ᒨᓯᓯ ᐱᖓᔪᖏᑦ 26:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ “ᒎᑎᓐᖑᐊᒥᒃ ᓴᓇᔪᒃᓴᐅᓐᖏᓚᓯ, ᐃᓄᓐᖑᐊᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ ᓇᑉᐸᕐᑎᑦᓯᔪᒃᓴᐅᓐᖏᓚᓯ, ᐅᔭᕋᖕᒥᒡᓘᓐᓃ ᓴᓇᓐᖑᐊᕐᓯᒪᔪᒥ ᓄᓇᑦᓯᓐᓄᑦ ᐃᓕᓯᔪᒃᓴᐅᓐᖏᓚᓯ, ᐹᒻᒪᒃᑎᕐᕕᒋᔭᒃᓴᑦᓯᓐᓂᒃ. ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᐱᖓᔪᖏᑦ 26:1 ပူးပေါင်းရင်းမြစ်များ

ᐊᑕᓃᑦ ᐂᑉᐸᖏᑦ 17:10

ᒎᑎᓐᖑᐊᓕᐊᕆᓯᒪᔪᓂᒃ ᓇᑉᐰᓯᒪᓚᐅᕐᐳᑦ ᐱᖑᐃᑦ ᐳᕐᑐᓂᓕᒫᖏᓐᓂ, ᓇᐹᕐᑐᐃᓪᓗ ᐊᑖᓐᓂ ᒎᑎᓐᖑᐊᑉ ᐊᓯᕋᐅᑉ ᐊᑦᔨᖏᓐᓂᒃ.

ᐊᑕᓃᑦ ᐂᑉᐸᖏᑦ 17:16

ᐊᑕᓂᐅᑉ ᒎᑎᖓᑦᑕ ᐱᖁᔭᖏᓐᓂᒃ ᒪᓕᒍᓐᓁᓚᐅᕐᐳᑦ, ᓴᓇᓚᐅᕐᐳᑦ ᒪᕐᕉᖕᓂᒃ ᑐᒃᑐᕙᓐᖑᐊᖕᓂᒃ ᑐᒃᓯᐊᕐᕕᒋᔭᒃᓴᒥᖕᓂᒃ, ᓴᓇᓚᐅᕆᕗᑦ ᐊᕐᓇᐅᑉ ᒎᑎᓐᖑᐊᑉ ᐊᓯᕋᐅᑉ ᐊᑦᔨᖓᓂᒃ ᓴᓇᓐᖑᐊᕐᓯᒪᔪᒥᒃ, ᐅᓪᓗᕆᐊᓄᓪᓗ ᑐᒃᓯᐊᕐᐸᒃᑭᓪᓗᑎᒃ ᒪᓕᒐᖃᕐᓗᑎᒡᓗ ᒎᑎᓐᖑᐊᒥᒃ ᐰᓕᒥᒃ.

ᐊᑕᓃᑦ ᐂᑉᐸᖏᑦ 17:8

ᒪᓕᓕᕐᓗᑎᒃ ᓄᓁᑦ ᑎᑭᑕᖏᑕ ᐃᓄᖏᓐᓄᑦ ᐃᓕᖅᑯᓯᕆᔭᐅᓚᐅᕐᑐᓂᒃ ᒎᑎᐅᑉ ᓯᖏᑕᐅᑎᓚᐅᕐᑕᖏᓐᓄᑦ ᐃᓴᕆᐊᓕᒥᐅᓄᑦ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖏᑕ ᐃᓕᖅᑯᓯᕐᑖᕆᔭᐅᑎᓯᒪᔭᖏᓐᓄᑦ.

ᐃᓐᖏᕈᑎᑦ 78:58

ᓂᓐᖓᒃᓴᓚᐅᕐᐹᑦ ᑐᒃᓯᐊᕐᕕᓕᐊᒥᖕᓄᑦ ᐳᕐᑐᔪᑦ ᖄᖏᓐᓃᑦᑐᓄᑦ; ᓯᖕᓇᑎᓚᐅᕐᐹᓪᓗ ᓴᓇᓐᖑᐊᕐᓯᒪᔪᓄᑦ ᒎᑎᓐᖑᐊᓄᑦ.

ᐃᓐᖏᕈᑎᑦ 97:7

ᓴᓇᓯᒪᔪᓂᒃ ᑐᒃᓯᐊᕐᕕᖃᕐᑐᓕᒫᑦ ᑲᓐᖑᓱᒃᑎᑕᐅᓕᑦ, ᒎᑎᓐᖑᐊᓂᒃ ᐊᑑᑎᖃᖏᑦᑐᓂᒃ ᐱᐅᔪᕆᑦᔪᑎᖃᕐᑐᑦ; ᒎᑎᒋᔭᐅᔪᓯ ᑕᒪᑦᓯ ᑖᓐᓇ ᐹᒻᒪᒃᑎᕐᕕᒋᓯᐅᒃ.

ᒨᓯᓯ ᐂᑉᐸᖏᑦ 20:2

“ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕐᐸᑦᓯ ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᒨᓯᓯ ᐂᑉᐸᖏᑦ 20:23

ᑍᒤᒻᒪᑦ ᓴᓂᓐᓃᑦᑐᒃᓴᒥᒃ ᒎᑎᓐᖑᐊᓕᐅᕐᑐᒃᓴᐅᓐᖏᓚᓯ ᓯᐅᓪᕕᕆᒥᒃ, ᒎᓗᒥᒡᓘᓐᓃᑦ ᓴᓇᔪᒃᓴᐅᖏᓐᓂᕗᓯ ᒎᑎᒃᓴᑦᓯᓐᓂᒃ.

ᒨᓯᓯ ᐂᑉᐸᖏᑦ 23:24

ᑖᒃᑯᐊᓗ ᒎᑎᒋᔭᖏᓐᓄᑦ ᐹᒻᒪᒃᑎᕐᑐᒃᓴᐅᓐᖏᓚᓯ, ᑐᒃᓯᐊᕐᕕᒋᓇᒋᓪᓗ, ᐅᒃᐱᕆᔭᖏᓪᓗ ᒪᓕᖏᓪᓗᒋᑦ, ᐊᑕᖏᓪᓚᕆᒃᑐᒥᒡᓕ ᒎᑎᓐᖑᐊᖁᑎᒋᔭᖏᑦ ᐲᔭᕐᑕᒃᓴᕆᕙᓯ ᓇᐸᔪᖁᑎᒋᔭᖏᓪᓗ ᐅᔭᕅᑦ ᐅᕐᕈᑎᓪᓗᒋᑦ ᓯᖁᒥᑕᒃᓴᕆᕙᓯ.

ᒨᓯᓯ ᐂᑉᐸᖏᑦ 34:17

“ᒎᑎᓐᖑᐊᓂᒃ ᓴᕕᕋᔭᖕᓂᒃ ᓴᓇᔪᒃᓴᐅᓐᖏᓚᓯ ᑐᒃᓯᐊᕐᕕᖃᕐᑐᒃᓴᐅᓇᓯᓗ.

ᐂᓮᐊᓯᐅᑉ ᐊᒡᓚᖏᑦ 2:20

ᐅᓪᓗᒥ ᑖᑦᓱᒪᓂ ᐃᓄᐃᑦ ᐃᒋᐅᖅᑬᓕᕈᒫᕐᐳᑦ ᒎᑎᓐᖑᐊᒥᖕᓂᒃ ᓯᐅᓪᕕᕆᓂᒃ ᒎᑎᓐᖑᐊᒥᖕᓂᒡᓗ ᒎᓗᓂᒃ, ᓇᖕᒥᓂᖅ ᓴᓇᓚᐅᕐᑕᒥᖕᓄᑦ ᑐᒃᓯᐊᕐᕕᒋᖃᑦᑕᕈᒪᓪᓗᒋᑦ, ᐃᒋᑦᓯᔪᒫᕐᐳᑦ ᓄᓇᐅᑉ ᐃᓗᐊᓂᒥᐅᑕᕐᓄᑦ ᐊᕕᓐᖓᐅᔮᕐᑐᓄᑦ ᐊᕕᓐᖓᐅᔮᕐᑐᓄᓪᓗ ᐃᓴᕈᓕᖕᓄᑦ.

ᒨᓯᓯ ᐱᖓᔪᖏᑦ 19:4

“ᒎᑎᓐᖑᐊᑦ ᓵᕝᕕᒋᓂᐊᕋᓯᒋᒃ; ᒎᑎᓐᖑᐊᓂᒡᓘᓐᓃᑦ ᓴᕕᕋᔭᖕᓂᒃ ᓴᓇᔭᕆᐊᖃᓐᖏᓚᓯ ᒎᑎᒋᓂᐊᕐᑕᑦᓯᓐᓂᒃ, ᐅᕙᖓ ᐊᑕᓂᐅᒐᒪ ᒎᑎᓯ.

ᒨᓯᓯ ᐱᖓᔪᖏᑦ 25:55

ᐃᓴᕆᐊᓕᒥᐅᑦ ᐱᔨᒋᒐᒃᑭᑦ, ᐅᕙᖓ ᐱᔨᒋᕙᒃᑲ, ᐊᐅᓪᓚᕐᑎᓚᐅᕐᐸᒃᑲᓗ ᐄᑦᔨᑉᑎᒥᑦ ᐅᕙᖓ ᐊᑕᓂᐅᒐᒪ ᒎᑎᓯ.”

ᒨᓯᓯ ᐱᖓᔪᖏᑦ 7:33

ᐂᕉᓂᐅᓪᓗ ᐃᕐᓂᖓᑕ ᐃᓚᖓᑦ ᐊᐅᖕᒥᒃ ᑐᓐᓄᕐᒥᒡᓗ ᑐᓂᕐᕈᑎᖃᕐᑐᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᒥᑦ, ᓂᕿᑖᕆᐊᖃᕐᐳᖅ ᐆᒪᔫᑉ ᒥᒥᖓᓂᒃ ᑕᓕᕐᐱᖕᒥᒃ.

ᒨᓯᓯ ᓯᑕᒪᖏᑦ 33:52

ᓄᓇᐅᑉ ᐃᓄᖏᓐᓂᒃ ᐊᐅᓪᓚᕐᑎᑦᓯᔪᒫᕋᑦᓯ ᑎᑭᑕᑦᓯᓐᓂᒃ, ᐅᔭᕅᓪᓗ ᓴᓇᓯᒪᔭᖏᑦ ᓯᖁᒥᓪᓗᒋᑦ, ᐃᓄᓐᖑᐊᓕᐊᕆᓯᒪᔭᖏᓪᓗ ᐊᓯᕈᕐᓗᒋᑦ, ᖁᑦᓯᒃᑐᓂᓗ ᑐᒃᓯᐊᕐᕕᖏᑦ ᐅᕐᕉᕋᕐᑎᓪᓗᒋᑦ;

ᐋᐴᓯᑕᓖᑦ ᐱᓂᐊᕐᓂᖏᑦ 17:29

ᑕᕝᕙ ᒎᑎᒧᑦ ᕿᑐᕐᖓᕆᔭᐅᒐᑦᑕ, ᐃᓱᒪᔪᒃᓴᐅᓐᖏᓚᒍᑦ ᒎᑎ ᐊᑦᔨᖃᕋᓱᒋᓗᒍ ᒎᓗᒥᒃ ᓯᐅᓪᕕᕆᒥᒡᓘᓐᓃᑦ ᐅᔭᕋᖕᒥᒡᓘᓐᓃᑦ, ᐃᓄᖕᓄᑦ ᓴᓇᓐᖑᐊᕈᓐᓇᑦᓯᐊᕐᑐᓄᑦ ᓴᓇᓐᖑᐊᕐᑕᐅᓯᒪᔪᒥᒃ.

ᒨᓯᓯ ᑕᓪᓕᒪᖏᑦ 27:15

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐅᔭᕋᖕᓂᒃ ᒎᑎᓐᖑᐊᓕᐅᕐᑐᖅ, ᕿᔪᖕᓂᒡᓘᓐᓃᑦ, ᓴᕕᕋᔭᖕᓂᒡᓘᓐᓃᑦ ᐊᑕᓂᐅᑉ ᐆᒥᒋᔭᖓᓂᒃ, ᓴᓇᔨᐅᑉ ᓴᓇᔭᖓ, ᐃᔨᕋᕐᑐᕐᓗᓂ ᐃᓂᒃᓴᖓᓄᓪᓗ ᓇᑉᐸᕐᑎᓪᓗᒍ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’

ᒨᓯᓯ ᑕᓪᓕᒪᖏᑦ 5:6

‘ᐅᕙᖓ ᐊᑕᓂᐅᕗᖓ ᒎᑎᓯ, ᐅᕙᖓ ᐄᑦᔨᑉᑎᒥᑦ ᓴᐳᑎᓚᐅᕐᐸᑦᓯ, ᑕᕝᕙᓐᖓᑦ ᓱᒃᑯᔨᐊᖑᕕᒋᓚᐅᕐᑕᑦᓯᓐᓂᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 22:15

ᐃᒡᓗᒐᓴᒡᔪᐊᓪᓕ ᓯᓚᑖᓃᑉᐳᑦ ᕿᒻᒦᑦ ᐊᖓᒃᑰᓇᓱᐊᕐᑐᓪᓗ ᐊᕐᓇᕐᓂᐊᕐᑏᑦ ᐊᖑᓐᓂᐊᕐᑏᓪᓗ, ᐃᓄᐊᕐᑏᓪᓗ, ᒎᑎᓐᖑᐊᓖᓪᓗ, ᓴᒡᓗᑐᔪᓪᓗ ᐅᖃᐅᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 18:30

ᑖᓐ ᑭᖑᕚᖏᑦ ᐃᓄᓐᖑᐊᒥᒃ ᓴᓇᓐᖑᐊᕐᓯᒪᔪᒥᒃ ᐋᖅᑭᒃᓯᓚᐅᕐᐳᑦ ᐃᒻᒥᖕᓄᑦ; ᔫᓇᑕᓂᓗ, ᒌᕐᓲᒥᐅᑉ ᐃᕐᓂᖓ, ᒨᓯᓯᐅᑉ ᐃᕐᖑᑕᖓ, ᑐᓂᕐᕈᓯᕐᑎᑦᓯᔨᐅᓚᐅᕐᐳᖅ ᑖᓐ ᑭᖑᕚᖏᓐᓄᑦ ᐃᓄᐃᑦ ᐊᐅᓪᓚᐅᑦᔭᐅᓂᖓ ᑎᑭᓪᓗᒍ.