ᔨᕆᒤᐊᐅᑉ ᐅᒡᒍᐊᕐᓂᖏᑦ 2:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᓮᐅᓂᐅᑉ ᐊᕙᓗᕐᔪᐊᖏᑦ ᐅᕐᕈᑎᑕᐅᖁᓪᓗᒋᑦ ᐊᑕᓂᐅᑉ ᑲᔪᓯᑎᑉᐹ, ᐆᒃᑐᕋᐅᑎᒧᑦ ᐆᒃᑐᕋᕐᐹ ᐊᓯᕈᕐᑕᐅᓂᒃᓴᖓ ᓇᓪᓕᐅᑎᖁᓪᓗᒍ, ᓇᐸᔪᕐᔪᐊᖏᑦ ᐃᒡᓗᒐᓮᓪᓗ ᐊᑭᓐᓇᖏᑦ ᐊᓯᕈᕐᑕᐅᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:8 ပူးပေါင်းရင်းမြစ်များ

ᓴᒧᐃᓕ ᐂᑉᐸᖏᑦ 8:2

ᒧᐊᐱᒥᐅᓪᓗ ᓵᓚᒋᒋᕔᑦ, ᑎᒍᔭᓂᓗ ᒪᓂᖅᑲᒧᑦ ᓇᓪᓚᕐᑎᑉᐰᑦ; ᐊᒃᓱᓈᒧᑦ ᐆᒃᑐᕋᐅᑎᖃᕐᓗᓂ ᐊᒃᓱᓈᑉ ᐃᓗᐊᓃᑦᑐᑦ ᒪᕐᕈᐃᕐᑕᕐᓗᒋᑦ ᑖᒃᑯᐊ ᑐᖁᑕᐅᑎᑉᐰᑦ, ᐆᒃᑐᕋᕐᑕᖏᑕ ᐱᖓᔪᖏᓐᓃᑦᑐᑦ ᑐᖁᑕᐅᕙᒐᑎᒃ. ᑍᒤᒻᒪᑦ ᒧᐊᐱᒥᐅᑦ ᑍᕕᑎᐅᑉ ᐱᔨᑖᕆᓚᐅᕐᐰᑦ ᑮᓇᐅᔧᔭᓕᕐᓗᑎᒡᓗ ᑖᒃᓰᕈᑎᒥᖕᓂᒃ ᑖᑦᓱᒧᖓ.

ᐊᑕᓃᑦ ᐂᑉᐸᖏᑦ 21:13

ᔨᕉᓴᓕᒥᐅᑦ ᓱᒋᐊᕈᒫᕐᐸᒃᑲ ᓴᒥᐊᕆᐊᒥᐅᓂᒃ ᓱᒋᐊᕐᓯᓚᐅᕐᓂᑦᑐᑦ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖓᑦ ᐂᕼᐊᑉ ᑭᖑᕚᖏᓪᓗ ᐊᑕᕆᓇᒋᑦ ᓱᒋᐊᕐᓯᓚᐅᕐᓂᑦᑐᑦ. ᔨᕉᓴᓕᒻ ᐊᓪᓚᕐᑎᕈᒪᕙᕋ, ᓂᕐᕆᑏᑦ ᐊᓪᓚᕐᑎᕐᑕᐅᓪᓗᓂ ᓴᓗᒻᒪᕐᑕᐅᕙᖕᓂᖓᑐᑦ ᓴᓗᒻᒪᕐᑕᐅᔭᕇᕋᒥ ᐳᓯᑎᑕᐅᔪᑎᑐᑦ.

ᔫᐱᐅᑉ ᐊᒡᓚᖏᑦ 13:21

ᓱᒋᐊᕐᓯᓃᑦ ᐅᕙᓐᓂᒃ ᓄᖅᑲᕐᑎᓚᐅᕈᒃ, ᑲᑉᐱᐊᓵᕆᓂᕐᓄᓪᓗ ᖁᐊᕐᓵᕐᑎᓐᓂᐊᕐᓇᖓ.

ᐂᓮᐊᓯᐅᑉ ᐊᒡᓚᖏᑦ 22:5

ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᐅᓪᓗᖃᕐᑎᑦᓯᖕᒪᑦ ᐅᐃᒻᒪᒃᓯᒪᓂᕐᒥᒃ ᑐᓪᓕᕋᖃᑦᑕᐅᑎᓂᕐᒥᒡᓗ ᓇᓗᓕᕐᓯᒪᓂᕐᒥᒡᓗ ᓇᕐᓴᒥ ᑕᑯᑎᑕᐅᕕᖕᒥ, ᐃᒡᓗᒐᓴᒡᔪᐊᑦ ᐊᕙᓗᕐᔪᐊᖏᓐᓂᒃ ᓯᖁᑦᑎᕆᓂᕐᒥᒃ, ᕾᒐᓛᕐᓂᕐᒥᒡᓗ ᐃᑲᔪᕐᑕᐅᔪᒪᓂᕐᒥᒃ ᖃᖅᑲᓄᑦ.

ᐂᓮᐊᓯᐅᑉ ᐊᒡᓚᖏᑦ 28:17

ᓱᓕᔪᒥᒡᓗ ᐃᖅᑲᕐᑐᐃᓂᖅ ᐆᒃᑐᕋᐅᑎᒋᔪᒫᕐᐸᕋ, ᓇᓛᒎᕐᓂᕐᓗ ᒪᑭᑕᑦᓯᐊᓕᕐᑐᕐᓯᐅᑎᒋᓗᒍ, ᑕᕝᕙ ᓇᑕᖅᑯᕐᓁᑦ ᓴᒡᓗᕿᑦᓯᓂᒃᑯᑦ ᕿᒫᕕᐅᕐᓯᒪᔪᓂᒃ ᐲᔧᔪᒫᕐᐳᑦ, ᐃᔨᕐᓯᒪᕕᐅᔪᓪᓗ ᐃᒪᕐᒧᑦ ᑕᑕᑕᐅᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 3:26

ᐃᑎᕐᑕᕐᕕᖏᑦ ᐅᒡᒍᐊᕐᓂᕐᒧᑦ ᕿᐊᔪᒫᕐᐳᑦ; ᐃᒡᓗᒐᓴᒡᔪᐊᓪᓗ ᐊᓐᓄᕅᔭᕐᑕᐅᓯᒪᔪᑎᑐᑦ ᒪᓂᖅᑲᒥ ᐃᒃᓯᕙᑐᐃᓐᓇᓕᕐᑐᑎᑐᑦ ᑍᒤᑦᓱᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 34:11

ᕿᓐᓄᐊᔪᐊᑦ ᐃᓪᓛᖁᑦᓰᓪᓗ ᓄᓇᒋᓕᕈᒫᕐᐹᑦ, ᐅᒃᐱᒡᔪᐊᓪᓗ ᑐᓗᒊᓪᓗ ᑕᒫᓂ ᐃᓂᖃᕈᒫᕐᐳᑦ, ᐃᓯᕕᑦᓯᔪᒫᕐᐳᖅ ᖄᖓᓄᑦ ᓇᓗᓕᕐᓇᕐᑐᒥᒃ, ᐅᐃᒻᒪᒃᑎᑦᓯᓂᕐᒥᒡᓗ ᐱᑎᑦᓯᓗᓂ ᐊᖓᔪᖅᑳᖁᑎᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 5:5

“ᒫᓐᓇᓕ ᐅᖃᐅᑎᓂᐊᓕᕐᐸᒋᑦ ᐱᕈᕐᓰᕕᖁᑎᓐᓄᑦ ᐱᓇᓱᐊᕐᓂᐊᕐᓂᓐᓂᒃ, ᐊᕙᓗᓕᐅᕐᓯᒪᔪᖅ ᐱᕈᕐᑐᓂᒃ ᐲᕈᒪᕙᕋ, ᑕᕝᕙ ᓄᖑᑕᐅᓂᐊᕐᐳᖅ; ᐊᕙᓗᖏᓪᓗ ᓯᖁᒥᓪᓗᒋᑦ ᑐᓪᓕᕋᕐᑕᐅᓗᓂ.

ᔨᕆᒤᐊᐅᑉ ᐊᒡᓚᖏᑦ 14:2

“ᔫᑕᒥᐅᑦ ᕿᒃᓵᓕᕐᐳᑦ, ᓄᓇᖓᑦ ᐸᓂᓕᕐᒪᑦ, ᓄᓇ ᐱᓪᓗᒍ ᐅᒡᒍᐊᕐᐳᑦ, ᔨᕉᓴᓕᒥᐅᓪᓗ ᕿᓄᓂᖏᑦ ᑐᓴᕐᓴᐅᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 5:10

ᐸᐅᕐᖓᓕᒃᓴᓂᒃ ᐱᕈᕐᓰᕕᖁᑎᖏᑦ ᐊᓯᕈᓕᕐᓯᐅᒃ, ᑭᓯᐊᓂ ᓄᖑᑎᒻᒪᕆᒃᑍᓕᓗᒋᑦ, ᐊᕙᓚᖓᔪᖏᑦ ᐱᕈᕐᕕᐅᔪᒃᓴᑦ ᓇᑲᑎᕐᓗᒋᑦ, ᑖᒃᑯᐊ ᐊᑕᓂᐅᑉ ᐱᒋᖏᒻᒪᒋᑦ.

ᔨᕆᒤᐊᐅᑉ ᐊᒡᓚᖏᑦ 52:13

ᑐᒃᓯᐊᕐᕕᒡᔪᐊᕐᓗ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᐃᒡᓗᒐᓴᒡᔪᐊᓕᒫᓪᓗ ᔨᕉᓴᓕᒥ, ᐃᒡᓗᐃᑦ ᐱᒻᒪᕆᐅᓂᓕᒫᖏᑦ ᐃᑯᐊᓪᓚᒃᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:17

ᐊᑕᓂᐅᑉ ᐊᓯᕈᐃᓂᐊᕐᓂᕋᕐᓯᒪᓂᓂ ᐊᑑᑎᑎᓕᑍᓐᓇᕐᐹ, ᐊᓯᕈᕐᑕᐅᑎᒻᒪᒍ ᓂᑲᒍᓱᖕᓂᖃᖏᑦᑐᒥᒃ, ᑍᒤᒍᒪᓂᐊᕐᓂᕋᕐᓯᒪᓂᓂ ᒪᓕᒡᓗᒍ ᐊᑭᕋᕗᑦ ᓵᓚᖃᕐᑎᒻᒪᒋᑦ ᑲᑕᒃᓯᒪᓂᑦᑎᓐᓂᒡᓗ ᖁᕕᐊᓲᑎᖃᕐᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:18

ᓮᐅᓃ ᐊᕙᓗᕐᔪᐊᑎᑦ ᐊᑕᓂᕐᒧᑦ ᕿᓄᔪᒃᓴᐅᕗᑦ, ᖁᕝᕕᑎᑦ ᕿᐊᓂᕐᒧᑦ ᑰᒐᓚᐅᕐᓕᑦ ᑰᒃᑎᑐᑦ ᐅᓐᓄᐊᑕᒫᑦ, ᕿᐊᓂᕐᒧᑦ ᐅᒡᒍᐊᕐᓂᕐᒧᓪᓗ ᓄᑭᖃᕈᓐᓁᑐᐃᓐᓇᕐᓗᓯ ᐱᔪᒃᓴᐅᒐᓗᐊᕐᐳᓯ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:2

ᐊᑕᓂᖅ ᓂᑲᒍᓱᖕᓂᖃᕋᓂ ᔧᑯᒃᑯᑦ ᐃᒡᓗᒐᓴᒡᔪᐊᖁᑎᖏᑦ ᐊᓯᕈᕐᑕᐅᑎᑉᐰᑦ ᓂᓐᖓᕕᒡᔪᐊᕐᓂᕐᒥᓄᑦ ᔫᑕᐅᑉ ᐸᓂᖏᑕ ᐱᔭᐅᑦᔧᕐᓯᒪᑦᔪᑎᖏᑦ ᓯᖁᒥᑉᐰᑦ ᐊᖓᔪᖅᑲᐅᕕᖏᑦ ᐊᖓᔪᖅᑳᕐᔪᐊᖏᑕᓗ ᐃᕐᓂᖏᑦ ᐅᐱᓐᓇᕈᓐᓃᕐᑎᓪᓗᒋᑦ ᐱᔪᓐᓇᕐᓂᖃᕈᓐᓁᕐᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:5

ᐊᑕᓂᖅ ᐊᑭᕋᕐᑎᑐᑦ ᑍᒤᓕᕐᐳᖅ ᐃᓴᕆᐊᓕᒥᐅᓂᒃ ᓄᖑᕅᓪᓗᓂ, ᐃᒡᓗᒐᓴᒡᔪᐊᖁᑎᖏᑦ ᓄᖑᑎᒻᒪᒋᑦ ᐱᔭᐅᒌᒃᑯᑎᖏᓪᓗ ᓯᖁᑦᑎᕐᓱᒋᑦ ᔫᑕᐅᑉ ᐸᓂᖏᓐᓄᑦ ᓇᓂᑐᐃᓐᓇᖅ ᕿᒃᓵᖕᓇᕐᑐᖃᕐᑎᑦᓯᕗᖅ ᐅᒡᒍᐊᕐᓇᕐᑐᖃᕐᑎᑦᓯᓪᓗᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 20:22

ᑍᒤᑦᑐᒪᔪᓐᓁᓚᐅᕆᕙᒃᑲᓕ ᐊᑎᕋ ᐱᑦᔪᑎᒋᓪᓗᒍ, ᐃᓅᖃᑎᒌᒡᔪᐊᑦ ᐄᑦᔨᑉᑎᒥᑦ ᐊᐅᓪᓚᕐᑎᑦᓯᑎᓪᓗᖓ ᖃᐅᔨᓚᐅᕐᑐᑦ ᓇᕐᕈᓇᕐᓯᑎᑦᓯᖁᓇᒋᑦ ᐅᕙᓐᓂᒃ.