8 ᑐᒃᓯᐊᕋᓗᐊᕋᒪ ᐃᑲᔪᕐᑕᐅᔪᒪᓪᓗᖓ, ᑐᒃᓯᐊᕐᓂᕋ ᒪᑐᕚ.
ᐆ ᒎᑎᒐ, ᐅᓪᓗᒃᑯᑦ ᓂᓪᓕᐊᕗᖓ, ᑐᓴᓚᐅᓐᖏᓚᕐᒪ; ᐅᓐᓄᐊᒃᑯᓪᓘᓐᓃᑦ, ᓂᐰᑦᑑᓐᖏᓚᖓ.
ᒎᑏ ᐃᓕᖕᓄᑦ ᓂᓪᓕᐊᒐᓗᐊᕋᒪ ᑭᐅᓐᖏᓚᕐᒪ; ᓂᑯᕕᖓᓪᓗᖓ ᓵᓐᖓᒐᓗᐊᕋᒃᑭᑦ, ᑲᒪᒋᓐᖏᓚᕐᒪ.
ᑕᑯᒋᑦ. ᓂᓪᓕᓚᐅᕐᐳᖓ, ‘ᐱᑦᓯᐊᕐᓯᒪᓐᖏᓚᖅ!’ ᑭᐅᔭᐅᓐᖏᓚᖓᓕ; ᕾᒐᓛᕐᓗᖓ ᐃᑲᔪᕐᑕᐅᔪᒪᓚᐅᕐᐳᖓ, ᐃᑲᔪᕋᓱᐊᕐᑐᖃᓐᖏᓚᕐᓕ.
3ᒧᐊᕐᑎᓪᓗᒍ, ᔩᓱᓯ ᕾᒐᓛᓕᕐᐳᖅ ᓂᐱᖅᑯᕐᑐᓪᓗᓂ, “ᐃᓔ, ᐃᓔ, ᓛᒪ ᓴᐸᕐᑖᓃ?” ᐃᒫᒃ ᑐᑭᓕᒃ, “ᒎᑎᒐ, ᒎᑎᒐ, ᓲᖅ ᕿᒪᒃᐱᖔ?”
“ᐊᑕᓃᖅ, ᖃᓄᖅ ᐊᑯᓂᐅᑎᒋᔪᖅ ᐃᑲᔪᕐᑕᐅᔪᒪᓗᖓ ᓂᓪᓕᐊᔪᒃᓴᐅᕗᖔ? ᓈᓚᒍᓐᓇᕐᑎᓐᓇᒃ ᐅᕙᓐᓂᒃ? ᑲᑉᐱᐊᓇᕐᑐᒦᓕᕌᖓᑦᑕ ᓴᐳᑦᔨᓇᓱᐊᕈᓐᓇᕐᑎᓐᓇᒃ.
ᓂᓐᖓᓗᐊᕐᓂᕐᓄᑦ ᓄᕗᔭᒧᑦ ᐅᓕᒃᑕᐅᓯᒪᔫᔮᓕᓚᐅᕐᐳᒍᑦ ᓄᕗᔭᐅᓪᓗ ᐃᑦᔪᓗᐊᕐᓂᖓᓄᑦ ᑐᒃᓯᐊᖕᓂᕗᑦ ᑐᓴᕈᓐᓁᓪᓕᓚᐅᕐᐸᑎᑦ.
ᐊᑕᓃᖅ ᒎᑏ ᖁᑦᓯᒃᑐᒦᑦᑐᑎᑦ, ᖃᓄᖅ ᐊᑯᓂᐅᑎᒋᔪᖅ ᓂᓐᖓᐅᒪᑦᔪᑎᖃᕐᓂᐊᕐᐲᑦ? ᐃᓄᖁᑎᕕᑦ ᑐᒃᓯᐊᕐᓂᖏᓐᓂᒃ?
ᓂᓐᖓᕕᒡᔪᐊᕐᓂᕐᒧᑦ ᑎᑭᑕᐅᒐᕕᑦ ᐅᕙᑦᑎᓐᓂᒃ ᒪᓕᒡᓗᑎᑦ ᓂᑲᒋᓇᑕ ᑐᖁᕋᕐᑕᐅᑎᓚᐅᕐᐸᑦᑎᒍᑦ.
ᓇᓪᓕᐊᑦ ᐱᔪᒪᔪᖅ ᑐᓂᓯᕕᐅᓂᐊᕐᒪᑦ, ᕿᓂᕐᑐᕐᓗ ᓇᓂᓯᓂᐊᕐᒪᑦ, ᑎᒡᓗᒃᑐᕐᑐᕐᓗ ᒪᑐᐃᕈᑦᔭᐅᓂᐊᕐᒪᑦ.
