ᒨᓯᓯ ᐱᖓᔪᖏᑦ 8:35 - ᐊᒡᓔᑦ ᐃᑦᔪᕐᖕᓁᑦᑐᑦ

³⁵ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓃᑦᓴᕆᐊᖃᕐᐳᓯ ᐅᓪᓗᒃᑯᑦ ᐅᓐᓄᐊᒃᑯᓪᓗ ᐅᓪᓗᓂᒃ 7ᓂᒃ ᐊᑕᓂᐅᓪᓗ ᐱᖁᔭᖓᓂᒃ ᒪᓕᒡᓗᓯ, ᑍᒤᒃᑯᑦᓯ ᑐᖁᓂᐊᓐᖏᓚᓯ, ᑍᒫᒃ ᑕᕝᕙ ᐱᖁᔭᐅᓯᒪᕗᖓ.”

ᒨᓯᓯ ᐱᖓᔪᖏᑦ 8:35 ပူးပေါင်းရင်းမြစ်များ

ᐊᑕᓃᑦ ᓯᕗᓪᓖᑦ 2:3

ᒪᓕᑦᓯᐊᕐᓗᑎᓪᓗ ᐊᑕᓂᐅᑉ ᒎᑎᕕᑦ ᐱᖁᔨᓂᖓᓂᒃ, ᑖᑦᓱᒪ ᐊᑐᕐᑕᐅᖁᔭᖓᓂᒃ ᐃᓅᓗᑎᑦ ᒪᓕᒐᒃᓴᐅᖁᔭᖏᓪᓗ ᓈᓚᑦᓯᐊᕐᓗᒋᑦ, ᐱᖁᔭᓕᐊᕆᓯᒪᔪᓪᓗ, ᐊᑐᕐᑕᐅᖁᔭᖏᓪᓗ, ᐅᖃᐅᓯᕆᓯᒪᔭᖏᓪᓗ ᑎᑎᕋᕐᓯᒪᔪᑦ ᒨᓯᓯᐅᑉ ᐱᖁᔭᖏᓐᓂ, ᑍᒤᒃᑯᕕᑦ ᑕᕝᕙ ᐱᓇᓱᐊᕐᑕᓕᒫᕐᓂ ᐱᔪᓐᓇᑦᓯᐊᕐᓂᐊᕐᐳᑎᑦ ᓇᒧᓐᖓᕋᓗᐊᕈᕕᑦ.

ᒨᓯᓯ ᐂᑉᐸᖏᑦ 29:35

“ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᑎᓕᓯᔪᒃᓴᐅᕗᑎᑦ ᐂᕉᓂᒥᒃ ᐃᕐᓂᖏᓐᓂᒡᓗ; ᐱᖁᔨᓯᒪᓂᕋ ᒪᓕᒡᓗᒍ; ᐅᓪᓗᓂᒃ 7ᓂᒃ,

ᐃᓯᑭᐊᓕᐅᑉ ᐊᒡᓚᖏᑦ 43:25

ᖃᐅᑕᒫᑦ ᐅᓪᓗᓂᒃ 7ᓂᒃ ᐊᔪᕐᓂᕐᓄᑦ ᑐᓂᕐᕈᓯᐅᑎᒃᓴᓂᒃ ᐊᑐᐃᓐᓇᕈᐃᖃᑦᑕᕐᑐᒃᓴᐅᕗᑎᑦ ᒎᑦᓯᒥᒃ; ᐊᖑᓴᓪᓗᕐᒥᒡᓗ ᓰᐱᐅᓪᓗ ᐊᖑᓴᓪᓗᖓᓂᒃ, ᖃᓄᐃᑦᔪᑎᖃᖏᑦᓯᐊᕐᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 48:11

ᑖᓐᓇ ᓄᓇ ᐃᑦᔪᕐᓁᑎᑕᐅᓯᒪᔪᖅ ᑐᓂᕐᕈᓯᕐᑎᑦᓯᔨᓄᑦ ᑐᕌᖓᔪᒃᓴᐅᕗᖅ ᔭᑑᑭᐅᑉ ᑭᖑᕚᖏᓐᓄᑦ, ᑖᒃᑯᐊ ᓱᕐᕋᔪᐃᑦᑑᓪᓗᑎᒃ ᐅᕙᓐᓂᒃ ᐱᔨᑦᓯᓚᐅᕐᒪᑕ, ᐃᓴᕆᐊᓕᒥᐅᓄᑦ ᑕᒻᒪᕐᑐᓄᑦ ᐃᓚᐅᓇᑎᒃ, ᓕᕔᑎᑦ ᑭᖑᕚᖏᑕ ᐃᓚᖏᑎᑐᑦ.

ᒨᓯᓯ ᐱᖓᔪᖏᑦ 10:1

ᐂᕉᓂᐅᓪᓗ ᐃᕐᓂᖏᒃ ᓁᑖᑉ ᐊᒻᒪᓗ ᐊᐱᕼᐅ ᐃᓯᕐᓗᐊᕐᓂᑎᑦᓯᑦᔪᑎᑎᒃ ᑎᒍᕔᑦ, ᐃᑭᓪᓗᒋᓪᓗ ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᐃᓗᓪᓕᕐᓗᒋᑦ; ᑐᓂᕐᕈᓯᕐᐳᒡᓗ ᐃᑯᒪᔪᒥᒃ ᐊᑕᓂᕐᒧᑦ, ᑍᒫᒃ ᐱᖁᔭᐅᓯᒪᓇᑎᒃ.

ᒨᓯᓯ ᐱᖓᔪᖏᑦ 14:8

ᐃᓅᑉ ᓴᓗᒻᒪᕐᓴᕐᑕᐅᔫᑉ ᐊᓐᓄᕌᓂ ᐅᐊᓴᕆᐊᖃᕐᐰᑦ, ᓄᔭᓂ ᒥᖅᑯᓂᓗ ᑕᒪᕐᒥᒃ ᓴᓕᔭᕆᐊᖃᕐᐰᑦ ᐃᒥᕐᒧᓪᓗ ᐅᐊᓴᕐᓗᓂ; ᑕᕝᕙ ᐃᓕᖅᑯᓯᖅ ᒪᓕᒡᓗᒍ ᓴᓗᒪᓂᕋᕐᑕᐅᓂᐊᕐᐳᖅ. ᑍᒤᓕᐅᕇᕈᓂ ᓄᓇᓕᖕᓄᑦ ᑕᕝᕙ ᐅᑎᕈᓐᓇᕐᓯᕗᖅ, ᑭᓯᐊᓂ ᐃᓚᒥᓂ ᓇᔫᑎᔭᕆᐊᖃᓐᖏᓚᖅ ᐅᓪᓗᓂᒃ 7ᓂᒃ.

ᒨᓯᓯ ᐱᖓᔪᖏᑦ 8:30

ᒨᓯᓯᐅᓪᓗ ᐅᕐᓱᖅ ᒥᖑᐊᕈᑎᒃᓴᖅ ᑎᒍᕚ ᐊᐅᒡᓗ ᑐᓂᕐᕈᓯᕐᕕᖕᒥᑦ ᐱᔪᖅ ᓯᕐᐸᕐᓴᕈᑎᒋᕔᓪᓗ ᐂᕉᓂᒧᑦ ᐊᓐᓄᕌᖏᓐᓄᓪᓗ, ᐃᕐᓂᖏᓐᓄᓪᓗ ᐊᓐᓄᕌᖏᓐᓄᓪᓗ. ᑍᒫᒃ ᐂᕉᓂᐅᑉ ᑎᓕᔭᐅᓂᖓ ᐊᓐᓄᕌᖏᑕᓗ ᓇᓗᓁᒃᑯᑕᖏᑦ ᐱᔭᐅᕗᑦ ᐃᕐᓂᖏᓪᓗ ᑖᒃᑯᐊᓗ ᐊᓐᓄᕌᖏᑦ.

ᒨᓯᓯ ᐱᖓᔪᖏᑦ 8:34

ᑕᒪᓐᓇ ᐅᓪᓗᒥ ᐊᑐᕐᑕᐅᕗᖅ ᐊᑕᓂᐅᑉ ᐱᖁᖕᒪᒍ ᐃᓕᑦᓯ ᓴᓗᒻᒪᕐᑎᑕᐅᖁᓪᓗᓯ.

ᒨᓯᓯ ᐱᖓᔪᖏᑦ 8:36

ᐂᕉᓂᓗ ᐃᕐᓂᖏᓪᓗ ᐊᑕᓂᐅᑉ ᐱᖁᔭᓕᒫᖏᓐᓂᒃ ᐱᓂᐊᓚᐅᕐᐳᑦ ᒨᓯᓯᐅᑉ ᐅᖃᐅᓯᕆᔭᖏᓐᓂᒃ.

ᒨᓯᓯ ᓯᑕᒪᖏᑦ 19:12

ᐃᒻᒥᓂᒃ ᐃᒥᕐᒧᑦ ᓴᓗᒻᒪᕐᓴᕆᐊᖃᕐᐳᖅ ᐅᓪᓗᐃᑦ ᐱᖓᔪᐊᓐᓂᒃ ᐅᓪᓗᐃᓪᓗ 7ᖓᓂᒃ; ᑕᕝᕙ ᓴᓗᒻᒪᕐᓂᐊᕐᐳᖅ, ᐅᓪᓘᑉ ᐱᖓᔪᐊᓐᓂ ᐅᓪᓘᓪᓗ 7ᖓᓂ ᓴᓗᒻᒪᕐᓴᖏᑉᐸᑦ, ᓴᓗᒻᒪᕐᓂᐊᓐᖏᓚᖅ.

ᒨᓯᓯ ᓯᑕᒪᖏᑦ 3:7

ᑖᒃᑯᐊ ᑖᑦᓱᒪ ᐱᔭᕆᐊᖃᕐᑕᖏᓐᓂᒃ ᑲᒪᔨᐅᓂᐊᕐᒪᑕ, ᐃᓄᒋᐊᒃᑐᕐᔪᐊᓪᓗ ᑐᒃᓯᐊᕆᐊᕐᐸᒃᑐᑦ ᐱᔭᕆᐊᖃᕐᑕᓕᒫᖏᓐᓂᒃ ᑲᒪᔨᐅᓂᐊᕐᒪᑕ, ᑐᐱᕐᔪᐊᒥ ᐱᔭᕆᐊᖃᕐᑐᓕᒫᓂᒃ ᐱᓕᕆᔨᐅᓂᐊᕐᐳᑦ.

ᒨᓯᓯ ᓯᑕᒪᖏᑦ 9:19

ᓄᕗᔭᓗ ᐊᑯᓂ ᑐᐱᕐᔪᐊᑉ ᖁᓛᓃᑎᓪᓗᒍ, ᐃᓴᕆᐊᓕᐅᑉ ᕿᑐᕐᖓᖏᑦ ᐊᑕᓂᐅᑉ ᐱᖁᔭᖓᓂᒃ ᓈᓚᓚᐅᕐᐳᑦ ᓄᖅᑲᖓᓪᓗᑎᒃ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 7:1

ᓇᒡᓕᒋᔭᒃᑳ, ᑖᒃᑯᐊ ᐅᕙᑦᑎᓐᓄᑦ ᐊᖏᕈᑕᐅᓯᒪᖕᒪᑕ, ᑍᒤᒻᒪᑦ ᐅᕙᑦᑎᓐᓂᒃ ᓴᓗᒻᒪᕐᓴᓕᕐᑕ ᓱᓇᓕᒫᓂᑦ ᐅᒃᐱᕐᓂᒃᑯᑦ ᓴᓗᒪᑎᑦᓯᖏᑦᑐᓂᑦ ᑎᒥᒥᒃ ᑕᕐᓂᕐᒥᒡᓗ, ᐃᑦᔪᕐᓁᓕᕙᓪᓕᐊᓕᕐᑕᓕ ᒎᑎᒥᒃ ᐃᒃᐱᒍᓱᑦᓯᐊᕐᓂᑦᑎᒍᑦ.

ᒨᓯᓯ ᑕᓪᓕᒪᖏᑦ 11:1

“ᐊᑕᓂᖅ ᒎᑎᒋᔧᑦ ᐱᓐᓈᕆᔭᒃᓴᕆᕙᑦ ᑍᒪᓐᖓᓪᓗ ᐱᖁᔭᓕᒫᖏᑦ ᓈᓚᒡᓗᖏᑦ.

ᑎᒧᑎᒧᑦ ᓯᕗᓪᓖᑦ 1:18

ᐃᕝᕕᓪᓕ ᑎᒧᑏ ᕿᑐᕐᖓᕋ, ᐱᓇᓱᐊᕐᑕᐅᖁᔭᓐᓂᒃ ᐅᖃᐅᑎᕙᒋᑦ, ᓇᓚᐅᑦᑍᑦᔪᑕᐅᓯᒪᔪᑦ ᐃᓕᖕᓂᒃ ᒪᓕᒡᓗᒋᑦ, ᑖᒃᑯᐊ ᐅᖃᐅᓰᑦ ᒪᓕᒃᑯᕕᒋᑦ ᐱᐅᔪᒥᒃ ᐱᑦᔪᑎᖃᕐᓗᑎᑦ ᐅᓇᑕᕐᑎᐅᓂᐊᕐᐳᑎᑦ.

ᑎᒧᑎᒧᑦ ᓯᕗᓪᓖᑦ 5:21

ᒎᑎᐅᑉ ᓇᔪᒐᓐᖓᓂ ᙭ᔅᑑᓯ ᔩᓱᓯᐅᓪᓗ ᐂᖏᓖᓪᓗ ᓂᕈᐊᕐᑕᐅᓯᒪᔪᑦ ᓇᔪᕐᑕᖏᓐᓂ ᑕᒪᒃᑯᐊ ᐅᖃᐅᓯᕆᔭᒃᑲ ᐃᓕᖕᓄᑦ ᒪᓕᒃᑕᐅᖁᓪᓚᕆᒃᐸᒃᑲ; ᐃᓅᖃᑎᑐᖃᕆᓐᖏᑕᕐᓂᒃ ᓇᕐᕈᖏᓪᓗᑎᑦ, ᓇᓪᓕᐊᑐᐃᓐᓇᖅ ᓇᕐᕈᓇᕐᓯᑎᑦᑍᓕᓗᒍ ᐊᑦᔨᒌᒃᑎᑦᓯᐊᕐᓗᒋᓕ ᐱᓇᓱᐊᕐᕕᒋᒃᑭᑦ.

ᑎᒧᑎᒧᑦ ᓯᕗᓪᓖᑦ 6:13

ᒎᑎᐅᑉ ᓵᖓᓂ ᐃᓅᓯᖃᕐᑎᑦᓯᔫᑉ ᑕᒤᓐᓂᒃ, ᙭ᔅᑑᓯ ᔩᓱᓯᐅᓪᓗ ᓵᖓᓂ ᑖᑦᓱᒪ ᓇᓗᓁᕐᓯᓚᐅᕐᑑᑉ ᐴᓐᑎᐅᓯ ᐰᓛᑑᓯᐅᑉ ᓵᖓᓂ, ᒪᓕᖁᓪᓗᑎᑦ ᐅᖃᐅᑎᕙᒋᑦ,

ᑎᒧᑎᒧᑦ ᓯᕗᓪᓖᑦ 6:17

ᓯᓚᕐᔪᐊᑉ ᐱᖏᓐᓄᑦ ᐊᔪᕐᓴᓐᖏᑦᑐᑦ, ᐱᐅᔪᕆᖁᖏᓪᓗᒋᑦ ᐅᖃᐅᑎᒃᑭᑦ, ᓂᕆᐅᖁᖏᓪᓗᒋᓪᓗ ᐊᔪᕐᓴᖏᑦᑐᒪᓂᑐᐃᓐᓇᒧᑦ ᐊᐅᓚᑕᐅᔪᒥᒃ, ᒎᑎᒥᓪᓕ ᑖᑦᓱᒪ ᐊᓐᓂᕈᓱᒐᓂ ᓱᓇᓕᒫᓂᒃ ᑐᓂᓯᕕᒋᖕᒪᑎᒍᑦ ᖁᕕᐊᓲᑎᒋᓗᒋᑦ ᐃᓅᖁᓪᓗᑕ.

ᑎᒧᑎᒧᑦ ᓯᕗᓪᓖᑦ 6:20

ᑎᒧᑏ, ᐃᓕᖕᓄᑦ ᐱᓯᒪᖁᔭᐅᓯᒪᔪᖅ ᐱᓯᒪᑦᓯᐊᕈᒃ. ᐅᖄᕈᓘᔭᕐᓃᑦ ᓯᓔᑦᑐᑦ ᖃᐅᔨᒪᓂᐅᓂᕋᕐᑕᐅᔪᕐᓗ ᓱᓕᖏᑦᑐᖅ ᐃᓚᐅᕕᒋᖏᓪᓗᒍ,

ᑎᒧᑎᒧᑦ ᐂᑉᐸᖏᑦ 4:1

ᐱᖁᓪᓚᕆᒃᐸᒋᑦ ᒎᑎᐅᑉ ᓵᖓᓂ ᙭ᔅᑑᓯ ᔩᓱᓯᐅᓪᓗ ᑖᓐᓇ ᐃᖅᑲᕐᑐᐃᔪᒫᕐᒪᑦ ᐃᓅᔪᓂᒃ ᑐᖁᖓᔪᓂᒡᓗ, ᑎᑭᑦᓱᒫᕐᒪᓪᓗ ᐊᐅᓚᑦᓯᔭᕐᑐᕐᓗᓂ.

ᐄᑉᕈᐃᓄᑦ 7:28

ᐱᖁᔧᑦ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕈᕐᑎᑦᓯᕙᓚᐅᕐᐳᑦ ᐃᓄᖕᓂᒃ ᓴᓐᖐᑦᑐᓂᒃ; ᒎᑎᐅᓪᓕ ᐅᖃᕕᒡᓗᓂ ᐊᖏᒻᒪᕆᒍᑎᖓ, ᐱᖁᔧᑦ ᑭᖑᓂᖓᑦᑎᒍᑦ ᐱᒋᐊᕐᑕᐅᔪᖅ, ᐃᕐᓂᕐᒥᒃ ᑎᓕᓯᓚᐅᕐᐳᖅ, ᓈᒻᒪᒃᓯᑎᑕᐅᓯᒪᔪᒥᒃ ᐃᓱᖃᖏᑦᑐᒧᑦ.