ᔨᕆᒤᐊᐅᑉ ᐅᒡᒍᐊᕐᓂᖏᑦ 5:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᓄᑐᖃᐅᔪᑦ ᐃᑎᕐᑕᕐᕕᖕᓂᒃ ᑲᑎᒪᖃᑦᑕᕐᕕᖕᒥᖕᓂᒃ ᕿᒤᕗᑦ, ᐃᓅᓱᒃᑐᓪᓗ ᐃᓐᖏᖃᑦᑕᕐᑐᑦ ᑐᓴᕐᓴᐅᔪᓐᓃᕐᓗᑎᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:14 ပူးပေါင်းရင်းမြစ်များ

ᔫᐱᐅᑉ ᐊᒡᓚᖏᑦ 30:1

“ᒫᓐᓇᓕ ᐅᕙᓐᓂᑦ ᓄᑲᕐᓯᕐᓄᑦ ᒥᑕᐅᑎᒋᔭᐅᕙᓕᕐᐳᖓ, ᑖᒃᑯᐊ ᐊᑖᑕᒋᓚᐅᕐᑕᖏᑦ ᓱᓇᐅᓐᖏᓗᐊᕐᓂᖏᓐᓄᑦ ᓰᐱᖁᑎᓐᓄᑦ ᕿᒻᒥᓄᑦ ᑲᒪᔨᐅᖃᑕᐅᑎᑐᐃᓐᓇᕋᔭᓚᐅᕐᐸᒃᑲ.

ᔫᐱᐅᑉ ᐊᒡᓚᖏᑦ 30:31

ᑐᓴᕐᓂᕐᑐᒥᒃ ᓂᓪᓕᐊᓂᕆᕙᓚᐅᕐᑕᕋ ᕿᒃᓵᒡᕙᓗᓐᖑᕐᐳᖅ, ᓱᐴᒐᕐᕙᓗᒐᓗ ᕿᐊᕙᓗᖕᒥᒃ ᓂᐱᖃᓕᕐᓗᓂ.”

ᔨᕆᒤᐊᐅᑉ ᐊᒡᓚᖏᑦ 16:9

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᒪᑦ: “ᐃᓅᑎᓪᓗᓯ ᓱᓕ ᐅᓪᓗᒥ ᐃᓅᔪᓯ, ᖁᕕᐊᓱᒡᕙᓗᒃᑐᓂᒃ ᑐᓵᔭᒃᓴᖃᕈᓐᓃᕈᒫᕐᐳᓯ, ᓄᓕᐊᓂᕋᑖᕐᑐᑦ ᐅᐃᓂᕋᑖᕐᑐᓪᓗ ᓂᐱᖏᑦ ᖁᕕᐊᓱᒃᑐᑦ ᑐᓴᕐᓴᐅᕙᒍᓐᓃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 25:10

ᖁᕕᐊᓱᒃᕙᓗᒃᑐᑦ ᑐᓴᕐᑕᐅᕙᒍᓐᓃᕈᒫᕐᐳᑦ, ᑲᑎᑎᑕᐅᕋᑖᕐᑐᑦ ᓄᓕᐊᓂᒃᑐᑦ ᐅᐃᓂᒃᑐᓪᓗ ᓂᐱᖏᑕ ᑲᑦᔮᕐᓇᕐᓂᖏᑦ ᐊᓯᐅᓗᑎᒃ, ᓯᖃᓪᓕᑦᓯᕖᓪᓗ ᓯᖃᓪᓕᑦᓯᕙᓪᓛᓂᖏᑦ ᓇᓂᕈᐊᓪᓗ ᖃᐅᒪᓂᓕᒫᖏᑦ ᐱᑕᖃᕈᓐᓃᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 7:34

ᖁᕕᐊᓇᕐᑐᖃᕈᓐᓃᕈᒫᕐᐳᖅ ᖁᕕᐊᓱᒡᕙᓗᒃᑐᑦ ᓄᓕᐊᓂᒃᑐᑦ ᐅᐃᓂᒃᑐᓪᓗ ᓂᐱᖓᑐᑦ ᑐᓴᕐᓴᐅᔪᓐᓇᕈᓐᓃᕈᒫᕐᐳᑦ ᔫᑕᒥᐅᓂ ᔨᕉᓴᓕᒥᐅᓂᓗ, ᓄᓇᖏᑦ ᑭᓱᑕᖃᕈᓐᓃᕈᒪᕐᒪᑕ ᐃᓄᖃᔪᐃᑦᑐᑎᑐᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:19

ᑕᐱᕆᖃᑦᑕᓚᐅᕐᑕᒃᑲ ᐃᑲᔪᕐᑎᒋᔪᒪᒐᓗᐊᕋᒃᑭᑦ, ᐊᕕᑉᐹᖓ, ᑐᓂᕐᕈᓯᕐᑎᑦᓯᔨᖁᑎᒃᑲ ᐊᖓᔪᖅᑳᖁᑎᒃᑲᓗ ᐱᕐᓕᕋᕐᐳᑦ, ᐃᒡᓗᒐᓴᒡᔪᐊᓂ ᕿᓂᕋᓗᐊᕐᓗᑎᒃ ᓂᕿᒃᓴᒥᖕᓂᒃ ᐃᓅᑦᔪᑎᒋᓂᐊᕐᑕᒥᖕᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:4

ᓮᐅᓂᒧᑦ ᑐᒃᓯᐊᕆᐊᕐᑐᖃᕈᓐᓁᕐᐳᖅ ᐅᓪᓗᐃᑦ ᐃᑦᔪᕐᓁᑦᑐᑦ ᓇᓪᓕᐅᑎᕕᖏᓐᓂ, ᐃᑎᕐᑕᕐᕕᖏᑦ ᐃᓄᖃᕈᓐᓁᕐᐳᑦ, ᐊᔪᕆᕐᑐᐃᔨᖁᑎᖏᓪᓗ ᐅᖁᒤᒃᓴᕐᓇᕐᑐᒦᓕᕐᒪᑕ ᕿᒃᓵᖕᓇᕐᑐᒦᑎᑕᐅᕗᑦ, ᐊᕐᓁᑦ ᐃᓅᓱᒃᑐᑦ ᕿᒃᓵᒃᐳᑦ ᐋᓐᓂᐊᓇᕐᑐᒦᒻᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:10

ᓮᐅᓂᐅᓪᓗ ᐊᖓᔪᖅᑳᖏᑦ ᓂᓪᓕᐊᑦᔪᑎᒃᓴᖃᕈᓐᓁᕋᒥᒃ ᒪᓂᖅᑲᒥ ᐃᒃᓯᕚᑐᐃᓐᓇᓕᕐᐳᑦ, ᐊᕐᔭᓕᓂᕐᓂᒃ ᓂᐊᖁᕐᒥᓄᐊᖅᑬᕗᑦ ᐆᒪᔪᓪᓗ ᒥᖅᑯᕕᓂᖏᓐᓂᒃ, ᓴᓇᓯᒪᔪᓂᒃ ᐊᓐᓄᕌᑲᕐᓗᑎᒃ, ᔨᕉᓴᓕᐅᑉ ᐊᕐᓇᖁᑎᖏᑦ ᒪᓂᖅᑲᒧᑦ ᐅᑯᖓᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 26:13

ᑐᓴᕐᓂᕋᐅᑎᓄᑦ ᐃᓐᖏᕐᓂᓯ ᓄᖅᑲᕐᑎᑦᓱᒫᕐᐸᒃᑲ, ᑯᑭᑦᑕᐸᐅᑎᐅᔧᓪᓗ ᑐᓴᕐᓴᐅᔪᖃᕈᓐᓃᕈᒫᕐᐳᑦ.

ᕼᐆᓯᐊᑉ ᐊᒡᓚᖏᑦ 2:13

ᓱᒋᐊᕐᓂᐊᕐᐸᕋᓗ ᓇᓪᓕᐅᓐᓂᕐᓯᐅᖃᑦᑕᕐᓂᕆᓚᐅᕐᑕᖓᓄᑦ ᐰᓕᒧᑦ ᐃᑭᑦᓯᓂᕆᖃᑦᑕᓚᐅᑕᖓᓄᓪᓗ ᐃᓯᕐᓗᐊᕐᓂᑎᑦᓯᓂᕐᒥᒃ ᑖᒃᑯᓄᖓ ᐱᐅᓴᐅᑎᓂᒡᓗ ᐊᑐᖃᑦᑕᕐᓂᕆᔭᖓ ᓇᒡᒍᐊᕐᒥᖕᓂᒡᓗ, ᐱᖃᑎᒋᕙᒃᑕᒥᓄᓪᓗ ᐅᐸᒍᑎᖃᑦᑕᓚᐅᕐᓂᖓᓄᑦ, ᐅᕙᓐᓂᒡᓗ ᐳᐃᒍᐃᓂᕆᓚᐅᕐᑕᖓᓄᑦ, ᐅᖃᕐᐳᖅ ᐊᑕᓂᖅ.”

ᒨᓯᓯ ᑕᓪᓕᒪᖏᑦ 16:18

“ᐋᖅᑭᒃᓱᐃᔨᒃᓴᓂᒃ ᑎᓕᓯᔪᒃᓴᐅᕗᓯ ᐊᖓᔪᖅᑳᖑᓂᐊᕐᑐᓂᒡᓗ ᐊᑕᓂᐅᑉ ᑐᓂᓯᒪᔭᖏᓐᓂ ᓄᓇᑦᓯᓐᓂ, ᑭᖑᕚᖑᖃᑎᒌᑦ ᒪᓕᒡᓗᒋᑦ; ᑖᒃᑯᐊᓗ ᐋᖅᑭᒃᓱᐃᔨᐅᔪᒃᓴᐅᕗᑦ ᐃᓄᖕᓂᒃ ᐊᑦᔨᒌᒃᑎᑦᓯᓗᑎᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:22

ᑯᑭᑦᑕᐸᐅᑎᕐᔪᐊᑦ ᐃᓐᖏᕐᐸᓗᒃᑐᓪᓗ, ᓱᐴᒐᕐᑏᓪᓗ ᑎᑦᑐᓚᐅᓯᔭᕐᑏᓪᓗ, ᑐᓴᕐᑕᐅᒃᑲᓐᓂᕐᓂᐊᕈᓐᓃᕐᐳᑦ ᑖᑦᓱᒪᓂ; ᓴᓇᔩᓪᓗ ᓱᓇᑐᐃᓐᓇᕐᓂᒃ ᓴᓇᔪᑦ ᐃᓕᑦᓯᓐᓂ ᑕᑯᒃᓴᐅᒃᑲᓐᓂᕐᓂᐊᕈᓐᓃᕐᐳᑦ; ᓯᖃᓪᓕᓯᕕᖕᒥᓗ ᓯᖃᓪᓕᓯᕙᓗᒃᑐᓂᒃ ᐃᓕᑦᓯᓐᓂ ᑐᓴᕐᓴᐅᔪᖃᕐᓂᐊᕈᓐᓃᕆᕗᑦ;