ᒨᓯᓯ ᐱᖓᔪᖏᑦ 4:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑐᓂᕐᕈᓯᕐᑎᑦᓯᔨ ᐆᒪᔫᑉ ᐊᐅᖓᑕ ᐃᓚᖓᓄᑦ ᑎᑭᓂ ᒥᓱᒃᑕᒃᓴᕆᕚ ᑐᓂᕐᕈᓯᕐᕕᐅᓪᓗ ᐃᑯᐊᓚᑦᓯᕕᐅᑉ ᓇᒡᔪᖏᑦ ᒥᖑᐊᒐᒃᓴᕆᕔᑦ ᑯᕕᓗᒍᓗ ᐊᒥᐊᒃᑯᖓ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 4:25 ပူးပေါင်းရင်းမြစ်များ

ᒨᓯᓯ ᐱᖓᔪᖏᑦ 4:34

ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᔪᕐᑐᓕᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐊᐅᖓᑕ ᐃᓚᖓᓂᒃ ᑎᑭᕐᒥᓄᑦ ᑐᓂᕐᕈᓯᕐᕕᐅᑉ ᐃᑯᐊᓚᑦᓯᕕᐅᑉ ᓇᒡᔪᖏᑦ ᒥᖑᐊᕐᑕᒃᓴᕆᕔᑦ ᐊᐅᓪᓗ ᐊᒥᐊᒃᑯᖓ ᑯᕕᓗᒍ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 4:30

ᑕᕝᕙ ᑐᓂᕐᕈᓯᕐᑎᑦᓯᔨ ᐆᒪᔫᑉ ᐊᐅᖓᑕ ᐃᓚᖓᓂᒃ ᑎᑭᕐᒥᓄᑦ ᐃᑯᐊᓚᔪᓂᒃ ᑐᓂᕐᕈᓯᕐᕕᐅᑉ ᓇᒡᔪᖏᑦ ᒥᖑᐊᕐᑕᒃᓴᕆᕔᑦ, ᐊᐅᓪᓗ ᐊᒥᐊᒃᑯᐊ ᑯᕕᓗᒍ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 4:18

ᑐᓂᕐᕈᓯᕐᑎᑦᓯᔨᐅᓪᓗ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᑉ ᐃᓚᖓᓂᒃ ᒥᖑᐊᒐᒃᓴᕆᕔᑦ ᐊᑕᓂᐅᑉ ᓇᔪᒐᖓᓃᑦᑐᑦ ᑐᐱᕐᒥ ᑲᑎᒪᕕᖕᒥ. ᐊᐅᓪᓗ ᑖᑦᓱᒪ ᐊᒥᐊᒃᑯᖓ ᑯᕕᔭᒃᓴᕆᕚ ᐃᑯᐊᓚᑦᓯᓗᓂ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ ᑐᐱᐅᑉ ᑲᑎᒪᕕᐅᑉ ᐃᑎᕐᕕᐊᑕ ᓴᓂᐊᓃᑦᑐᒧᑦ.

ᒨᓯᓯ ᐱᖓᔪᖏᑦ 4:7

ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᐅᑉ ᐃᓚᖓᓄᑦ, ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᑕᒃᓴᕆᕔᑦ ᐊᑕᓂᐅᑉ ᓵᖓᓂ ᑐᐱᕐᒥ ᑲᑎᒪᕕᖕᒥ. ᐊᖑᓴᓪᓘᓪᓗ ᐊᐅᖓ ᑯᕕᔭᕆᐊᖃᕐᐹ ᐃᑯᐊᓚᑦᓯᕕᐅᑉ ᑐᓂᕐᕈᓯᕐᕕᐅᑉ ᐊᑖᓄᑦ, ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᐊᑕ ᖃᓂᒋᔭᖓᓃᑦᑐᒧᑦ.

ᒨᓯᓯ ᐱᖓᔪᖏᑦ 9:9

ᐂᕉᓂᐅᓪᓗ ᐃᕐᓂᖏᑕ ᐆᒪᔫᑉ ᐊᐅᖓ ᑐᓂᕚᑦ, ᑎᑭᓂᓗ ᒥᓱᒃᐹ ᑐᓂᕐᕈᓯᕐᕕᐅᓪᓗ ᑎᕆᖅᑯᖏᑦ ᓇᒡᔪᖕᓂᒃ ᑍᔭᐅᔪᑦ ᒥᖑᐊᕐᐰᑦ; ᐊᐅᓪᓗ ᐊᒥᐊᒃᑯᖓ ᑯᕕᕚ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ.

ᐄᑉᕈᐃᓄᑦ 9:22

ᐃᓛᒃ, ᐱᖁᔭᖅ ᒪᓕᒡᓗᒍ ᑕᒪᑦᓯᐊᑲᓵᖏᑦ ᐊᐅᖕᒧᑦ ᓴᓗᒻᒪᕐᑕᐅᕗᑦ, ᐊᐅᒡᓗ ᑯᕕᔭᐅᓐᖏᑉᐸᑦ ᐊᔪᕐᓃᑦ ᐃᓱᒪᒋᔭᐅᔪᓐᓃᕈᓐᓇᓐᖏᓚᑦ.

ᕉᒪᒥᐅᓄᑦ 10:4

᙭ᔅᑑᓯ ᐃᓱᓕᑎᑦᓯᖕᒪᑦ ᐱᖁᔧᑦ ᐊᑐᕐᑕᐅᓂᖏᓐᓂᒃ, ᑖᑦᓱᒧᖓ ᐅᒃᐱᕐᓂᖃᕐᑐᓕᒫᑦ ᐃᓗᐊᕐᑑᓂᕋᕐᑕᐅᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 40:21

ᖃᐅᔨᒪᓐᖏᓚᑏᑦ? ᑐᓴᓚᐅᕐᓇᒡᓗ? ᐅᖃᐅᑎᔭᐅᓯᒪᓐᖏᓚᑏᑦ ᑕᒪᑐᒥᖓ ᐱᒋᐊᕐᓂᖓᓂᑦ? ᑐᑭᓯᓚᐅᕐᓯᒪᓐᖏᓚᑏᑦ ᓄᓇᕐᔪᐊᖅ ᐱᒋᐊᕐᑎᑕᐅᓕᕐᓂᖓᓂᒃ?

ᒨᓯᓯ ᐱᖓᔪᖏᑦ 16:18

ᑭᖑᕐᖓᓂ ᑕᕝᕙᓐᖓᑦ ᐊᓂᓂᐊᕐᐳᖅ ᑐᓂᕐᕈᓯᕐᕕᖕᒧᑦ ᐱᓗᓂ ᐊᑕᓂᐅᑉ ᓵᖓᓂ ᑖᓐᓇ ᐃᑦᔪᕐᓁᓕᕐᑎᓪᓗᓂᐅᒃ, ᐃᒻᒧᒃᓯᐅᒐᐅᑉ ᐸᖕᓂᖓᑕ ᐊᐅᖓᓂᒃ ᐱᔭᕆᐊᖃᕐᐳᖅ ᒎᑦᓯᐅᓪᓗ ᐊᐅᖓᓂᒃ, ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᖕᒥᒃ ᒥᖑᐊᕆᐊᖃᕐᐰᑦ.

ᒨᓯᓯ ᐱᖓᔪᖏᑦ 8:15

ᒨᓯᓯᐅᓪᓗ ᐸᖕᓂᖅ ᑐᖁᑉᐹ, ᐊᐅᖓᑕᓗ ᐃᓚᖓᓂᒃ ᐱᕗᖅ, ᑎᑭᕐᒥᓄᓪᓗ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᐰᑦ, ᑐᓂᕐᕈᓯᕐᕕᒃ ᐃᑦᔪᕐᓁᑎᑕᐅᖁᓪᓗᒍ ᓴᓗᒻᒪᕐᓴᕐᓗᒍᓗ, ᐊᐅᒡᓗ ᑎᒍᒥᐊᕐᑕᓂ ᑯᕕᕚ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ, ᑍᒤᓕᐅᕐᐳᖅ ᑐᓂᕐᕈᓯᕐᕕᒃ ᐊᑐᕐᑕᐅᖁᓪᓗᒍ ᓴᓗᒻᒪᕐᑎᓯᐊᕐᓗᒍᓗ ᐃᑦᔪᕐᓁᑯᓪᓗᒍ.

ᒨᓯᓯ ᐱᖓᔪᖏᑦ 8:10

ᒨᓯᓯᐅᑉ ᓇᐹᕐᑑᑉ ᐅᕐᓱᖓ ᒥᖑᐊᕈᑎᒃᓴᖅ ᑎᒍᕚ, ᐅᕐᓱᕐᑎᕐᓗᒍᓗ ᐊᑕᓂᐅᑉ ᓇᔫᑎᕕᖓ ᑐᐱᖅ ᐃᓗᓕᓕᒫᖏᓪᓗ, ᑍᒫᒃ ᐊᑕᓂᕐᒧᑦ ᐊᑐᒐᒃᓴᐅᖁᓪᓗᒋᑦ ᑐᓂᕔᑦ.

ᐄᑉᕈᐃᓄᑦ 2:10

ᒎᑎᐅᑉ ᓈᒻᒪᒋᓚᐅᕐᒪᒍ, ᑖᑦᓱᒨᓇ ᓱᓇᓕᒫᑦ ᓴᖅᑭᑎᑕᐅᓯᒪᖕᒪᑕ, ᑖᑦᓱᒪᖓᓪᓗ ᓱᓇᓕᒫᑦ ᐱᓯᒪᓪᓗᑎᒃ, ᐋᓐᓂᐊᑎᑕᐅᓂᒃᑯᑦ ᓈᒻᒪᑦᓯᐊᓕᖁᓪᓗᒍ ᕿᑐᕐᖓᐅᓕᕐᑐᓂᒃ ᐊᒥᓱᓂᒃ ᓂᕐᑐᕐᓇᕐᓂᕐᔪᐊᖓᓂᒃ ᐱᖃᑕᐅᓕᖁᓪᓗᒋᑦ.

ᒨᓯᓯ ᐱᖓᔪᖏᑦ 4:24

ᓯᕗᓕᕐᑎᐅᑉ ᒎᑦᓯᐅᑉ ᓂᐊᖁᐊ ᐸᑎᒃᓯᒪᔭᕆᐊᖃᕐᐹ ᑐᖁᓪᓗᓂᐅᒡᓗ ᐃᑯᐊᓚᑦᓯᓂᕐᒧᑦ ᑐᓂᕐᕈᑎᒃᓮᑦ ᑐᖁᑕᐅᕕᒋᕙᒃᑕᖓᓂ ᐊᑕᓂᐅᑉ ᓵᖓᓂ. ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᖕᒪᑦ.

ᒨᓯᓯ ᐂᑉᐸᖏᑦ 29:12

ᐸᖕᓂᐅᓪᓗ ᐊᐅᖓᑕ ᐃᓚᖓᓂᒃ ᐱᓗᑎᑦ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒃᑎᕐᑕᒃᓴᕆᕙᑎᑦ ᐊᒡᒐᖕᓄᑦ, ᐊᐅᓪᓕ ᐊᒥᐊᒃᑯᖓ ᑯᕕᔭᒃᓴᕆᕙᑦ ᑐᓂᕐᕈᓯᕐᕕᐅᑉ ᑐᓐᖓᕕᖓᑕ ᑭᒡᓕᖓᓄᑦ.

ᒨᓯᓯ ᐱᖓᔪᖏᑦ 5:9

ᐊᐅᖓᑕᓗ ᐃᓚᖓ ᓯᕐᐸᕐᓴᕈᑎᒋᔭᓴᕆᕚ ᑐᓂᕐᕈᓯᕐᕕᐅᑉ ᓴᓂᕋᖓᓄᑦ; ᐊᐅᖓᑕᓗ ᐊᒥᐊᒃᑯᐊ ᑯᕕᑎᑕᐅᓗᓂ ᑐᓂᕐᕈᓯᕐᕕᐅᑉ ᑭᒡᓕᖓᓄᑦ. ᑐᓂᕐᕈᑕᐅᖕᒪᑦ ᐊᔪᕐᓂᖅ ᐱᓪᓗᒍ.

ᒨᓯᓯ ᐱᖓᔪᖏᑦ 17:11

ᐆᒪᔪᑦ ᓂᕐᔪᑎᐅᑉ ᐊᐅᓂ ᐆᒪᑦᔪᑎᒋᖕᒪᒍ, ᐃᓕᑦᓯᓐᓄᑦ ᑐᓂᒐᒃᑯ ᐃᓱᒪᒋᔪᓐᓁᕐᕕᒋᔪᒪᓪᓗᓯ ᑐᓂᕐᕈᓯᕐᕕᖕᒥ, ᐊᐅᒃ ᐃᓱᒪᒋᔪᓐᓁᕐᕕᖃᕐᑎᑦᓯᖕᒪᑦ ᐃᓅᓯᕐᒥᒃ.