ᔨᕆᒤᐊᐅᑉ ᐅᒡᒍᐊᕐᓂᖏᑦ 2:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᑐᒃᓯᐊᕐᕕᒡᔪᐊᖅ ᐃᓂᒋᓂᕋᕐᑕᓂ ᓯᖁᑦᑎᕐᑕᐅᑎᑉᐹ ᐱᕈᕐᓰᕕᒃᑎᑐᑦ ᑖᓐᓇ ᑲᑎᕕᒋᕙᒃᑕᕗᑦ, ᐊᑕᓂᐅᑉ ᓮᐅᓂ ᐳᐃᒍᕐᑕᐅᑎᑉᐹ ᓇᓪᓕᐅᓐᓂᕐᓯᐅᕐᕕᐅᕙᒃᑐᓂᒃ ᓴᐸᑎᓂᓗ, ᐊᖓᔪᖅᑳᕐᔪᐊᖅ ᑐᓂᕐᕈᓯᕐᑎᑦᓯᔩᓪᓗ ᓂᓐᖓᕕᒃᔪᐊᕐᓂᕐᒥᓄᑦ ᓇᕐᕈᒋᓕᕐᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:6 ပူးပေါင်းရင်းမြစ်များ

ᐃᓐᖏᕈᑎᑦ 74:7

ᐃᑦᔪᕐᓁᑦᑐᕕᖁᑏᑦ ᐃᑯᐊᓪᓚᒃᑎᑉᐹᑦ; ᐊᑎᕐᓄᑦ ᑐᒃᓯᐊᕐᕕᐅᖃᑦᑕᕐᑐᖅ ᓄᓇᒧᑦ ᑎᑭᓪᓗᒍ ᓇᕐᕈᓇᕐᓯᑎᑉᐹᑦ.

ᐃᓐᖏᕈᑎᑦ 76:2

ᓴᓕᒥᒥ ᑐᐱᕐᔪᐊᖁᑎᖓ ᐃᓂᖃᕐᐳᖅ, ᐃᓂᖃᕐᐳᕐᓗ ᓮᐅᓂᒥ.

ᐃᓐᖏᕈᑎᑦ 80:12

ᓱᖕᒪᓪᓕ ᐊᕙᓗᕐᔪᐊᖏᑦ ᓯᖁᑦᑎᓚᐅᕐᐱᒌᑦ, ᓴᓂᖅᑯᑦᑐᓄᑦ ᑕᒤᓐᓄᑦ ᐱᕈᕐᑐᖏᑦ ᓄᓱᒃᑕᐅᔪᓐᓇᖁᓪᓗᒌᑦ?

ᐃᓐᖏᕈᑎᑦ 89:40

ᐊᕙᓗᕐᔪᐊᓕᒫᖏᑦ ᓯᖁᒥᑉᐸᑎᑦ; ᐃᒡᓗᕐᔪᐊᖏᓪᓗ ᕿᒫᕕᖏᑦ ᓯᖁᑦᑎᕐᐸᑎᑦ.

ᐂᓮᐊᓯᐅᑉ ᐊᒡᓚᖏᑦ 1:13

ᑐᓂᕐᕈᑎᒃᓴᓯ ᐊᑑᑎᖃᖏᑦᑐᑦ ᕾᑎᖃᑦᑕᕈᓐᓃᕐᓯᐅᒃ; ᐃᓯᕐᓗᐊᕐᓂᑎᑦᓯᑦᔪᑏᓪᓗ ᑎᐱᖏᑦ ᐱᐅᒋᓐᖏᓚᒃᑲ, ᑕᖅᑭᓂᕋᑖᕐᓂᖓᓂ ᓇᓪᓕᐅᓐᓂᕐᓯᐅᕈᑎᓯ ᓴᐸᑎᒥᓗ ᑲᑎᒪᓂᕆᕙᒃᑕᓯ ᐊᕆᐅᑉᐸᒃᑲ ᐊᔪᕐᓂᑦᓯᓐᓄᑦ ᐱᐅᔪᓐᓃᕐᑎᑕᐅᓯᒪᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 1:8

ᓮᐅᓂᐅᑉ ᐸᓂᖓ ᑭᓯᒥ ᐊᒥᐊᒃᑯᑑᕗᖅ, ᐃᒡᓗᕋᓛᑎᑐᑦ ᕔᓂᒃᓮᑦ ᐱᕈᕐᕕᖓᓃᑦᑐᑎᑐᑦ, ᐃᒡᓗᕋᓛᑐᓪᓗ ᑍᒤᑉᐳᖅ ᐱᕈᕐᓰᕕᖕᒥ, ᐃᒡᓗᒐᓴᒡᔪᐊᑦ ᐊᕙᓗᔭᐅᓯᒪᓪᓗᑎᒃ ᐊᑭᕋᕐᑐᕐᑎᒥᓄᑦ.

ᐂᓮᐊᓯᐅᑉ ᐊᒡᓚᖏᑦ 43:28

ᑍᒤᒻᒪᑦ ᐊᖓᔪᖅᑳᓯ ᓇᕐᕈᓇᕐᓯᑎᑦᓯᓚᐅᕐᒪᑕ ᑐᒃᓯᐊᕐᕕᒡᔪᐊᖁᑎᓐᓂᒃ: ᔧᑰᑉ ᑭᖑᕚᖏᑦ ᓄᖑᕋᕐᑕᐅᔪᒃᓴᓐᖑᕐᑎᓚᐅᕐᐸᒃᑲ, ᐃᓴᕆᐊᓕᒥᐅᓪᓗ ᐆᒥᒋᔭᒃᓴᓐᖑᕐᑎᓪᓗᒋᑦ.”

ᐂᓮᐊᓯᐅᑉ ᐊᒡᓚᖏᑦ 5:5

“ᒫᓐᓇᓕ ᐅᖃᐅᑎᓂᐊᓕᕐᐸᒋᑦ ᐱᕈᕐᓰᕕᖁᑎᓐᓄᑦ ᐱᓇᓱᐊᕐᓂᐊᕐᓂᓐᓂᒃ, ᐊᕙᓗᓕᐅᕐᓯᒪᔪᖅ ᐱᕈᕐᑐᓂᒃ ᐲᕈᒪᕙᕋ, ᑕᕝᕙ ᓄᖑᑕᐅᓂᐊᕐᐳᖅ; ᐊᕙᓗᖏᓪᓗ ᓯᖁᒥᓪᓗᒋᑦ ᑐᓪᓕᕋᕐᑕᐅᓗᓂ.

ᐂᓮᐊᓯᐅᑉ ᐊᒡᓚᖏᑦ 5:6

ᐊᑑᑎᖃᕈᓐᓃᕐᑎᑦᓱᒪᕙᕋ, ᕔᓂᒃᓮᓪᓗ ᐱᕈᕐᕕᖏᑦ ᓇᑲᑎᕐᑕᐅᖃᑦᑕᕐᓂᐊᓐᖏᓪᓚᑦ ᓄᓇᖓᓗ ᐊᕿᓕᓴᕐᑕᐅᕙᖏᓪᓗᓂ, ᐊᕚᓚᕿᐊᓪᓗ ᐅᕐᐱᒊᓪᓗ ᑲᑭᓐᓇᕐᑐᓖᑦ ᐱᕈᕈᒫᕐᐳᑦ; ᓄᕗᔧᓪᓗ ᐱᖁᔪᒫᕐᐸᒃᑲ ᑕᕝᕗᖓ ᓯᓚᓗᖁᓇᒋᑦ.”

ᐂᓮᐊᓯᐅᑉ ᐊᒡᓚᖏᑦ 63:18

ᐃᓄᖁᑎᑎᑦ ᐃᑦᔪᕐᓁᑦᑐᑦ ᐱᖃᓚᐅᕐᑐᓚᐅᕐᐳᑦ ᐃᑦᔪᕐᓁᑦᑐᕕᖁᑎᖕᓂᒃ ᐊᑯᓂᐅᖏᑦᑐᖅ; ᐊᑭᕋᑦᑕᓕ ᑐᓪᓕᕋᑐᐃᓐᓇᕐᓯᒪᕚᑦ.

ᐂᓮᐊᓯᐅᑉ ᐊᒡᓚᖏᑦ 64:11

ᐃᑦᔪᕐᓁᑦᑐᖅ ᐃᒡᓗᖁᑎᕗᑦ ᑕᑯᒥᓇᕐᑐᕐᔪᐊᖅ, ᓯᕗᓕᑦᑕ ᓂᕐᑐᐃᕕᒋᕙᓚᐅᕐᑕᖓ ᐃᓕᖕᓂᒃ, ᐃᑯᐊᓪᓚᒃᑕᐅᓪᓗᓂ ᓄᖑᓯᒪᕗᖅ, ᐃᓂᑦᓯᐊᕆᓚᐅᕐᑕᓕᒫᕗᓪᓗ ᐃᒡᓗᕕᓂᑐᐃᓐᓇᐅᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 17:27

ᓈᓚᖏᒃᑯᑦᓯᓐᖓᓕ ᓴᐸᑎᓗ ᐃᑦᔪᕐᓁᑎᖏᒃᑯᑦᓯᐅᒃ, ᐊᒡᔭᕐᓯᑦᑍᓕᖏᒃᑯᑦᓯᓗ ᓴᐸᑎᐅᑎᓪᓗᒍ ᔨᕉᓴᓕᐅᑉ ᐃᑎᕐᑕᕐᕕᖏᑎᒍᑦ, ᑕᕝᕙ ᐃᑎᕐᑕᕐᕕᖏᑦ ᐃᑯᐊᓪᓚᒍᒫᕐᐸᒃᑲ, ᔨᕉᓴᓕᒻ ᐊᖓᔪᖅᑳᒃᑯᕕᖓ ᓄᖑᑕᐅᔪᒫᕐᐳᖅ ᖃᒥᑕᐅᔪᓐᓇᕈᒫᓐᖏᓚᕐᓗ.’”

ᔨᕆᒤᐊᐅᑉ ᐊᒡᓚᖏᑦ 42:18

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᑍᒫᒃᑕᐅᖅ ᔨᕉᓴᓕᒥᐅᓄᑦ ᓂᓐᖓᕕᒡᔪᐊᕐᓂᕋ ᓴᖅᑭᑎᓚᐅᕋᒃᑯ, ᐃᓕᑦᓯᓐᓄᑦᑕᐅᖅ ᓴᖅᑭᑎᑦᓱᓐᓇᕆᕙᕋ ᐄᑦᔨᑉᑎᒧᐊᕐᓂᐊᕈᑦᓯ. ᑕᑯᔪᒥᓇᕐᑑᔪᒫᓐᖏᓚᓯ ᐃᓄᖕᓄᓪᓗ ᒥᑕᐅᑎᒋᔭᒃᓴᐅᔪᒫᕐᐳᓯ ᐅᖃᕐᓂᕐᓘᑎᒃᓴᐅᓗᓯᓗ, ᓄᓇᓯᓗ ᑕᒪᓐᓇ ᑕᑯᒃᑲᓐᓂᕈᓐᓇᕈᒫᓐᖏᓚᓯᐅᒃ.”

ᔨᕆᒤᐊᐅᑉ ᐊᒡᓚᖏᑦ 45:4

“ᐊᑕᓂᖅ ᐅᖃᕐᐳᖅ, ᐃᒫᒃ ᐅᖃᐅᑎᒍᒃ, ᑕᑯᒋᑦ, ᓇᑉᐸᕐᑎᓚᐅᕐᑕᒃᑲ ᓄᖑᑎᑦᓱᒫᕆᕙᒃᑲ, ᐱᕈᕐᑎᓚᐅᕐᑕᒃᑲᓗ ᓄᓱᒃᐸᒡᓗᒋᑦ ᓄᓇᓕᒫᒥᑦ.

ᔨᕆᒤᐊᐅᑉ ᐊᒡᓚᖏᑦ 50:28

“ᐹᐱᓘᓂᒥᑦ ᕿᒫᓂᑯᐃᑦ ᓮᐅᓂᒥ ᓄᓇᑖᕐᓂᑯᐃᑦ ᐅᖃᐅᓯᖏᑦ ᑐᓵᓯᐅᒃ, ᐊᑕᓂᐅᑉ ᒎᑎᑦᑕ ᐊᑭᓂᐊᕐᕕᒋᕔᑦ, ᑐᒃᓯᐊᕐᕕᒡᔪᐊᖁᑎᓂ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:4

ᓮᐅᓂᒧᑦ ᑐᒃᓯᐊᕆᐊᕐᑐᖃᕈᓐᓁᕐᐳᖅ ᐅᓪᓗᐃᑦ ᐃᑦᔪᕐᓁᑦᑐᑦ ᓇᓪᓕᐅᑎᕕᖏᓐᓂ, ᐃᑎᕐᑕᕐᕕᖏᑦ ᐃᓄᖃᕈᓐᓁᕐᐳᑦ, ᐊᔪᕆᕐᑐᐃᔨᖁᑎᖏᓪᓗ ᐅᖁᒤᒃᓴᕐᓇᕐᑐᒦᓕᕐᒪᑕ ᕿᒃᓵᖕᓇᕐᑐᒦᑎᑕᐅᕗᑦ, ᐊᕐᓁᑦ ᐃᓅᓱᒃᑐᑦ ᕿᒃᓵᒃᐳᑦ ᐋᓐᓂᐊᓇᕐᑐᒦᒻᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:16

ᐊᑕᓂᐅᑉ ᑲᒪᒋᔪᓐᓃᕐᒪᒋᑦ ᓯᐊᒻᒪᕐᑎᑉᐰᑦ ᓇᒧᑐᐃᓐᓇᖅ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᓪᓗ ᐅᐱᒋᔪᓐᓃᕐᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:20

ᐊᑕᓂᐅᑉ ᐅᕐᓱᕐᑎᕐᓯᒪᔭᖓ ᐃᓅᓯᖃᕐᕕᒋᔭᕗᑦ, ᑎᒍᕚᑦ ᐃᑎᕐᓴᓕᐊᕆᓯᒪᔭᒥᖕᓂ, ᐅᖃᐅᓯᕆᓚᐅᕐᑕᕗᑦ, “ᑖᑦᓱᒪ ᑕᕐᕋᖓᓂ ᐃᓅᔪᒫᕐᐳᒍᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:12

ᐊᖓᔪᖅᑳᕐᔪᐊᓪᓗ ᐃᕐᓂᖏᑦ ᓂᕕᓐᖓᕐᑕᐅᖃᑦᑕᕐᐳᑦ ᐊᒡᒊᓐᓇᖏᑎᒍᑦ, ᐃᓄᑐᖃᕆᔭᕗᓪᓗ ᐅᐱᒋᔭᐅᓂᖃᓐᖏᓚᑦ.

ᐃᓯᑭᐊᓕᐅᑉ ᐊᒡᓚᖏᑦ 17:18

ᐅᖃᕕᒍᑎᒥᓂᒃ ᓇᕐᕈᓂᕐᒧᑦ ᐊᖏᖃᑎᒌᒍᑎᒋᓯᒪᔭᒥᓂᒃ ᓯᖁᒥᑦᓯᓚᐅᕐᒪᑦ, ᐃᒻᒥᓂᒃ ᐂᑦᑑᑎᒋᓚᐅᕐᓗᓂ ᑕᒪᒃᑯᓂᖓ ᐱᓇᓱᐊᓚᐅᕋᒥ, ᐊᓐᓇᖕᓂᐊᓐᖏᓚᖅ.

ᒨᓯᓯ ᐱᖓᔪᖏᑦ 26:31

ᐃᒡᓗᒐᓴᒡᔪᐊᓯ ᓯᖁᑦᑎᕐᓂᐊᕐᐸᒃᑲ, ᑐᒃᓯᐊᕐᕕᒃᓯᓗ ᐊᓯᕈᕐᓗᒋᑦ, ᑐᓂᕐᕈᑎᓯᓗ ᐆᑕᒃᓮᑦ ᐃᓚᓕᐅᕐᓂᐊᓐᖏᓚᒃᑲ.

ᔨᐸᓁᐊᐅᑉ ᐊᒡᓚᖏᑦ 3:18

ᕿᒃᓵᖕᓇᕐᑐᑦ ᓇᓪᓕᐅᕐᓂᕐᓯᐅᕐᓃᑦ ᐲᕐᑎᓐᓂᐊᕐᐸᒃᑲ, ᓯᕘᕋᓵᕈᑎᒋᔭᒃᑲ ᐲᕐᑎᓐᓂᐊᕐᐸᒃᑲ.

ᒪᓚᑬᑉ ᐊᒡᓚᖏᑦ 2:9

ᑍᒤᒻᒪᑦ ᓇᕐᕈᒋᔭᐅᓕᕐᑎᑉᐸᑦᓯ ᐃᓕᕋᒃᑯᓐᓇᕐᓯᑎᓪᓗᓯᓗ ᐃᓄᐃᑦ ᓯᕗᕌᓂ, ᐊᖅᑯᑎᒋᔭᐅᖁᔭᒃᑲ ᐊᑐᓚᐅᖏᓐᓇᑦᓯᐅᒃ ᐱᖁᔧᓪᓗ ᐃᓔᓐᓇᖏᓐᓂᒃ ᐊᔪᕆᕐᑐᐃᓚᐅᕋᑦᓯ.”