ᒨᓯᓯ ᐱᖓᔪᖏᑦ 18:24 - ᐊᒡᓔᑦ ᐃᑦᔪᕐᖕᓁᑦᑐᑦ

²⁴ “ᐃᓕᑦᓯᓐᓂᒃ ᐃᑦᔪᕐᓇᕐᓯᑎᓐᓂᐊᕋᓯ ᓇᓪᓕᐊᓐᓂᒃ ᑖᒃᑯᓇᓐᖓᑦ ᐊᑐᕐᓂᑦᓯᓐᓄᑦ. ᐃᓅᖃᑎᒌᒡᔪᐊᑦ ᐊᐅᓪᓚᕐᑎᓐᓂᐊᕐᑕᒃᑲ ᑎᑭᓐᓂᐊᕐᑕᓯ ᑍᒤᓕᐅᕐᒪᑕ, ᐃᓕᖅᑯᓯᖏᓐᓄᑦ ᐃᑦᔪᕐᓇᕐᓯᑎᑕᐅᖁᓇᓯ.

ᒨᓯᓯ ᐱᖓᔪᖏᑦ 18:24 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 15:16

ᑭᖑᕚᑎᓪᓕ ᐃᕐᓂᕇᑦ ᓯᑕᒪᖏᑦ ᑭᓯᐊᓂ ᐊᓂᒍᕐᐸᑕ ᑕᒪᐅᖓ ᓄᓇᒧᑦ ᐅᑎᕈᒫᕆᕗᑦ, ᐊᒧᕅᑎᑦ ᐊᔪᕐᑐᓕᓂᖏᑦ ᓱᒋᐊᕐᑕᐅᓚᐅᖏᒻᒪᑕ ᓱᓕ.”

ᐊᑕᓃᑦ ᓯᕗᓪᓖᑦ 9:7

ᑍᒤᑐᐊᕈᕕᑦ ᐃᓄᖁᑎᒃᑲ ᐃᓴᕆᐊᓕᑎᑦ ᐲᕐᑎᓐᓂᐊᕐᐸᒃᑲ ᓄᓇᒥᑦ ᑖᒃᑯᓄᖓ ᑐᓂᑦᔪᑎᒋᓚᐅᕐᑕᓐᓂᑦ; ᑐᒃᓯᐊᕐᕕᒡᔪᐊᕐᓗ ᕿᒪᒡᓗᒍ ᐃᑦᔪᕐᓁᑎᓚᐅᕐᑕᕋ ᐃᓂᒋᓂᐊᕐᓂᕋᓚᐅᕐᑕᕋᓗ ᑕᑯᓐᓇᕈᒪᔪᓐᓃᕐᓗᒍᓗ; ᐃᓄᐃᓪᓗ ᐊᖅᑯᓵᕐᑐᑦ ᓇᑭᓕᒫᖅ ᐃᓴᕆᐊᓕᒃᑯᓐᓂᒃ ᓇᕐᕈᓇᕐᓂᕅᔪᒫᕐᐳᑦ, ᖁᔭᓈᕐᑕᐅᓯᒪᓂᕋᓕᕐᓗᒍᓗ.

ᑯᕉᓂᑲ ᐂᑉᐸᖏᑦ 33:2

ᐱᐅᖏᑦᑐᓕᓚᐅᕐᐳᖅ ᐊᑕᓂᐅᑉ ᑕᑯᓐᓇᑕᖓᒍᑦ, ᓄᓇᓖᑦ ᐱᐅᖏᑦᑐᓂ ᓇᕐᕈᓇᕐᑐᓕᓂᖏᓐᓂᒃ ᒪᓕᓚᐅᕐᒪᑦ ᐊᑕᓂᐅᑉ ᐊᓂᑎᓚᐅᕐᑕᖏᓐᓂᒃ ᐃᓴᕆᐊᓕᒥᐅᑦ ᐃᓄᖏᓐᓄᑦ ᐃᓇᖏᕐᑕᐅᑎᓚᐅᕐᑕᖏᑕ.

ᐄᓱᕋᐅᑉ ᐊᒡᓚᖏᑦ 9:1

ᑕᒪᒃᑯᐊᓕᒫᑦ ᐱᔭᕇᕐᑕᐅᑎᓪᓗᒋᑦ, ᐃᓴᕆᐊᓕᒥᐅᑦ ᐃᓄᖏᑦᑕ ᓯᕗᓕᕐᑎᖏᑦᑕ ᐃᓚᖏᓐᓄᑦ ᐅᖃᐅᑦᔭᐅᓚᐅᕐᐳᖓ ᐃᓄᐃᑦ, ᑐᓂᕐᕈᓯᕐᑎᑦᓯᔩᑦ, ᓕᕔᑏᓪᓗ ᐃᒻᒥᖕᓂᒃ ᐊᑦᔨᐅᖏᑦᑑᑎᓯᒪᖏᒻᒪᑕ ᐃᓄᖕᓂᑦ ᓯᓚᖅᑲᑎᒥᖕᓂᑦ ᐅᑯᓇᓐᖓᑦ ᐊᒧᓁᑎᒃᑯᓂᑦ, ᒧᐊᐱᒥᐅᓂᓪᓗ, ᐄᑦᔨᑉᑎᒥᐅᓂᓪᓗ, ᐅᑯᓇᓐᖓᓪᓗ ᑬᓇᓂᒥᐅᓂᑦ, ᕼᐃᑍᑎᒥᐅᓂᑦ, ᐱᕆᔧᑎᒥᐅᓂᑦ, ᔨᐳᓮᑎᒥᐅᓂᑦ, ᐊᒧᕅᑎᒥᐅᓂᓪᓗ. ᑖᒃᑯᐊ ᑍᒫᑦᓮᓐᓇᖅ ᐱᐅᖏᑦᑐᓂᒃ ᐃᓅᓯᖃᕐᒪᑕ ᐃᓅᖃᑎᖏᑕ ᐱᐅᓯᖏᑎᑐᑦ.

ᐃᓐᖏᕈᑎᑦ 106:39

ᐃᒻᒥᖕᓂᒃ ᐱᓂᐊᕐᓂᕐᒥᖕᓄᑦ ᓴᓗᒪᔪᓐᓃᕐᑎᓚᐅᕐᐳᑦ, ᐊᓯᓐᓂᐊᓚᐅᕐᐳᓪᓗ ᓇᖕᒥᓂᖅ ᐱᓂᐊᕐᓂᕐᒥᒍᑦ.

ᔨᕆᒤᐊᐅᑉ ᐊᒡᓚᖏᑦ 44:4

ᐅᖃᕐᑎᓐᓂᒃ ᐱᓇᓱᐊᕐᕕᐅᔭᕐᑐᕐᑎᖃᑦᑕᓚᐅᕐᐸᑦᓯ, ᐅᖃᐅᑎᓪᓗᓯ, ‘ᐱᐅᖏᑦᑐᓂᒃ ᐆᒥᒋᔭᓐᓂᒃ ᐱᓇᓱᐊᓕᖁᓇᓯ.’

ᐃᓯᑭᐊᓕᐅᑉ ᐊᒡᓚᖏᑦ 36:17

“ᐃᓅᑉ ᐃᕐᓂᖓ, ᐃᓴᕆᐊᓕᐅᑉ ᑭᖑᕚᖏᑦ ᓄᓇᒥᖕᓃᓪᓗᑎᒃ, ᓄᓇᒥᖕᓂᒃ ᓇᕐᕈᓇᕐᓯᑎᑦᓯᓚᐅᕐᒪᑕ ᐃᓕᖅᑯᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ; ᐃᓕᖅᑯᓯᖏᑦ ᓵᓐᓂ ᓴᓗᒤᑦᑑᓚᐅᕐᐳᑦ ᐊᕐᓇᐅᑉ ᐊᐅᓈᕐᕕᖕᒥᓄᑦ ᓇᓪᓕᐅᑎᕕᐅᓯᒪᓂᖓᑐᑦ.

ᒨᓯᓯ ᐱᖓᔪᖏᑦ 18:3

ᐄᑦᔨᑉᑎᒥᐅᑦ ᐱᐅᓯᖏᑦ ᒪᓕᖕᓂᐊᕋᓯᒋᒃ, ᑍᒃᑯᐊ ᓄᓇᖃᑎᒋᓚᐅᕐᑕᑦᓯ, ᑬᓇᓂᒥᐅᓪᓗ ᐱᐅᓯᖏᑦ ᒪᓕᖕᓂᐊᕋᓯᒋᒃ ᑍᒃᑯᐊ ᓄᓇᖓᓐᓄᑦ ᐱᑎᓐᓂᐊᕋᑦᓯ, ᐱᐅᓯᖏᓐᓂᒃ ᒪᓕᒃᓴᕐᓂᐊᕋᓯ.

ᒨᓯᓯ ᐱᖓᔪᖏᑦ 18:30

“ᐊᑐᖁᔭᒃᑲ ᐃᖅᑲᐅᒪᑦᓯᐊᕐᓯᒋᒃ, ᑕᒫᓂᓗ ᓄᓇᖃᓚᐅᕐᑐᑦ ᐱᐅᓯᕆᓚᐅᕐᑕᖏᑦ ᑎᑭᓚᐅᕐᑎᓐᓇᓯ ᒪᓕᖕᓂᐊᕐᓇᒋᑦ, ᑕᒪᒃᑯᓂᖓ ᐃᓕᑦᓯᓐᓂᒃ ᐃᑦᔪᕐᓇᕐᓯᑎᓐᓂᐊᕋᓯ, ᐅᕙᖓ ᐊᑕᓂᐅᒐᒪ ᒎᑎᓯ!”

ᒨᓯᓯ ᓯᑕᒪᖏᑦ 35:34

ᓄᓇ ᐃᓂᒋᓂᐊᑕᕐᓯ ᓴᓗᒤᓕᑎᑦᓴᕆᐊᖃᓐᖏᓚᓯᐅᒃ, ᐊᑯᓐᓇᑦᓯᓐᓂᑦᑕᐅᖅ ᐃᓂᖃᕋᒪ; ᐅᕙᖓ ᐊᑕᓂᖅ ᐃᓴᕆᐊᓕᒥᐅᑦ ᐊᑯᕐᖓᓐᓂ ᐃᓂᖃᕐᐳᖓ.’”

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:17

ᓇᓪᓕᐊᑦ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ ᐊᓯᕈᐃᔪᖅ, ᒎᑎᐅᑉ ᐊᓯᕈᕈᒫᕆᕚ. ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᐃᑦᔪᕐᓁᒻᒪᑦ, ᐃᓕᑦᓯ ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᒋᕚᓯ.

ᒨᓯᓯ ᑕᓪᓕᒪᖏᑦ 12:31

ᐊᑕᓂᖅ ᒎᑎᓯ ᑐᒃᓯᐊᕐᕕᒋᔭᒃᓴᕆᓐᖏᓚᓯ ᑍᒃᑯᐊ ᒎᑎᓐᖑᐊᒥᖕᓄᑦ ᑐᒃᓯᐊᕈᓯᖏᑎᑐᑦ, ᒎᑎᒥᖕᓄᑦ ᑐᒃᓯᐊᓕᕌᖓᒥᒃ ᓈᒻᒪᖏᑦᑐᐊᓗᖕᓂᒃ ᐱᓂᐊᕐᓂᖃᓲᖑᖕᒪᑕ ᐊᑕᓂᐅᑉ ᐆᒥᒋᔭᖏᓐᓂᒃ. ᕿᑐᕐᖓᒥᖕᓂᒃ ᐊᒡᓛᑦ ᑐᓂᕐᕈᓯᓲᖑᖕᒪᑕ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑎᓪᓗᒋᑦ.

ᒨᓯᓯ ᑕᓪᓕᒪᖏᑦ 18:12

ᐊᑕᓂᖅ ᒎᑎᓯ ᐃᓄᖕᓂᒃ ᑍᒤᓕᐅᕐᑐᓂᒃ ᓈᒻᒪᖏᑦᑐᓕᔪᓂᒃ ᐆᒥᒋᔭᖃᕐᒪᑦ, ᑍᒤᒻᒪᑦ ᑕᕝᕙ ᐃᓄᐃᑦ ᑕᒫᓂ ᓄᓇᖃᕐᑐᑦ ᓄᓇᒥᖕᓂᑦ ᐊᐅᓪᓚᕐᑎᓚᐅᕐᐰᑦ ᓯᕗᓂᑦᓯᓐᓂ.

ᒨᓯᓯ ᑕᓪᓕᒪᖏᑦ 9:4

“ᐊᑕᓂᐅᓪᓕ ᒎᑎᑦᓯ ᑖᒃᑯᐊ ᐊᓂᑎᓯᒪᓕᕐᐸᒋᑦ ᐃᓕᑦᓯ ᐱᑦᔪᑎᒋᓗᓯ, ᑕᒪᑐᒪ ᑭᖑᓂᖓᒍᑦ ᐃᓱᒪᔪᒃᓴᐅᓐᖏᓚᓯ ᐃᓕᑦᓯ ᑕᒫᓂ ᓄᓇᑖᕆᐊᖃᕐᓂᑦᓯᓐᓄᑦ ᓄᓇᑖᕐᑎᑕᐅᓇᓱᒋᓗᓯ. ᑍᒤᓐᖏᓚᖅ, ᐊᑕᓂᐅᓪᓕ ᐃᓅᖃᑎᒌᒡᔪᐊᑦ ᑕᒫᓐᖓᑦ ᐊᓂᑎᓐᓂᐊᕐᐰᑦ ᐃᓕᑦᓯ ᐱᓪᓗᓯ ᐱᐅᖏᑦᑐᓕᓂᖏᑦ ᐱᑦᔪᑎᒋᓗᒋᑦ.

ᒨᓯᓯ ᑕᓪᓕᒪᖏᑦ 9:5

ᐱᐅᔫᓂᓯᓕ ᐋᖅᑭᑦᓯᐊᕐᓯᒪᓂᓯᓗ ᐱᑦᔪᑎᒋᓇᒋᑦ ᐊᑕᓂᐅᑉ ᒎᑎᑦᓯ ᑖᒃᑯᐊ ᓄᓇᖏᓐᓂᒃ ᓄᓇᑖᕐᑎᓯᒪᓐᖏᓛᓯ. ᐃᓅᖃᑎᒌᒡᔪᐊᓪᓕ ᓄᓇᖏᓐᓂᑦ ᐊᓂᑎᓐᓂᐊᕐᐰᑦ ᐱᐅᖏᑦᑐᓕᓂᖏᑦ ᐱᑦᔪᑎᒋᓪᓗᒋᑦ ᐊᖏᕈᑎᒋᓯᒪᔭᓂᓗ ᓯᕗᓕᕕᓂᑦᓯᓐᓄᑦ ᐱᑦᔪᑎᒋᓪᓗᒍ, ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ.

ᐃᓗᐊᕐᓮᔩᑦ ᐊᒡᓚᖏᑦ 20:10

ᐃᓚᖏᑦ 100ᐃᑦ ᑕᓪᓕᒪᐅᔪᕐᑐᖏᑦ ᐃᓴᕆᐊᓕᒥᐅᑦ ᑭᖑᕚᓕᒫᖏᓐᓂᑦ, 100ᐃᓪᓗ 1,000ᓂᑦ, 1,000ᓗ 10,000ᓂᑦ ᓂᕈᐊᕐᓂᐊᕐᐸᕗᑦ ᓂᕿᖃᕐᑎᑦᓯᓂᐊᕐᐳᑦ ᐅᓇᑕᕐᑐᒃᓴᓂᒃ, ᐊᓯᖏᓪᓗ ᓱᒋᐊᕆᐊᕐᑐᕐᓂᐊᕐᐳᑦ ᒋᐱᐊᒥᒃ ᐱᓐᔭᒥᓂᐅᑉ ᑭᖑᕚᖏᓐᓂᒃ; ᐱᐅᖏᑦᑐᒥᒃ ᐱᓂᐊᕐᓂᕆᓚᐅᕐᑕᖏᑦ ᐱᓪᓗᒋᑦ ᐃᓴᕆᐊᓕᐅᑦ ᐃᓗᐊᓂ.”

ᐃᓗᐊᕐᓮᔩᑦ ᐊᒡᓚᖏᑦ 20:5

ᒋᐱᐊᒥᐅᑦ ᐊᖑᑎᖏᑦ ᕾᓚᐅᕐᐳᑦ ᐅᕙᓐᓂᒃ ᐂᓯᕐᓗᑎᒃ, ᐃᒡᓗᓗ ᐊᕙᑕᖏᕐᓗᒍ. ᐅᕙᓐᓂᒃ ᑐᖁᑦᓯᔪᒪᓚᐅᕐᐳᑦ; ᓄᓕᐊᒃᑲᓐᓂᕋᓕ ᖁᓄᔪᕐᓂᐊᕐᑕᐅᓚᐅᕐᐳᖅ, ᑐᖁᑕᐅᓪᓗᓂᓗ.

ᐃᓗᐊᕐᓮᔩᑦ ᐊᒡᓚᖏᑦ 20:6

ᑎᒥᖓ ᐱᓚᐅᕐᐸᕋ ᐊᒡᒍᕐᓗᒍ, ᐂᑦᑐᕐᑑᑎᒋᓚᐅᕐᐸᕋᓗ ᐃᓴᕆᐊᓕᒥᐅᑦ ᑭᖑᕚᖏᓐᓄ 12ᓄᑦ; ᑖᒃᑯᐊ ᐃᓄᐃᑦ ᐱᐅᖏᑦᑐᒻᒪᕆᐊᓗᖕᒥᒃ ᐱᓇᓱᐊᕐᒪᑕ ᐊᑐᕆᐊᖃᖏᒻᒪᕆᒃᑐᒥᒃ ᐊᑯᓐᓇᑦᑎᓐᓂ.