ᒨᓯᓯ ᐱᖓᔪᖏᑦ 8:30 - ᐊᒡᓔᑦ ᐃᑦᔪᕐᖕᓁᑦᑐᑦ

³⁰ ᒨᓯᓯᐅᓪᓗ ᐅᕐᓱᖅ ᒥᖑᐊᕈᑎᒃᓴᖅ ᑎᒍᕚ ᐊᐅᒡᓗ ᑐᓂᕐᕈᓯᕐᕕᖕᒥᑦ ᐱᔪᖅ ᓯᕐᐸᕐᓴᕈᑎᒋᕔᓪᓗ ᐂᕉᓂᒧᑦ ᐊᓐᓄᕌᖏᓐᓄᓪᓗ, ᐃᕐᓂᖏᓐᓄᓪᓗ ᐊᓐᓄᕌᖏᓐᓄᓪᓗ. ᑍᒫᒃ ᐂᕉᓂᐅᑉ ᑎᓕᔭᐅᓂᖓ ᐊᓐᓄᕌᖏᑕᓗ ᓇᓗᓁᒃᑯᑕᖏᑦ ᐱᔭᐅᕗᑦ ᐃᕐᓂᖏᓪᓗ ᑖᒃᑯᐊᓗ ᐊᓐᓄᕌᖏᑦ.

ᒨᓯᓯ ᐱᖓᔪᖏᑦ 8:30 ပူးပေါင်းရင်းမြစ်များ

ᒨᓯᓯ ᓯᑕᒪᖏᑦ 3:3

ᑖᒃᑯᐊ ᑕᕝᕙ ᐂᕉᓂᐅᑉ ᐃᕐᓂᖏᑦ, ᐅᕐᓱᕐᑎᕐᑕᐅᓪᓗᑎᒃ ᑐᓂᕐᕈᓯᕐᑎᑦᓯᔨᓐᖑᓚᐅᕐᑐᑦ, ᐱᔨᑦᓯᕐᑐᒃᓴᐅᓪᓗᑎᒃ ᑐᓂᕐᕈᓯᕐᑎᑦᓯᔨᓐᖑᓚᐅᕐᑐᑦ.

ᒨᓯᓯ ᐂᑉᐸᖏᑦ 30:30

ᑕᕝᕙ ᐂᕉᓂ ᐃᕐᓂᖏᓪᓗ ᑕᒪᑐᒧᖓ ᒥᖑᐊᕐᑕᕐᓴᕆᕙᑎᑦ, ᑎᓕᓗᒋᓪᓗ ᑐᓂᕐᕈᓯᕐᑎᑦᓯᔨᐅᓕᖁᓪᓗᒋᑦ ᑕᒪᑐᒨᓇ ᐅᕙᓐᓂᒃ ᐱᔨᑦᓯᕈᓐᓇᖁᓪᓗᒋᑦ.

ᒨᓯᓯ ᐂᑉᐸᖏᑦ 29:21

ᐊᐅᓪᓕ ᐃᓚᖓ ᑐᓂᕐᕈᓯᕐᕕᖕᒦᑦᑐᖅ ᐱᔭᒃᓴᕆᕙᑦ; ᓇᐹᕐᑑᓪᓗ ᐅᕐᓱᖓᓂᒃ ᒥᖑᐊᕐᓯᒍᑎᒃᓴᒥᒃ ᐃᓚᓗᒍ, ᓯᕐᐸᕐᓴᐅᑎᒋᔭᒃᓴᕆᕙᑦ ᐂᕉᓂᒧᑦ ᐊᓐᓄᕌᖏᓐᓄᓪᓗ ᐃᕐᓂᖏᓐᓄᓪᓗ ᐃᕐᓂᖏᑕᓗ ᐊᓐᓄᕌᖏᓐᓄᑦ. ᑕᕝᕙ ᑖᒃᑯᐊᓕᒫᑦ ᐊᓐᓄᕌᖏᓪᓗ ᐱᖃᓯᐅᑎᓗᒋᑦ ᐃᑦᔪᕐᓁᕐᑎᑕᐅᓂᐊᕐᐳᑦ ᐊᑕᓂᕐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14

ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.

ᔪᐊᓇᓯ ᓯᕗᓪᓖᑦ 2:27

ᐃᓕᑦᓯᓕ, ᑖᑦᓱᒪᓐᖓᑦ ᐅᕐᓱᕐᑎᕐᑕᐅᓯᒪᓂᓯ ᐱᓯᒤᓐᓇᕈᑦᓯᐅᒃ, ᑭᓇᒧᓪᓘᓃᑦ ᐊᔪᕆᕐᑐᕐᑕᐅᔭᕆᐊᖃᕋᔭᓐᖏᓚᓯ. ᑖᑦᓱᒪᓕ ᐅᕐᓱᕐᑎᑕᐅᓯᒪᓂᑦᓯ ᐊᔪᕆᕐᓱᒐᕆᓕᕐᒪᓯ ᓱᓇᑐᐃᓐᓇᕐᓂᒃ, ᑕᒪᓐᓇᓗ ᓱᓕᓪᓗᓂ, ᓴᒡᓗᓂᕐᑕᖃᕋᓂᓗ; ᐊᔪᕆᕐᓲᕐᑎᒋᓯᒪᒐᑦᓯᐅᒃ ᑖᑦᓱᒪᓃᖏᓐᓇᓕᕆᑦᓯ.

ᐲᑦᑐᕉᓯ ᓯᕗᓪᓖᑦ 1:2

ᓂᕈᐊᕐᑕᐅᓯᒪᕗᓯ ᒎᑎᒧᑦ ᐊᑖᑕᒧᑦ ᐱᓂᐊᕐᑕᐅᖁᔭᖓᓄᑦ ᐃᑦᔪᕐᓁᑎᑕᐅᖁᓪᓗᓯ ᐊᓂᕐᓂᖓᓄᑦ ᒪᓕᑦᓯᐊᖁᓪᓗᓯ ᔩᓱᓯ ᙭ᔅᑑᓯᒥᒃ ᐊᐅᖓᓄᓪᓗ ᓴᓗᒻᒪᕐᑎᑕᐅᓗᓯ: ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓮᒻᒪᕐᑎᑕᐅᓇᕐᑐᖅ ᐱᕙᓪᓕᐊᓕ ᐃᓕᑦᓯᓐᓄᑦ.

ᐄᑉᕈᐃᓄᑦ 2:11

ᐃᑦᔪᕐᓁᑦᑐᓐᖑᕐᑎᑦᓯᔪᖅ ᐃᑦᔪᕐᓁᑎᑕᐅᔪᓪᓗ ᑕᒪᕐᒥᒃ ᐊᑕᐅᓯᕐᒥᒃ ᐊᑖᑕᖃᕐᐳᑦ. ᑕᒪᓐᓇ ᐱᓪᓗᒍ ᔩᓱᓯ ᑲᓐᖑᓱᓚᐅᓐᖏᓚᖅ ᐅᒃᐱᖃᑎᒥᓂᒃ ᑍᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 61:3

ᓮᐅᓂᒥ ᕿᒃᓵᒃᑐᑦ ᐃᑲᔪᕆᐊᕐᓗᒋᑦ, ᑕᑯᒥᓇᕐᑐᕐᔪᐊᕐᒥᒃ ᐱᑖᖁᓪᓗᒋᑦ ᐊᕐᔭᓕᓃᑦ ᐃᓇᖏᕐᓗᒋᑦ, ᐃᓔᓕᕿᓂᕐᒧᑦ ᕿᒃᓵᒃᑐᑦ ᖁᕕᐊᓱᖕᓂᐅᑉ ᐅᕐᓱᖓᓂᒃ ᑐᓂᓯᕕᐅᖁᓪᓗᒋᑦ, ᓂᕐᑐᐃᓂᕐᒥᒃ ᐊᓐᓄᕌᕐᑎᓪᓗᒋᑦ ᑕᖃᓯᒪᔪᒥᒃ ᐊᓂᕐᓂᖃᕐᑐᑦ; ᓇᓛᒎᕐᑐᒥᒃ ᐆᒃᒥᒃ ᓇᐹᕐᑐᒥᒃ ᑍᔭᐅᓕᖁᓪᓗᒋᑦ, ᐊᑕᓂᐅᑉ ᑲᓐᖓᕐᓱᕐᑕᖓᓂᒃ ᐱᕈᕐᓯᐊᒃᓴᒥᒃ, ᓂᕐᑐᕐᑕᐅᑦᔪᑎᒃᓴᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 61:1

ᐊᑕᓂᐅᑉ ᒎᑎᐅᑉ ᐊᓂᕐᓂᖓᑕ ᓇᔪᕐᐹᖓ, ᐊᑕᓂᐅᑉ ᐅᕐᓱᕐᑎᓚᐅᕐᒪᖓ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᒃ ᐅᖃᓪᓚᖁᓪᓗᖓ ᓵᓚᐅᓯᒪᔪᓄᑦ; ᑎᓕᓚᐅᕐᐹᖓᓗ ᒪᒥᑎᑦᓯᖁᓪᓗᖓ ᐆᒻᒪᑎᒥᒍᑦ ᓯᖁᒥᓯᒪᔪᓂᒃ, ᑎᒍᔭᐅᓯᒪᔪᓂᒡᓗ ᐅᖃᐅᑦᔨᖁᓪᓗᖓ ᐊᓂᕕᒃᓴᖏᓐᓂᒃ, ᑎᒍᔭᐅᓯᒪᕕᖕᒦᑦᑐᓂᒡᓗ ᐊᓂᑎᑦᓯᖁᓪᓗᖓ.

ᒨᓯᓯ ᐱᖓᔪᖏᑦ 10:3

ᑕᕝᕙ ᒨᓯᓯᐅᑉ ᐂᕉᓂ ᐅᖃᐅᑎᕚ, “ᑕᒪᑦᔭ ᐊᑕᓂᐅᑉ ᐅᖃᐅᓯᕆᓚᐅᕐᑕᖓ ᐅᖃᕋᒥ; ‘ᐅᕙᓐᓄᑦ ᖃᒡᓕᔪᓄᑦ ᐃᑦᔪᕐᓁᓐᓂᓐᓂᒃ ᓇᓗᓁᕐᓯᓂᐊᕐᐳᖓ; ᐃᓄᐃᑦ ᑕᒃᑯᐊᓐᓂ ᐅᐱᒋᔭᐅᓂᐊᕐᐳᖓ.’” ᐂᕉᓂᓗ ᓂᓪᓕᓐᖏᓚᖅ.

ᒨᓯᓯ ᐂᑉᐸᖏᑦ 28:2

ᑐᓂᕐᕈᓯᕐᑎᑦᓯᔨᓄᓪᓗ ᐃᑦᔪᕐᓁᑦᑐᓂᒃ ᐊᓐᓄᕌᓕᐅᕐᑐᒃᓴᐅᕗᑎᑦ ᐊᖓᔪᖕᓄᑦ ᐂᕉᓂᒧᑦ, ᓂᕐᑐᕐᓇᕐᑑᖁᓪᓗᒍ ᑕᑯᒥᓇᖁᓪᓗᒍᓗ.

ᒨᓯᓯ ᐱᖓᔪᖏᑦ 7:36

ᐅᓪᓗᒥ ᑍᑦᓱᒪᓂ ᐅᕐᓱᒥᒃ ᓇᓗᓁᒃᑯᓯᕐᑕᐅᖕᒪᑕ ᓂᕈᐊᕐᑕᐅᓂᖏᓐᓂᒃ, ᐊᑕᓂᖅ ᐱᖁᔨᓚᐅᕐᐳᖅ ᐃᓴᕆᐊᓕᒥᐅᓂᒃ ᑍᒤᑦᑐᓂᒃ ᐂᑦᑐᕐᑕᐅᖃᑦᑕᖁᓪᓗᒋᑦ ᑭᖑᕚᒃᓴᖏᑦ ᑐᓂᕐᕈᓯᕐᑎᑦᓯᔩᑦ ᑍᒫᒃ ᑐᓂᔭᐅᖃᑦᑕᑯᓪᓗᒋᑦ.

ᒨᓯᓯ ᐱᖓᔪᖏᑦ 7:35

ᑍᒫᒃ ᑕᕝᕙ ᐊᑕᓂᕐᒧᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᑎᐅᑉ ᐃᓚᖓᓂᒃ ᑐᓂᓯᕕᐅᔭᕆᐊᖃᕐᑎᑕᐅᕗᑦ ᐃᑦᔪᕐᓁᑎᑕᐅᓂᖏᑕ ᐅᓪᓗᖓᓂᑦ ᐱᒋᐊᕐᓗᒋᑦ ᐂᕉᓂ ᐃᕐᓂᖏᓪᓗ ᐊᑕᓂᕐᒧᑦ ᑐᓂᔭᐅᓯᒪᖕᒪᑕ ᑐᓂᕐᕈᓯᕐᑎᑦᓯᔨᐅᓂᕐᒧᑦ ᐱᔨᑦᓯᕐᑎᐅᖁᔭᐅᓪᓗᑎᒃ.

ᒨᓯᓯ ᐱᖓᔪᖏᑦ 8:12

ᐂᕉᓂᓗ ᓂᐊᖁᐊᒍᑦ ᑯᕕᓯᕕᒋᕚ ᓇᐹᕐᑑᑉ ᐅᕐᓱᖓᓂᒃ ᑎᓕᔭᐅᓂᖓ ᐊᑕᓂᕐᒧᑦ ᓇᓗᓁᕐᓗᒍ.