐅᖃᕐᐱᑦ ᐃᓅᑉ ᐃᕐᓂᖓ ᓇᑉᐸᕐᑎᑕᐅᔭᕆᐊᖃᕐᐳᖅ; ᑭᓁᓐᓇ ᐃᓅᑉ ᐃᕐᓂᖓ?”

ᔪᐊᓇᓯᐅᑉ ᐊᒡᓚᖏᑦ 6:69

ᐅᒃᐱᓕᕐᓗᑕᓗ ᖃᐅᔨᕗᒍᑦ ᒎᑎᐅᑉ ᐃᑦᔪᕐᓁᑦᑐᖁᑎᒋᖕᒪᑎᑦ.”

ᐋᐴᓯᑕᓖᑦ ᐱᓂᐊᕐᓂᖏᑦ 16:17

ᑖᑦᓱᒪ ᐸᐅᓗᓯ ᐅᕙᒍᓪᓗ ᒪᓕᒃᐹᑎᒍᑦ ᕾᒐᓛᕐᓗᓂᓗ, “ᐅᑯᐊ ᒎᑎᐅᑉ ᖁᑦᓯᖕᓂᕐᐹᑉ ᐱᔨᖏᑦ, ᐊᔪᕆᕐᑐᐃᔪᑦ ᐃᓕᑦᓯᓐᓂᒃ ᖃᓄᖅ ᐱᐅᓕᔭᐅᔪᓐᓇᕐᓂᑦᓯᓐᓂᒃ.”

ᐋᐴᓯᑕᓖᑦ ᐱᓂᐊᕐᓂᖏᑦ 2:30

ᑍᕕᑎ ᓇᓚᐅᑦᑍᔪᖁᑎᒋᓚᐅᕐᒪᒍ, ᖃᐅᔨᒪᓚᐅᕐᐳᖅ ᒎᑎᐅᑉ ᐊᖏᒻᒪᕆᒍᑎᒋᔭᒥᓂᒃ ᐅᖃᕕᒃᕕᒋᓚᐅᕐᒪᒍ; ᑭᖑᕚᖓᑕ ᐃᓚᖓᓐᓂᒃ ᐊᖓᔪᖅᑳᕐᔪᐊᓐᖑᕐᑎᑦᓯᓂᐊᕐᓂᕋᕐᓗᓂ ᑍᕕᑎᑐᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 2:36

“ᐃᓕᑦᓯ ᐃᓴᕆᐊᓕᒥᐅᖑᔪᓯ ᑕᒪᑦᓯ, ᖃᐅᔨᒪᑦᓯᐊᓕᕆᑦᓯ ᔩᓱᓯ ᑭᑭᐊᒃᑐᓚᐅᕐᑕᓯ, ᑖᓐᓇ ᒎᑎᐅᑉ ᐊᑕᓂᓐᖑᕐᑎᓚᐅᕐᐹ ᙭ᔅᑑᓯᓐᖑᕐᑎᓪᓗᒍ.”

ᐋᐴᓯᑕᓖᑦ ᐱᓂᐊᕐᓂᖏᑦ 7:48

“ᒎᑎᓕ ᐊᖏᓂᕐᐹᖑᔪᖅ ᐃᒡᓗᓂ ᐃᓂᖃᓐᖏᓚᖅ ᐃᓄᖕᓄᑦ ᓴᓇᔭᐅᓯᒪᔪᓂ; ᓇᓚᐅᑦᑍᔪᖅ ᐅᖃᕐᓯᒪᖕᒪᑦ,

ᕉᒪᒥᐅᓄᑦ 1:4

ᐃᑦᔪᕐᓁᑦᑐᒥᒃ ᐃᓅᓯᖃᕐᓂᕐᒥᒍᑦ ᒎᑎᒧᑦ ᐃᕐᓂᐅᓂᖓᓂᒃ ᓇᓗᓁᕐᑕᐅᓚᐅᕐᐳᖅ ᐱᔪᓐᓇᕐᓂᕐᔪᐊᒃᑯᑦ ᒪᑭᓚᐅᕐᓂᕐᒥᒍᑦ ᑐᖁᒥᑦ, ᑖᓐᓇᐅᕗᖅ ᔩᓱᓯ ᙭ᔅᑑᓯ ᐊᑕᓂᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:7

“ᐱᓚᑕᐅᓪᕕᐊᒥᐅᑦ ᐅᒃᐱᕐᑑᖃᑎᒌᖏᑕ ᐂᖏᓖᖓᓄᑦ ᑎᑎᕋᕆᑦ: “‘ᐅᖃᐅᓰᑦ ᐅᑯᐊ ᐱᕗᑦ ᐃᑦᔪᕐᓁᑦᑑᔪᒥᑦ, ᓱᓕᔪᒥᑦ, ᐅᒃᑯᐃᕈᑎᒥᒃ ᐱᓯᒪᔪᒥᑦ ᑍᕕᑎᐅᑉ ᐅᒃᑯᐃᕈᑎᖓᓂᒃ, ᐅᒃᑯᐊᖅ ᐅᒃᑯᐃᕐᐸᒍ ᑭᓇᒧᓪᓘᓐᓃᑦ ᐅᑯᐊᕐᑕᐅᓂᐊᓐᖏᓚᖅ, ᐅᒃᑯᐊᕐᐸᒍ ᑭᓇᒧᓪᓘᓐᓃᑦ ᐅᒃᑯᐃᕐᑕᐅᓂᐊᓐᖏᓚᖅ.