ᒨᓯᓯ ᐱᖓᔪᖏᑦ 1:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᑐᓂᕐᕈᑎᒃᓴᖅ ᐆᑕᒃᓴᖅ ᐃᒻᒧᒃᓯᐅᒐᐅᒃᐸᑦ, ᐊᖑᓴᓪᓘᔪᒃᓴᐅᕗᖅ ᖃᓄᐃᑦᔪᑎᖃᖏᑦᓯᐊᕐᓗᓂ. ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᓄᐊᕐᑕᐅᔭᕆᐊᖃᕐᐳᖅ ᑕᑯᔭᐅᖁᓪᓗᒍ ᐊᑕᓂᕐᒧᑦ ᓈᒻᒪᒋᔭᐅᖕᒪᖔᑦ.

ᒨᓯᓯ ᐱᖓᔪᖏᑦ 1:3 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 22:13

ᐂᑉᕋᕼᐋᒻᓗ ᑐᓄᒥᓄᑦ ᑕᑯᓴᕋᒥ ᑕᑯᕗᖅ, ᓰᐱᒥᒃ ᐊᖑᓴᓪᓗᕐᒥᒃ ᐅᕐᐱᒐᕐᓄᑦ ᓇᒡᔪᖕᒥᒍᑦ ᓈᑎᓯᒪᔪᒥᒃ; ᐅᐸᒃᑲᒥᐅᒡᓗ ᑎᒍᕚ ᑐᓂᕐᕈᓯᐅᑎᖔᓕᕐᓗᒍ ᐃᕐᓂᕐᒥᓄᒃ ᐃᓇᖏᐅᑎᑎᓪᓗᒍ.

ᒨᓯᓯ ᓯᕗᓪᓖᑦ 22:2

ᒎᑎᐅᓪᓗ ᐅᖃᐅᑎᓕᕐᐹ, “ᐃᕐᓂᑐᐊᑦ ᓇᒡᓕᒋᒻᒪᕆᒃᑕᑦ ᐂᓴᑭ ᓇᒃᓴᕐᓗᒍ ᒧᕅᐊᑉ ᓄᓇᖓᓄᓐᖓᐅᒋᑦ, ᐃᕐᓃᑦ ᐂᓴᑭ ᐃᑯᐊᓪᓚᒡᓗᒍ ᑐᓂᕐᕈᓯᐅᑎᔭᕐᑐᕈᒃ ᖃᖅᑲᓂ ᐃᓂᒋᓂᐊᕐᑕᑦᓯᓐᓂᒃ ᑍᑲᓂ ᐅᖃᐅᑎᔪᒫᕐᐸᒋᑦ.”

ᒨᓯᓯ ᓯᕗᓪᓖᑦ 22:8

ᐂᑉᕋᕼᐋᒻᓕ ᑭᐅᕚ, “ᒎᑎᐅᑉ ᑐᓂᕐᕈᑎᒃᓴᖅ ᑐᓂᓂᐊᕐᐹ ᐃᕐᓃᒃ.” ᑕᕝᕙ ᐱᓱᖃᑎᒌᓕᕐᐴᒃ.

ᒨᓯᓯ ᓯᕗᓪᓖᑦ 8:20

ᑕᕝᕙ ᓄᐊ ᑐᓂᕐᕈᓯᕐᕕᓂᐅᕐᐳᖅ ᐊᑕᓂᕐᒧᑦ, ᐆᒪᔪᓪᓗ ᑕᒪᕐᒥᒃ ᓴᓗᒪᓂᕋᕐᑕᐅᔪᑦ ᐱᕝᕕᒋᓪᓗᒋᑦ ᑎᖕᒥᐊᓂᓪᓗ ᓴᓗᒪᓂᕋᕐᑕᐅᔪᓂᒃ, ᑐᓂᕐᕈᓯᕐᐳᖅ ᐃᑯᐊᓚᑎᑦᓯᓪᓗᓂ ᑐᓂᕐᕈᓯᕐᕕᖕᒥ.

ᑯᕉᓂᑲ ᐂᑉᐸᖏᑦ 29:32

ᐃᑯᐊᓚᑎᑕᒃᓴᓪᓗ ᑐᓂᕐᕈᑎᒋᔭᐅᔪᑦ ᐃᓄᖕᓂᑦ ᑲᑎᓪᓗᒋᑦ ᐃᒻᒧᒃᓯᐅᒊᑦ ᐸᖕᓂᖏᑦ 70ᐅᕗᑦ, ᓰᐲᑦ ᐊᖑᓴᓪᓗᖏᑦ 100ᐅᕗᑦ, ᓰᐲᓪᓗ ᓄᕐᕋᖏᑦ 200ᐅᕗᑦ; ᑖᒃᑯᐊᓕᒫᑦ ᐃᑯᐊᓚᑎᑕᒃᓴᐅᓪᓗᑎᒃ ᑐᓂᕐᕈᑎᒋᔭᐅᕗᑦ ᐊᑕᓂᕐᒧᑦ.

ᑯᕉᓂᑲ ᐂᑉᐸᖏᑦ 35:12

ᑐᓂᕐᕈᑎᒃᓮᓪᓗ ᐃᑯᐊᓪᓚᒐᒃᓴᑦ ᓴᓂᕐᕙᒃᐰᑦ ᐊᒡᒍᕐᑕᐅᖁᓪᓗᒋᑦ ᐃᓄᖕᓄᑦ ᓯᕗᓕᖏᑦᑕ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ, ᐊᑕᓂᕐᒧᑦ ᑐᓂᕐᕈᑕᐅᖁᓪᓗᒋᑦ, ᒨᓯᓯᐅᑉ ᐊᒡᓚᖏᓐᓂ ᐊᒡᓚᒃᑕᐅᓯᒪᔪᑦ ᒪᓕᒡᓗᒋᑦ. ᑍᒤᓕᐅᓚᐅᕆᕗᑦᑕᐅᖅ ᐃᒻᒧᒃᓯᐅᒊᑦ ᐊᖑᓴᓪᓗᖏᓐᓂᒃ.

ᐃᓐᖏᕈᑎᑦ 110:3

ᐃᓅᖃᑎᑎᑦ ᐃᑲᔪᕈᒪᓕᓛᕐᐳᑦ ᐊᑭᓕᕐᑕᐅᓂᕐᒥᒃ ᐃᓱᒪᖏᓪᓗᑎᒃ ᐅᓪᓗᓂ ᓵᓚᖃᕐᓂᕐᒥᒃ ᐊᑐᓕᕐᑎᓪᓗᑎᑦ, ᐃᑦᔪᕐᓁᓐᓂᐅᑉ ᐃᓂᖁᓇᕐᓂᖓᓂ ᐅᓪᓛᑉ ᖃᐅᒋᐊᓕᕐᓂᖓᑐᑦ, ᐃᓅᓱᒃᑐᐃᑦ ᐃᓕᖕᓄᑦ ᕾᔪᒫᕐᐳᑦ.

ᐃᓐᖏᕈᑎᑦ 40:8

ᐱᔪᒪᔧᑦ ᐱᓇᓱᐊᕐᓗᒍ ᖁᕕᐊᒋᕙᕋ, ᒎᑏᒃ ᐱᖁᔭᑎᓪᓗ ᐆᒻᒪᑎᓐᓃᑉᐳᑦ.

ᒨᓯᓯ ᐂᑉᐸᖏᑦ 12:5

ᓄᕐᕋᐅᔭᖅ ᓂᕆᓂᐊᕐᑕᓯ ᖃᓄᐃᑦᔪᑎᖃᖏᑦᓯᐊᕆᐊᖃᕐᐳᖅ, ᐊᖑᑕᐅᓗᓂ ᐊᕐᕌᒍᖃᕐᓗᓂ ᐊᑕᐅᓯᕐᒥᒃ; ᓇᓪᓕᐊᓐᓂᑐᐃᓐᓇᖅ ᐱᔪᓐᓇᕐᐳᓯ ᓰᐱᒥᒡᓘᓐᓃᑦ ᒎᑦᓯᒥᒡᓘᓐᓃᑦ;

ᒨᓯᓯ ᐂᑉᐸᖏᑦ 24:5

ᐃᓅᓱᒃᑐᓂᒡᓗ ᐃᓴᕆᐊᓕᒥᐅᓂᒃ ᑎᓕᓯᕗᖅ, ᑖᒃᑯᐊᓗ ᐃᑯᐊᓚᑦᓯᕗᑦ ᑐᓂᕐᕈᑎᓂᒃ ᐊᑕᓂᕐᒧᑦ. ᐃᒻᒧᒃᓯᐅᒐᕐᓂᒡᓗ ᑐᓂᕐᕈᓯᕆᓪᓗᑎᒃ ᒎᑎᒥᒃ ᐃᓚᖃᑦᓯᐊᕐᓂᖅ ᐱᑦᔪᑎᒋᓪᓗᒍ.

ᒨᓯᓯ ᐂᑉᐸᖏᑦ 29:18

ᑕᕝᕙ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᑕᒃᓴᕆᕙᑎᑦ; ᐃᑯᐊᓚᑎᑕᐅᓂᒃᑯᑦ ᑐᓂᕐᕈᑎᐅᖕᒪᑦ ᐊᑕᓂᕐᒧᑦ; ᑎᐱᖓᓗ ᒪᒪᕐᑑᓪᓗᓂ ᐊᑕᓂᕐᒧᑦ, ᐃᑯᐊᓪᓚᒃᑕᐅᓪᓗᓂ ᑐᓂᕐᕈᑕᐅᖕᒪᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 29:4

“ᐂᕉᓂᒃᑯᓪᓗ ᐃᕐᓂᕇᑦ ᕾᖁᔭᒃᓴᕆᕙᑎᑦ ᑐᐱᐅᑉ ᓇᔪᒐᕆᔭᒪ ᐃᑎᕐᑕᕐᕕᖓᑕ ᐹᖓᓄᑦ, ᑕᕝᕙᓂᓗ ᐃᒥᕐᒧᑦ ᐅᐊᓴᖁᔭᒃᓴᕆᕙᑎᑦ ᑎᒥᓕᒫᒥᖕᓂᒃ ᐅᒃᐱᕐᓂᒃᑯᑦ ᓴᓗᒻᒪᕐᑕᐅᖁᓪᓗᒋᑦ.

ᒨᓯᓯ ᐂᑉᐸᖏᑦ 29:42

ᑕᒪᓐᓇᓗ ᐃᑯᐊᓚᑦᓯᓂᒃᑯᑦ ᑐᓂᕐᕈᓯᕐᓂᖅ ᑍᒫᓐᖓᑦ ᑲᔪᓯᑎᑕᐅᔪᒃᓴᐅᕗᖅ ᑭᖑᕚᓯᓐᓄᑦ ᑐᐱᐅᑉ ᐃᑎᕐᑕᕐᕕᖓᓂ ᐊᑕᓂᐅᑉ ᓵᖓᓂ, ᑕᕝᕙᓂ ᐃᓕᖕᓄᑦ ᕾᔪᒪᕗᖓ, ᑕᕝᕙᓂᓗ ᐅᖃᖃᑎᒋᓗᑎᑦ.

ᒨᓯᓯ ᐂᑉᐸᖏᑦ 32:6

ᖃᐅᑎᓪᓗᒍ ᐅᓪᓛᒻᒪᕆᒃᑯᑦ ᒪᑭᑉᐳᑦ ᐆᒪᔪᓂᒃ ᑐᓂᕐᕈᑎᒃᓴᓂᒃ ᐆᑕᒃᓴᓂᒃ ᓇᒃᓴᕐᓗᑎᒃ ᐃᓚᖏᓪᓕ ᑐᓂᕐᕈᑎᒃᓴᓂᒃ ᓂᕆᔭᒃᓴᓂᒃ ᓇᒃᓴᕐᓗᑎᒃ. ᐃᓄᐃᓪᓗ ᐃᖏᑉᐳᑦ ᓂᕆᖃᑎᒌᓕᕐᓗᑎᒃ ᐃᒥᖃᑎᒌᓕᕐᐳᓪᓗ ᐋᖓᔮᓕᕐᓗᑎᒃ, ᐃᓚᖏᑦ ᑖᓂᓯᓕᕐᐳᑦ ᐃᓚᖏᓪᓗ ᓄᓕᐊᕐᓗᑎᒃ.

ᒨᓯᓯ ᐂᑉᐸᖏᑦ 35:21

ᕾᓚᐅᕐᐳᓪᓗ, ᐆᒻᒪᑎᒥᒍᑦ ᐊᐅᓚᑦᔭᒃᑕᐅᔪᓕᒫᑦ, ᐊᓂᕐᓂᖓᓄᓪᓗ ᐃᒃᐱᒋᑎᑕᐅᔪᑦ, ᑐᓂᕐᕈᓯᕈᒪᓪᓗᑎᒃ ᐊᑕᓂᕐᒧᑦ ᑐᐱᓕᐅᕐᑐᓄᑦ ᑲᑎᒪᕕᒃᓴᒥᒃ ᐊᑐᕐᑕᐅᔪᒃᓴᓂᒃ, ᑐᓂᓯᓚᐅᕐᐳᑦ ᑭᓐᖒᒪᒋᔭᐅᔪᓕᒫᓂᒃ ᑐᒃᓯᐊᕐᓂᕐᒧᑦ ᐊᑐᕐᑕᐅᔪᒃᓴᓕᒫᓂᒃ ᑐᓂᕐᕈᓯᕐᑎᑦᓯᔨᓄᓪᓗ ᐊᓐᓄᕌᒃᓴᓂᒃ ᐃᑦᔪᕐᓁᑦᑐᓂᒃ.

ᒨᓯᓯ ᐂᑉᐸᖏᑦ 35:29

ᐃᓴᕆᐊᓕᒥᐅᓪᓗ ᐃᓄᖏᑦ ᑕᒪᕐᒥᒃ ᐆᒻᒪᑎᒥᒍᑦ ᐃᒃᐱᒋᑎᑕᐅᔪᓕᒫᑦ ᑐᓂᕐᕈᓯᕆᐊᕐᑐᓚᐅᕐᐳᑦ ᓴᓇᔭᒃᓴᐅᒐᔭᕐᑐᓂᒃ ᐊᑕᓂᐅᑉ ᒨᓯᓯᒧᑦ ᓴᓇᔭᐅᖁᓚᐅᕐᑕᖏᑦ ᒪᓕᒡᓗᒋᑦ.

ᒨᓯᓯ ᐂᑉᐸᖏᑦ 35:5

ᐊᑕᓂᕐᒧᑦ ᑐᓂᕐᕈᓯᕐᑐᒃᓴᐅᕗᓯ, ᑭᓇᒃᑯᓕᒫᑦ ᑐᓂᓯᔪᒪᔪᑦ ᑐᓂᕐᕈᓯᕐᑐᒃᓴᐅᕗᑦ; ᒪᑯᐊ ᑕᕝᕙ ᑐᓂᔭᐅᔪᓐᓇᕐᐳᑦ ᒎᓗᐃᑦ, ᓯᐅᓪᕕᕇᑦ, ᐅᕝᕙᓗ ᑲᓐᓄᔧᑦ,

ᒨᓯᓯ ᐂᑉᐸᖏᑦ 36:3

ᒨᓯᓯᐅᑉ ᑐᓂᓯᕕᒋᓚᐅᕐᐰᑦ ᐃᓴᕆᐊᓕᒥᐅᑦ ᑐᓂᕐᕈᑎᒋᓯᒪᔭᓕᒫᖏᓐᓂᒃ ᑐᐱᓕᐅᕈᑎᒃᓴᓂᒃ ᐃᑦᔪᕐᓁᑦᑐᒥᒃ. ᐃᓴᕆᐊᓕᒥᐅᓪᓕ ᓱᓕ ᐃᓄᖏᑦ ᐅᓪᓛᑕᒫᑦ ᑐᓂᕐᕈᓯᖃᑦᑍᓐᓇᓚᐅᕐᐳᑦ.

ᒨᓯᓯ ᐂᑉᐸᖏᑦ 38:1

ᑐᓂᕐᕈᓯᕐᕕᒃᓴᓕᐅᓚᐅᕆᕗᖅ ᐃᑯᐊᓚᑦᓯᕕᒃᓴᒥᒃ, ᕿᔪᖕᒥᒃ ᑎᓴᒃᑕᒥᒃ ᐊᑬᑦᓯᐊᒥᒃ ᐊᑎᓕᖕᒥᒃ. ᑖᓐᓇᓗ ᓯᒃᑭᑕᓪᓗᐊᖑᓪᓗᓂ ᑕᑭᓂᖃᕐᓗᓂ 2.2ᓂᒃ ᒦᑕᓂᒃ ᓯᓕᖕᓂᖃᕐᓗᓂᓗ 2.2ᓂᒃ ᒦᑕᓂᒃ, ᐳᕐᑐᓂᖃᕐᓗᓂᓗ 1.3ᓂᒃ ᒦᑕᓂᒃ.

ᐂᓮᐊᓯᐅᑉ ᐊᒡᓚᖏᑦ 1:11

ᓱᓇᐅᕙᑦ ᐅᓄᕐᑐᑦ ᐆᒪᔪᑦ ᑐᓂᕐᕈᑎᒋᖃᑦᑕᕐᑕᑦᓯ ᐅᕙᓐᓄᑦ? ᐊᑕᓂᖅ ᐅᖃᕐᐳᖅ; ᐊᕆᐅᑉᐸᒃᑲ ᑐᓂᕐᕈᑎᒋᖃᑦᑕᕐᑕᓯ ᓰᐲᑦ ᐊᖑᓴᓪᓗᖏᑕ ᑐᓐᓄᖏᑦ, ᐃᒻᒧᒃᓯᐅᒊᓪᓗ ᐊᖑᓴᓪᓗᖏᑕ ᐊᐅᖏᑦ ᓄᕐᕋᐅᔧᓪᓗ ᒎᑦᓰᓪᓗᑦᑕᐅᖅ ᑐᓂᕐᕈᑕᐅᓂᖏᑦ ᖁᕕᐊᒋᓐᖏᓚᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 20:40

ᖃᖅᑲᖁᑎᓐᓂ ᐃᑦᔪᕐᓁᑦᑐᒥ, ᐃᓴᕆᐊᓕᒥᐅᑦ ᖃᖅᑲᖏᓐᓂ ᐳᕐᑐᓂᕐᐹᒥ, ᐊᑕᓂᖅ ᒎᑎ ᐅᖃᕐᐳᖅ, ᑕᕝᕙᓂ ᐃᓴᕆᐊᓕᐅᑉ ᑭᖑᕚᓕᒫᖏᑕ ᑐᒃᓯᐊᕐᕕᒋᔭᒃᓴᕆᕚᖓ; ᑕᕝᕙᓂ ᐃᓚᓕᐅᕈᒫᕐᐸᒃᑲ, ᑕᕝᕙᓂᓗ ᑐᓂᕐᕈᓯᖁᕙᑦᓯ ᑐᓂᔭᒃᓴᓂᒃ ᐱᐅᓂᕐᐹᓂᒃ ᑐᓂᕐᕈᑎᒃᓴᑦᓯᓐᓂᒃ ᐃᑦᔪᕐᓁᑦᑐᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 40:39

ᑕᕝᕙᓂᓗ ᐃᒡᓗᕈᓯᕐᒥ ᓵᑕᖃᕐᐳᖅ ᓯᑕᒪᓂᒃ ᐊᑐᓂᑦ ᒪᕐᕉᓪᓗᑎᒃ ᐊᑭᓕᕇᒃᑐᓂᒃ, ᑖᒃᑯᓇᓂ ᓵᓂ ᑐᖁᑕᐅᖃᑦᑕᕆᐊᖃᕐᐳᑦ ᐃᑯᐊᓪᓚᒡᓗᒋᑦ ᑐᓂᕐᕈᑎᒃᓮᑦ ᐊᔪᕐᓃᓪᓗ ᐃᓱᒪᒋᔪᓐᓁᕐᑕᐅᓂᒃᓴᖏᓐᓄᑦ ᑐᓂᕐᕈᑎᒃᓮᑦ ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓮᑦ.

ᒨᓯᓯ ᐱᖓᔪᖏᑦ 1:10

“‘ᑐᓂᕐᕈᑎᒃᓴᕐᓕ ᒥᑭᓐᓂᕐᓴᐅᒃᐸᑦ, ᓰᐱᓘᓐᓃᑦ ᒎᑦᓯᓘᓐᓃᑦ ᑐᓂᕐᕈᓯᕐᓂᐊᕐᑐᖅ ᑐᓂᕐᕈᓯᕐᑐᒃᓴᐅᕗᖅ ᐊᖑᓴᓪᓗᕐᒥᒃ ᖃᓄᐃᓐᓂᖃᖏᑦᑐᒥᒃ.

ᒨᓯᓯ ᐱᖓᔪᖏᑦ 14:10

“ᐅᓪᓗᑦ 8ᖓᓐᓂ ᕾᑎᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖏᖕᓂᒃ ᐊᖑᑏᖕᓂᒃ ᒪᕐᕉᖕᓂᒃ ᐊᑕᐅᓯᕐᒥᒡᓗ ᓰᐱᐅᑉ ᓄᕐᕋᖓᓂᒃ ᐊᕐᓇᒥᒃ, ᐊᑐᓂᑦ ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ, ᐊᑐᓂᓪᓗ ᖃᓄᐃᓐᓂᖃᖏᑦᓯᐊᕐᓗᑎᒃ, ᐃᓚᖃᕐᓗᑎᒡᓗ ᓂᐊᖂᔭᕐᒥᒃ, ᐅᕐᓱᒥᒡᓗ ᐅᖁᒤᓐᓂᖃᕐᑐᒥᒃ ᐊᑕᐅᓯᕐᒥᒃ ᓇᑉᐸᕐᒥᒡᓗ.

ᒨᓯᓯ ᐱᖓᔪᖏᑦ 16:7

ᑕᕝᕙ ᒎᑦᓰᒃ ᒪᕐᕉᒃ ᐊᑕᓂᐅᑉ ᓵᖓᓄᐊᕈᑎᔭᕆᐊᖃᕐᐹᒃ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᑦ.

ᒨᓯᓯ ᐱᖓᔪᖏᑦ 17:4

ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄᐊᖏᑉᐸᒍ ᐊᑕᓂᕐᒧᑦ ᑐᓂᕐᕈᑎᖃᕐᐸᑦ ᑍᒤᓕᐅᕐᑐᖅ ᐸᓯᔭᒃᓴᐅᕗᖅ ᐊᐅᖕᒥᒃ ᑯᕕᓯᓂᖓᓄᑦ, ᐃᓅᖃᑎᒥᓂᑦ ᐊᕕᑕᐅᔪᒃᓴᐅᕗᖅ.

ᒨᓯᓯ ᐱᖓᔪᖏᑦ 17:8

“ᐃᒫᒃ ᐅᖃᕐᕕᒋᒃᑭᑦ: ᐃᓴᕆᐊᓕᒥᐅᑦ ᐅᕝᕙᓘᓐᓃᑦ ᐃᓴᕆᐊᓕᒥᐅᖑᖏᑦᑐᖅ ᑖᒃᑯᓇᓂ ᓄᓇᖃᖃᑕᐅᔪᖅ ᑐᓂᕐᕈᓯᕐᐸᑦ ᐃᑯᐊᓚᑎᑕᒃᓴᒥᒃ, ᑐᖁᑕᒃᓴᒥᒡᓘᓐᓃᑦ,

ᒨᓯᓯ ᐱᖓᔪᖏᑦ 17:9

ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓂᐅᖏᑦᑐᖅ, ᐊᑕᓂᕐᒧᑦ ᑐᓂᕐᕈᑎᒃᓴᕆᓗᒍ ᐃᓄᒃ ᑍᒤᓕᐅᕐᑐᖅ ᐃᓅᖃᑎᒌᓂᑦ ᐊᕕᑕᐅᔭᕆᐊᖃᕐᐳᖅ.

ᒨᓯᓯ ᐱᖓᔪᖏᑦ 23:12

ᐅᓪᓗᒥ ᑕᕝᕙᓂ ᐱᕈᕐᑐᓂᒃ ᑐᓂᕐᕈᑎᖃᕕᑦᓯᓐᓂ, ᑐᓂᕐᕈᓯᕆᐊᖃᕐᐳᓯ ᐆᑕᒃᓴᒥᒃ ᐊᑕᓂᕐᒧᑦ ᓰᐱᐅᑉ ᓄᕐᕋᖓᓂᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ.

ᒨᓯᓯ ᐱᖓᔪᖏᑦ 23:18

ᑖᒃᑯᐊ ᓂᐊᖂᔭᑦ ᑐᓂᕐᕈᑕᐅᔪᑦ ᐃᓚᖃᕆᐊᖃᕐᐳᑦ ᓰᐱᐅᑉ ᓄᕐᕋᖏᓐᓂᒃ ᐊᖑᑎᓂᒃ 7ᓂᒃ, ᐊᑐᓂᑦ ᐊᕐᕌᒍᖃᕐᓗᑎᒃ ᐊᑕᐅᓯᕐᒥᒃ ᖃᓄᐃᓐᓂᖃᖏᑦᓯᐊᕐᓗᑎᒃ, ᐃᓚᖃᕐᒥᓗᑎᒃ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐊᑕᐅᓯᕐᒥᒃ ᐃᓐᓇᒻᒪᕆᐅᖏᑦᑐᒥᒃ, ᓰᐱᐅᓪᓗ ᐊᖑᓴᓪᓗᖏᖕᓂᒃ ᒪᕐᕉᖕᓂᒃ. ᑖᒃᑯᐊ ᐊᑕᓂᕐᒧᑦ ᐃᑯᐊᓚᑦᓯᓂᒃᑯᑦ ᑐᓂᕐᕈᑎᒋᔭᐅᔭᕆᐊᖃᕐᐳᑦ, ᓂᐊᖂᔭᑦ ᕔᓃᓪᓗ ᑐᓂᕐᕈᑕᐅᖃᓯᐅᑎᓗᑎᒃ, ᐃᑯᐊᓪᓚᒡᓗᒋᑦ, ᑖᒃᑯᐊ ᑎᐱᖏᑦ ᐊᑕᓂᐅᑉ ᒪᒪᕆᖕᒪᒋᑦ.

ᒨᓯᓯ ᐱᖓᔪᖏᑦ 3:1

“‘ᓇᓪᓕᐊᑦᑕᓪᓗ ᑐᓂᕐᕈᑎᒃᓴᖓ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᐅᒃᐸᑦ; ᐆᒪᔪᒥᒡᓗ ᐃᒻᒧᒃᓯᐅᒐᕐᓂᒃ ᑐᓂᕐᕈᑎᒃᓴᖃᕐᐸᑦ, ᐊᖑᓴᓪᓘᒃᐸᑦ ᐊᕐᓇᓪᓘᒃᐸᓪᓘᓐᓃᑦ, ᑐᓂᕐᕈᓯᕐᓂᐊᕐᑑᑉ ᐊᑕᓂᐅᑉ ᓵᖓᓄᐊᕈᑎᔭᕆᐊᖃᕐᐹ, ᐆᒪᔪᖅ ᑖᓐᓇ ᖃᓄᐃᓐᓂᖃᖏᑦᓯᐊᕐᓗᓂ.

ᒨᓯᓯ ᐱᖓᔪᖏᑦ 4:15

ᓄᓇᓖᑦ ᐊᖓᔪᖅᑳᖏᑦ ᐸᑎᒻᒥᒃᓯᕐᑐᒃᓴᐅᕗᑦ ᐆᒪᔫᑉ ᓂᐊᖁᐊᓂᒃ ᐊᑕᓂᐅᑉ ᓵᖓᓂ, ᑕᕝᕙᓂᓗ ᐊᑕᓂᐅᑉ ᓵᖓᓂ ᑐᖁᑕᐅᓗᓂ.

ᒨᓯᓯ ᐱᖓᔪᖏᑦ 4:23

ᓇᓗᔪᓐᓁᕐᑎᑕᐅᒃᐸᓪᓗ ᐊᔪᕐᑐᓕᓂᕆᔭᖓᓂᒃ, ᑐᓂᕐᕈᑎᒃᓴᖃᕆᐊᖃᕐᐳᖅ ᒎᑦᓯᒥᒃ ᐊᖑᓴᓪᓗᕐᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ.

ᒨᓯᓯ ᐱᖓᔪᖏᑦ 4:3

ᑐᓂᕐᕈᓯᕐᑎᑦᓯᔨ ᓂᕈᐊᕐᑕᐅᓂᕐᒥᒍᑦ ᐅᕐᓱᒧᑦ ᓇᓗᓁᒃᑯᓯᕐᑕᐅᓯᒪᔪᖅ ᐊᔪᕐᑐᓕᒃᐸᑦ, ᑕᕝᕙ ᐃᓄᓕᒫᑦ ᐸᓯᔭᒃᓴᓐᖑᕐᑎᒻᒪᒋᑦ, ᑖᓐᓇ ᐊᑕᓂᕐᒧᑦ ᐋᑦᓯᔪᒃᓴᐅᕗᖅ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐃᓐᓇᐅᓗᐊᖏᑦᑐᒥᒃ ᖃᓄᐃᓐᓂᖃᖏᑦᑐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᖕᒥᓂᖅ ᐊᔪᕐᑐᓕᓂᓂ ᐱᑦᔪᑎᒋᓪᓗᒍ.

ᒨᓯᓯ ᐱᖓᔪᖏᑦ 4:32

ᓰᐱᐅᓪᓕ ᓄᕐᕋᖓᓂᒃ ᑐᓂᕐᕈᑎᒃᓴᖃᕐᐸᑦ ᐊᔪᕐᑐᓕᓂ ᐱᓪᓗᒍ, ᑐᓂᕐᕈᑎᒃᓴᖃᕐᑐᒃᓴᐅᕗᖅ ᐊᕐᓇᓪᓗᖕᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ.

ᒨᓯᓯ ᐱᖓᔪᖏᑦ 5:15

“ᐃᓄᐃᑦ ᓇᓪᓕᐊᑦ ᐱᖁᔭᒥᒃ ᓱᕅᒃᐸᑦ ᐊᔪᕐᑐᓕᒃᐸᓪᓗ ᐱᔮᕆᖏᓪᓗᓂ ᐊᑕᓂᐅᑉ ᐃᑦᔪᕐᓁᑎᑕᖏᓐᓂᒃ ᓇᓪᓕᐊᓐᓂᑐᐃᓐᓇᖅ, ᑖᓐᓇ ᑍᒤᓕᐅᕐᑐᖅ ᐊᑕᓂᕐᒧᑦ ᕾᑦᓯᔪᒃᓴᐅᕗᖅ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒥᓂᒃ ᓰᐲᑦ ᐊᖑᓴᓪᓗᖓᓂᒃ, ᐆᒪᔪᕐᓗ ᑖᓐᓇ ᖃᓄᐃᓐᓂᖃᖏᑦᓯᐊᕐᓗᓂ ᐊᑭᖃᓪᓗᐊᕐᓗᓂᓗ ᑐᒃᓯᐊᕐᕕᖕᒧᑦ ᐊᑭᒋᔭᐅᕙᒃᑐᑎᑐᑦ. ᐸᓯᔭᒃᓴᐅᓂᖅ ᐱᓪᓗᒍ ᑐᓂᕐᕈᑎᒃᓴᐅᖕᒪᑦ.

ᒨᓯᓯ ᐱᖓᔪᖏᑦ 5:18

ᐋᑦᓯᔪᒃᓴᐅᕗᕐᓗ ᑐᓂᕐᕈᓯᕐᑎᑦᓯᔨᒧᑦ ᑐᓂᕐᕈᑎᒃᓴᒥᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒥᒃ, ᓰᐲᑦ ᐊᖑᓴᓪᓗᖓᓂᒃ ᐊᑭᖃᓪᓗᐊᕐᓗᓂᓗ ᐊᑭᒋᔭᕆᐊᖃᕐᑕᖓᓂᒃ. ᑍᒤᓕᐅᕐᐸᑦ ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕈᑎᓂᐊᕐᐹ ᑕᒻᒪᕐᓯᒪᓂᖓ ᖃᐅᔨᖏᒃᑲᓗᐊᕐᓗᓂ ᐱᓂᐊᓚᐅᕐᑕᖓ ᐱᓪᓗᒍ ᐃᓱᒪᒋᔪᓐᓁᕐᕕᐅᓂᐊᕐᐳᕐᓗ.

ᒨᓯᓯ ᐱᖓᔪᖏᑦ 6:2

“ᐊᔪᕐᑐᓕᔪᖃᕐᐸᑦ ᐊᑕᓂᕐᒧᓪᓗ ᐅᒃᐱᕐᓂᕐᒥᓂᒃ ᑲᔪᓯᖏᓪᓗᓂ ᐃᓅᖃᑎᒥᓂᒡᓗ ᐅᐃᕕᕆᒃᓯᒃᐸᑦ ᐱᓯᒪᒃᓯᑎᑕᐅᓂᕐᒥᓂᒃ, ᑲᒪᔨᐅᑎᑕᐅᓂᕐᒥᒡᓘᓐᓃᑦ, ᐃᓅᖃᑎᒥᓂᒡᓘᓐᓃᑦ ᑎᒡᓕᒃᐸᑦ, ᓯᓔᕐᕆᒃᓯᒃᐸᓪᓘᓐᓃᑦ ᐃᓅᖃᑎᒥᓂᒃ,

ᒨᓯᓯ ᐱᖓᔪᖏᑦ 6:8

ᐊᑕᓂᐅᑉ ᒨᓯᓯ ᐅᖃᐅᑎᕚ, ᐅᖃᕐᓗᓂ:

ᒨᓯᓯ ᐱᖓᔪᖏᑦ 7:16

“ᑭᓯᐊᓂᓕ ᑐᓂᕐᕈᑎᖃᕐᑐᖃᕐᐸᑦ ᐊᖏᕐᓯᒪᓂᓂ ᐱᑦᔪᑎᒋᓗᒍ, ᐅᕝᕙᓘᓐᓃᑦ ᑐᓂᕐᕈᓯᕆᐊᖃᕐᓂᕐᒧᑦ ᐃᓱᒪᒥᓂᒃ ᑐᓂᕐᕈᓯᕐᑐᖃᕐᐸᑦ, ᑐᓂᕐᕈᑎᖓ ᓂᕆᔭᐅᔭᕆᐊᖃᕐᐳᖅ ᐅᓪᓗᒥ ᑕᕝᕙᓂ, ᐊᒥᐊᒃᑯᖃᕐᐸᓪᓗ ᐅᓪᓘᑉ ᐂᑉᐸᖓᓂ ᓄᖑᑕᐅᔭᕆᐊᖃᕐᐳᖅ.

ᒨᓯᓯ ᐱᖓᔪᖏᑦ 8:18

ᒨᓯᓯᓗ ᓰᐱᐅᑉ ᐊᖑᓴᓪᓗᖓᓂᒃ ᑕᒪᐅᓐᖎᕗᖅ, ᐂᕉᓂᐅᓪᓗ ᐃᕐᓂᖏᑕᓗ ᓂᐊᖁᐊᒍᑦ ᐸᑎᒻᒥᕚᑦ.

ᒨᓯᓯ ᐱᖓᔪᖏᑦ 8:21

ᐃᕐᕋᕕᖏᓪᓗ ᓂᐅᖏᓪᓗ ᐃᒥᕐᒧᑦ ᐃᕐᕈᕐᑐᕐᐰᑦ, ᓰᐱᓗ ᑕᒪᒃᑭᕐᓗᒍ ᑐᓂᕐᕈᓯᕐᕕᖕᒥ ᐃᑯᐊᓪᓚᒃᐹ ᐃᑯᐊᓚᑦᓯᓂᒃᑯᑦ ᑐᓂᕐᕈᑎᒋᓪᓗᒍ, ᑎᐱᖓᓗ ᒪᒪᕆᔭᐅᕗᖅ ᐊᑕᓂᕐᒧᑦ ᑐᓂᕐᕈᑕᐅᖕᒪᑦ ᐃᑯᐊᓪᓔᓂᒃᑯᑦ, ᑍᒫᒃ ᐊᑕᓂᐅᑉ ᒨᓯᓯ ᐱᖁᓚᐅᕐᒪᒍ.

ᒨᓯᓯ ᐱᖓᔪᖏᑦ 9:2

ᐂᕉᓂᓗ ᐅᖃᐅᑎᕚ, “ᑐᓂᕐᕈᑎᒃᓴᖃᕆᑦ ᐃᒻᒧᒃᓯᐅᒐᐅᑉ ᓄᕐᕋᖓᓂᒃ ᐊᖑᒻᒥᒃ ᐊᔪᕐᓂᑎᑦ ᐱᓪᓗᒋᑦ, ᑐᓂᕐᕈᑎᒃᓴᖃᒃᑲᓐᓂᕆᓪᓗ ᓰᐱᐅᑉ ᐊᖑᓴᓪᓗᖓᓂᒃ ᐃᑯᐊᓚᓗᒍ ᑐᓂᕐᕈᑎᒃᓴᒥᒃ, ᑕᒪᖏᒡᓗ ᖃᓄᐃᓐᓂᖃᖏᑦᓯᐊᕐᓗᑎᒃ, ᑖᒃᑯᐊᒃ ᐊᑕᓂᐅᑉ ᓵᖓᓄᑦ ᐱᑎᒃᑭᒃ.

ᓴᑲᕅᐊᐅᑉ ᐊᒡᓚᖏᑦ 13:7

“ᑐᐸᓕᕆᑦ, ᓴᕕᒡᔪᐊᖅ, ᐱᒋᐊᕐᓗᒍᓗ ᓰᐱᓕᕆᔨᖁᑎᒐ, ᐊᖑᑦ ᐱᓇᓱᐊᖃᑎᒐ!” ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦ ᐅᖃᕐᐳᖅ: “ᓰᐱᓕᕆᔨ ᑲᐱᓕᕈᒃ, ᓰᐲᑦ ᑕᕝᕙ ᓯᐊᒻᒪᖕᓂᐊᕐᐳᑦ, ᓰᐱᑯᓗᐃᓪᓗ ᓱᒋᐊᕈᒪᕙᒃᑲ.

ᒪᓚᑬᑉ ᐊᒡᓚᖏᑦ 1:14

ᓱᒋᐊᒐᒃᓴᐅᕗᖅ ᐆᒪᔪᖁᑎᖃᕋᓗᐊᕐᓗᓂ ᐊᖑᓴᓪᓗᕐᒥᒃ ᐊᖏᕈᑎᒋᓯᒪᔭᒥᓂᒃ ᑐᓂᕐᕈᑎᒋᔪᒪᓪᓗᒍ, ᑐᓂᕐᕈᓯᖔᕈᓂ ᐆᒪᔪᒥᒃ ᓈᒻᒪᖏᑦᑐᒥᒃ ᐊᑕᓂᕐᒧᑦ, ᐅᕙᖓ ᐊᖓᔪᖅᑳᕐᔪᐊᒍᕗᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᑎᕋᓗ ᓯᕘᕋᒋᔭᐅᕗᖅ ᐃᓅᖃᑎᒌᒡᔪᐊᓄᑦ.”

ᒨᓯᓯ ᓯᑕᒪᖏᑦ 15:3

ᐃᑯᐊᓚᑎᑦᓯᓂᒃᑯᑦ ᑐᓂᕐᕈᓯᓕᕈᑦᓯ ᐊᑕᓂᕐᒧᑦ, ᐃᑯᐊᓚᑦᓯᓂᒃᑯᑦ ᑐᓂᕐᕈᓯᕈᑦᓯ, ᐅᕝᕙᓘᓐᓃᑦ ᐆᒫᔪᕕᓂᕐᒥᒃ ᑐᓂᕐᕈᓯᕈᑦᓯ, ᐊᖏᕈᑎᓯ ᐃᓗᐃᑦᑑᓕᖁᓪᓗᒍ, ᐅᕝᕙᓘᓐᓃᑦ ᑐᓂᕐᕈᓯᕈᒪᓂᑐᐃᓐᓇᕐᒧᑦ, ᓇᓪᓕᐅᓐᓂᕐᓯᐅᕐᕕᑦᓯᓐᓂᓘᓐᓃᑦ, ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ ᑐᓂᓯᔪᒪᒍᑦᓯ, ᐃᒻᒧᒃᓯᐅᒐᖁᑎᑦᓯᓐᓂᒡᓘᓐᓃᑦ ᓰᐱᖁᑎᑦᓯᓐᓂᒡᓘᓐᓃᑦ.

ᒨᓯᓯ ᓯᑕᒪᖏᑦ 15:8

ᑐᓂᕐᕈᓯᕐᓂᐊᕈᑦᓯᓕ ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐃᓐᓇᐅᖏᑦᑐᒥᒃ ᐆᑕᒃᓴᒥᒃ, ᐃᓚᔭᕆᐊᖃᕐᐳᖅ, ᐊᖏᕈᑎᒧᓪᓘᓐᓃᑦ ᑐᓂᕐᕈᑎᒋᓂᐊᕐᓗᒍ, ᓮᒻᒪᕐᑎᑕᐅᓂᕐᒧᓪᓗᓐᓃᑦ ᑐᓂᕐᕈᑎᒋᓗᒍ ᐊᑕᓂᕐᒧᑦ,

ᒨᓯᓯ ᓯᑕᒪᖏᑦ 19:2

“ᐅᓇ ᐱᖁᔭᖅ ᐊᑕᓂᐅᑉ ᒪᓕᒃᑕᐅᖁᔭᖓ ᐅᖃᕐᒪᑦ: ‘ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐃᓕᖕᓄᑦ ᕾᑦᓯᖁᓪᓗᒋᑦ ᐃᒻᒧᒃᓯᐅᒐᕐᒥᒃ ᐊᕐᓇᓪᓗᕐᒥᒃ ᐃᓐᓇᐅᖏᑦᑐᒥᒃ ᓴᓗᒤᓐᓂᖃᖏᑦᑐᒥᒃ, ᖃᓄᐃᑦᔪᑎᖃᖏᑦᑐᒥᒃ ᓱᓇᒥᒡᓗ ᐱᓇᓱᐊᕐᑎᑕᐅᓚᐅᕐᓯᒪᖏᑦᑐᒥᒃ.

ᒨᓯᓯ ᓯᑕᒪᖏᑦ 23:19

ᒎᑎ ᐃᓄᒃᑎᑐᑦ ᐱᐅᓯᖃᖏᒻᒪᑦ, ᓴᒡᓗᔪᓐᓇᕋᓂ, ᐃᓄᐃᓪᓘᓐᓃᑦ ᐃᕐᓂᖏᑎᑐᑦ, ᖃᕿᐊᓕᕆᐊᖃᕋᓂ. ᐅᖃᓚᐅᕐᓯᒪᕚ, ᐱᓇᓱᐊᕐᓂᐊᖏᑕᒥᓂᒃ? ᐅᖃᓚᐅᕐᓯᒪᕙᓘᓐᓃ, ᑲᔪᓯᑎᓐᓂᐊᖏᑕᒥᓂᒃ?

ᒨᓯᓯ ᓯᑕᒪᖏᑦ 23:27

ᐰᓚᒃᓗ ᐸᓛᒻᒧᑦ ᐅᖃᓕᕐᐳᖅ, “ᐊᑏ ᕾᓚᐅᕆᑦ, ᐊᓯᐊᓄᑦ ᐂᖃᑎᒋᔪᒪᒐᒃᑭᑦ; ᐃᒻᒪᖄ ᒎᑎᐅᑉ ᓈᒻᒪᒋᓂᐊᕐᐹ ᑍᑲᓐᖓᑦ ᐱᐅᖏᑦᑐᒧᑦ ᑎᑭᑕᐅᖁᓗᒋᑦ ᐅᖃᐅᓯᐅᖁᓗᒋᑦ.”

ᒨᓯᓯ ᓯᑕᒪᖏᑦ 23:3

ᐸᓛᒻ ᐰᓚᒃᒧᑦ ᐅᖃᓕᕐᐳᖅ, “ᑐᓂᕐᕈᓯᕐᕕᒃᐱᑦ ᓴᓂᐊᓂ ᓇᖏᕆᑦ, ᐊᕗᓐᖓᕐᓂᐊᕋᒪ; ᐃᒻᒪᖄ ᐊᑕᓂᖅ ᕾᓂᐊᕐᐳᖅ ᑲᑎᔭᕐᑐᕐᓗᖓ, ᖃᓄᑐᐃᓐᓇᖅ ᐅᕙᓐᓄᑦ ᐅᖃᕐᐸᑦ ᐅᖃᐅᑎᓂᐊᕐᐸᒋᑦ.” ᑍᒫᒃ ᐂᓕᕐᐳᖅ ᐳᕐᑐᔪᑉ ᐊᓯᐊᓄᑦ.

ᒨᓯᓯ ᓯᑕᒪᖏᑦ 23:30

ᐰᓚᒃᓗ ᑍᒤᓕᐅᓚᐅᕐᐳᖅ ᐸᓛᒻ ᐅᖃᐅᓯᕆᔭᖓ ᒪᓕᒡᓗᒍ, ᑐᓂᕐᕈᓯᕐᓗᓂᓗ 7ᓂᒃ ᐃᒻᒧᒃᓯᐅᒐᕐᓂᒃ ᐊᖑᓴᓪᓗᕐᓂᒃ ᓰᐱᓂᒡᓗ ᐊᖑᓴᓪᓗᕐᓂᒃ ᑐᓂᕐᕈᓯᕐᕕᖕᓂ ᑖᒃᑯᓇᓂ ᐊᑐᓂᑦ.

ᒨᓯᓯ ᓯᑕᒪᖏᑦ 28:11

“ᑕᖅᑭᐅᑉ ᐱᒋᐊᕐᓂᖓᓂ ᐃᑯᐊᓚᑎᑕᒃᓴᒥᒃ ᐊᑕᓂᕐᒧᑦ ᑐᓂᕐᕈᓯᖃᑦᑕᕐᓂᐊᕐᐳᓯ: ᐊᖑᓴᓪᓘᖕᓂᒃ ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ, ᓰᐱᒥᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᓂᒃ ᓄᕐᕋᕐᓂᒃ ᐊᕐᕌᒍᖃᕐᑐᓂᒃ ᐊᑕᐅᓯᕐᒥᒃ, ᓴᓗᒤᓐᓂᖃᖏᓪᓗᑎᒃ;

ᒨᓯᓯ ᓯᑕᒪᖏᑦ 28:19

ᑐᓂᕐᕈᓯᕆᐊᖃᕐᐳᓯ ᐃᑯᐊᓚᑎᓪᓗᒍ ᐊᑕᓂᕐᒧᑦ ᑐᓂᕐᕈᑎᒋᓗᒍ: ᐃᒻᒧᒃᓯᐅᒑᖕᓂᒃ ᒪᕐᕉᖕᓂᒃ ᐊᖑᓴᓪᓘᖏᓂᒃ, ᓰᐱᒥᒃ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒃ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ. ᑖᒃᑯᐊ ᓴᓗᒤᑦᑑᔭᕆᐊᖃᓐᖏᓚᑦ.

ᒨᓯᓯ ᓯᑕᒪᖏᑦ 28:31

ᑐᓂᕐᕈᑎᑦ ᓴᓗᒤᓐᓂᖃᕆᐊᖃᓐᖏᓚᑦ. ᑐᓂᕐᕈᑎᒋᔭᕆᐊᖃᕐᐸᓯ ᐃᓚᖃᕐᓗᒋᑦ ᕔᓂᒥᒃ ᑐᓂᕐᕈᑎᒃᓴᒥᒃ, ᑐᓂᕐᕈᑎᑦ ᐃᑯᐊᓚᑎᑕᒃᓮᑦ ᐊᓯᖏᑎᒍᑦ ᑐᓂᕐᕈᑎᒋᔭᕆᐊᖃᕐᐸᓯ.”

ᒨᓯᓯ ᓯᑕᒪᖏᑦ 29:13

ᑐᓂᕐᕈᓯᕐᓗᓯ ᐃᑯᐊᓚᑎᑕᒃᓴᒥᒃ, ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ: ᐃᒻᒧᒃᓯᐅᒐᕐᓂᒃ 13ᓂᒃ ᐊᖑᓴᓪᓗᕐᓂᒃ, ᓰᐲᖕᓂᒡᓗ ᐊᖑᓴᓪᓘᖕᓂᒃ ᒪᕐᕉᖕᓂᒃ, 14ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ.

ᒨᓯᓯ ᓯᑕᒪᖏᑦ 29:2

ᑐᓂᕐᕈᓯᕐᓗᓯ ᐃᑯᐊᓚᑎᑕᒃᓴᒥᒃ ᑎᐱᑦᓯᐊᕆᒃᑐᒥᒃ ᐊᑕᓂᕐᒧᑦ: ᐃᒻᒧᒃᓯᐅᒐᕐᒥᒃ ᐊᑕᐅᓯᕐᒥᒃ ᐊᖑᓴᓪᓗᕐᒥᒃ, ᓰᐱᒥᒡᓗ ᐊᖑᓴᓪᓗᕐᒥᒃ ᐊᑕᐅᓯᕐᒥᒃ, 7ᓂᒡᓗ ᓰᐱᐅᑉ ᓄᕐᕋᖏᓐᓂᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᓂᒃ, ᓴᓗᒤᓐᓂᖃᖏᑦᑐᓂᒃ.

ᓘᑲᓯᐅᑉ ᐊᒡᓚᖏᑦ 1:35

ᐂᖏᓕᐅᑉ ᐅᖃᐅᑎᕚ, “ᐊᓂᕐᓂᐅᑉ ᐃᑦᔪᕐᓁᑦᑑᑉ ᑎᑭᕝᕕᒋᓂᐊᕐᐹᑎᑦ, ᖁᑦᓯᖕᓂᕐᐸᐅᔫᓪᓗ ᐱᔪᓐᓇᕐᓂᖓᑕ ᐅᓕᖕᓂᐊᕐᐹᑎᑦ; ᑍᒤᒻᒪᑦ ᕿᑐᕐᖓᕐᑖᕆᓛᕐᑍᑦ ᐃᑦᔪᕐᓁᓐᓂᕋᕐᑕᐅᔪᒫᕐᐳᖅ, ᒎᑎᐅᑉ ᐃᕐᓂᖓᓂᒃ ᑍᔭᐅᓗᓂ.

ᔪᐊᓇᓯᐅᑉ ᐊᒡᓚᖏᑦ 1:36

ᔩᓱᓯ ᐱᓱᒃᑐᖅ ᑕᑯᓈᕋᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ!”

ᔪᐊᓇᓯᐅᑉ ᐊᒡᓚᖏᑦ 10:7

ᑕᕝᕙ ᔩᓱᓯᐅᑉ ᐅᖃᕐᕕᒋᒃᑲᓐᓂᓕᕐᐰᑦ, “ᓱᓕᔪᒥᒃ ᐅᖃᐅᑎᕙᑦᓯ, ᐅᕙᖓ ᓰᐲᑦ ᐃᑎᕐᑕᕐᕕᒋᕚᖓ.

ᔪᐊᓇᓯᐅᑉ ᐊᒡᓚᖏᑦ 10:9

ᐃᑎᕐᑕᕐᕕᐅᕗᖓ; ᓇᓪᓕᐊᑦ ᐅᕙᒃᑯᑦ ᐃᑎᑐᖅ, ᑖᓐᓇ ᐱᐅᓕᔭᐅᓂᐊᕐᐳᖅ, ᐃᑎᕐᓗᓂ ᐊᓂᓗᓂᓗ ᓂᕿᒃᓴᓕᖕᒥᒃ ᓇᓂᓯᓂᐊᕐᐳᖅ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 8:12

ᑐᓂᓯᔪᒪᓂᕐᑕᖃᕐᐸᑦ, ᐃᓅᑉ ᑐᓂᕐᕈᑎᖓ ᐃᓚᓕᐅᕐᑕᐅᓂᐊᕐᐳᖅ ᑐᓂᓯᔪᒪᓂᖓ ᒪᓕᒡᓗᒍ, ᐱᖃᖏᓐᓂᖓ ᒪᓕᖕᓇᒍ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 9:7

ᐃᓄᐃᑦ ᐊᑐᓂᑦ ᐃᓱᒪᒥᖕᓂᒃ ᑐᓂᓯᓕᑦ, ᑐᓂᓯᔪᒪᑦᓯᐊᖏᓪᓗᑎᒃ ᑐᓂᓯᔪᒃᓴᐅᓐᖏᓚᑦ ᐱᖁᔭᐅᑐᐃᓐᓇᕐᓂᕐᒧᓪᓘᓐᓃᑦ, ᖁᕕᐊᓱᒡᓗᓂ ᑐᓂᓯᔪᖅ ᒎᑎᐅᑉ ᓇᒡᓕᒋᖕᒪᒍ.

ᐃᐱᓯᒥᐅᓄᑦ 2:18

ᑖᑦᓱᒨᓇ ᑕᒪᑦᑕ ᐊᑐᓂᑦ ᐊᖅᑯᑎᒃᓴᖃᓕᕐᐳᒍᑦ ᐊᑖᑕᒧᑦ ᐊᓂᕐᓂᒃᑯᑦ ᐊᑕᐅᓯᒃᑯᑦ.

ᐃᐱᓯᒥᐅᓄᑦ 5:27

ᐅᒃᐱᕐᑑᖃᑎᒌᑦ ᐃᒻᒥᓄᑦ ᐱᑎᑦᓱᒪᓪᓗᒋᑦ ᑕᑯᒥᓇᕐᑑᓕᕐᑎᓪᓗᒋᑦ, ᓴᓗᒪᑦᓯᐊᕐᓗᑎᒃ ᐸᓯᔭᒃᓴᐅᓂᖃᕈᓐᓃᕐᑎᓪᓗᒋᑦ, ᐱᐅᖏᑦᑐᒥᒃ ᑕᕐᓴᖃᖏᑦᓯᐊᕐᓗᑎᒃ ᐃᒧᓪᓕᖓᓂᖃᕋᑎᒡᓗ, ᓱᓇᑐᐃᓐᓇᕐᒧᓪᓗ ᓈᒻᒪᓐᖏᑦᔪᑎᒃᓴᖃᖏᓪᓗᑎᒃ.

ᒨᓯᓯ ᑕᓪᓕᒪᖏᑦ 12:27

ᑕᕝᕙᓂ ᑐᓂᕐᕈᓯᕐᑐᒃᓴᐅᕗᑎᑦ ᐃᑯᐊᓚᒐᒃᓴᓂᒃ ᐊᑕᖏᕐᓗᒋᑦ ᐊᑕᓂᐅᑉ ᑐᓂᕐᕈᓯᕐᕕᖁᑎᖓᓂ. ᑕᒪᒃᑯᐊᓗ ᑐᓂᕐᕈᑎᒋᔭᒃᓴᕆᕙᑎᑦ ᓂᕆᔭᒃᓴᕕᑦ ᓂᕿᖏᑦ ᐊᐅᖓᓗ ᑯᕕᓗᒍ ᑐᓂᕐᕈᓯᕐᕕᖕᒧᑦ.

ᒨᓯᓯ ᑕᓪᓕᒪᖏᑦ 15:21

ᐃᕐᓂᐊᕆᔭᐅᖄᕐᓯᒪᔪᕐᓕ ᑕᕐᓴᖃᕐᐸᑦ, ᐱᓱᒍᓐᓇᑦᓯᐊᖏᑉᐸᓪᓘᓐᓃᑦ ᐅᕝᕙᓗ ᑕᐅᑐᖏᑉᐸᑦ, ᐅᕝᕙᓗ ᐊᓯᐊᒍᑦ ᐃᓕᖅᑯᓯᕐᓱᖏᑉᐸᑦ, ᑕᒪᒃᑯᐊ ᑍᒤᑦᑐᑦ ᑐᓂᕐᕈᑎᒋᔭᒃᓴᕆᓐᖏᓚᓯ ᐊᑕᓂᕐᒧᑦ ᒎᑎᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 17:1

“ᐊᑕᓂᕐᒧᑦ ᒎᑎᑦᓯᓐᓄᑦ ᑐᓂᕐᕈᓯᕐᑐᒃᓴᐅᓐᖏᓚᑎᑦ ᐃᒻᒧᒃᓯᐅᒐᕐᒥᒃ ᓰᐱᒥᒡᓘᓐᓃᑦ ᐃᓕᖅᑯᓯᕐᓱᖏᑦᑐᒥᒃ; ᐊᑕᓂᐅᑉ ᒎᑎᑦᓯ ᑍᒤᑦᑐᑦ ᐆᒥᒋᖕᒪᒋᑦ.

ᐄᑉᕈᐃᓄᑦ 7:26

ᑍᒤᑦᑐᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕆᔭᑦᑎᓐᓄᑦ ᑭᓐᖒᒪᒋᔭᑦᑎᓐᓂᒃ ᐱᑎᑕᐅᕗᒍᑦ ᑖᑦᓱᒧᖓ ᐃᑦᔪᕐᓁᑦᑐᒧᑦ, ᐸᓯᔭᒃᓴᐅᓂᖃᖏᑦᑐᒥᑦ, ᓴᓗᒪᑦᓯᐊᕐᑐᒥᑦ, ᐊᔪᕐᑐᓕᔪᓄᑦ ᐃᓚᒋᔭᐅᖏᑦᑐᒥᑦ, ᕿᓔᑦ ᐅᖓᑖᓄᑦ ᖁᒻᒧᐊᒃᑎᑕᐅᓯᒪᔪᒥᑦ.

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.