ᒨᓯᓯ ᐱᖓᔪᖏᑦ 25:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ “ᐊᐱᕆᔪᖃᕋᔭᕐᐸᓪᓕ, ‘ᓱᓇᒥᒡᓕ ᓂᕿᒃᓴᖃᕐᓂᐊᕋᑦᑕ ᐊᕐᕌᒎᑉ 7ᖓᓂ? ᐱᕈᕐᓰᕖᑦ ᐱᕈᕐᓰᕕᐅᖏᑉᐸᑕ, ᓂᕿᒃᓴᓂᒡᓗ ᑲᑎᕐᓱᐃᖏᒃᑯᑦᑕ?’

ᒨᓯᓯ ᐱᖓᔪᖏᑦ 25:20 ပူးပေါင်းရင်းမြစ်များ

ᓘᑲᓯᐅᑉ ᐊᒡᓚᖏᑦ 12:29

“ᑍᒤᒻᒪᑦ ᐃᓱᒪᔮᕐᓂᐊᕋᓯ ᓱᓇᒥᒃ ᓂᕿᒃᓴᖃᕐᓂᐊᕐᒪᖔᑦᓯ ᐃᒥᒃᓴᖃᕐᓂᐊᕐᒪᖔᑦᓯᓘᓐᓃᑦ.

ᒨᓯᓯ ᐱᖓᔪᖏᑦ 25:4

ᐊᕐᕌᒍᓪᓕ 7ᖓᓂ ᓄᓇᖁᑎᑦᓯᓐᓄᑦ ᓴᐸᑎᐅᕗᖅ ᑕᕾᕐᓯᕐᕕᒃ ᐊᑕᓂᐅᑉ ᓴᐸᑎᖓ. ᐊᕐᕌᒍᒥ ᑕᕝᕙᓂ ᓄᓇᖁᑎᑦᓯᓐᓂ ᐱᕈᕐᓰᔪᒃᓴᐅᓐᖏᓚᓯ ᓂᐊᖂᔭᒃᓴᓂᒃ ᕔᓂᒃᓴᓂᒡᓗ ᐸᐅᕐᖓᓕᒃᓮᑦ ᐱᕈᕐᓰᕕᒋᔭᕆᐊᖃᓐᖏᓚᓯ.

ᐱᓕᐱᒥᐅᓄᑦ 4:6

ᓱᓇᒥᒡᓘᓐᓃᑦ ᐃᓱᒪᔮᕈᑎᖃᕐᓂᐊᕋᓯ, ᑐᒃᓯᐊᕐᓗᓯᓕ ᒎᑎᒧᑦ ᓴᖅᑭᑎᑦᓯᓕᕆᑦᓯ ᐱᔭᕆᐊᖃᕐᑕᑦᓯᓐᓂᒃ, ᕿᓄᕕᒋᓕᕌᖓᑦᓯᐅᒃ ᖁᔭᓕᓂᖃᖃᑦᑕᕆᑦᓯ ᐆᒻᒪᑎᑦᓯᒍᑦ.

ᒫᑎᐅᓯᐅᑉ ᐊᒡᓚᖏᑦ 8:26

ᔩᓱᓯᐅᑉ ᑭᐅᕔᑦ, “ᓱᖕᒪᑦ ᑲᑉᐱᐊᓱᒃᑐᐊᓘᕕᓯ? ᐅᒃᐱᕐᓂᑭᓗᐊᕋᑦᓯ!” ᒪᑭᓪᖢᓂ ᐊᓄᕆ ᐃᒪᕐᓗ ᐃᓂᕐᑎᕐᐹᒃ, ᐊᓄᕌᕈᓐᓃᕐᐳᖅ ᐃᑯᓪᓚᑦᓯᐊᕐᓗᓂ.

ᐂᓮᐊᓯᐅᑉ ᐊᒡᓚᖏᑦ 1:2

ᐊᑕᓂᖅ ᐅᖃᕐᐳᖅ, “ᑐᓴᕆᑦᓯ ᕿᓚᐅᔪᓯ, ᓈᓚᒋᓪᓗ ᓄᓇᕐᔪᐊᖑᔪᑎᑦ; ᕿᑐᕐᖓᒃᑲ ᐱᕈᕐᓴᓚᐅᕐᐸᒃᑲ ᓂᕆᑎᖃᑦᑕᕐᓗᒋᓪᓗ ᐅᕙᓐᓂᒡᓕ ᐊᑭᕋᕐᑐᓕᕐᐳᑦ.

ᑯᕉᓂᑲ ᐂᑉᐸᖏᑦ 25:9

ᐊᒪᔧᐊᓗ ᐅᖃᕐᐳᖅ ᒎᑎᐅᑉ ᐃᓄᖁᑎᖓᓄᑦ, “ᖃᓄᐃᓕᐅᕐᑐᒃᓴᐅᓕᕐᐱᑕᓕ ᐊᑭᓕᐅᑎᒋᓚᐅᕐᑕᒃᑲ 100 ᑖᓚᓐᑏᑦ ᐅᓇᑕᕐᑐᒃᓴᓄᑦ ᐃᓴᕆᐊᓕᒥᐅᓅᑦ ᐱᑦᔪᑎᒋᓗᒋᑦ?” ᒎᑎᐅᑉ ᐃᓄᖁᑎᖓ ᑭᐅᕗᖅ, “ᐊᑕᓂᐅᑉ ᑖᒃᑯᓇᓐᖓᑦ ᐅᓄᕐᓂᕐᓴᓂᒃ ᑐᓂᓯᕕᒋᔪᓐᓇᕐᐹᑎᑦ.”

ᒨᓯᓯ ᓯᑕᒪᖏᑦ 11:13

ᓇᑭᓪᓕ ᓂᕿᓪᓚᕆᖕᒥᒃ ᓇᓂᓯᓂᐊᕋᒪ ᐅᑯᐊ ᓂᕿᒃᓴᖏᓐᓂᒃ? ᐅᕙᓐᓄᑦ ᕿᐊᔪᐊᓘᓕᕐᒪᑕ, ᐅᖃᕐᓗᑎᒃ, ‘ᓂᕿᓪᓚᕆᖕᒥᒃ ᐂᑦᑐᓚᐅᕐᑎᒍᑦ, ᓂᕆᓂᐊᕋᑦᑕ.’

ᒨᓯᓯ ᓯᑕᒪᖏᑦ 11:4

ᐃᓴᕆᐊᓕᐅᖏᑦᑐᓪᓕ ᐃᖏᕐᕋᖃᑕᐅᔪᑦ ᓂᕿᓂᒃ ᐊᓯᖏᓐᓂᒃ ᓂᕆᔪᒪᒻᒪᕆᓕᓚᐅᕐᐳᑦ; ᐃᓴᕆᐊᓕᒥᐅᑦ ᓂᐱᖃᕐᓗᑎᒃ ᕿᐊᓕᓚᐅᕆᕗᑦ ᐅᖃᕐᓗᑎᒃ, “ᑭᐊ ᓂᕿᓪᓚᕆᖕᒥᒃ ᓂᕆᑎᓐᓂᐊᕐᐹᑎᒍᑦ?

ᐊᑕᓃᑦ ᐂᑉᐸᖏᑦ 7:2

ᐅᓇᑕᕐᑏᑦ ᐊᖓᔪᖅᑳᖓ ᐊᖓᔪᖅᑳᔪᐊᑉ ᐊᒃᑐᐊᔭᖓ ᑕᓕᕐᒥᓄᑦ ᒎᑎᐅᑉ ᐃᓄᖁᑎᖓᓄᑦ ᐅᖃᕐᐳᖅ, “ᑕᑯᒋᑦ, ᐊᑕᓂᐅᑉ ᕿᓚᒃ ᐅᒃᑯᐃᕐᓗᒍ ᑯᕕᑎᑦᓯᒐᔭᕋᓗᐊᕐᐹ ᓂᕿᒃᓴᓂᒃ, ᑕᒪᓐᓇ ᐅᖃᐅᓯᕆᔧᑦ ᐊᑑᑎᓕᕈᓐᓇᕋᔭᕐᐹ?” ᐃᓔᓴᐅᑉ ᑭᐅᕚ, ᓇᖕᒥᓂᖅ ᐃᔨᖕᓄᑦ ᑕᒪᓐᓇ ᑕᑯᓛᕐᐸᑦ ᑭᓯᐊᓂᓕ ᐅᖁᒻᒥᕐᓯᕕᒋᔪᒫᓐᖏᓚᑦ.

ᒨᓯᓯ ᐱᖓᔪᖏᑦ 25:6

ᓄᓇᐅᑉ ᑖᑦᓱᒪ ᐱᕈᕐᑎᑕᖏᑦ ᐊᕐᕌᒍ ᓴᐸᑎ ᓇᓪᓕᐅᑎᓯᒪᑎᓪᓗᒍ, ᑕᒪᑐᒥᖓ ᓄᓇᖁᑎᖃᕐᑐᑎᑦ ᓇᖕᒥᓂᖅ ᓂᕿᒃᓴᕆᕙᑎᑦ, ᓇᖕᒥᓂᕐᐱᓪᓗ, ᓯᐊᓛᕕᓪᓗ ᐊᖑᑎᑦ ᐊᕐᓁᓪᓘᓐᓃᑦ, ᐃᖅᑲᓁᔭᕐᑎᕕᓪᓘᓐᓃᑦ, ᑐᔪᕐᒥᐊᕕᓪᓘᓐᓃ ᐃᓕᑦᓯᓐᓃᑦᑑᑉ.

ᒨᓯᓯ ᐱᖓᔪᖏᑦ 25:19

ᓄᓇ ᑕᕝᕙ ᐱᕈᕐᑐᒥᓂᒃ ᓴᖅᑭᑎᑦᓯᓂᐊᕐᐳᖅ, ᐃᓕᑦᓯᓗ ᓈᒻᒪᒃᑐᒥᒃ ᓂᕿᒃᓴᖃᕐᓂᐊᕐᐳᓯ ᐃᓅᓂᐊᕐᐳᓯᓗ ᖃᓄᐃᓐᓇᖏᑦᓯᐊᕐᑐᒥ.