ᒨᓯᓯ ᐱᖓᔪᖏᑦ 14:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᓯᕐᐸᕐᓴᕐᕕᒋᔭᒃᓴᕆᕚ 7ᐃᕐᓱᕐᓗᒍ ᓴᓗᒻᒪᕐᓂᕋᕐᑕᐅᔪᖅ ᑍᒤᓕᐅᕇᕈᓂᐅᒡᓗ ᓴᓗᒻᒪᓂᕋᓕᕐᓗᒍ ᐅᖃᕐᑐᒃᓴᐅᕗᖅ. ᑕᕝᕙ ᑎᖕᒥᐊᑯᓘᑉ ᐂᑉᐸᖓ ᑎᖏᑎᑕᒃᓴᕆᕚ ᓯᓚᒥ.

ᒨᓯᓯ ᐱᖓᔪᖏᑦ 14:7 ပူးပေါင်းရင်းမြစ်များ

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᐂᓮᐊᓯᐅᑉ ᐊᒡᓚᖏᑦ 52:15

ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ ᖁᐊᕐᓵᖓᑎᑦᓯᔪᒫᕐᐳᖅ; ᐊᖓᔪᖅᑳᕐᔪᐊᑦ ᓂᓪᓕᕈᓐᓇᕈᒫᓐᖏᓚᑦ ᑕᑕᒥᓐᓂᐊᕈᑎᒋᓗᒍ, ᑖᒃᑯᓄᖓ ᐅᖃᐅᓯᐅᓚᐅᕐᓯᒪᖏᑦᑐᒥᒃ ᑕᑯᔪᒫᕐᒪᑕ, ᑐᓴᓚᐅᕐᓯᒪᓐᖏᑕᒥᖕᓂᒡᓗ ᑐᑭᓯᓗᑎᒃ.

ᐊᑕᓃᑦ ᐂᑉᐸᖏᑦ 5:14

ᑕᕝᕙ ᑰᓕᐊᕐᐳᖅ ᔪᐊᕐᑕᓂᒧᑦ 7ᐃᕐᑐᕐᓗᓂᓗ ᐊᖅᑲᕐᐳᖅ, ᒎᑎᐅᑉ ᐃᓄᖁᑎᖓᑕ ᐅᖃᐅᓯᖏᑦ ᒪᓕᒡᓗᒋᑦ; ᐅᕕᓂᖓᓗ ᐋᖅᑭᒃᐳᖅ ᓴᓗᒪᑦᓯᐊᕐᓗᓂ ᐃᓅᓱᒃᑐᑯᓗᒃᑎᑐᑦ ᐅᕕᓂᖓ ᑍᒤᓕᕐᓗᓂ.

ᐊᑕᓃᑦ ᐂᑉᐸᖏᑦ 5:10

ᐃᓔᓴ ᑕᕝᕙ ᑎᓕᓯᕗᖅ ᑭᒡᒐᒥᓂᒃ ᐅᖃᐅᑦᔨᖁᓪᓗᒍᓗ ᐃᒫᒃ, “ᐅᕕᓃᑦ ᐅᐊᓴᕆᐊᕐᑐᕈᒃ 7ᐃᓱᕐᓗᑎᑦ ᑰᖕᒥ ᔪᐊᕐᑕᓂᒥ, ᑕᕝᕙ ᐅᕕᓃᑦ ᐋᖅᑭᖕᓂᐊᕐᐳᖅ ᓴᓗᒻᒪᑦᓯᐊᓕᕐᓗᓂ.”

ᐲᑦᑐᕉᓯ ᓯᕗᓪᓖᑦ 1:2

ᓂᕈᐊᕐᑕᐅᓯᒪᕗᓯ ᒎᑎᒧᑦ ᐊᑖᑕᒧᑦ ᐱᓂᐊᕐᑕᐅᖁᔭᖓᓄᑦ ᐃᑦᔪᕐᓁᑎᑕᐅᖁᓪᓗᓯ ᐊᓂᕐᓂᖓᓄᑦ ᒪᓕᑦᓯᐊᖁᓪᓗᓯ ᔩᓱᓯ ᙭ᔅᑑᓯᒥᒃ ᐊᐅᖓᓄᓪᓗ ᓴᓗᒻᒪᕐᑎᑕᐅᓗᓯ: ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓮᒻᒪᕐᑎᑕᐅᓇᕐᑐᖅ ᐱᕙᓪᓕᐊᓕ ᐃᓕᑦᓯᓐᓄᑦ.

ᐄᑉᕈᐃᓄᑦ 9:19

ᒨᓯᓯᐅᑉ ᐱᖁᔭᑦ ᑕᒪᕐᒥᒃ ᐃᓄᖕᓄᑦ ᐊᑐᐊᕇᕋᒥᒋᑦ ᓄᕐᕋᐅᔭᐅᑉ ᒎᑦᓯᐅᓪᓗ ᐊᐅᖏᓐᓂᒃ ᐱᓪᓗᓂ, ᐃᒪᕐᒥᒃ ᐃᓚᓪᓗᒋᑦ ᑖᒃᑯᐊ ᐱᖁᔧᑦ ᑎᑎᕋᕐᓯᒪᔪᑦ ᓯᕐᐸᕐᓴᓚᐅᕐᐰᑦ ᐃᓄᐃᓪᓗ ᑕᒪᕐᒥᒃ, ᕼᐃᓴᑉᓂᒃ ᓰᐱᑦ ᒥᖅᑯᖏᓐᓂᒃ ᐊᐅᖕᒥᒃ ᐃᑦᓴᒃᑎᕐᓯᒪᔪᑦ ᐊᑐᕐᓗᒋᑦ.

ᐄᑉᕈᐃᓄᑦ 9:13

ᒎᑦᓯᐅᑉ ᐃᒻᒧᓯᐅᒊᓪᓗ ᐊᖑᓴᓪᓗᖏᑕ ᐊᐅᖏᓐᓄᑦ ᓄᕋᐅᔮᕐᑑᓪᓗ ᐊᕐᔭᓕᐅᕐᓂᖏᓐᓄᑦ ᐃᓄᐃᑦ ᐅᒃᐱᕐᓂᒃᑯᑦ ᐃᑦᔪᕐᓇᕐᑐᑦ ᑲᓐᖔᑎᕆᕕᐅᕙᓚᐅᕐᐳᑦ ᐃᑦᔪᕐᓁᑎᑕᐅᓪᓗᑎᒃ ᑕᑯᒃᓴᐅᔪᒃᑯᑦ ᓴᓗᒻᒪᕐᓴᕐᑕᐅᓂᕐᒥᒍᑦ.

ᔪᐊᓇᓯ ᓯᕗᓪᓖᑦ 5:6

ᔩᓱᓯ ᙭ᔅᑑᓯ ᑖᓐᓇᐅᕗᖅ ᑎᑭᓚᐅᕐᑐᖅ ᐃᒪᒃᑯᑦ ᐊᐅᒃᑯᓪᓗ, ᐃᒪᒃᑯᑐᐃᓐᓇᐅᓐᖏᑦᑐᕐᓕ ᑕᒤᑎᒍᓪᓕ ᐃᒪᒃᑯᑦ ᐊᐅᒃᑯᓪᓗ. ᐊᓂᕐᓂᕐᓗ ᓇᓗᓁᕐᓯᕗᖅ, ᐊᓂᕐᓂᖅ ᑖᓐᓇ ᓱᓕᔫᖕᒪᑦ.

ᐄᑉᕈᐃᓄᑦ 12:24

ᔩᓱᓯᓗ ᐅᐸᒃᐸᓯ, ᐊᖏᖃᑎᒌᖕᓂᕐᒥᒃ ᓄᑖᒥᒃ ᐱᔨᑦᓯᕐᑐᖅ, ᐊᐅᖕᒧᓪᓗ ᓯᕐᐸᕐᓴᕐᑕᐅᓯᒪᔪᒧᑦ ᐂᐱᓕᐅᑉ ᐊᐅᖓᓂᑦ ᐱᐅᓂᕐᓴᒥᒃ ᐅᖃᐅᓯᖃᕐᑐᒧᑦ.

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᐄᑉᕈᐃᓄᑦ 9:26

ᑍᒤᒃᑯᓂ ᐋᓐᓂᐊᑎᑕᐅᖃᑦᑕᕋᔭᓚᐅᕐᐳᖅ ᐅᓄᕐᑐᐃᓱᕐᓗᓂ ᑍᒪᓐᖓᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ. ᑭᓯᐊᓂᓕ, ᒫᓐᓇ ᓴᖅᑭᓯᒪᕗᖅ ᐊᑕᐅᓯᐊᑐᐃᓐᓇᕐᓗᓂ, ᓯᓚᕐᔫᑉ ᓇᒡᒐᑖ ᖃᒡᓕᓕᕐᑎᓪᓗᒍ, ᐊᔪᕐᓂᕐᒥᒃ ᐲᕐᓯᖁᓪᓗᒍ ᓇᖕᒥᓂᖅ ᑐᓂᕐᕈᑎᒋᓂᕐᒥᒍᑦ.

ᐄᑉᕈᐃᓄᑦ 9:21

ᑍᒫᑦᓮᓐᓇᕐᑕᐅᖅ ᐊᐅᖕᒧᑦ ᓯᕐᐸᕐᓴᓚᐅᕐᐰᑦ ᑐᐱᖅ ᑐᒃᓯᐊᕐᑎᓪᓗᒋᓪᓗ ᐱᖁᑏᑦ ᐊᑐᕐᑕᐅᕙᒃᑐᓕᒫᑦ.

ᔪᐊᓇᓯᐅᑉ ᐊᒡᓚᖏᑦ 19:34

ᐅᓇᑕᕐᑐᒃᓮᓪᓕ ᐃᓚᖓᑦᑕ ᖃᓗᒋᐊᕐᔪᐊᕐᒧᑦ ᔩᓱᓯ ᓴᓂᕋᖓᒍᑦ ᑲᐱᕚ, ᑕᕝᕔᓐᓇᕐᓗ ᐊᐅᒃ ᐃᒥᕐᓗ ᑯᕕᓕᕐᐴᒃ.

ᒤᑲᐅᑉ ᐊᒡᓚᖏᑦ 7:19

ᐃᓚᑦᓱᒍᓱᓕᕐᓂᐊᕐᒥᔪᖅ ᐅᕙᑦᑎᓐᓂᒃ, ᐱᐅᖏᑦᑐᓕᓂᕗᑦ ᓵᓚᒋᓂᐊᕐᐰᑦ. ᐊᔪᕐᑐᓕᓂᕗᑦ ᐃᒋᓐᓂᐊᕐᐸᑎᑦ ᐃᒪᕐᕕᐅᑉ ᐃᑎᓂᕐᐹᖓᓄᑦ.

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᐃᓐᖏᕈᑎᑦ 51:7

ᓴᓗᒻᒪᕐᓴᓚᐅᓐᖓ ᕼᐊᓯᑉᒧᑦ, ᑕᕝᕙ ᓴᓗᒻᒪᕐᓂᐊᕐᐳᖓ; ᐅᐊᓴᓚᐅᓐᖓ, ᑕᕝᕙ ᐊᐳᒻᒥᑦ ᖃᑯᕐᓂᕐᓴᐅᓕᕐᓂᐊᕐᐳᖓ.

ᐃᓐᖏᕈᑎᑦ 51:2

ᐅᐊᓴᓚᐅᓐᖓ ᓴᓗᒻᒪᕐᑎᓪᓗᖓ ᐊᔪᕐᑐᓕᓂᓐᓂᑦ ᑕᒤᓐᓂᑦ ᐊᔪᕐᓂᓐᓂᓪᓗ ᓴᓗᒻᒪᕐᓴᓚᐅᓐᖓ.

ᒨᓯᓯ ᐱᖓᔪᖏᑦ 16:22

ᒎᑦᓯ ᑕᕝᕙ ᐊᒡᔭᕐᓯᓂᐊᕐᐳᖅ ᐊᔪᕐᑐᓕᓂᓕᒫᕐᓂᒃ ᐃᓄᖃᖏᑦᑐᒧᑦ: ᐊᖑᑎᐅᓪᓗ ᑖᕙᓂ ᐊᐅᓪᓚᕐᑎᓐᓂᐊᕐᐹ.

ᒨᓯᓯ ᐱᖓᔪᖏᑦ 16:19

ᑎᑭᕐᒥᓄᑦ ᓯᕐᐸᕐᓴᕆᐊᖃᕐᐹ ᑐᓂᕐᕈᓯᕐᕕᒃ 7ᐃᕐᑐᕐᓗᒍ ᐊᐅᖕᒥᒃ ᐃᑦᔪᕐᓁᑎᓪᓗᒍ ᑖᓐᓇ ᐱᑦᔪᑎᖃᕐᓗᓂ ᐃᓴᕆᐊᓕᒥᐅᓄᑦ ᓴᓗᒤᑦᑐᓄᑦ.

ᒨᓯᓯ ᐱᖓᔪᖏᑦ 16:14

ᐃᒻᒧᒃᓯᐅᒐᐅᑉ ᐸᖕᓂᖓᑕ ᐊᐅᖓᑕ ᐃᓚᖓᓂᒃ ᐱᔭᕆᐊᖃᕐᐳᖅ, ᑎᑭᕐᒥᓄᓪᓗ ᓯᕐᐸᕐᓴᕐᓗᒍ ᐊᖏᖃᑎᒌᖕᓂᐅᑉ ᐃᒃᓯᕐᕕᐅᑉ ᖄᖓ ᓵᖓᓗ ᓯᕐᐸᕐᓴᕆᐊᖃᕐᐹ ᑎᑭᕐᒥᓄᑦ 7ᐃᑐᕐᓗᒍ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᐅᑉ ᖄᖓ.

ᒨᓯᓯ ᐱᖓᔪᖏᑦ 14:51

ᕿᔪᒃ ᓰᑕᕆ ᑎᒍᓗᓂᐅᒃ, ᕼᐊᓯᑉᓗ, ᐊᐅᐸᕐᑐᕐᓗ ᓄᕕᕐᓵᒃᓴᖅ, ᑎᖕᒥᐊᑯᓗᒡᓗ ᐆᒪᔪᖅ, ᑖᒃᑯᐊ ᒥᓱᒡᓗᒋᑦ ᐊᐅᖕᒧᑦ ᑎᖕᒥᐊᑯᓘᑉ ᐱᖃᑖᑕ ᐊᐅᖓᓄᑦ ᐃᒥᕐᒧᓪᓗ, ᐃᒡᓗ 7ᐃᕐᓱᕐᓗᒍ ᓯᕐᐸᕐᓴᕆᐊᖃᕐᐹ.

ᒨᓯᓯ ᐱᖓᔪᖏᑦ 13:17

ᑐᓂᕐᕈᓯᕐᑎᑦᓯᔨᐅᑉ ᖃᐅᔨᓴᕆᐊᖃᕐᐹ, ᐊᒥᕐᓗᖏᑦ ᖃᑯᕐᓯᒃᐸᑕ, ᑐᓂᕐᕈᓯᕐᑎᑦᓯᔨᐅᑉ ᐅᕕᓂᕐᓗᒃᑐᖅ ᓴᓗᒻᒪᕐᓂᕋᕐᓗᒍ ᐅᖃᐅᓯᕆᔭᕆᐊᖃᕐᐹ; ᑕᕝᕙ ᓴᓗᒪᓕᕐᓂᐊᕐᐳᖅ.

ᒨᓯᓯ ᐱᖓᔪᖏᑦ 13:13

ᑐᓂᕐᕈᓯᕐᑎᑦᓯᔨᐅᑉ ᖃᐅᔨᓴᕆᐊᖃᕐᐹ, ᐅᕕᓂᕐᓗᖕᓂᐅᑉ ᐃᓅᑉ ᑎᒥᖓ ᐅᓕᒃᓯᒪᓕᕐᓗᓂᐅᒃ, ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᓴᓗᒪᓂᕋᕐᓗᒍ ᐅᖃᐅᓯᕆᔭᕆᐊᖃᕐᐹ. ᐅᕕᓂᕐᓗᖕᓂᕕᓂᖅ ᖃᑯᕐᓯᒃᐸᑦ ᑎᒥᖓᓂ, ᑕᕝᕙ ᓴᓗᒻᒪᕐᐳᖅ.

ᒨᓯᓯ ᐱᖓᔪᖏᑦ 8:11

ᐅᕐᓱᒥᒡᓗ ᑐᓂᕐᕈᓯᕐᕕᒃ ᓯᕐᐸᕐᓴᕐᐹ 7ᐃᑐᕐᓗᒍ, ᒥᖑᐊᕐᐹᓗ ᑐᓂᕐᕈᓯᕐᕕᒃ ᑐᓂᕐᕈᓯᕐᕕᖕᒧᓪᓗ ᐊᑐᕐᑕᐅᕙᒃᑐᑦ ᓱᓇᑐᐃᓐᓁᑦ, ᐃᕐᕈᕐᑐᕐᕕᒡᓗ ᑐᓐᖓᕕᖓᓗ ᐊᑐᒐᒃᓴᐅᖁᓪᓗᒋᑦ ᑐᓂᕔᑦ.

ᒨᓯᓯ ᐱᖓᔪᖏᑦ 4:17

ᑎᑭᓂᓗ ᐊᐅᖕᒧᑦ ᒥᓱᒡᓗᒍ ᐊᑕᓂᐅᑉ ᓵᖓᓂ ᓯᕿᔭᕐᑎᑕᒃᓴᕆᕚ 7ᐃᕐᑐᕐᓗᓂ ᐃᑦᔪᕐᓁᑦᑐᕕᐅᑉ ᑕᓗᐊᑕ ᓵᖓᓂ.

ᒨᓯᓯ ᐱᖓᔪᖏᑦ 4:6

“ᑖᑦᓱᒪᓗ ᑎᑭᓂ ᐊᐅᖕᒧᑦ ᒥᓱᓚᐅᕐᓗᒍ ᐃᓚᖓ ᓯᕿᔭᕐᑎᑕᒃᓴᕆᕚ. 7ᐃᕐᑐᕐᓗᓂ ᐊᑕᓂᐅᑉ ᓵᖓᓂ ᑕᓘᑉ ᐃᑦᔪᕐᓁᑦᑑᑉ ᓵᖓᓂ.

ᒨᓯᓯ ᓯᑕᒪᖏᑦ 19:12

ᐃᒻᒥᓂᒃ ᐃᒥᕐᒧᑦ ᓴᓗᒻᒪᕐᓴᕆᐊᖃᕐᐳᖅ ᐅᓪᓗᐃᑦ ᐱᖓᔪᐊᓐᓂᒃ ᐅᓪᓗᐃᓪᓗ 7ᖓᓂᒃ; ᑕᕝᕙ ᓴᓗᒻᒪᕐᓂᐊᕐᐳᖅ, ᐅᓪᓘᑉ ᐱᖓᔪᐊᓐᓂ ᐅᓪᓘᓪᓗ 7ᖓᓂ ᓴᓗᒻᒪᕐᓴᖏᑉᐸᑦ, ᓴᓗᒻᒪᕐᓂᐊᓐᖏᓚᖅ.