ᒨᓯᓯ ᐱᖓᔪᖏᑦ 25:36 - ᐊᒡᓔᑦ ᐃᑦᔪᕐᖕᓁᑦᑐᑦ

³⁶ ᐊᑭᓕᒃᓮᑦ ᕿᑐᕐᖏᐅᕈᑎᖏᓐᓂᒃ ᐊᑭᓕᒃᓴᖃᕐᑎᓐᓂᐊᕐᓇᒍ, ᒎᑎᓯ ᓯᕘᕋᒋᓯᐅᒃ, ᐃᓴᕆᐊᓕᒥᐅᖑᖃᑎᓯ ᐃᓕᑦᓯᓐᓂ ᐃᓂᖃᑦᓯᐊᖁᓪᓗᒍ.

ᒨᓯᓯ ᐱᖓᔪᖏᑦ 25:36 ပူးပေါင်းရင်းမြစ်များ

ᓂᕼᐃᒤᐊᐅᑉ ᐊᒡᓚᖏᑦ 5:15

ᐊᐅᓚᑦᓯᔨᐅᓚᐅᕐᑐᑦ ᐃᓘᓐᓇᑎᒃ ᓯᕗᓂᓐᓂ ᐃᓄᖕᓄᑦ ᐅᖁᒤᓐᓇᕐᑑᓚᐅᕐᒪᑕ ᐊᑭᓖᖁᔨᕙᓚᐅᕐᒪᑕᓗ 40ᓂᒃ ᓯᐅᓪᕕᕆᓂᒃ, ᓂᕿᓂᒡᓗ, ᕔᓂᓂᒡᓗ, ᐱᔨᒋᔭᖏᓪᓘᓐᓃᑦ ᐅᖁᒤᒃᓴᕐᑎᑦᓯᓚᐅᕆᕗᑦ ᐃᓄᖕᓂᒃ, ᑍᒤᓕᐅᓚᐅᓐᖏᓚᖓᓕ ᒎᑎᒥᒃ ᐃᓕᕋᓱᓚᐅᕋᒪ.

ᓂᕼᐃᒤᐊᐅᑉ ᐊᒡᓚᖏᑦ 5:3

ᐊᓯᖏᑦᑕᐅᖅ ᐅᖃᕐᐳᑦ, “ᐊᑐᕐᑐᐊᕐᑎᑦᓯᔭᕆᐊᖃᓕᕐᐳᒍᑦ ᐱᕈᕐᓰᕕᑦᑎᓐᓂᒃ ᕔᓂᓕᐅᕐᕕᑦᑎᓐᓂᒡᓗ, ᐃᒡᓗᑦᑎᓐᓂᒡᓗ ᓂᐊᖂᔭᒃᓴᕐᑖᕈᓐᓇᖁᓪᓗᑕ ᐱᕐᓕᖁᓇᑕᓗ.”

ᐃᓐᖏᕈᑎᑦ 15:5

ᑮᓇᐅᔭᒥᓂᒡᓗ ᐊᑐᕐᑎᑦᓯᒍᓂ ᐃᓚᕙᓪᓕᐊᑎᑦᓯᕙᖏᓪᓗᓂ, ᓯᓔᕐᕆᒃᓯᕙᖏᑦᑐᕐᓗ ᐸᓯᔭᒃᓴᐅᖏᑦᑐᓂᒃ. ᑕᒪᒃᑯᓂᖓ ᑍᒤᓕᐅᕐᑐᖅ ᐊᐅᓚᑕᐅᓂᐊᓐᖏᓚᖅ.

ᒨᓯᓯ ᐂᑉᐸᖏᑦ 22:24

ᓂᓐᖓᖕᓂᕋᓗ ᐃᑯᐊᓪᓚᓕᕐᑐᑎᑐᑦ ᑍᒤᒐᔭᕐᐳᖅ, ᐅᓇᑕᕐᑐᓂᓗ ᑐᖁᑕᐅᑎᒐᔭᕐᐸᑦᓯ, ᓄᓕᐊᓯᓗ ᐅᐃᒡᒐᕐᓂᓐᖑᕐᓗᑎᒃ ᕿᑐᕐᖓᓯᓗ ᐊᑖᑕᖃᕈᓐᓃᕐᓗᑎᒃ.

ᒨᓯᓯ ᐂᑉᐸᖏᑦ 22:25

“ᐃᓄᖁᑎᒪ ᓇᓪᓕᐊᓐᓄᑦ ᐊᔪᕐᓴᕐᑐᒧᑦ ᑮᓇᐅᔭᒥᒃ ᐊᑐᕐᑕᐅᑎᑦᓯᒍᑦᓯ, ᐊᑐᕐᑐᐊᕐᕕᓪᓚᕆᒃᑎᑐᑦ ᐱᓇᓱᐊᕐᑐᒃᓴᐅᓐᖏᓚᓯ, ᐊᑐᕐᑕᐅᔪᕕᓃᓪᓗ ᕿᑐᕐᖏᐅᕐᑎᑕᒃᓴᕆᓐᖏᓚᓯ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:8

ᑮᓇᐅᔭᓂᒃ ᐊᑐᕐᑐᐊᕐᑕᐅᔪᓂᒃ ᐃᓚᓯᖃᑦᑕᕐᓂᕐᒧᑦ ᐅᓄᕐᓯᕙᓪᓕᐊᑎᑦᓯᔪᖅ ᑲᑎᕐᓱᐃᕗᖅ ᑖᑦᓱᒧᖓ ᐊᔪᕐᓴᕐᑐᓂᒃ ᐃᓚᑦᓱᒍᓱᒃᑐᓄᑦ.

ᐂᓮᐊᓯᐅᑉ ᐊᒡᓚᖏᑦ 24:2

ᐃᓄᓕᒫᓪᓗ ᐊᑦᔨᒌᒃᑐᒥᒃ ᐃᓱᓕᑦᓱᒫᕐᐳᑦ, ᑐᓂᕐᕈᓯᕐᑎᑦᓯᔨᐅᒍᑎᒃ ᐃᓅᑐᐃᓐᓇᐅᒍᑎᒡᓘᓐᓃᑦ, ᓯᐊᓛᖑᒍᑎᒃ, ᐊᖓᔪᖅᑳᖑᒐᓗᐊᕈᑎᒡᓗ, ᓂᐅᕕᕐᑎᐅᒍᑎᒃ, ᓂᐅᕐᕈᓯᕐᑎᐅᒐᓗᐊᕈᑎᒡᓗ, ᐊᑐᕐᑎᑦᓯᔨᐅᒍᑎᒃ ᐊᑐᕐᑐᐊᕐᑎᐅᒐᓗᐊᕈᑎᒡᓘᓐᓃᑦ, ᐊᒃᓱᐃᑦᑑᒍᑎᒃ ᐊᒃᓱᔫᒐᓗᐊᕈᑎᒡᓘᓐᓃᑦ.

ᔨᕆᒤᐊᐅᑉ ᐊᒡᓚᖏᑦ 15:10

ᑲᑉᐱᐊᓐᓇᒦᒃ, ᐊᓈᓇᒪ ᕿᑐᕐᖓᕐᑖᕆᓚᐅᕐᓂᕐᒪᖓ, ᐃᓅᓕᕋᒪ ᐊᒃᓱᕈᕐᓇᓗᐊᕐᑐᒥᒃ, ᑮᓇᐅᔭᓂᒃ ᐊᑐᕐᑐᐊᓚᐅᕐᓯᒪᓇᖓ ᐊᑐᕐᕕᖃᓚᐅᕐᓯᒪᓇᖓᓗ, ᐅᕙᓐᓂᒡᓕ ᐅᖃᕐᓂᕐᓘᑎᖃᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 18:13

ᐊᑐᕐᑎᑦᓯᔭᕌᖓᒥᓗ ᑮᓇᐅᔭᓕᕈᑎᖃᕋᓱᒃᐸᒡᓗᓂ, ᐅᓄᕐᓯᒋᐊᕐᑎᑦᓯᓗᓂ, ᑍᒤᑦᑐᖅ ᐃᓅᔪᒫᕐᐹ? ᐃᓅᔪᒫᓐᖏᓚᖅ. ᑕᒪᒃᑯᓂᖓ ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᕐᒥᓄᑦ ᐃᓅᔭᕆᐊᖃᓐᖏᓚᖅ; ᑖᓐᓇ ᑐᖁᓂᐊᓪᓚᕆᒃᐳᖅ; ᑐᖁᓂᕐᒥᓄᓪᓗ ᓵᑕᒃᓴᑑᒐᔭᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 18:17

ᐱᐅᖏᑦᑐᓕᓂᕐᒥᒃ ᐃᓅᓯᖃᕈᒪᖏᓪᓗᓂ, ᐊᑐᕐᑎᑕᒥᓂᒡᓗ ᑮᓇᐅᔭᓕᐅᕐᕕᖃᕋᓱᒃᐸᖏᓪᓗᓂ ᐃᓚᒋᐊᕐᓯᖃᑦᑕᖏᓪᓗᓂᓗ, ᐱᖁᔭᓐᓂᒡᓗ ᐊᑐᑦᓯᐊᕐᓗᓂ, ᒪᓕᒐᒃᓴᐅᖁᔭᓐᓂᒡᓗ ᐊᑐᑦᓯᐊᕐᓗᓂ; ᑖᓐᓇ ᑐᖁᔪᒫᓐᖏᓚᖅ ᐊᑖᑕᖓᑕ ᐊᔪᕐᑐᓕᓯᒪᓂᖓᓄᑦ; ᐃᓅᔪᒫᕐᐳᕐᓕ ᖁᓚᕐᓇᖏᑦᑐᒥᒃ.

ᐃᓯᑭᐊᓕᐅᑉ ᐊᒡᓚᖏᑦ 18:8

ᑮᓇᐅᔭᓂᒃ ᐊᑐᕐᑎᑦᓯᔭᕌᖓᒥ ᑮᓇᐅᔭᓕᐅᕈᑎᖃᒃᑲᓐᓂᕋᓱᒃᐸᖏᓪᓗᓂ, ᐱᐅᖏᑦᑐᒥᒡᓗ ᐊᑐᕐᑍᓕᒪᔪᓐᓇᕐᓗᓂ, ᐊᑦᔨᒌᒃᑎᑦᓯᓂᕐᒥᒃ ᐱᓂᐊᕐᕕᖃᕐᐸᒡᓗᓂ ᐃᓅᖃᑎᒥᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 22:12

ᐃᓅᖃᑎᓯ ᐃᓚᖏᑦ ᓯᓔᕐᕆᒃᓯᓂᒃᑯᑦ ᐊᑭᓖᓪᓗᑎᒃ ᑐᖁᑕᐅᑎᑦᓯᖃᑦᑕᕐᐳᑦ; ᐃᓚᖏᓪᓗ ᐊᑐᕐᑎᑕᒥᖕᓂᒃ ᐃᓅᖃᑎᒥᖕᓂᒃ ᖄᖏᕐᓂᑯᓕᐅᕐᐸᒃᐳᑦ ᐅᓄᕐᓯᒋᐊᕐᑎᑦᓯᓪᓗᑎᒃ ᑮᓇᐅᔭᓕᐅᕈᑎᖃᕐᓗᑎᒃ ᐃᓅᖃᑎᒥᓂᒃ ᑎᒡᓕᒃᓗᑎᒃ, ᐅᕙᓐᓂᒃ ᐳᐃᒍᕐᓯᒪᓕᕐᐳᓯ, ᐊᑕᓂᖅ ᒎᑎ ᐅᖃᕐᐳᖅ.

ᒨᓯᓯ ᐱᖓᔪᖏᑦ 25:17

ᐃᓴᕆᐊᓕᒥᐅᖑᖃᑎᒌᒃᓗᓯ ᓯᓔᕆᖃᑦᑕᐅᑎᔪᒃᓴᐅᓐᖏᓚᓯ, ᒎᑎᓯ ᓯᕘᕋᒋᔭᒃᓴᕆᕙᓯ ᐅᕙᖓ ᐊᑕᓂᐅᒐᒪ ᒎᑎᓯ.”

ᒨᓯᓯ ᐱᖓᔪᖏᑦ 25:37

ᑮᓇᐅᔭᓂᒃ ᐊᑐᕐᑎᒍᑦᓯᐅᒃ ᕿᑐᕐᖏᐅᕈᑎᓂᒃ ᐊᑭᓖᑎᓐᓂᐊᕋᓯᐅᒃ, ᑮᓇᐅᔭᓕᐅᕐᕐᕕᒋᓇᓱᐊᕐᓗᒍᓘᓐᓂᑦ ᓂᐅᕐᕈᑎᖃᕐᕕᒋᓂᐊᕋᓯᐅᒃ.