ᒨᓯᓯ ᐱᖓᔪᖏᑦ 25:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ “ᓄᓇ ᓂᐅᕐᕈᑎᒋᔭᐅᒃᐸᑦ, ᓄᓇᖁᑎᖃᖅᑳᓚᐅᕐᑐᒧᑦ ᓴᑐᕐᑕᐅᔭᕆᐊᖃᕈᒫᕐᓂᖓ ᖃᐅᔨᒪᑦᓯᐊᕆᐊᖃᕐᐸᓯ.

ᒨᓯᓯ ᐱᖓᔪᖏᑦ 25:24 ပူးပေါင်းရင်းမြစ်များ

ᔨᕆᒤᐊᐅᑉ ᐊᒡᓚᖏᑦ 32:7

ᑕᑯᒋᑦ, ᕼᐊᓇᒥᐅᓪ ᐊᖓᕕᑦ ᓴᓗᒻᒥᐅᑉ ᐃᕐᓂᖓ ᐃᓕᖕᓄᑦ ᐅᖃᕆᐊᕐᑐᕈᒫᕐᒪᑦ ᐱᕈᕐᓰᕕᖁᑎᒥᓂᒃ ᓂᐅᕕᐊᖑᖁᔨᓗᓂ ᐊᓇᑑᑎᒦᑦᑐᒥᒃ ᐱᓐᔭᒥᓂᐅᑉ ᓄᓇᖓᓂ ᐃᓚᑐᐊᕆᖕᒪᑎᑦ ᓄᓇᖁᑎᖓᓂᒃ ᓂᐅᕕᕐᑐᒃᓴᑑᒐᕕᑦ.

ᐃᓯᑭᐊᓕᐅᑉ ᐊᒡᓚᖏᑦ 7:13

ᓂᐅᕐᕈᓯᕐᑏᑦ ᐅᑎᕐᑎᑦᓯᔪᓐᓇᕈᒫᓐᖏᓚᑦ ᓂᐅᕐᕈᑎᕕᓂᕐᒥᓂᒃ, ᐃᓅᓂᕐᒥᖕᓂ. ᓂᓐᖓᐅᓯᐅᑉ ᐃᓄᒐᓴᒡᔪᐊᓕᒫᑦ ᑎᑭᑦᓱᒫᕐᒪᒋᑦ; ᐅᑎᕆᐊᕈᓐᓇᕋᓂᓗ; ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ, ᐃᓅᓯᕐᒥᓂᒃ ᐊᐅᓚᑦᓯᔪᖃᕈᓐᓇᖏᒻᒪᑦ.

ᒨᓯᓯ ᐱᖓᔪᖏᑦ 25:23

“ᓄᓇ ᐱᑖᕆᔭᐅᓪᓚᕆᒡᓗᓂ ᓂᐅᕐᕈᑎᒋᔭᐅᔭᕆᐊᖃᓐᖏᓚᖅ, ᓄᓇᒥᒃ ᓇᖕᒥᓂᖃᖏᓐᓇᑦᓯ, ᒎᑎᐅᑉ ᐱᒋᖕᒪᒍ, ᐃᓕᑦᓯᓗ ᑕᒫᓂ ᓂᐅᕐᕈᐊᑎᑐᑦ ᐃᓱᒪᓇᕋᑦᓯ ᒎᑎᐅᑉ ᐱᖓᓂᒃ ᐊᑐᕐᑐᐊᕐᓗᓯ.

ᒨᓯᓯ ᐱᖓᔪᖏᑦ 25:25

ᐃᓴᕆᐊᓕᒥᐅᑦ ᐃᓚᖓᑦ ᐊᔪᕐᓴᓕᕐᐸᑦ ᓄᓇᖁᑎᒥᓂᒡᓗ ᓂᐅᕐᕈᑎᖃᕆᐊᖃᓕᕐᓗᓂ, ᐃᓚᒋᔭᖓᑕ ᓇᖕᒥᓂᖓᑕ ᓴᑐᕐᓯᑦᔪᑎᔭᕆᐊᖃᕐᐹ.

ᒨᓯᓯ ᐱᖓᔪᖏᑦ 25:27

ᑍᒤᑉᐸᑦ ᓂᐅᕕᓚᐅᕐᓯᒪᔪᒧᑦ ᐊᑭᓖᔭᕆᐊᖃᕋᔭᕐᐳᖅ ᐊᕐᕌᒍ ᓴᑐᕐᓯᕕᒃ ᑎᑭᓪᓗᒍ ᓄᓇᐅᑉ ᐱᕈᕐᓰᕕᐅᔪᓐᓇᕐᓂᖓ ᒪᓕᒡᓗᒍ; ᑍᒫᒃ ᓂᐅᕕᐊᕆᒃᑲᓐᓂᕈᓐᓇᕐᐹ ᐅᑎᕐᑎᓪᓗᓂᐅᒃ.

ᒨᓯᓯ ᐱᖓᔪᖏᑦ 25:31

ᐃᒡᓗᐃᓪᓕ ᓄᓇᓕᖕᓂ ᐊᕙᓗᖃᕐᑐᒦᖏᑦᑐᑦ ᐱᕈᕐᓰᕕᒃᑎᑐᑦ ᐱᔭᐅᔭᕆᐊᖃᕐᐳᑦ; ᓇᖕᒥᓂᖃᕐᑐᑐᖃᖅ ᑍᒪᓐᖓᑦ ᓴᑐᕐᓯᔪᓐᓇᕐᑐᖅ, ᐅᑎᕐᑎᑕᐅᔭᕆᐊᖃᕐᓗᑎᒡᓗ ᐊᕐᕌᒍ ᓴᑐᕐᓯᕕᒃ ᓇᓪᓕᐅᑎᒃᐸᑦ.

ᕉᒪᒥᐅᓄᑦ 8:23

ᑖᒃᑯᐊᑐᐊᖑᖏᑦᑐᖅ, ᐅᕙᒍᓪᓕᑦᑕᐅᖅ, ᐊᓂᕐᓂᐅᑉ ᐱᕈᕐᑎᑕᖏᓐᓂᒃ ᓯᕗᓪᓕᕐᓂᒃ ᐱᓯᒪᔪᒍᑦ, ᐋᓐᓂᐊᔪᑐᑦ ᓂᓪᓕᐊᖃᑦᑕᕆᕗᒍᑦ ᐃᓗᑦᑎᒍᑦ ᐅᑕᖅᑭᓪᓗᑕ ᑎᒍᐊᕐᑖᖑᔪᒫᕐᓂᑦᑎᓐᓂᒃ, ᑎᒥᕗᑦ ᐱᐅᓕᔭᐅᓕᕐᐸᑕ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 1:30

ᑖᑦᓱᒨᓇᓕ ᑭᓯᐊᓂ ᙭ᔅᑑᓯ ᔩᓱᓯᒦᒃᑲᑦᓯ, ᒎᑎᐅᓪᓗ ᐅᕙᑦᑎᓐᓄᑦ ᙭ᔅᑑᓯ ᓯᓚᑐᓂᓐᖑᕐᑎᑉᐹ, ᑖᑦᓱᒨᓇᓗ ᐃᓗᐊᕐᑐᓕᔪᓐᖑᕐᑎᑉᐹᑎᒍᑦ, ᐃᑦᔪᕐᓁᑦᑐᓐᖑᕐᑎᓪᓗᑕᓗ, ᐱᐅᓕᔭᐅᑦᔪᑎᒋᓪᓗᑎᒍᓗ;

ᐃᐱᓯᒥᐅᓄᑦ 1:14

ᑖᓐᓇ ᖁᓚᕐᓇᖏᑦᑐᒥᒃ ᓇᓗᓁᒃᑯᑕᐅᕗᖅ ᑭᖑᕐᖑᑎᔭᒃᓴᑦᑎᓐᓂᒃ ᐱᑎᑕᐅᓂᐊᕐᓂᑦᑎᓐᓂᒃ ᐃᓄᖁᑎᑖᕆᔭᐅᓂᕐᒥᒃ, ᑖᑦᓱᒪ ᐱᓐᓇᕐᓇᕐᓂᕐᔪᐊᖓ ᓂᕐᑐᕐᑕᐅᖁᓪᓗᒍ.

ᐃᐱᓯᒥᐅᓄᑦ 1:7

ᑖᑦᓱᒪ ᐊᐅᖓᒍᑦ ᐱᐅᓕᓚᐅᕐᒪᑎᒍᑦ, ᐊᔪᕐᓂᑦᑎᓐᓂᑦ ᐃᓱᒪᒋᔪᓐᓁᕐᕕᒋᓪᓗᑕ, ᐱᑦᓯᐊᕐᓂᒥᒍᑦ ᐱᔪᓐᓇᕐᑎᑦᓯᓂᖓᑕ ᐊᒥᒐᖏᑦᑐᐊᓘᓂᖓᒍᑦ,

ᐃᐱᓯᒥᐅᓄᑦ 4:30

ᒎᑎᐅᓪᓗ ᐊᓂᕐᓂᖓ ᐃᑦᔪᕐᓁᑦᑐᖅ ᕿᒃᓵᒃᑎᓐᓂᐊᕋᓯᐅᒃ, ᑖᑦᓱᒧᖓ ᓇᓗᓁᒃᑯᓯᕐᑕᐅᓯᒪᒐᑦᓯ ᐅᓪᓗᒧᑦ ᐱᐅᓕᔭᐅᕕᒃᓴᒧᑦ.