ᒨᓯᓯ ᐱᖓᔪᖏᑦ 23:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐅᓪᓗᓂᒃ 6ᓂᒃ ᐱᓇᓱᐊᕐᕕᒃᓴᖃᕐᐳᓯ, ᐅᓪᓗᐃᓪᓕ 7ᖓᑦ ᓴᐸᑎᐅᕗᖅ ᑕᕾᕐᓯᕐᕕᒃ, ᐅᓪᓗᖅ ᑖᓐᓇ ᑐᒃᓯᐊᕐᓂᕐᒧᑦ ᑲᑎᒪᕕᒃᓴᐅᕗᖅ. ᓱᓇᒥᒡᓘᓐᓃᑦ ᓴᓇᔪᒃᓴᐅᓐᖏᓚᑎᑦ; ᓇᓂᑐᐃᓐᓇᖅ ᓄᓇᖃᕋᓗᐊᕈᕕᑦ, ᐊᑕᓂᐅᑉ ᓴᐸᑎᒋᖕᒪᒍ.

ᒨᓯᓯ ᐱᖓᔪᖏᑦ 23:3 ပူးပေါင်းရင်းမြစ်များ

ᒨᓯᓯ ᐂᑉᐸᖏᑦ 16:23

ᒨᓯᓯᐅᓪᓕ ᐅᖃᐅᑎᕔᑦ, “ᐊᑕᓂᐅᑉ ᐱᑯᓯᒪᖕᒪᑎᒍᑦ ᖃᐅᒃᐸᑦ ᑕᕾᕐᓯᕐᕕᐅᓂᐊᕐᒪᑦ ᑭᓱᓕᕆᕕᐅᖏᑦᓯᐊᕐᓗᓂ, ᑖᓐᓇ ᐊᑕᓂᐅᑉ ᓴᐸᑎᖁᑎᒋᖕᒪᒍ ᐃᑦᔪᕐᓁᑦᑐᖅ; ᑕᕝᕙᓂ ᐅᓪᓗᒥ ᐆᑎᕆᒋᑦᓯ ᐆᑦᑕᕆᐊᖃᕐᑕᑦᓯᓐᓂᒃ ᐆᔪᓕᐅᕐᓗᓯᓗ ᐆᔪᓕᐅᕆᐊᖃᕐᑕᑦᓯᓐᓂᒃ, ᐊᒥᐊᒃᑯᒋᔭᓯᓗ ᖃᐅᒃᐸᒧᑦ ᖁᒥᐅᑎᒋᓗᒋᑦ.”

ᒨᓯᓯ ᐂᑉᐸᖏᑦ 16:29

ᐃᖅᑲᐅᒪᓚᐅᕆᑦᓯ, ᐅᕙᖓ ᐊᑕᓂᐅᔪᖓ ᑕᕾᕐᓯᕐᕕᒃᓴᑦᓯᓐᓂᒃ ᑐᓂᓯᕕᒋᓚᐅᕋᑦᓯ, ᑍᒤᒻᒪᑦ ᐅᓪᓗᑦ ᐱᖓᓲᔪᕐᑐᖓᓐᓂ ᓂᕿᒃᓴᓂᒃ ᐅᓪᓘᖕᓄᑦ ᒪᕐᕉᖕᓄᑦ ᓈᒻᒪᒃᑐᒥᒃ ᑐᓂᓯᕕᒋᕙᑦᓯ; ᑍᒤᒻᒪᑦ ᐃᓄᓕᒫᑦ ᐃᓂᒥᖕᓂᑦ ᓅᑦᑐᖃᕐᑐᒃᓴᐅᓐᖏᓚᑦ ᐊᓂᔪᖃᖏᓪᓗᑎᒡᓗ ᐃᒡᓗᒥᖕᓂᑦ ᐅᓪᓗᑦ 7ᖓᓐᓂ.”

ᒨᓯᓯ ᐂᑉᐸᖏᑦ 16:30

ᑍᒤᒻᒪᑦ ᐅᓪᓗᐃᑦ 7ᖓᓐᓂ ᐃᓄᐃᑦ ᕿᑲᓚᐅᕐᐳᑦ ᓴᓇᔪᖃᕋᑎᒃ.

ᒨᓯᓯ ᐂᑉᐸᖏᑦ 23:12

“ᐅᓪᓗᓂᒃ ᐱᖓᓲᔪᕐᑐᓂᒃ ᓴᓇᔭᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐆᒪᔪᖁᑎᓯᓗ ᐊᖑᓴᓪᓗᐃᑦ ᓯᐅᑎᖅᑯᕐᑐᔪᓪᓗ ᑕᕾᕐᓯᕐᑐᒃᓴᐅᒋᕗᑦ, ᓯᐊᓛᓯᓗ ᕿᑐᕐᖓᖏᓪᓗ ᓄᓇᑐᖃᒥᓃᖏᑦᑐᓪᓗ, ᑕᕾᕐᓯᕐᑐᐃᓐᓇᐅᔪᒃᓴᐅᕗᑦ.

ᒨᓯᓯ ᐂᑉᐸᖏᑦ 34:21

“ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᒐᒃᓴᑦᓯᓐᓂᒃ ᓴᓇᔪᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ; ᐊᒡᓛᑦ ᓄᓇᒥᒃ ᐱᕈᕐᓰᕕᒃᓴᒥᒃ ᒪᒃᐱᑎᕆᔭᕆᐊᖃᕋᓗᐊᕈᕕᑦ ᐱᕈᕐᑐᓂᒡᓗ ᑲᑎᕐᓱᐃᒋᐊᖃᕋᓗᐊᕈᕕᑦ.

ᐂᓮᐊᓯᐅᑉ ᐊᒡᓚᖏᑦ 56:2

ᖁᕕᐊᓱᒃᐳᖅ ᐃᓄᒃ ᑍᒤᓕᐅᕐᑐᖅ, ᐃᓅᓪᓗ ᐃᕐᓂᖓ ᑕᒪᑐᒥᖓ ᑎᒍᒥᐊᑦᓯᐊᕋᓱᐊᕐᑐᖅ; ᓴᐸᑎᒥᒡᓗ ᑲᒪᑦᓯᐊᕐᑐᖅ ᓇᕐᕈᓇᕐᓯᑎᓐᓇᒍᓗ, ᐱᐅᖏᑦᑐᒥᒡᓗ ᐱᓇᓱᐊᕐᑍᓕᔪᖅ.”

ᐂᓮᐊᓯᐅᑉ ᐊᒡᓚᖏᑦ 56:6

ᔫᑎᐅᖏᑦᑐᓪᓗ ᐊᑕᓂᕐᒧᑦ ᐃᒻᒥᖕᓂᒃ ᐃᓚᓕᐅᑎᔪᓄᑦ ᐱᔨᑦᓯᕈᒪᓪᓗᒍ, ᐊᑕᓂᐅᓪᓗ ᐊᑎᖓᓂᒃ ᐅᖓᒋᔭᖃᕐᑐᑦ, ᐱᔨᐅᔪᒪᓪᓗᑎᒡᓗ ᑖᑦᓱᒧᖓ, ᓴᐸᑎᒥᒡᓗ ᑲᒪᑦᓯᐊᕐᑐᑦ ᓇᕐᕈᓇᕐᓯᑎᓐᓇᒍ, ᐊᖏᖃᑎᒌᒃᓯᒪᓂᑦᑎᓐᓂᒡᓗ ᑎᒍᒥᐊᕐᑐᑦ ᓴᒃᑯᐃᓇᒍᓗ.

ᐂᓮᐊᓯᐅᑉ ᐊᒡᓚᖏᑦ 58:13

“ᓴᐸᑎ ᑲᒪᒋᑦᓯᐊᕐᓂᐊᕈᑦᓯᐅᒃ, ᐱᔪᒪᔭᑐᐃᓐᓇᑦᓯᓐᓂᒃ ᐱᓇᓱᐊᕐᕕᒋᖏᓪᓗᒍ ᐅᓪᓗᖅ ᐃᑦᔪᕐᓁᑎᑕᕋ, ᓴᐸᑎᓗ ᑍᓪᓗᒍ ᖁᕕᐊᓇᕐᑐᒥᒃ, ᐊᑕᓂᐅᑉ ᐅᓪᓗᖓ ᐃᑦᔪᕐᓁᑦᑐᖅ ᐅᐱᓐᓇᕐᑑᑎᒃᑯᑦᓯᐅᒃ; ᐅᐱᒋᒍᑦᓯᐅᒡᓗ, ᐊᑐᕈᒪᔭᑐᐃᓐᓇᕐᓂᒃ ᐱᓇᓱᐊᕐᕕᒋᖏᓪᓗᒍ, ᖁᕕᐊᒋᔭᑐᐃᓐᓇᑦᓯᓐᓂᒃ ᐱᓇᓱᐊᕐᕕᒋᖏᓪᓗᒍ, ᐅᖃᕈᓘᔭᑐᐃᓐᓇᕐᕕᒋᖏᓪᓗᒍᓗ ᐊᑐᖏᑦᑐᓂᒃ;

ᒨᓯᓯ ᐱᖓᔪᖏᑦ 19:3

ᑕᒪᑦᓯ ᐊᑐᓂᑦ ᐊᓈᓇᓯ ᐊᑖᑕᓯᓗ ᐅᐱᒋᑦᓯᐊᕆᐊᖃᕐᐸᓯ, ᓴᐸᑎᓗ ᑲᒪᒋᑦᓯᐊᕐᓗᒍ ᑍᒫᒃ ᐱᖁᔨᓯᒪᒐᒪ, ᐅᕙᖓ ᐊᑕᓂᐅᒐᒪ ᒎᑎᓯ.

ᓘᑲᓯᐅᑉ ᐊᒡᓚᖏᑦ 13:14

ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖓᑦᑕ ᐊᐅᓚᑦᓯᔨᖓᑦ ᔩᓱᓯᒧᑦ ᓂᓐᖓᒃᐳᖅ ᓴᐸᑎᒥ ᐋᖅᑭᒃᓯᖕᒪᑦ, ᐃᓄᐃᑦ ᐅᖃᐅᑎᕔᑦ, “ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᕐᕕᒃᓴᕐᑕᖃᕐᐳᖅ; ᐅᓪᓗᓂ ᑖᒃᑯᓇᓂ ᕾᒋᑦᓯ ᐋᖅᑭᒃᑕᐅᔭᕐᑐᕐᓗᓯ, ᓴᐸᑎᒥᐅᖏᑦᑐᖅ.”

ᓘᑲᓯᐅᑉ ᐊᒡᓚᖏᑦ 23:56

ᐊᖏᕐᕋᕋᒥᒃ ᑎᐱᑦᓯᐊᕆᒃᓴᐅᑎᑦ ᒪᒪᕐᓴᐅᑎᓪᓗ ᑎᒥᖓᓄᑦ ᒥᖑᐊᕈᑎᒋᓂᐊᕐᑕᑎᒃ ᐅᐸᓗᖕᒊᔭᕐᐰᑦ. ᓴᐸᑎᒥ ᕿᑲᕐᐳᑦ, ᐱᖁᔭᓂᒃ ᒪᓕᒡᓗᑎᒃ.

ᐋᐴᓯᑕᓖᑦ ᐱᓂᐊᕐᓂᖏᑦ 15:21

ᑍᑲᓐᖓᑦ ᐱᒋᐊᓕᕋᑖᕐᓂᖓᓂᑦ ᓄᓇᓕᓕᒫᓂ ᒨᓯᓯᐅᑉ ᐱᖁᔭᖏᑦ ᐊᔪᕆᕐᑐᐃᑦᔪᑕᐅᒪᑕ ᓴᐸᑎᑕᒫᑦ ᔫᑎᑦ ᐅᒃᐱᕐᓂᕐᒧᑦ ᑲᑎᒪᕕᖏᓐᓂ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 1:10

ᐊᑕᓂᐅᓪᓕ ᐅᓪᓗᖓᓂ ᐊᓂᕐᓂᕐᒦᓕᓚᐅᕐᐳᖓ, ᑐᓴᕐᓗᖓᓗ ᑐᓄᓐᓂᑦ ᓂᐱᒥᒃ ᓂᐱᖅᑯᕐᑐᔪᒥᒃ ᑎᑦᑐᓚᐅᑎᑎᑐᑦ.