37 ᐅᖃᐅᓯᕆᔭᑦᑎᓐᓂᒃ ᐊᑑᑎᔪᓐᓇᕋᔭᓐᖏᓚᒍᑦ ᐊᑕᓂᐅᑉ ᑍᒤᑎᖏᑉᐸᒍ.
ᐊᖓᔪᖅᑳᕐᔪᐊᕐᓕ ᐅᖃᕐᐳᖅ ᐊᐱᓮᒧᑦ ᐊᖓᔪᐊᓄᓪᓗ ᔪᐊᐱᒧᑦ, “ᑕᒪᓐᓇ ᐱᓇᓱᐊᒐᕆᓐᖏᓚᓯᒃ ᔨᕈᐃᐊᐅᑉ ᐃᕐᓂᖏᒃ, ᓇᕐᕈᓇᕐᓯᑎᑉᐹᖓ ᐊᑕᓂᐅᑉ ᐱᖁᔨᓂᖓᒍᑦ ᐅᖃᕐᑎᑕᐅᒃᐸᑦ, ‘ᑍᕕᑎ ᓇᕐᕈᓇᕐᓯᓕ’ ᑍᒤᓕᐅᓚᐅᕐᓕ, ᑭᓇᓖ ᐅᖃᕈᓐᓇᕐᐸ, ‘ᓱᖕᒪᑦ ᑍᒤᓕᐅᕐᒪᖔᑦ?’”
ᐊᖑᑏᑦ ᐃᓚᖓᑦ ᐱᓯᒋᐊᕐᐳᖅ ᑐᕌᕐᑎᓐᓇᓂ, ᐱᓯᒃᓯᕗᕐᓗ ᐃᓴᕆᐊᓕᒥᐅᑦ ᐊᖓᔪᖅᑳᕐᔪᐊᖓᓂ ᐊᓐᓄᕌᖏᑕ ᓴᒡᕕᐊᓃᑦᑑᓪᓗ ᐊᑯᓐᓂᖓᒍᑦ; ᑍᒤᒻᒪᑦ ᐊᒃᓴᓗᐊᓕᑯᑎᒥᓄᑦ ᐊᖁᑎᓂ ᐅᖃᐅᑎᕚ, “ᓴᖑᓕᕆᑦ ᐅᓇᑕᕐᑐᓂᑦ ᕿᒪᕉᑎᑎᓪᓗᖓ, ᐃᑭᓕᕐᑕᐅᒐᒪ.”
ᓱᓕ ᐃᓔᓴ ᐅᖃᓪᓚᒃᑎᓪᓗᒍ, ᐅᖃᕆᐊᕐᑐᕐᑐᖅ ᐃᒡᓗᖓᓄᑦ ᑎᑭᐅᑎᕗᖅ, ᐊᖓᔪᖅᑳᕐᔪᐊᑉ ᐅᖃᖁᓯᒪᔭᖓ ᐃᒫᒃ, “ᑕᒪᓐᓇ ᐃᓱᒪᔮᕐᓂᐊᓗᒃ! ᐊᑕᓂᕐᒥᑦ ᐱᖕᒪᑦ ᐊᑕᓂᕐᒥᒃ ᓱᓕ ᐅᑕᖅᑭᔪᒃᓴᐅᕕᑖ?”
ᒫᓐᓇᓕ ᑐᑭᓯᕗᖓ ᓱᓇᐅᕝᕙ ᑕᒪᒃᑯᐊ ᐃᔨᕐᓯᒪᓚᐅᕐᐸᑎᑦ ᐅᕙᓐᓄᑦ ᑕᒪᐅᓈᕐᑎᓐᓂᐊᕐᓂᕋᕕᖓ.
ᔫᐱᐅᓪᓕ ᑭᐅᕚ, “ᓯᓔᑦᑐᑐᑦ ᐊᕐᓇᑐᑦ ᐅᖃᓪᓚᓕᕐᐳᑎᑦ. ᒎᑎ ᐅᕙᑦᑎᓐᓄᑦ ᐱᐅᔪᒥᒃ ᑐᓂᓯᖃᑦᑕᕐᐳᖅ, ᓱᖕᒪᓪᓕ ᓈᒻᒪᒃᓴᖏᓪᓗᑕ ᐅᖃᕐᕕᒋᒐᔭᕐᐸᕗᑦ ᐱᐅᖏᑦᑐᒧᑦ ᐱᑎᑉᐸᑎᒎᑦ?” ᔫᐱᓕ ᑕᒪᐅᓈᕋᓗᐊᕋᒥ ᐊᔪᕐᑐᓕᓚᐅᓐᖏᓚᖅ ᐅᖃᐅᓯᕐᒥᒍᑦ.
ᐰᕉᑉ ᐅᖃᐅᑎᕔᑦ, “ᐊᑕᓂᐅᑉ ᓵᖓᓂ ᐅᖃᒻᒪᕆᒃᐳᖓ, ᐊᕐᓇᓂᒃ ᓱᕈᓯᕐᓂᒡᓗ ᐃᓚᖃᕐᓂᐊᕈᑦᓯ ᐊᐅᓪᓚᕐᑎᑦᓯᓂᐊᖏᒻᒪᕆᒃᐳᖓ! ᑍᒤᓐᓂᐊᕈᑦᓯ ᓇᓗᓇᖏᑦᓯᐊᕐᒪᑦ ᐱᐅᖏᑦᑐᒥᒃ ᐃᓱᒪᖃᕐᓗᓯ ᑭᓯᐊᓂ ᑍᒤᓐᓇᓱᐊᕋᔭᕐᑐᓯ.
ᐃᓅᑉ ᐃᓱᒪᖓᑕ ᐊᑐᕐᓂᐊᕐᑕᖏᓐᓂᒃ ᐋᖅᑭᒃᓲᑎᕚ, ᐊᑕᓂᐅᓪᓕ ᑕᓯᐅᕐᐹ ᐱᓱᖕᓂᖏᑦ.
ᐃᓄᒃ ᐅᓄᕐᑐᓂᒃ ᐃᓱᒪᒥᒍᑦ ᐱᓇᓱᐊᕈᒪᔭᖃᕐᐳᖅ, ᑭᓯᐊᓂᓕ ᐊᑕᓂᐅᑉ ᐱᓇᓱᐊᖁᔭᖓ ᑲᔪᓯᔪᑑᓂᐊᕐᐳᖅ.
ᓯᓚᑐᓂᖅ, ᐃᓕᓯᒪᓂᕐᓗ, ᐃᓱᒪᒃᓴᕐᓯᐅᕈᓐᓇᕐᓂᕐᓘᓐᓃᑦ, ᓵᓚᖃᓕᕈᓐᓇᓐᖏᓚᑦ ᐊᑕᓂᕐᒥᒃ.
ᓇᓗᓁᕐᓯᔪᖅ ᐱᒋᐊᕐᓂᖓᓂᑦ ᑍᑦᓱᒪᓂᐊᓗᖕᓂᑦ ᓱᓕ ᐱᓚᐅᖏᑦᑐᓂᒃ, ᐅᖃᕐᓯᒪᒐᒪ, ‘ᐅᖃᐅᓯᕆᓚᐅᕐᑕᒃᑲ ᑍᒤᓕᖓᓂᐊᕐᐳᑦ, ᐱᓇᓱᐊᕈᒪᔭᓕᒫᒃᑲᓗ ᑲᔪᓯᑎᓪᓗᒋᑦ ᐱᔭᕇᕈᒫᕐᐸᒃᑲ.’
ᑕᑯᒋᑦ, ᐊᑭᕋᕐᑐᕐᐸᒃᑲ ᐱᔪᖃᓛᕐᑐᒥᒃ ᐅᖃᕐᑎᐅᓂᕋᕐᑐᑦ ᓱᓕᖏᑦᑐᓂᒡᓗ ᓯᓐᓇᒃᑐᕐᓂᕋᖃᑦᑕᕐᑐᑦ, ᐊᑕᓂᖅ ᐅᖃᕐᐳᖅ, ᐅᖃᐅᓯᕐᒥᖕᓄᑦ ᐃᓄᖁᑎᒃᑲ ᑕᒻᒪᕐᑎᑉᐰᑦ ᓱᓕᖏᑦᑐᓂᒃ ᐅᖃᐅᓯᖃᕐᓂᕐᒥᖕᓄᑦ ᐱᐅᔪᕆᑦᔪᑎᒋᓪᓗᒋᓪᓗ, ᑎᓕᓯᒪᓐᖏᓚᒃᑲ ᐅᖃᖁᓗᒋᑦ; ᑍᒤᒻᒪᑦ ᐅᖃᓪᓚᖃᑦᑕᕐᓂᖏᑦ ᐃᓄᖁᑎᓐᓄᑦ ᐱᕚᓪᓕᕈᑕᐅᖏᑦᓯᐊᕐᐳᑦ, ᐊᑕᓂᖅ ᐅᖃᕐᐳᖅ.”
“ᐃᓄᐃᑦ ᓄᓇᕐᔪᐊᒥ ᐃᓂᖃᕐᑐᑦ ᓱᓇᐅᖏᑦᑐᑎᑐᑦ ᑍᒤᒻᒪᑕ, ᐃᓱᒪᒥᓂᒃ ᕿᓚᖕᒥᐅᒐᓴᒃᔪᐃᑦ ᐊᐅᓚᑎᑉᐰᑦ, ᓄᓇᒦᑦᑐᓪᓗ ᐃᓄᐃ ᐃᓱᒪᒥᓂᒃ ᐊᐅᓚᑎᑉᐰᑦ: ᐱᔪᓐᓇᕐᓂᖓ ᓄᖅᑲᕐᑎᑕᐅᔪᓐᓇᓐᖏᓚᖅ, ᐅᖃᐅᑎᔭᐅᔪᓐᓇᕋᓂᓗ, ‘ᓱᖕᒪᑦ ᑍᒤᓕᐅᕐᐲᑦ?’
ᒨᓯᓯᒧᑦ ᐅᖃᓚᐅᕐᒪᑦ, “ᓂᑲᒋᔪᒫᕐᐸᒃᑲ ᓂᑲᒋᔪᒪᔭᒃᑲ, ᓇᒡᓕᒋᔪᒫᕐᐸᒃᑲᓗ ᓇᒡᓕᒋᔪᒪᔭᒃᑲ.”
ᑖᑦᓱᒨᓇ ᐱᑎᑕᐅᕗᒍᑦ ᑭᖑᕐᖑᑎᔭᒃᓴᑦᑎᓐᓂᒃ, ᐃᓱᒪᒋᓯᒪᔭᑐᖃᕆᓪᓗᒍ ᐊᑐᕈᒪᓯᒪᔭᓐᖓ ᒪᓕᒡᓗᒍ, ᑐᓐᖓᕕᖃᕐᑎᓪᓗᒍ ᓱᓇᓕᒫᓂᒃ ᐱᓇᓱᐊᕐᓯᒪᔫᑉ ᐱᔪᒪᔭᖓ ᒪᓕᒃᓗᒍ.
