1 ᐊᑕᓂᐅᑉ ᒨᓯᓯ ᐅᖃᐅᑎᕚ,
ᑕᒪᓐᓇ ᑕᕝᕙ ᐱᖁᔭᖅ ᑭᖑᕚᕇᓄᑦ ᑭᖑᓪᓕᒃᓴᑦᑎᓐᓄᓪᓗ ᑐᕌᕐᑐᖅ, ᓇᓂ ᓄᓇᖃᕋᓗᐊᕈᕕᑦ ᓂᕆᔪᒃᓴᐅᓐᖏᓪᓚᑎᑦ ᑐᓐᓄᕐᒥᒃ ᐊᐅᖕᒥᒡᓘᓐᓃᑦ.’”
“ᐃᓴᕆᐊᓕᒥᐅᑦ ᐃᒫᒃ ᐅᖃᐅᑎᒃᑭᑦ; ᓇᓪᓕᐊᑦ ᐱᔮᕆᖏᓪᓗᓂ ᐊᔪᕐᑐᓕᒃᐸᑦ, ᐊᑕᓂᐅᓪᓗ ᒪᓕᒐᒃᓴᐅᖁᔭᖏᓐᓂ ᐊᑐᕐᑕᐅᖁᔭᐅᖏᑦᑐᒥᒃ ᐊᑐᕐᐸᑦ.
ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᑉ ᐊᐅᖓ ᑐᐱᕐᒧᑦ ᑲᑎᒪᕕᖕᒧᑦ ᐱᑎᑕᐅᔪᖅ ᐃᓱᒪᒋᔪᓐᓁᕐᕕᐅᑦᔪᑕᐅᔪᖅ ᐃᑦᔪᕐᓁᑦᑐᕕᖕᒥ ᓂᕆᔭᐅᔭᕆᐊᖃᓐᖏᓚᖅ; ᐃᑯᐊᓪᓚᒃᑕᐅᔭᕆᐊᖃᕐᐳᕐᓕ.”
ᐂᕉᓂᓗ ᑐᓂᕐᕈᓯᕐᕕᖕᒧᐊᕐᐳᖅ ᐃᒻᒧᒃᓯᐅᒐᐅᑉ ᓄᕐᕋᖓ ᑐᖁᑉᐹ ᓇᖕᒥᓂᖅ ᐊᔪᕐᓂᓂ ᐱᓪᓗᒋᑦ ᑐᓂᕐᕈᑎᒋᓪᓗᒍ.
ᐃᒫᒃ ᑕᕝᕙ ᐂᕉᓂ ᐃᑎᖃᑦᑕᕆᐊᖃᕐᐳᖅ ᐃᑦᔪᕐᓁᑦᑐᕕᖕᒧᑦ; ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐃᓐᓇᐅᖏᑦᑐᒥᒃ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᒃᓴᕐᓗᓂ, ᓰᐱᐅᓪᓗ ᐊᖑᓴᓪᓗᖓᓂᒃ ᐃᑯᐊᓚᓗᓂ ᑐᓂᕐᕈᑎᒃᓴᒥᒃ.”
“ᐃᓴᕆᐊᓕᒥᐅᓪᓕ ᓄᓇᖅᑲᑎᒌᓕᒫᑦ ᐱᔮᕆᖏᓪᓗᑎᒃ ᐊᔪᕐᑐᓕᒃᐸᑕ ᐊᑕᓂᐅᓪᓗ ᐱᖁᔭᖏᓐᓂ ᐊᑐᕐᑕᐅᖁᔭᐅᖏᑦᑐᒥᒃ ᐊᑐᕐᐸᑕ, ᓄᓇᓖᑦ ᖃᐅᔨᖏᒃᑲᓗᐊᕐᑎᓪᓗᒋᑦ, ᑕᕝᕙ ᑕᒪᕐᒥᒃ ᐸᓯᔭᒃᓴᐅᓕᕐᐳᑦ.
