29 ᐊᒃᓱᒻᒪᕆᐊᓗᒃ ᑳᖃᑦᑕᕐᓗᓯ, ᑳᖕᓂᕐᒧᑦ ᐊᒡᓛᑦ ᕿᑐᕐᖓᓯ ᓂᕿᒋᓕᕐᓗᒋᑦ.
ᕿᑐᕐᖓᒥᖕᓂᒡᓗ ᓂᕿᖃᓕᕈᒫᕐᐳᑦ, ᐃᒻᒥᖕᓄᓪᓗ ᓂᕆᖃᑦᑕᐅᑎᓕᕐᑎᓪᓗᒋᑦ ᐊᑭᕋᒥᖕᓄᑦ ᐃᓗᔭᐅᓯᒪᓗᑎᒃ ᓴᐱᔭᐅᓯᒪᓂᕐᒥᖕᓄᑦ, ᐊᑭᕋᕐᒥᖕᓂᑦ ᑐᖁᑦᓯᔪᒪᔪᓂᑦ ᑍᒤᑎᑕᐅᓗᑎᒃ.’
ᐊᑕᓃᖅ! ᖃᓄᐃᒻᒪᑦ ᑍᒫᕌᓗᒃ ᓱᒋᐊᕐᐱᑎᒎᑦ? ᐊᕐᓁᑦ ᕿᑐᕐᖓᒥ ᓇᒡᓕᒋᓚᐅᕐᑕᒥ ᑎᒥᕕᓂᖏᓐᓂᒃ ᓂᕿᖃᕐᑐᒃᓴᐅᕚᑦ! ᑐᓂᕐᕈᓯᕐᑎᑦᓯᔩᑦ ᒎᑎᐅᓪᓗ ᐅᖃᕐᑎᖏᑦ ᑐᖁᕋᕐᑕᐅᕙᓕᕐᐳᑦ ᑐᒃᓯᐊᕐᕕᒃᔪᐊᕐᒥ.
ᐊᓯᕈᕐᑕᐅᓇᕐᑐᑦ ᐃᓄᖁᑎᓐᓄᑦ ᑎᑭᓚᐅᕐᑐᑦ ᑲᑉᐱᐊᓇᕐᑐᕐᔪᐊᖑᓯᒪᓂᖓᓄᑦ ᐊᓈᓇᐅᔪᑦ ᕿᑐᕐᖓᒥᖕᓂᒃ ᓇᒡᓕᒍᓱᒃᑑᒐᓗᐊᑦ ᕿᑐᕐᖓᑎᒃ ᐆᔪᓕᐅᕐᐸᒡᓗᒋᑦ ᓂᕿᒋᓕᓚᐅᕐᐰᑦ.
ᑍᒤᒻᒪᑦ ᐊᑖᑕᐅᔪᑦ ᕿᑐᕐᖓᒥᖕᓂᒃ ᓂᕿᖃᓕᕈᒫᕐᐳᑦ ᐊᑯᓐᓇᑦᓯᓐᓂ, ᕿᑐᕐᖓᐅᔪᓪᓗ ᐊᖓᔪᖅᑳᒥᖕᓂᒃ ᓂᕿᖃᓕᕐᒥᓗᑎᒃ; ᑍᒫᒃ ᓱᒋᐊᕈᒫᕐᐸᑦᓯ, ᐊᒥᐊᒃᑰᔪᓪᓗ ᓇᒧᓕᒫᖅ ᓯᐊᒻᒪᒍᒫᕐᐳᑦ ᐊᓄᕆᓕᒫᓄᑦ.
ᐊᒃᓱᐊᓗᒃ ᑲᑉᐱᐊᓇᕈᒫᕐᐳᖅ ᐊᕐᓇᓄᑦ ᓄᑕᕋᒃᓴᖃᕐᑐᓄᑦ ᒥᑭᔪᓛᓂᒡᓗ ᕿᑐᕐᖓᓕᖕᓄᑦ!
ᑕᑯᒋᑦ, ᐅᓪᓗᐃᑦ ᑎᑭᑦᓱᒫᕐᐳᑦ ᐃᓄᐃᑦ ᐅᖃᕐᕕᒋᔪᒫᕐᑕᖏᑦ, ‘ᓮᒻᒪᕐᑎᐅᓯᒪᔪᒥᒃ ᐃᓅᓯᖃᕐᐳᑦ ᐊᕐᓁᑦ ᕿᑐᕐᖓᕐᑖᕈᓐᓇᖏᑦᑐᑦ, ᓄᑕᕋᒃᑖᓚᐅᕐᓯᒪᖏᑦᑐᓪᓗ, ᐊᒫᒪᒃᑎᑦᑎᓚᐅᕐᓯᒪᓇᑎᒡᓗ!’
