ᒨᓯᓯ ᐱᖓᔪᖏᑦ 23:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᓇᓂᑐᐃᓐᓇᖅ ᓄᓇᖃᕋᓗᐊᕈᕕᑦ, ᒪᕐᕉᖕᓂᒃ ᓂᐊᖂᔭᖕᓂᒃ ᐆᓯᒪᔫᖕᓂᒃ ᑐᓂᕐᕈᓯᕆᐊᖃᕐᐳᓯ ᐊᑕᓂᕐᒧᑦ ᑐᓂᕐᕈᓯᕐᓂᐅᑉ ᓴᓂᐊᒍᑦ. ᐆᓯᒪᔫᒃ ᑖᒃᑯᐊᒃ ᓴᓇᓯᒪᔭᕆᐊᖃᕐᐴᒃ ᓂᐊᖂᔭᒥᑦ ᐅᖁᒤᓐᓂᖃᕐᑐᒥᒃ 2ᑭᓗᒍᕌᒻᒥᒃ ᐳᕙᓪᓚᕐᓴᐅᑎᖃᕐᓗᓂᓗ ᑐᓂᕐᕈᑎᒋᔭᐅᔭᕆᐊᖃᕐᐴᒃ ᐱᕈᕐᑐᑦ ᓂᕿᒃᓮᑦ ᓯᕘᓪᓕᕐᐹᑦ ᑐᓂᕐᕈᑕᐅᓂᖏᓐᓂ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 23:17 ပူးပေါင်းရင်းမြစ်များ

ᒨᓯᓯ ᐱᖓᔪᖏᑦ 23:10

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ‘ᓄᓇᒧᑦ ᐃᓕᑦᓯᓐᓄᑦ ᐊᖏᕈᑎᒋᓯᒪᔭᓐᓄᑦ ᑎᑭᓯᒪᓕᕈᑦᓯ ᐱᕈᕐᓯᐊᓂᒡᓗ ᓂᕿᒃᓴᓂᒃ ᑲᑎᕐᓱᐃᓕᕌᖓᑦᓯ, ᑲᑎᕐᓱᕐᑕᓯ ᕿᓚᒃᓯᒪᔪᐃᑦ ᓯᕗᓪᓕᕐᐹᑦ ᑐᓂᔭᒃᓴᕆᕙᓯ ᑐᓂᕐᕈᓯᕐᑎᑦᓯᔨᒧᑦ.

ᒨᓯᓯ ᓯᑕᒪᖏᑦ 28:26

“ᐊᒻᒪ ᐱᕈᕐᑐᑦ ᓯᕗᓪᓕᕐᐹᑦ ᑲᑎᑕᐅᓂᖏᓐᓂ, ᐱᕈᕐᑐᓂᒃ ᓄᑖᓂᒃ ᐊᑕᓂᕐᒧᑦ ᑐᓂᕐᕈᓯᓕᕈᑦᓯ ᐱᓇᓱᐊᕈᓯᕐᓂ ᐱᕈᕐᑐᑦ ᐱᓗᒋᑦ ᓇᓪᓕᐅᓐᓂᕐᓯᐅᕐᕕᖕᒥ, ᑲᑎᒪᓗᓯ ᑐᒃᓯᐊᕆᐊᖃᕐᐳᓯ ᐃᑦᔪᕐᓁᑦᑐᒥᒃ ᑍᓗᒍ. ᑕᕝᕙᓂ ᓴᓇᕙᒃᑕᑦᓯᓂᒃ ᐱᓇᓱᐊᕐᑐᒃᓴᐅᓐᖏᓚᓯ.

ᒨᓯᓯ ᐱᖓᔪᖏᑦ 7:13

ᐃᓚᒋᔭᐅᑦᓯᐊᕈᒪᓂᕐᒧᑦ ᖁᔭᓕᓂᖃᕐᓗᓂ ᑐᓂᕐᕈᓯᕐᑐᖃᕐᐸᑦ ᑐᓂᕐᕈᓯᒃᑲᓐᓂᕐᑐᒃᓴᐅᕗᖅ ᐆᓯᒪᔪᓂᒃ ᐳᕙᓪᓚᕐᓴᐅᑎᖃᕐᑐᓂᒃ.

ᒨᓯᓯ ᐂᑉᐸᖏᑦ 34:26

“ᐱᕈᕐᓰᕕᖁᑎᕕᑦ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ ᑲᑎᕐᓱᓕᕈᕕᖏᑦ ᐊᕐᕌᒍᑕᒫᑦ ᐊᑕᓂᐅᑉ ᒎᑎᕕᑦ ᐃᒡᓗᖓᓄᑦ ᑐᓂᕐᕈᑎᒋᔭᒃᓴᕆᕙᑎᑦ. “ᓰᐱᐅᑉ ᓄᕐᕋᖓᓂᒃ ᐅᕝᕙᓗ ᒎᑦᓯᒥᒃ ᐆᔪᓕᐅᕐᑐᒃᓴᐅᓐᖏᓚᑎᑦ ᐊᓈᓇᖓᑕ ᐃᒻᒧᖓᓄᑦ.”

ᒨᓯᓯ ᐂᑉᐸᖏᑦ 34:22

“ᐱᕈᕐᑐᓂᒃ ᑲᑎᕐᓱᐃᕕᖕᒥᒃ ᓇᓪᓕᐅᓐᓂᕐᓯᐅᕐᕕᑦᓯᓐᓂᒃ ᑲᒪᑦᓯᐊᕐᑐᒃᓴᐅᕗᓯ ᓂᐊᖂᔭᒃᓴᓂᒃ ᐱᕈᕐᓰᕕᑦᓯᓐᓂᑦ ᓯᕗᓪᓕᕐᐹᒥᒃ ᐱᕈᕐᑎᑕᕕᓂᑦᓯᓐᓂᒃ ᑲᑎᕐᓱᐃᕕᒃᓯ ᓇᓪᓕᐅᓐᓂᖓ ᓇᓪᓕᐅᑎᓯᒪᑎᓪᓗᒍ, ᐅᑭᐊᒃᓵᒃᑯᓪᓗ ᓇᓪᓕᐅᓐᓂᕐᓯᐅᕐᕕᒃ ᑐᐱᑐᐃᓐᓇᖃᕐᑎᓪᓗᓯ ᐱᕈᕐᑐᓂᒃ ᑲᑎᕐᓱᐃᕕᓯ ᓇᓪᓕᐅᑎᕕᖓᓂ.

ᒨᓯᓯ ᐂᑉᐸᖏᑦ 23:19

“ᐱᕈᕐᓰᕕᖁᑎᕕᑦ ᐱᕈᕐᑎᑕᖏᑕ ᓯᕗᓪᓕᕐᐹᖏᓐᓂᒃ ᑐᓂᓯᔪᒃᓴᐅᕗᑎᑦ ᐊᑕᓂᕐᒧᑦ ᒎᑎᖕᓄᑦ. “ᓰᐱᐅᑉ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐆᔪᓕᐅᕐᑐᒃᓴᐅᓐᖏᓚᑎᑦ ᐊᓈᓇᖓᑕ ᐃᒻᒧᖓᓄᑦ.”

ᔪᐊᓇᓯᐅᑉ ᑕᑯᑎᑕᐅᓂᖏᑦ 14:4

ᑖᒃᑯᐊᓗ ᐃᒻᒥᖕᓂᒃ ᓴᓗᒤᓕᑎᓚᐅᓐᖏᓚᑦ ᐊᕐᓇᓂᒃ ᓄᓕᐊᕐᓂᕐᒧᑦ, ᐃᒻᒥᖕᓂᒃ ᐊᕐᓇᒥᒃ ᐃᓐᓇᖓᖃᑎᖃᓚᐅᕐᓯᒪᓐᖏᓐᓇᒥᒃ; ᓄᕐᕋᐅᔭᖅ ᒪᓕᖃᑦᑕᕐᐹᑦ ᓇᒧᑐᐃᓐᓇᖅ ᐂᓕᕌᖓᑦ; ᑖᒃᑯᐊ ᐊᑭᓕᕐᑕᐅᓪᓗᑎᒃ ᐅᑎᕐᑎᑕᐅᓯᒪᕗᑦ ᐃᓅᖃᑎᓕᒫᒥᖕᓂᑦ ᓯᕗᓪᓕᕐᐹᖑᕗᑦ ᒎᑎᒧᑦ ᓄᕐᕋᐅᔭᕐᒧᓪᓗ ᑐᓂᕐᕈᑕᐅᓯᒪᔪᓂᑦ,

ᔧᒥᓯᐅᑉ ᐊᒡᓚᖏᑦ 1:18

ᑖᑦᓱᒪ ᐱᔪᒪᔭᓂ ᒪᓕᒡᓗᒍ ᐱᓐᖑᕐᑎᓚᐅᕐᐹᑎᒍᑦ ᐅᖃᐅᓯᕐᒧᑦ ᓱᓕᔪᒧᑦ ᓯᕗᓪᓕᕐᐸᐅᓗᑕ ᐱᕈᖁᓪᓗᑕ ᐱᓐᖑᕐᑎᑕᖏᓐᓂᑦ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:20

ᓱᓕᔪᒥᒡᓕ ᙭ᔅᑑᓯ ᑐᖁᖓᔪᓂᑦ ᒪᑭᓯᒪᕗᖅ, ᓯᕗᓪᓕᕐᐹᖑᕗᕐᓗ ᑐᖁᓯᒪᔪᓄᑦ ᑕᒤᓐᓄᑦ ᒪᓕᒐᒃᓴᐅᖁᓪᓗᒍ.

ᕉᒪᒥᐅᓄᑦ 8:23

ᑖᒃᑯᐊᑐᐊᖑᖏᑦᑐᖅ, ᐅᕙᒍᓪᓕᑦᑕᐅᖅ, ᐊᓂᕐᓂᐅᑉ ᐱᕈᕐᑎᑕᖏᓐᓂᒃ ᓯᕗᓪᓕᕐᓂᒃ ᐱᓯᒪᔪᒍᑦ, ᐋᓐᓂᐊᔪᑐᑦ ᓂᓪᓕᐊᖃᑦᑕᕆᕗᒍᑦ ᐃᓗᑦᑎᒍᑦ ᐅᑕᖅᑭᓪᓗᑕ ᑎᒍᐊᕐᑖᖑᔪᒫᕐᓂᑦᑎᓐᓂᒃ, ᑎᒥᕗᑦ ᐱᐅᓕᔭᐅᓕᕐᐸᑕ.

ᒫᑎᐅᓯᐅᑉ ᐊᒡᓚᖏᑦ 13:33

ᔩᓱᓯᐅᑉ ᓱᓕ ᐊᑦᔨᐅᔪᒥᒃ ᐊᓯᐊᓂᒃ ᐅᖃᐅᑎᒃᑲᓐᓂᕐᐰᑦ: “ᒎᑎᐅᑉ ᐊᑕᓂᐅᕕᖓ ᐃᒤᑦᑐᒥᒃ ᐊᑦᔨᖃᕐᐳᖅ, ᐊᕐᓇᖅ ᐳᕙᓪᓚᖅᑯᒻᒥᒃ ᑎᒍᓯᕗᖅ, ᓂᐊᖂᔭᒃᓴᓕᐊᒥᓄᑦ ᐊᖏᔪᒧᑦ ᐊᑯᑉᐹ, ᑖᓐᓇᓕᒫᕐᓗ ᐳᕙᓪᓚᕐᑎᑉᐹ.”

ᒨᓯᓯ ᓯᑕᒪᖏᑦ 15:17

ᐊᒻᒪ ᐊᑕᓂᖅ ᐅᖃᕆᕗᖅ ᒨᓯᓯᒧᑦ, ᐅᖃᕐᓗᓂ,

ᒨᓯᓯ ᐱᖓᔪᖏᑦ 2:12

ᐊᑕᓂᕐᒧᑦ ᑐᓂᕐᕈᑎᓄᑦ ᐃᓚᐅᔪᓐᓇᕋᓗᐊᕐᐳᑦ ᑐᓂᕐᕈᓯᕈᕕᑦ ᐱᕈᕐᑎᑕᕕᑦ ᓯᕗᓪᓖᕐᐹᖏᓐᓄᑦ ᐃᓚᓕᐅᑎᓗᒋᑦ, ᑭᓯᐊᓂ ᑐᓂᕐᕈᑎᓄᑦ ᐃᑯᐊᓚᑎᑕᒃᓴᓄᑦ ᑐᓂᕐᕈᑎᒃᓴᐅᓐᖏᓚᑦ ᑐᓂᕐᕈᓯᕐᕕᖕᒥ, ᖁᕕᐊᒋᔭᐅᓗᑎᒃ ᑎᐱᑦᓯᐊᕆᒃᑑᖏᒻᒪᑕ.

ᒨᓯᓯ ᐂᑉᐸᖏᑦ 23:16

“ᐱᕈᕐᑐᓄᑦ ᑲᑎᕐᓱᐃᕕᖕᒥᒃ ᓇᓪᓕᐅᓐᓂᕐᓯᐅᕐᕕᒃ ᓇᓪᓕᐅᓐᓂᕐᓯᐅᖃᑦᑕᒐᒃᓴᕆᕙᓯ; ᐱᕈᕐᓯᐊᑦᓯᓐᓂᑦ ᓯᕗᓪᓕᕐᐹᒥᒃ ᐱᕈᕐᑐᓂᒃ ᑲᑎᕐᓱᐃᓕᕈᑦᓯ. “ᐅᑭᐊᒃᓵᒃᑯᓪᓗ ᓇᓪᓕᐅᓐᓂᕐᓯᐅᕐᑐᒃᓴᐅᕗᓯ ᐊᕐᕌᒎᑉ ᓄᖑᓕᕐᓂᖓᓂ, ᑲᑎᕐᓱᐃᓕᕈᑦᓯ ᐱᕈᕐᓰᕕᒧᑦ ᑲᓐᖓᕐᓲᑎᒋᓚᕐᑕᑦᓯᓐᓂᑦ.

ᒨᓯᓯ ᐂᑉᐸᖏᑦ 22:29

“ᐱᕈᕐᑐᕕᓂᕐᓂᑦ ᑲᑎᕐᓱᐃᓕᕈᑦᓯ ᓯᕗᓪᓕᕐᐹᒥᒃ ᑲᑎᕐᓱᕐᑕᕕᓂᑦᓯ ᐱᐅᓂᕐᐹᖏᓐᓂᒃ ᑐᓂᕐᕈᓯᕐᓇᓵᕐᑐᒃᓴᐅᓐᖏᓚᓯ ᓇᓪᓕᐊᓐᓂᑐᐃᓐᓇᖅ ᐱᕈᕐᑐᕕᓂᕐᓂᑦ. “ᐃᕐᓂᐊᖑᖅᑳᕐᑐᑦ ᐃᕐᓂᓯ ᐅᕙᓐᓄᑦ ᑐᓂᔭᒃᓴᕆᕙᓯ.

ᒨᓯᓯ ᐱᖓᔪᖏᑦ 23:18

ᑖᒃᑯᐊ ᓂᐊᖂᔭᑦ ᑐᓂᕐᕈᑕᐅᔪᑦ ᐃᓚᖃᕆᐊᖃᕐᐳᑦ ᓰᐱᐅᑉ ᓄᕐᕋᖏᓐᓂᒃ ᐊᖑᑎᓂᒃ 7ᓂᒃ, ᐊᑐᓂᑦ ᐊᕐᕌᒍᖃᕐᓗᑎᒃ ᐊᑕᐅᓯᕐᒥᒃ ᖃᓄᐃᓐᓂᖃᖏᑦᓯᐊᕐᓗᑎᒃ, ᐃᓚᖃᕐᒥᓗᑎᒃ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐊᑕᐅᓯᕐᒥᒃ ᐃᓐᓇᒻᒪᕆᐅᖏᑦᑐᒥᒃ, ᓰᐱᐅᓪᓗ ᐊᖑᓴᓪᓗᖏᖕᓂᒃ ᒪᕐᕉᖕᓂᒃ. ᑖᒃᑯᐊ ᐊᑕᓂᕐᒧᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᑎᒋᔭᐅᔭᕆᐊᖃᕐᐳᑦ, ᓂᐊᖂᔭᑦ ᕔᓃᓪᓗ ᑐᓂᕐᕈᑕᐅᖃᓯᐅᑎᓗᑎᒃ, ᐃᑯᐊᓪᓚᒡᓗᒋᑦ, ᑖᒃᑯᐊ ᑎᐱᖏᑦ ᐊᑕᓂᐅᑉ ᒪᒪᕆᖕᒪᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 10:37

ᓂᐊᖂᔭᒃᓴᖁᑎᑦᑕᓗ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ, ᑐᓂᕐᕈᑎᒋᖃᑦᑕᕐᓂᐊᕐᐸᕗᑦ, ᓇᐹᕐᑐᐃᓪᓗ ᖃᓄᐃᑦᑐᑐᐃᓐᓁᑦ ᓯᕗᓪᓕᕐᐹᒥᒃ ᐱᕈᕐᑎᑕᖏᑦ, ᓯᕗᓪᓕᕐᐹᒥᒡᓗ ᕔᓂᓐᖑᕐᑐᓂᒃ ᐅᕐᓱᒃᓴᓂᒡᓗ, ᑐᓂᕐᕈᓯᕐᑎᑦᓯᔨᓄᑦ ᑐᓂᓗᒋᑦ, ᒎᑎᑦᑕ ᐃᒡᓗᖓᑕ ᓱᓇᑐᐃᓐᓇᖃᐅᑎᖓᓄᑦ ᐃᓕᔭᐅᖁᓪᓗᒋᑦ. ᓄᓇᖁᑎᑦᑕᓗ ᑕᓪᓕᒪᐅᔪᖏᑦ ᑐᓂᓂᐊᕐᐸᕗᑦ ᓕᕔᑎᓄᑦ, ᓕᕔᑎᓪᓗ ᑎᒍᓯᖁᓪᓗᒋᑦ ᐱᕈᕐᓰᕕᖁᑎᑦᑕ ᐱᕈᕐᑎᑕᖏᑕ ᑕᓪᓕᒪᐅᔪᓕᒫᖏᓐᓂᒃ.

ᒨᓯᓯ ᓯᑕᒪᖏᑦ 18:12

“ᐅᕐᓱᐃᑦ ᐱᐅᓂᕐᐹᑦ ᑕᒪᕐᒥᒃ, ᕔᓃᓪᓗ ᐱᐅᓂᕐᐹᑦ ᓂᐊᖂᔭᒃᓮᓪᓗ ᑕᒪᕐᒥᒃ, ᐱᕈᕐᑎᑕᐅᔪᑦ ᓯᕗᓪᓕᕐᐹᑦ ᐊᑕᓂᕐᒧᑦ ᑐᓂᕐᕈᑎᒋᔭᖏᑦ, ᐃᓕᖕᓄᑦ ᑐᓂᕙᒃᑲ.

ᒨᓯᓯ ᓯᑕᒪᖏᑦ 18:13

ᐸᐅᕐᖎᑦ ᐱᕈᑦᓯᐊᕐᑐᑦ ᓯᕗᓪᓕᕐᐹᑦ ᐱᕈᕐᑐᑦ ᓄᓇᖁᑎᖏᓐᓂᑦ, ᐊᑕᓂᕐᒧᑦ ᑐᓂᕐᕈᑎᒋᔭᖏᑦ, ᐃᕝᕕᑦ ᐱᑖᕆᓂᐊᕐᐸᑎᑦ. ᑕᒪᒃᑯᐊᓕᒫᑦ ᑐᒃᓯᐊᕐᓂᒃᑯᑦ ᓴᓗᒪᔪᑦ ᐃᓚᒌᖕᓂᑦᓯᓐᓂᑦ ᐱᔪᑦ ᓂᕆᖃᑕᐅᔪᓐᓇᕐᐳᑦ.