20 ᓱᖕᒪᑦ ᐳᐃᒍᕐᐱᑎᒍᑦ ᐃᓱᖃᖏᑦᑐᒧᑦ? ᐊᓚᐅᒪᓪᓗᑕᓗ ᐊᑯᓂᐊᓗᒃ?
ᐊᑕᓃᖅ, ᖃᓄᖅ ᐊᑯᓂᐅᑎᒋᔪᒥᒃ ᐳᐃᒍᕐᓯᒪᓂᐊᕐᐱᖔ? ᖃᓄᕐᓗ ᐊᑯᓂᐅᑎᒋᔪᒥᒃ ᑮᓁᑦ ᐃᔨᕐᓯᒪᓂᐊᕐᐱᐅᒃ ᐅᕙᓐᓂᑦ?
ᖃᓄᖅ ᐊᑯᓂᐅᑎᒋᔪᒥᒃ ᑕᕐᓂᒃᑯᑦ ᐃᓱᒪᒃᓴᕐᓯᐅᕆᐊᖃᕐᐳᖔ? ᖃᐅᑕᒫᑦ ᐆᒻᒪᑎᓐᓂ ᕿᒃᓵᒡᓗᖓ? ᖃᓄᖅ ᐊᑯᓂᐅᑎᒋᔪᒥᒃ ᐊᑭᕋᕐᑐᕐᑎᒃᑲ ᓵᓚᖃᕐᓯᒪᓂᐊᕐᐹᑦ ᐅᕙᓐᓂᒃ?
ᓴᐅᓂᒃᑲ ᐋᓐᓂᐊᕗᑦ, ᐊᑭᕋᕐᑐᕐᑎᒪ ᐱᓕᕆᐊᕆᖕᒪᖓ, ᐅᓪᓗᖅ ᓈᓪᓗᒍ ᐊᐱᕐᓱᕐᒪᖓ, “ᒎᑏᓪᓕ ᓇᐅᒃ?”
ᓲᖅ ᑮᓁᑦ ᐃᔨᕐᓯᒪᕕᐅᒃ, ᐳᐃᒍᕐᓯᒪᓪᓗᑎᓪᓗ ᓴᐱᕐᓇᕐᑐᒦᓐᓂᑦᑎᓐᓂᒃ ᐅᖁᒤᑦᑐᒦᓐᓂᑦᑎᓐᓂᒡᓗ?
ᒎᑏ, ᓱᖕᒪᑦ ᖁᔭᓈᕐᓯᒪᕕᑎᒍᑦ ᐃᓱᖃᖏᑦᑐᒧᑦ? ᓱᖕᒪᑦ ᓂᓐᖓᐅᒪᓃᑦ ᐳᔫᕐᐸ ᓰᐱᖁᑎᖕᓄᑦ ᓇᑎᕐᓇᒦᑦᑐᓄᑦ?
ᐊᑕᓃᖅ ᖃᓄᖅ ᐊᑯᓂᐅᑎᒋᔪᖅ ᐅᕙᑦᑎᓐᓄᑦ ᓂᓐᖓᐅᒪᓂᐊᕐᐲᑦ? ᓯᖕᓇᓂᕐᒧᑦ ᓂᓐᖓᐅᒪᓃᑦ ᐃᑯᒪᑎᑐᑦ ᐃᑯᐊᓚᑏᓐᓇᕐᓂᐊᕐᐱᐅᒃ?
ᐃᓱᖃᖏᑦᑐᒧᑦ ᓂᓐᖓᐅᑎᓯᒪᔪᒪᓕᕐᐱᑎᒎᑦ? ᓂᓐᖓᐅᑦᔨᓯᒪᓃᑦ ᑲᔪᓯᑎᑦᓱᒪᕕᐅᒃ ᑭᖑᕚᕇᒍᔪᓕᒫᓄᑦ?
ᐊᑕᓃᖅ ᖃᓄᖅ ᐊᑯᓂᐅᑎᒋᔪᖅ ᐃᔨᕐᓯᒪᓂᐊᕐᐲᑦ? ᖃᓄᕐᓗ ᐊᑯᓂᐅᑎᒋᔪᖅ ᓂᓐᖓᐅᒪᓃᑦ ᐃᑯᐊᓚᔪᑎᑐᑦ ᑍᒤᓐᓂᐊᕐᐹ?
ᓮᐅᓂᓕ ᐅᖃᕐᐳᖅ, “ᐊᑕᓂᐅᑉ ᕿᒪᖕᒪᖓ, ᐊᑕᓂᕐᒪᓗ ᐳᐃᒍᕐᓗᓂᖓ.”
ᐊᕙᓗᕐᔪᐊᕐᓂ ᔨᕉᓴᓕᒻ ᖃᐅᔨᓴᕐᑎᑖᕐᑎᓚᐅᕐᐸᒋᑦ; ᐅᓪᓗᒃᑯᑦ ᐅᓐᓄᐊᒃᑯᓪᓘᓐᓃᑦ ᓂᐰᓚᐅᕐᓯᒪᓂᐊᖏᑦᑐᓂᒃ, ᐊᑕᓂᕐᒥᒃ ᐅᖃᐅᓯᖃᕐᐸᒃᑐᓯ ᓄᖅᑲᕐᑍᓕᒋᑦᓯ,
ᓱᖕᒪᑦ ᓇᓗᓕᕐᓯᒪᔪᑎᑐᑦ ᑍᒤᖃᑕᐅᕕᑦ? ᐅᓇᑕᕐᑎᑐᑦ ᐊᔪᖏᑦᑐᕐᔪᐊᑐᑦ ᐃᑲᔪᕈᓐᓁᓪᓕᔪᑐᑦ, ᐃᕝᕕᓪᓕ ᐊᑕᓃᖅ ᐊᑯᓐᓇᑦᑎᓐᓃᑉᐳᑎᑦ, ᐃᓕᖕᓄᓪᓗ ᕾᖁᔭᐅᓯᒪᕗᒍᑦ; ᐊᑏ ᕿᒪᒃᑍᓕᑎᒍᑦ.”
