ᒨᓯᓯ ᐱᖓᔪᖏᑦ 23:40 - ᐊᒡᓔᑦ ᐃᑦᔪᕐᖕᓁᑦᑐᑦ

⁴⁰ ᑖᒃᑯᐊ ᐅᓪᓗᐃᑦ ᓯᕗᓪᓕᕐᐹᖓᓂ ᓇᐹᕐᑐᐃᑦ ᐸᐅᕐᖓᖏᑕ ᐱᐅᓂᕐᐹᖏᓐᓂᒃ ᐱᔭᕆᐊᖃᕐᐳᓯ, ᓇᐹᕐᑐᓪᓗ ᐹᒥᓂᒃ ᐊᑎᓖᑦ ᐊᕙᓚᖓᔪᖏᓐᓂᒃ ᓇᐹᕐᑐᓪᓗ ᐅᖃᐅᔭᖅᑯᕐᑐᔪᐃᑦ ᐊᕙᓚᖓᔪᖏᓐᓂᒃ ᐱᔭᕆᐊᖃᕆᕗᓯ, ᖁᕕᐊᓱᒡᓗᓯ ᐊᑕᓂᐅᑉ ᒎᑎᑦᓯ ᓵᖓᓂ ᓇᓪᓕᐅᓐᓂᕐᓯᐅᕆᐊᖃᕐᐳᓯ ᐅᓪᓗᓂᒃ 7ᓂᒃ.

ᒨᓯᓯ ᐱᖓᔪᖏᑦ 23:40 ပူးပေါင်းရင်းမြစ်များ

ᐃᓐᖏᕈᑎᑦ 137:2

ᐅᕐᐱᒐᕐᓄᑦ ᖃᓂᒋᔭᑦᑎᓐᓃᑦᑐᓄᑦ ᑯᑭᑦᑕᐸᐅᑎᐅᔭᕗᑦ ᓂᕕᓐᖓᕐᐸᕗᑦ.

ᐃᓐᖏᕈᑎᑦ 92:12

ᐃᓱᐊᕐᑐᓕᔪᑦ ᐱᕈᕐᓂᐊᕐᐳᑦ ᓇᐹᕐᑐᑎᑐᑦ ᐹᒥᑎᑐᑦ, ᐱᕈᕐᓂᐊᕐᐳᑦ ᓇᐹᕐᑐᑎᑐᑦ ᓰᑕᕆᑎᑐᑦ ᓕᐸᓇᓂᒦᑦᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 35:10

ᐊᑕᓂᐅᑉ ᐊᑭᓕᕐᓗᒋᑦ ᓂᐅᕕᐊᕆᔭᖏᑦ ᑖᒃᑯᐊ ᐅᑎᕈᒫᕐᐳᑦ, ᑎᑭᑦᓱᒫᕐᐳᑦ ᓮᐅᓂᒧᑦ ᖁᕕᐊᓱᖕᓂᕐᒧᑦ ᐃᓐᖏᕐᓗᑎᒃ; ᖁᕕᐊᓱᖕᓂᕐᔪᐊᕐᒧᑦ ᐃᓱᖃᖏᑦᑐᒧᑦ ᖁᓚᖏᐊᕐᑕᐅᔪᒫᕐᐳᑦ, ᐊᓕᐊᓁᒍᓱᖕᓂᕐᒥᒃ ᖁᕕᐊᓱᖕᓂᕐᒥᒡᓗ ᐱᓯᒪᔪᒫᕐᐳᑦ, ᕿᒃᓵᖕᓂᕐᓗ ᐊᓂᕐᓴᐅᒥᓂᕐᓗ ᕿᒫᔪᒫᕐᒪᑕ.

ᐂᓮᐊᓯᐅᑉ ᐊᒡᓚᖏᑦ 44:4

ᐱᕈᕐᐸᓪᓕᐊᔪᒫᕐᐳᑦ ᐃᕕᒡᓱᒐᕐᑎᑐᑦ ᐃᒪᕐᓱᖕᒦᑦᑐᑎᑐᑦ, ᐅᕐᐱᒃᑎᑐᓪᓗ ᑰᑉ ᓯᓈᓃᑦᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 66:10

ᔨᕉᓴᓕᒻ ᖁᕕᐊᓲᑎᒋᓯᐅᒃ, ᐊᓕᐊᓁᒍᓲᑎᒋᓗᒍ ᐃᓕᑦᓯ ᐅᖓᒋᔭᖃᕐᑐᓯ ᔨᕉᓴᓕᒥᒃ; ᐊᖏᔪᒥᒃ ᖁᕕᐊᓱᒍᑎᒋᓕᕐᓯᐅᒃ ᐃᓗᑦᓯᒍᑦ ᖁᕕᐊᓱᒡᓗᓯ, ᕿᒃᓵᒍᑎᖃᖃᑦᑕᓚᐅᕐᑐᓯ ᑖᑦᓱᒥᖓ;

ᒨᓯᓯ ᐱᖓᔪᖏᑦ 23:39

“ᐱᕈᕐᓯᐊᓂᒃ ᓂᕿᒃᓴᓂᒃ ᑲᑎᕐᓱᐃᔭᕇᕈᑦᓯ, ᑖᒃᑯᐊ ᓇᓪᓕᐅᓐᓂᕐᓯᐅᕐᓃᑦ ᐊᑐᖃᑦᑕᕆᐊᖃᕐᐸᓯ, ᑕᖅᑮᑦ 7ᖓᑕ ᐅᓪᓗᖓᑕ 15ᖓᓂ ᐱᒋᐊᕐᓗᒍ ᐅᓪᓗᓂᒃ 7ᓂᒃ; ᑖᒃᑯᐊ ᐅᓪᓗᐃᑦ ᓯᕗᓪᓕᕐᐹᖓᑦ ᕿᑲᕐᕕᐅᔭᕆᐊᖃᕐᐳᖅ, ᐅᓪᓗᐃᓪᓗ ᑖᒃᑯᐊ 8ᖓᑦ ᕿᑲᕐᕕᐅᔭᕆᐊᖃᕆᕗᖅ.

ᒨᓯᓯ ᐱᖓᔪᖏᑦ 23:41

ᓇᓪᓕᐅᓐᓂᕐᓯᐅᕐᓂᖅ ᑕᒪᓐᓇ ᖁᕕᐊᓲᑎᒋᓯᐅᒃ ᐅᓪᓗᓂᒃ 7ᓂᒃ ᐊᕐᕌᒍ ᑕᒫᑦ. ᑕᒪᓐᓇ ᒪᓕᒐᖅ ᑲᒪᒋᔭᐅᑦᓯᐊᕆᐊᖃᕐᐳᖅ ᑍᒪᓐᖓᓕᒫᖅ ᑭᖑᕚᕆᔪᒫᕐᑕᑦᓯᓐᓂᑦ; ᓇᓪᓕᐅᓐᓂᕐᓯᐅᖃᑦᑕᕆᐊᖃᕐᐸᓯ ᑕᖅᑮᑦ 7ᖓᓂ.

ᒫᑎᐅᓯᐅᑉ ᐊᒡᓚᖏᑦ 21:8

ᐃᓄᒐᓴᒡᔪᐊᑦ ᐃᓚᖏᑦ ᐅᓕᒡᔪᐊᒥᖕᓂᒃ ᐊᖅᑯᑎᒧᑦ ᐃᓯᕕᑎᕆᕗᑦ, ᐃᓚᖏᓪᓕ ᓇᐹᕐᑑᑉ ᐊᕙᓚᖓᔪᖏᓐᓂᒃ ᓇᑲᑎᕆᓪᓗᑎᒃ ᐊᖅᑯᑎᒧᑦ ᐃᓯᕕᑎᕆᕗᑦ.

ᔪᐊᓇᓯᐅᑉ ᐊᒡᓚᖏᑦ 12:13

ᑕᕝᕙ ᓇᐹᕐᑐᑦ ᐹᒦᑦ ᐊᕙᓚᖓᔪᖏᓐᓂᒃ ᓇᑲᑦᓯᓪᓗᑎᒃ ᐸᕐᕆᐊᓕᕐᐳᑦ, ᕾᒐᓛᕐᓗᑎᒃ, “ᕼᐆᓵᓇ! ᓂᕐᑐᕐᑕᐅᓕ ᐊᑕᓂᐅᑉ ᐊᑎᖓᓂ ᑎᑭᑦᑐᖅ, ᐊᖓᔪᖅᑳᕐᔪᐊᖅ ᐃᓴᕆᐊᓕᒥ!”

ᔪᐊᓇᓯᐅᑉ ᐊᒡᓚᖏᑦ 16:22

ᑍᒤᓐᓂᕗᓯᑦᑕᐅᖅ ᒫᓐᓇ ᕿᒃᓵᒃᐳᓯ, ᑕᑯᓛᕆᕙᑦᓯᓕ ᐆᒻᒪᑎᑦᓯᒍᑦ ᖁᕕᐊᓱᒻᒪᕆᓕᓛᕐᐳᓯ, ᖁᕕᐊᓱᖕᓂᕆᔭᓯᓗ ᑭᓇᒧᓪᓘᓐᓃᑦ ᐲᕐᑕᐅᓂᐊᓐᖏᓚᖅ ᐃᓕᑦᓯᓐᓂᑦ.

ᕉᒪᒥᐅᓄᑦ 5:11

ᑕᒪᓐᓇᑐᐊᖑᓐᖏᓚᕐᓕ, ᒎᑎᒥᒡᓕ ᖁᕕᐊᓲᑎᖃᕐᐳᒍᑦ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ, ᑖᑦᓱᒨᓇ ᒫᓐᓇ ᐅᑎᕐᑎᑕᐅᓯᒪᓕᕋᑦᑕ ᒎᑎᒧᑦ.

ᒨᓯᓯ ᑕᓪᓕᒪᖏᑦ 12:12

ᑖᑦᓱᒪ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᖁᕕᐊᓱᒃᑐᒃᓴᐅᕗᓯ, ᕿᑐᕐᖓᓯ ᐃᓚᒋᓗᒋᑦ, ᐱᔨᓯᓗ ᐃᓚᒋᓗᒋᑦ, ᓕᕔᑎᒃᑯᓪᓗ ᓄᓇᑦᓯᓐᓂ ᓄᓇᖅᑲᑎᒋᔭᓯ ᐃᓚᒋᓗᒋᑦ; ᐃᖅᑲᐅᒪᓗᓯ ᓕᕔᑎᒃᑯᑦ ᓇᖕᒥᓂᒃᓴᒥᓂᒃ ᓄᓇᖁᑎᖃᖏᒻᒪᑕ.

ᒨᓯᓯ ᑕᓪᓕᒪᖏᑦ 12:7

ᑕᕝᕙᓂᓗ ᐊᑕᓂᐅᑉ ᒎᑎᑦᓯ ᓇᔪᕐᑕᖓᓂ ᓂᕆᔪᒃᓴᐅᕗᓯ ᖁᕕᐊᓱᒻᒪᕆᒡᓗᓯ, ᐃᓚᒋᔭᓯᓗ ᐃᒡᓗᒥᐅᖃᑎᓕᒫᓯ ᐱᓇᓱᐊᕐᓯᒪᔭᓕᒫᓯᓐᓂ, ᐊᑕᓂᐅᑉ ᒎᑎᑦᓯ ᓮᒻᒪᕐᑎᓯᒪᖕᒪᓯ.

ᐱᓕᐱᒥᐅᓄᑦ 3:3

ᐅᕙᒍᑦ ᓱᓕᔪᒥᒃ ᑭᐱᔭᐅᓯᒪᕗᒍᑦ, ᒎᑎᒥᒃ ᐱᔨᑦᓯᕐᑐᒍᑦ ᐊᓂᕐᓂᒃᑯᑦ, ᖁᕕᐊᓲᑎᖃᕐᓗᑕᓗ ᔩᓱᓯ ᙭ᔅᑑᓯᒥ, ᑎᒥᐅᑉ ᐱᐅᓯᖓᓂᒃ ᑕᑎᖃᕐᒥᓇᑕ.

ᐱᓕᐱᒥᐅᓄᑦ 4:4

ᖁᕕᐊᓱᑦᓮᓐᓇᕆᑦᓯ ᐊᑕᓂᕐᒥ; ᐅᖃᒃᑲᓐᓂᕐᐳᖓ ᖁᕕᐊᓱᒋᑦᓯ.

ᐲᑦᑐᕉᓯ ᓯᕗᓪᓖᑦ 1:8

ᑖᓐᓇ ᑕᑯᓚᐅᕐᓯᒪᖏᒃᑲᓗᐊᕐᓗᒍ, ᓇᒡᓕᒋᕙᓯ. ᑕᑯᕙᖏᓐᑲᓗᐊᕋᑦᓯᐅᒃ, ᐅᒃᐱᕆᕙᓯ ᐃᓗᒻᒥᕐᑕᐅᓪᓗᓯᓗ ᖁᕕᐊᓱᖕᓂᕐᒧᑦ ᐊᖏᔪᕐᔪᐊᒧᑦ ᓈᒻᒪᒃᑐᒥᒃ ᐅᖃᐅᓯᕐᑕᖃᕈᓐᓇᖏᑦᑐᒧᑦ,

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:9

ᑕᒪᑐᒪ ᑭᖑᕐᖓᒍᑦ ᑕᑯᓕᕆᕗᖓ, ᑕᑯᒋᑦ, ᐃᓄᒋᐊᒃᑐᕐᔪᐊᓂᒃ ᑭᓇᒧᓪᓘᓐᓃᑦ ᓈᓴᕐᑕᐅᔪᓐᓇᖏᑦᑐᓂᒃ, ᐃᓅᖃᑎᒌᒡᔪᐊᓂᑦ ᐊᑦᔨᒌᖏᑦᑐᓂᑦ ᐱᓯᒪᔪᓂᒃ, ᑭᖑᕚᕇᓕᒫᓂᑦ ᓄᓇᖃᑎᒌᒡᔪᐊᓂᑦ ᐅᖃᐅᓯᖃᖃᑎᒌᖏᑦᑐᓂᓪᓗ, ᐃᒃᓯᕙᐅᑕᕐᔪᐊᑉ ᓄᕐᕋᐅᔭᐅᓪᓗ ᓵᖓᓂ ᓇᖏᕐᐳᑦ, ᐊᓐᓄᕌᕐᓯᒪᔪᑦ ᖃᑯᕐᑕᓂᒃ ᑕᑭᔪᓂᒃ, ᑎᒍᒥᐊᕐᓗᑎᒃ ᓇᐹᕐᑐᐃᑦ ᐊᕙᓚᖓᔪᖏᓐᓂᒃ ᐹᒥᓂᒃ.