ᔨᕆᒤᐊᐅᑉ ᐅᒡᒍᐊᕐᓂᖏᑦ 4:16 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁶ ᐊᑕᓂᐅᑉ ᑲᒪᒋᔪᓐᓃᕐᒪᒋᑦ ᓯᐊᒻᒪᕐᑎᑉᐰᑦ ᓇᒧᑐᐃᓐᓇᖅ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᓪᓗ ᐅᐱᒋᔪᓐᓃᕐᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:16 ပူးပေါင်းရင်းမြစ်များ

ᒨᓯᓯ ᓯᕗᓪᓖᑦ 49:7

ᑖᒃᑯᐊᒃ ᓂᓐᖓᖕᓂᖏᒃ ᓯᕗᓂᕐᓗᓕᕐᓕᒃ, ᑲᑉᐱᐊᓇᕐᑐᐊᓘᖕᒪᑦ; ᓂᓐᖓᐅᒪᓂᖏᒡᓗ ᐃᓖᔭᕐᓱᐃᓂᐅᓪᓗᑎᒃ! ᑖᒃᑯᐊᒃ ᐊᒡᒍᕐᓂᐊᕐᐹᒃᑲᒃ ᔧᑰᑉ ᓄᓇᖓᓂ ᓯᐊᒻᒪᕐᑎᓪᓗᒋᒡᓗ ᐃᓴᕆᐊᓕᐅᑉ ᓄᓇᖓᓂ.

ᑯᕉᓂᑲ ᐂᑉᐸᖏᑦ 36:17

ᑍᒤᒻᒪᑦ ᑎᑭᑕᐅᑎᓚᐅᕐᐰᑦ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪ ᐊᖑᑏᑦ ᐃᓅᓱᒃᑐᖁᑎᖏᑦ ᑐᖁᓚᐅᕐᐰᑦ ᓴᕕᒡᔪᐊᒧᑦ ᐃᒡᓗᖏᓐᓂ ᐃᑦᔪᕐᓁᑦᑐᕕᖕᒥᓗ, ᐃᓚᑦᓱᒋᓇᒋᑦ ᐊᖑᑏᑦ ᐃᓅᓱᒃᑐᑦ ᐊᕐᓁᓪᓗ ᐅᐃᒡᒐᓱᐃᑦ, ᐃᑦᑐᐃᑦ ᐃᓄᑐᕾᓪᓗ; ᑖᑦᓱᒪ ᑐᓂᔧᓐᓇᕆᓚᐅᕐᐰᑦ ᑖᑦᓱᒧᖓ.

ᐃᓐᖏᕈᑎᑦ 106:27

ᑭᖑᕚᖏᑦ ᓯᐊᒻᒪᕐᑎᑦᓱᒪᓪᓗᒋᑦ ᐃᓅᖃᑎᒌᒡᔪᐊᓄᑦ, ᓄᓇᓄᓪᓗ ᓇᒧᑐᐃᓐᓇᖅ ᓯᐊᒻᒪᕐᑎᑦᓱᒪᓪᓗᒋᑦ.

ᐃᓐᖏᕈᑎᑦ 106:44

ᑭᓯᐊᓂᓕ ᐅᖁᒤᒃᓴᕐᓂᖏᑦ ᐃᒃᐱᒋᕔᑦ, ᑐᒃᓯᐊᕐᓂᖏᑦ ᑐᓴᕋᒥᒋᑦ:

ᐂᓮᐊᓯᐅᑉ ᐊᒡᓚᖏᑦ 24:2

ᐃᓄᓕᒫᓪᓗ ᐊᑦᔨᒌᒃᑐᒥᒃ ᐃᓱᓕᑦᓱᒫᕐᐳᑦ, ᑐᓂᕐᕈᓯᕐᑎᑦᓯᔨᐅᒍᑎᒃ ᐃᓅᑐᐃᓐᓇᐅᒍᑎᒡᓘᓐᓃᑦ, ᓯᐊᓛᖑᒍᑎᒃ, ᐊᖓᔪᖅᑳᖑᒐᓗᐊᕈᑎᒡᓗ, ᓂᐅᕕᕐᑎᐅᒍᑎᒃ, ᓂᐅᕐᕈᓯᕐᑎᐅᒐᓗᐊᕈᑎᒡᓗ, ᐊᑐᕐᑎᑦᓯᔨᐅᒍᑎᒃ ᐊᑐᕐᑐᐊᕐᑎᐅᒐᓗᐊᕈᑎᒡᓘᓐᓃᑦ, ᐊᒃᓱᐃᑦᑑᒍᑎᒃ ᐊᒃᓱᔫᒐᓗᐊᕈᑎᒡᓘᓐᓃᑦ.

ᐂᓮᐊᓯᐅᑉ ᐊᒡᓚᖏᑦ 47:6

ᐃᓄᖁᑎᒃᑲ ᓂᓐᖓᒡᕕᒋᓚᐅᕋᒃᑭᑦ; ᐃᓄᖁᑎᑖᕆᓯᒪᔭᒃᑲᓗ ᓇᕐᕈᓇᕐᓯᑎᓚᐅᕋᒃᑭᑦ, ᐱᔪᓐᓇᕐᓂᑦᓯᓐᓄᑦ ᑐᓂᓚᐅᕐᐸᒃᑲ, ᐊᑦᑕᕆᓚᐅᓐᖏᓐᓇᒃᑭᓪᓗ ᐃᓄᑐᖃᐅᓂᖏᑦ ᐊᒡᓛᑦ ᐊᖏᔪᒥᒃ ᐅᖁᒤᒃᓴᕐᑎᓚᐅᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 15:4

ᐊᖓᔪᖅᑳᕐᔪᐊᓄᑦ ᓄᓇᕐᔪᐊᓕᒫᒥ ᑲᑉᐱᐊᓲᑎᒃᓴᐅᑎᓐᓂᐊᕐᐸᒃᑲ ᐊᖓᔪᖅᑳᕐᔪᐊᑉ ᒫᓇᓯᐅᑉ ᕼᐃᓯᑬᐊᐅᑉ ᐃᕐᓂᖓᑕ ᐱᓂᐊᕐᓂᕆᓚᐅᕐᑕᖏᑦ ᔨᕉᓴᓕᒧᑦ ᐱᑦᔪᑎᒋᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 24:9

ᐃᓅᖃᑎᒋᔪᒥᓇᕈᓐᓃᕐᑎᑦᓱᒪᕙᒃᑲ ᐱᐅᒋᔭᐅᖏᑦᑑᑎᓪᓗᒋᓪᓗ ᐊᖓᔪᖅᑳᕐᔪᐊᖃᕐᕕᐅᔪᓕᒫᓄᑦ ᓄᓇᒥ, ᐱᐅᖏᑦᑐᒥᒃ ᐅᖃᐅᓯᐅᒐᔪᒃᑎᓪᓗᒋᑦ ᐊᑭᕋᕐᑐᕐᑕᐅᒐᔪᒃᑎᓪᓗᒋᓪᓗ ᓇᓂᑐᐃᓐᓇᖅ ᓄᓇᖃᓕᕌᖓᑕ.

ᔨᕆᒤᐊᐅᑉ ᐊᒡᓚᖏᑦ 52:24

ᐅᓇᑕᕐᑐᒃᓮᑦ ᐊᖓᔪᖅᑳᒻᒪᕆᖓᑦ ᐊᐅᓪᓚᕈᑦᔨᓚᐅᕆᕗᖅ ᑎᒍᔭᒥᓂᒃ ᑐᓂᕐᕈᓯᕐᑎᑦᓯᔨᒥᒃ ᓯᕅᐊᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᖑᔪᒥᒃ, ᔨᐸᓁᐊᒥᒡᓗ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᑦᑕ ᑐᖓᓕᖓᓂᒃ, ᐱᖓᓱᓪᓗ ᐃᑎᕐᑕᕐᕕᖕᒥ ᑲᒪᔨᐅᔪᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:20

ᐊᑕᓃᖅ! ᖃᓄᐃᒻᒪᑦ ᑍᒫᕌᓗᒃ ᓱᒋᐊᕐᐱᑎᒎᑦ? ᐊᕐᓁᑦ ᕿᑐᕐᖓᒥ ᓇᒡᓕᒋᓚᐅᕐᑕᒥ ᑎᒥᕕᓂᖏᓐᓂᒃ ᓂᕿᖃᕐᑐᒃᓴᐅᕚᑦ! ᑐᓂᕐᕈᓯᕐᑎᑦᓯᔩᑦ ᒎᑎᐅᓪᓗ ᐅᖃᕐᑎᖏᑦ ᑐᖁᕋᕐᑕᐅᕙᓕᕐᐳᑦ ᑐᒃᓯᐊᕐᕕᒃᔪᐊᕐᒥ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:6

ᑐᒃᓯᐊᕐᕕᒡᔪᐊᖅ ᐃᓂᒋᓂᕋᕐᑕᓂ ᓯᖁᑦᑎᕐᑕᐅᑎᑉᐹ ᐱᕈᕐᓰᕕᒃᑎᑐᑦ ᑖᓐᓇ ᑲᑎᕕᒋᕙᒃᑕᕗᑦ, ᐊᑕᓂᐅᑉ ᓮᐅᓂ ᐳᐃᒍᕐᑕᐅᑎᑉᐹ ᓇᓪᓕᐅᓐᓂᕐᓯᐅᕐᕕᐅᕙᒃᑐᓂᒃ ᓴᐸᑎᓂᓗ, ᐊᖓᔪᖅᑳᕐᔪᐊᖅ ᑐᓂᕐᕈᓯᕐᑎᑦᓯᔩᓪᓗ ᓂᓐᖓᕕᒃᔪᐊᕐᓂᕐᒥᓄᑦ ᓇᕐᕈᒋᓕᕐᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:12

ᐊᖓᔪᖅᑳᕐᔪᐊᓪᓗ ᐃᕐᓂᖏᑦ ᓂᕕᓐᖓᕐᑕᐅᖃᑦᑕᕐᐳᑦ ᐊᒡᒊᓐᓇᖏᑎᒍᑦ, ᐃᓄᑐᖃᕆᔭᕗᓪᓗ ᐅᐱᒋᔭᐅᓂᖃᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 5:10

ᑍᒤᒻᒪᑦ ᐊᑖᑕᐅᔪᑦ ᕿᑐᕐᖓᒥᖕᓂᒃ ᓂᕿᖃᓕᕈᒫᕐᐳᑦ ᐊᑯᓐᓇᑦᓯᓐᓂ, ᕿᑐᕐᖓᐅᔪᓪᓗ ᐊᖓᔪᖅᑳᒥᖕᓂᒃ ᓂᕿᖃᓕᕐᒥᓗᑎᒃ; ᑍᒫᒃ ᓱᒋᐊᕈᒫᕐᐸᑦᓯ, ᐊᒥᐊᒃᑰᔪᓪᓗ ᓇᒧᓕᒫᖅ ᓯᐊᒻᒪᒍᒫᕐᐳᑦ ᐊᓄᕆᓕᒫᓄᑦ.

ᒨᓯᓯ ᑕᓪᓕᒪᖏᑦ 28:25

“ᐊᑕᓂᐅᑉ ᓵᓚᐅᑎᑦᓱᒫᕐᐹᓯ ᐊᑭᕋᑦᓯᓐᓄᑦ; ᐊᑕᐅᓯᕐᒥᓐᖔᕐᓗᓯ ᐅᓇᑕᕆᐊᕈᒫᕐᐸᓯ, ᕿᒫᔪᒫᕐᐳᓯᓕ ᓵᓐᖓᔭᑐᐃᓐᓇᑦᓯᓐᓄᑦ ᕿᒫᓕᕐᓗᓯ, ᓄᓇᕐᔪᐊᕐᒥᐅᓪᓗ ᐊᖓᔪᖅᑲᐅᕕᖃᕐᑐᓕᒫᑦ ᑯᐊᕐᓵᕐᓯᒪᔪᒫᕐᐳᑦ ᖃᓄᐃᓕᕐᓂᑦᓯᓐᓂᒃ ᑕᑯᒍᑎᒃ.

ᒨᓯᓯ ᑕᓪᓕᒪᖏᑦ 32:26

ᐅᖃᕋᔭᓚᐅᕈᒪ, ᐅᖓᓯᒃᑐᒧᑦ ᓯᐊᒻᒪᕐᓕᑦ, ᐳᐃᒍᕐᑕᐅᒐᔭᕐᐳᑦ ᐃᓄᖕᓄᑦ.

ᐄᑉᕈᐃᓄᑦ 8:9

ᓯᕗᓕᕆᓚᐅᕐᑕᖏᓐᓄᑦ ᐊᖏᖃᑎᒌᒍᑎᒋᓚᐅᕐᑕᒪ ᐊᑦᔨᒋᔪᒫᓐᖏᓛ, ᑍᑦᓱᒪᓂ ᑕᓯᐅᕐᓗᒋᑦ ᐄᑦᔨᑉᑎᒥᑦ ᐊᐅᓪᓚᕐᑎᓚᐅᕋᒃᑭᑦ, ᑲᒪᑦᓯᐊᓚᐅᖏᒻᒪᑕ ᐊᖏᖃᑎᒌᒍᑎᒋᓚᐅᕐᑕᓐᓂᒃ ᑖᒃᑯᓄᖓ, ᑍᒤᒻᒪᑦ ᕿᒪᓚᐅᕐᐸᒃᑲ, ᐊᑕᓂᖅ ᐅᖃᕐᐳᖅ.