ᒨᓯᓯ ᐱᖓᔪᖏᑦ 4:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᐃᒫᒃ, ᐊᖑᓴᓪᓘᑉ ᐊᒥᐊᒃᑯᓕᒫᖏᑦ ᑐᓂᕐᕈᓯᕐᑎᑦᓯᔨᐅᑉ ᐊᐅᓪᓚᕈᑎᔭᒃᓴᕆᕔᑦ ᓄᓇᓖᑦ ᓯᓚᑖᓐᓄᑦ. ᑐᒃᓯᐊᕐᓂᒃᑯᑦ ᓴᓗᒻᒪᕐᓴᕐᑕᐅᓯᒪᔪᒧᑦ, ᐊᕐᔭᓕᓂᕐᓂᒃ ᐃᒋᑦᓯᕕᖕᒧᑦ, ᑕᕝᕙᓂᓗ ᐊᕐᔭᓕᓃᑦ ᖄᖏᓐᓂ ᕿᔪᓕᕐᓯᒪᔪᒥ ᐃᑯᐊᓚᑎᑕᒃᓴᕆᕚ.

ᒨᓯᓯ ᐱᖓᔪᖏᑦ 4:12 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 29:14

ᐃᒻᒧᒃᓯᐅᒐᐅᓪᓕ ᓂᕿᖓ ᐃᑯᐊᓪᓚᒐᒃᓴᕆᕙᑦ, ᐊᒥᖓ ᐱᖃᓯᐅᑎᓗᒍ, ᐃᕐᕋᕕᖏᓪᓗ ᐱᖃᓯᐅᑎᓗᒋᑦ ᓄᓇᓖᑦ ᓯᓚᑖᓂ. ᑕᒪᒃᑯᐊ ᑐᓂᕐᕈᑎᒃᓴᐅᖕᒪᑕ ᑐᓂᕐᕈᓯᕐᑎᑦᓯᔩᑦ ᐊᔪᕐᓂᖏᑦ ᐱᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 43:21

ᐊᖑᓴᓪᓗᕐᓗ ᐊᔪᕐᓂᕐᒧᑦ ᑐᓂᕐᕈᑎᒃᓴᖅ, ᐃᓂᒃᓴᓕᐅᕐᑕᐅᓯᒪᔪᒥ ᑐᒃᓯᐊᕐᕕᒡᔪᐊᑉ ᐃᓗᐊᓂ ᐃᑯᐊᓚᑎᑕᒃᓴᕆᕙᑦ, ᐃᑦᔪᕐᓁᑦᑐᒃᑯᕕᐅᑉ ᓯᓚᑖᓂ.

ᒨᓯᓯ ᐱᖓᔪᖏᑦ 13:46

ᑍᒫᒃ ᑖᓐᓇ ᐸᕐᑎᕐᓂᕐᒥᓂ ᑍᒪᓐᖓᑦ ᓴᓗᒤᑦᑑᓂᐊᕐᐳᖅ. ᐃᓄᑑᔭᕆᐊᖃᓕᕐᐳᖅ; ᓄᓇᓖᓪᓗ ᓯᓚᑖᓂ ᐃᓂᖃᕆᐊᓕᕐᐳᖅ ᐃᓄᖕᓄᑦ ᑲᑎᒪᔭᐅᖏᓪᓗᓂ.”

ᒨᓯᓯ ᐱᖓᔪᖏᑦ 16:27

ᐃᒻᒧᒃᓯᐅᒐᐅᑉ ᐸᖕᓂᖓ ᒎᑦᓯᓗ ᑐᓂᕐᕈᑎ ᐊᔪᕐᓂᖅ ᐱᓪᓗᒍ, ᐊᐅᖓ ᐊᑐᕐᑕᐅᓚᐅᕐᑐᑦ ᐃᑦᔪᕐᓁᑦᑐᑦ ᐃᑦᔪᕐᓁᓐᓂᕐᐹᖓᓄᑦ ᐃᑦᔪᕐᓁᓕᑎᕈᑎᒃᓴᒧᑦ, ᑖᒃᑯᐊ ᓄᓇᓖᑦ ᓯᓚᑖᓄᑦ ᐱᑎᑕᐅᔭᕆᐊᖃᕐᐳᒃ, ᐊᒥᖏᓪᓗ ᐃᕐᕋᕕᖏᓪᓗ ᐃᑯᐊᓪᓚᑕᐅᒋᐊᖃᕐᐳᑦ.

ᒨᓯᓯ ᐱᖓᔪᖏᑦ 4:21

ᐊᖑᓴᓪᓗᕐᓗ ᑖᓐᓇ ᓄᓇᓖᑦ ᓯᓚᑖᓄᑦ ᐊᐅᓪᓚᕈᑎᔭᒃᓴᕆᕚ ᐃᑯᐊᓚᑎᓪᓗᒍᓗ ᐊᖑᓴᓪᓗᕐᑐᑦ ᓯᕗᓪᓕᕐᑐᑦ. ᑍᒫᒃ ᑕᕝᕙ ᐱᔭᕆᐊᖃᕐᐳᑦ ᓄᓇᓖᑦ ᐊᔪᕐᑐᓕᓂᖏᑦ ᑐᓂᕐᕈᓯᕈᑕᐅᑎᓪᓗᒋᑦ.

ᒨᓯᓯ ᐱᖓᔪᖏᑦ 6:23

ᓂᐊᖂᔭᑦ ᑐᓂᕐᕈᓯᕐᑎᑦᓯᔨᒧᑦ ᑐᓂᔭᐅᔪᓕᒫᑦ ᐃᑯᐊᓚᑎᑕᐅᔭᕆᐊᖃᕐᐳᑦ, ᓂᕆᔭᐅᔭᕆᐊᖃᓐᖏᓚᑦ.”

ᒨᓯᓯ ᐱᖓᔪᖏᑦ 6:30

ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐊᐅᖓ ᑐᐱᕐᒧᑦ ᑲᑎᒪᕕᖕᒧᑦ ᐱᑎᑕᐅᔪᖅ ᐃᓱᒪᒋᔪᓐᓁᕐᕕᐅᑦᔪᑕᐅᔪᖅ ᐃᑦᔪᕐᓁᑦᑐᕕᖕᒥ ᓂᕆᔭᐅᔭᕆᐊᖃᓐᖏᓚᖅ; ᐃᑯᐊᓪᓚᒃᑕᐅᔭᕆᐊᖃᕐᐳᕐᓕ.”

ᒨᓯᓯ ᐱᖓᔪᖏᑦ 6:4

ᓇᓪᓕᐊᓐᓂᒃ ᐊᔪᕐᑐᓕᒃᐸᑦ ᑕᕝᕙ ᐸᓯᔭᒃᓴᐅᓕᕐᐳᖅ, ᐅᑎᕐᑎᑦᓯᔭᕆᐊᖃᕐᐳᖅ ᑎᒡᓕᓚᐅᕐᑕᒥᓂᒃ, ᓵᓚᖃᕐᓂᕐᒥᓄᓪᓗ ᐊᕐᓵᕐᓯᑦᔪᑎᒋᓚᐅᕐᑕᒥᓂᒃ, ᑲᒪᒋᔭᕆᓚᐅᕐᑕᒥᓂᒡᓘᓐᓃᑦ, ᓇᓂᓚᐅᕐᑕᒥᓂᒡᓘᓐᓃᑦ ᐱᒋᔭᐅᔪᒥᒃ.

ᒨᓯᓯ ᐱᖓᔪᖏᑦ 8:17

ᐃᒻᒧᒃᓯᐅᒐᐅᓪᓕ ᐸᖕᓂᖓ ᐊᒥᖓᓗ ᐱᖃᓯᐅᑎᓪᓗᒍ ᓂᕿᖓᓗ ᐃᕐᕋᕕᖏᑕᓗ ᐃᓗᖏᑦ, ᐃᑯᐊᓪᓚᒃᐰᑦ ᓄᓇᓖᑦ ᓯᓚᑖᓂ, ᑍᒫᒃ ᐊᑕᓂᐅᑉ ᒨᓯᓯ ᐱᖁᖕᒪᒍ.

ᒨᓯᓯ ᐱᖓᔪᖏᑦ 9:11

ᓂᕿᖓᓕ ᐊᒥᖓᓗ ᐃᑯᐊᓪᓚᒃᐹ ᓄᓇᓖᑦ ᓯᓚᑖᓂ.

ᒨᓯᓯ ᓯᑕᒪᖏᑦ 15:35

ᐊᑕᓂᐅᓪᓕ ᒨᓯᓯ ᐅᖃᐅᑎᕚ, “ᐊᖑᑦ ᑖᓐᓇ ᑐᖁᑕᐅᔭᕆᐊᖃᓪᓚᕆᒃᐳᖅ; ᐃᓅᖃᑎᒌᒡᔪᐊᑦ ᑕᖕᒫᕐᓯᒪᕕᐅᑉ ᓯᓚᑖᓂ ᐅᔭᕋᖕᓄᑦ ᒥᓪᓗᕐᑕᒃᓴᕆᕚᑦ.”

ᒨᓯᓯ ᓯᑕᒪᖏᑦ 19:3

ᑐᓂᕐᕈᓯᕐᑎᑦᓯᔨᒧᑦ ᐃᓕᓯᕆᒧᑦ ᑐᓂᓗᒍ, ᑕᖕᒫᕐᓯᒪᕕᐅᑉ ᓯᓚᑖᓄᑦ ᐂᑦᔪᑎᓂᐊᕐᒪᒍ, ᑖᕙᓂᓗ ᑐᖁᓪᓗᓂᐅᒃ;

ᒨᓯᓯ ᓯᑕᒪᖏᑦ 19:5

ᐃᒻᒧᒃᓯᐅᒐᖅ ᐊᕐᓇᓪᓗᒃ ᐃᑭᑕᐅᓂᐊᕐᐳᖅ ᐃᓕᓯᕆᐅᑉ ᓵᖓᓂ: ᐊᒥᖓᓗ, ᓂᕿᖓᓗ, ᐊᐅᖓᓗ, ᐊᒥᐊᒃᑯᓕᒫᖏᓪᓗ ᐃᑯᐊᓪᓚᖕᒥᓗᒋᑦ.

ᒨᓯᓯ ᓯᑕᒪᖏᑦ 5:3

ᑕᒪᕐᒥᒃ ᑍᒤᑦᑐᑦ ᐊᐅᓪᓚᕐᑎᑕᒃᓴᕆᕙᓯ ᐊᖑᑎᑦ ᐊᕐᓁᓪᓗ; ᓄᓇᓖᑦ ᓯᓚᑖᓃᑦᓴᕆᐊᖃᕐᐳᑦ, ᑕᖕᒫᕐᓯᒪᕕᖕᒥᓂᒃ ᓇᕐᕈᓇᕐᓯᑎᑦᓯᖁᓇᒋᑦ, ᑖᒃᑯᐊ ᐊᑯᓐᓂᖓᓐᓂ ᐃᓂᖃᕋᒪ.”

ᐄᑉᕈᐃᓄᑦ 13:11

ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖏᑦ ᓂᕐᔪᑏᑦ ᐊᐅᖏᓐᓂᒃ ᓇᒃᓴᕐᓗᑎᒃ ᐃᑦᔪᕐᓁᓐᓂᕐᐹᒧᑦ ᑐᓂᕐᕈᓯᕆᐊᕐᑐᕐᐸᒃᐳᑦ ᐊᔪᕐᓃᑦ ᐱᑦᔪᑎᒋᓪᓗᒋᑦ; ᓂᕐᔪᑏᓪᓕ ᓂᕿᖏᑦ ᓄᓇᓖᑦ ᓯᓚᑖᓅᕈᑦᔭᐅᕙᒃᐳᑦ ᐃᑯᐊᓪᓚᒃᑕᐅᓂᐊᕐᑎᓪᓗᒋᑦ.