ᔨᕆᒤᐊᐅᑉ ᐅᒡᒍᐊᕐᓂᖏᑦ 2:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐱᑎᒃᓯᒥᓄᑦ ᑐᕌᕐᑎᑉᐹᑎᒍᑦ ᐱᒋᐊᕈᒪᓪᓗᑕ ᐊᑭᕋᕐᑎᑐᑦ, ᓄᖑᑕᐅᑎᑉᐰᑦ ᖁᕕᐊᒋᓪᓗᒋᑦ ᐃᓅᖃᑎᓐᓈᕆᔭᕗᑦ, ᓂᓐᖓᕕᒃᔪᐊᕐᓂᕐᒥᓄᑦ ᐃᑯᐊᓪᓔᔭᕐᑐᕐᑐᑎᑐᑦ ᓮᐅᓂᐅᑉ ᐸᓂᖏᑕ ᑐᐱᖏᑦ ᓄᖑᑕᐅᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:4 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 34:21

“ᐂᓕᕆᑦᓯ ᐊᑕᓂᖅ ᖃᐅᔨᒋᐊᕐᕕᒋᓗᒍ ᐱᓪᓗᖓ ᔫᑕᐅᓪᓗ ᐃᓴᕆᐊᓕᒥᐅᓪᓗ ᐊᒥᐊᒃᑯᖏᑦ, ᑖᒃᑯᐊ ᐅᖃᐅᓰᑦ ᐊᒡᓚᖕᓂᑦ ᐱᔪᑦ ᓇᓂᔭᐅᓚᐅᕐᑐᑦ ᐱᓪᓗᒋᑦ; ᐊᑕᓂᐅᑉ ᓂᓐᖓᐅᓯᖓ ᐊᖏᔫᕗᖅ ᐅᕙᑦᑎᓐᓄᑦ ᑯᕕᔭᐅᓯᒪᔪᖅ, ᓯᕗᓕᕆᓚᐅᕐᑕᕗᑦ ᐊᑕᓂᐅᑉ ᐅᖃᐅᓯᖓᓂᒃ ᒪᓕᓚᐅᖏᒻᒪᑕ, ᐱᓇᓱᐊᓚᐅᕋᑎᒡᓗ ᑖᒃᑯᓂᖓ ᐊᒡᓚᒃᓯᒪᔪᑦ ᒪᓕᒡᓗᒋᑦ.”

ᑯᕉᓂᑲ ᐂᑉᐸᖏᑦ 34:25

ᐅᕙᓐᓂᒃ ᕿᒤᓚᐅᕐᒪᑕ ᑎᐱᑦᓯᐊᕆᒃᑐᓂᒡᓗ ᐃᑯᐊᓪᓔᖃᑦᑕᓕᕐᓗᑎᒃ ᒎᑎᓐᖑᐊᓄᑦ, ᐅᕙᓐᓂᒡᓗ ᓂᓐᖓᒃᓮᓚᐅᕐᒪᑕ ᐱᓂᐊᕐᓂᕐᒥᖕᓄᑦ, ᑍᒤᒻᒪᑦ ᓂᓐᖓᐅᓯᕋ ᑯᕕᓂᐊᕐᐳᖅ ᑕᕝᕗᖓ ᖃᒥᑎᑕᐅᓂᐊᕋᓂᓗ.

ᔫᐱᐅᑉ ᐊᒡᓚᖏᑦ 19:11

ᓂᓐᖓᐅᒪᓂᓂ ᐅᕙᓐᓄᑦ ᑐᕌᕐᑎᓯᒪᕚ, ᐊᑭᕋᕐᑐᑎᒥᑐᓪᓗ ᑍᒤᑎᓕᕐᓗᖓ.

ᔫᐱᐅᑉ ᐊᒡᓚᖏᑦ 6:4

ᒎᑎᐅᑉ ᐊᔪᒐᖃᖏᑦᑑᑉ ᖃᕐᔪᖏᑕ ᐃᓗᒃᑯᑦ ᑲᐱᓯᒪᖕᒪᖓ; ᑐᖁᓐᓇᕐᑐᖏᓐᓂᒡᓗ ᑎᒥᒐ ᐃᒥᕐᓯᒪᓕᕐᓗᓂ; ᒎᑎᐅᑉ ᑲᑉᐱᐊᓱᒃᑎᑦᓯᓂᕐᒥᓄᑦ ᑎᑭᕝᕕᐅᑎᓯᒪᖕᒪᖓ.

ᐃᓐᖏᕈᑎᑦ 37:14

ᐱᐅᖏᑦᑐᓕᔪᑦ ᓴᕕᒡᔪᐊᒥᖕᓂᒃ ᐊᒧᓯᕗᑦ ᐱᑎᒃᓯᑎᒡᓗ ᕿᓗᓯᒪᕔᑦ, ᐊᔪᕐᓴᕐᑐᑦ ᐱᖃᖏᑦᑐᓪᓗ ᐅᕐᕈᑎᑦᓱᒪᓪᓗᒋᑦ, ᑐᖁᑦᓱᒪᓪᓗᒋᓪᓗ ᓱᓕᑦᓯᐊᕐᑐᒥᒃ ᐃᓅᔪᑦ.

ᐃᓐᖏᕈᑎᑦ 7:13

ᐸᕐᓁᕐᓯᒪᒋᕗᕐᓗ ᓱᒋᐅᑎᓂᒃ ᑐᖁᑦᓯᔪᓐᓇᕐᑐᓂᒃ, ᖃᕐᔪᓂᓗ ᐃᑯᒪᔪᓐᖑᕐᑎᑉᐰᑦ.

ᐂᓮᐊᓯᐅᑉ ᐊᒡᓚᖏᑦ 42:25

ᑍᒤᒻᒪᑦ ᓂᓐᖓᒡᕕᒋᒻᒪᕆᓚᐅᕐᐰᑦ, ᐅᓇᑕᕐᓂᒧᓪᓗ ᐊᒃᓱᕈᕐᑎᑕᐅᓪᓗᑎᒃ; ᖃᓂᒋᔭᓕᒫᖓᓪᓗ ᐃᑯᐊᓪᓚᒃᑎᓪᓗᒍ, ᓱᓕᓕ ᑐᑭᓯᓚᐅᓐᖏᓚᑦ; ᐃᑯᒪᒧᓪᓗ ᐆᑕᐅᓚᐅᕐᐳᑦ, ᓱᓕᓕ ᐆᒻᒪᒻᒥᐅᑕᕐᑖᕆᓚᐅᓐᖏᓛᑦ.”

ᐂᓮᐊᓯᐅᑉ ᐊᒡᓚᖏᑦ 63:10

ᐊᑭᕋᕐᑐᓕᖃᑦᑕᓚᐅᕐᐳᓪᓕ, ᐊᓂᕐᓂᖓᓗ ᐃᑦᔪᕐᓁᑦᑐᖅ ᕿᒃᓵᒃᑎᓪᓗᒍ, ᑍᒤᒻᒪᑦ ᓇᖕᒥᓂᖅ ᓵᓐᖓᓕᓚᐅᕐᐰᑦ ᐊᑭᕋᕐᑐᕐᑎᑎᑐᑦ, ᓇᖕᒥᓂᕐᓗ ᐅᓇᑕᕐᓕᕐᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 63:6

ᐃᓅᖃᑎᒋᒡᔪᐊᑦ ᑐᓪᓕᓚᐅᕋᒃᑭᑦ ᓂᓐᖓᐅᒪᓂᕐᒧᑦ, ᓂᓐᖓᐅᒪᓂᓐᓂᒃ ᐃᒥᕐᑎᓚᐅᕐᐸᒃᑲ, ᐊᐅᖏᓪᓗ ᑯᕕᑎᓪᓗᒋᑦ ᓄᓇᒧᑦ.”

ᔨᕆᒤᐊᐅᑉ ᐊᒡᓚᖏᑦ 10:20

ᑐᐱᕋ ᑐᖅᑭᕐᑕᐅᖕᒪᑦ, ᓄᖃᕐᑑᑎᓕᒫᖏᑦ ᕿᒃᑐᕌᕗᑦ; ᕿᑐᕐᖓᓕᒫᒃᑲ ᐅᕙᓐᓂᒃ ᕿᒤᓯᒪᓕᕐᐳᑦ. ᑐᑉᐸᒃᓴᕐᑎᒃᓴᖃᕈᓐᓃᕐᐳᖓ ᐅᖅᑯᐃᕝᕕᒃᓴᓐᓂᒃ.”

ᔨᕆᒤᐊᐅᑉ ᐊᒡᓚᖏᑦ 21:12

ᑍᕕᑎᐅᑉ ᐊᖓᔪᖅᑳᕐᔪᐊᖑᓂᖓᓄᑦ ᑭᖑᕚᖑᔪᓯ, ᐊᑕᓂᖅ ᐃᒫᒃ ᐅᖃᕐᐳᖅ: “ᓈᒻᒪᓈᕐᓯᒪᔪᒥᒃ ᐱᓇᓱᐊᖃᑦᑕᕆᑦᓯ ᖃᐅᑕᒫᑦ, ᓴᐳᑦᔨᓯᒪᓇᓱᐊᖃᑦᑕᕐᓗᓯᓗ ᑎᒡᓕᒡᕕᐅᓯᒪᔪᓂᒃ, ᓂᓐᖓᒡᓗᖓ ᐊᑭᓂᐊᖁᓇᖓ ᐃᑯᐊᓚᔪᑎᑐᑦ, ᐱᐅᖏᑦᑐᓕᓂᓯ ᐃᑯᐊᓚᒃᑕᐅᖁᓪᓗᒋᑦ, ᖃᒥᑕᐅᓂᐊᓐᖏᓚᕐᓗ ᓇᓪᓕᐊᓐᓄᓪᓘᓐᓃᑦ.”’

ᔨᕆᒤᐊᐅᑉ ᐊᒡᓚᖏᑦ 21:5

ᐅᕙᖓ ᓇᖕᒥᓂᖅ ᐅᓇᑕᕐᓂᐊᕐᐸᑦᓯ ᐱᔪᓐᓇᕐᓂᓐᓄᑦ, ᓂᓐᖓᐅᒪᓂᓐᓄᑦ ᓂᓐᖓᕕᒃᔪᐊᕐᓯᒪᓂᓐᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 30:14

ᐅᖓᒋᔨᒋᓚᐅᕐᑕᑦᓯ ᐳᐃᒍᕐᐹᓯ ᐃᒃᐱᒋᔭᐅᔪᓐᓃᕐᓗᓯᓗ ᑖᒃᑯᓄᖓ, ᐊᑭᕋᑦᑐᑦ ᐊᑭᓂᐊᕐᕕᒋᒐᑦᓯ, ᓇᒡᓕᖕᓂᖃᖏᑦᑐᑎᑐᑦ ᓱᒋᐊᕐᐸᑦᓯ ᐸᓯᔭᒃᓴᐅᓂᓯ ᐊᖏᔫᓗᐊᓕᕐᒪᑦ, ᐊᔪᕐᑐᓕᓯᒪᓂᓯᓗ ᐅᓄᓗᐊᓕᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 36:7

ᐃᒻᒪᖄ ᐊᑕᓂᕐᒧᑦ ᕿᓄᔪᓐᓇᕐᓯᒐᔭᕐᒪᑕ, ᐊᑐᓂᓪᓗ ᓵᒋᐊᕐᓗᑎᒃ ᐱᐅᖏᑦᑐᓕᓂᕐᒥᖕᓂᑦ, ᐊᑕᓂᐅᑉ ᓂᓐᖓᕕᒃᔪᐊᕐᓂᕐᒥᓄᑦ ᓱᒋᐊᕐᓯᔪᒪᓂᖓ ᐊᖏᔪᐊᓘᖕᒪᑦ ᑖᒃᑯᓄᖓ.”

ᔨᕆᒤᐊᐅᑉ ᐊᒡᓚᖏᑦ 4:4

ᐊᑕᓂᕐᒧᑦ ᑐᓂᓕᕆᑦᓯ, ᐆᒻᒪᑎᓯᓗ ᑐᓂᓗᒋᑦ ᐃᓕᑦᓯ ᐃᓄᖁᑎᒋᔭᐅᔪᓯ ᔫᑕᒥ ᔨᕉᓴᓕᒥᓗ, ᑐᓂᓂᐊᖏᒃᑯᑦᓯ ᓂᓐᖓᖕᓂᕋ ᐃᑯᐊᓚᔪᑎᑐᑦ ᑍᒤᓐᓂᐊᕐᐳᖅ ᐱᐅᖏᑦᑐᓂᒃ ᐱᓂᐊᕐᓯᒪᓂᓯ ᐱᓪᓗᒋᑦ, ᑭᓇᒧᓐᓘᓐᓃᑦ ᖃᒥᑕᐅᔪᓐᓇᕐᓂᐊᓐᖏᓚᖅ.”

ᔨᕆᒤᐊᐅᑉ ᐊᒡᓚᖏᑦ 42:18

“ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐃᒫᒃ ᐅᖃᕐᐳᖅ, ᑍᒫᒃᑕᐅᖅ ᔨᕉᓴᓕᒥᐅᓄᑦ ᓂᓐᖓᕕᒡᔪᐊᕐᓂᕋ ᓴᖅᑭᑎᓚᐅᕋᒃᑯ, ᐃᓕᑦᓯᓐᓄᑦᑕᐅᖅ ᓴᖅᑭᑎᑦᓱᓐᓇᕆᕙᕋ ᐄᑦᔨᑉᑎᒧᐊᕐᓂᐊᕈᑦᓯ. ᑕᑯᔪᒥᓇᕐᑑᔪᒫᓐᖏᓚᓯ ᐃᓄᖕᓄᓪᓗ ᒥᑕᐅᑎᒋᔭᒃᓴᐅᔪᒫᕐᐳᓯ ᐅᖃᕐᓂᕐᓘᑎᒃᓴᐅᓗᓯᓗ, ᓄᓇᓯᓗ ᑕᒪᓐᓇ ᑕᑯᒃᑲᓐᓂᕈᓐᓇᕈᒫᓐᖏᓚᓯᐅᒃ.”

ᔨᕆᒤᐊᐅᑉ ᐊᒡᓚᖏᑦ 7:20

ᐃᒫᒃ ᑕᕝᕙ ᐊᑕᓂᖅ ᒎᑎ ᐅᖃᕐᐳᖅ: ᑕᑯᒋᑦ, ᓂᓐᖓᒃᑯᒪ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᕐᐸᒃᑲ ᐃᓄᐃᓗ ᐆᒪᔪᓪᓗ, ᓇᐹᕐᑐᐃᓪᓗ, ᐸᐅᕐᒊᓪᓗ ᓄᓇᒥ ᐱᕈᕐᐸᒃᑐᑦ, ᐃᑯᐊᓚᓂᐊᕐᐳᑦ ᖃᒥᑕᐅᔪᓐᓇᖏᑦᑐᒥᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:13

ᖁᑦᓯᒃᑐᒥᑦ ᐃᑯᒪᒥᒃ ᑎᑭᑎᑦᓯᕗᖅ ᐃᑯᐊᓚᔪᒥᒃ, ᓴᐅᓂᒃᑲ ᑎᑭᓪᓗᒋᑦ, ᒎᑎ ᓂᒐᕐᕕᒃᓴᓂᒃ ᐋᖅᑭᒃᓯᕗᖅ, ᓂᒐᕋᒪᓗ ᐅᑎᕆᐊᕐᑎᑉᐹᖓ, ᓱᓁᕈᑎᓪᓗᓂᖓ ᓄᑭᖃᕈᓐᓁᕐᑎᑉᐹᖓ ᐅᓪᓗᓕᒫᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:5

ᐊᑕᓂᖅ ᐊᑭᕋᕐᑎᑐᑦ ᑍᒤᓕᕐᐳᖅ ᐃᓴᕆᐊᓕᒥᐅᓂᒃ ᓄᖑᕅᓪᓗᓂ, ᐃᒡᓗᒐᓴᒡᔪᐊᖁᑎᖏᑦ ᓄᖑᑎᒻᒪᒋᑦ ᐱᔭᐅᒌᒃᑯᑎᖏᓪᓗ ᓯᖁᑦᑎᕐᓱᒋᑦ ᔫᑕᐅᑉ ᐸᓂᖏᓐᓄᑦ ᓇᓂᑐᐃᓐᓇᖅ ᕿᒃᓵᖕᓇᕐᑐᖃᕐᑎᑦᓯᕗᖅ ᐅᒡᒍᐊᕐᓇᕐᑐᖃᕐᑎᑦᓯᓪᓗᓂᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:3

ᐅᕙᓐᓄᑐᐊᖅ ᐊᒡᒐᓂ ᓵᑉᐰᑦ, ᐋᓐᓂᕐᓯᕐᑕᐅᔪᑎᑐᑦ ᑍᒤᑉᐳᖓ ᐅᓪᓗᓕᒫᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:1

ᒎᓘᑉ ᐱᔪᒥᓇᕐᓂᕆᓚᐅᕐᑕᖓ ᐱᔪᒥᓇᕈᓐᓃᕐᓯᒪᕗᖅ, ᐅᔭᕋᑦᓯᐊᕔᓪᓗ ᐊᑭᑐᔪᒃᓴᔧᑦ ᓇᓂᑐᐃᓐᓇᖅ ᐊᖅᑯᑎᓂ ᑕᒫᓃᕐᕆᑐᐃᓐᓇᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:11

ᐊᑕᓂᐅᑉ ᓂᓐᖓᕕᒡᔪᐊᕐᓂᓂ ᓴᖅᑭᑎᒻᒪᒍ, ᓮᐅᓂ ᐃᑯᐊᓪᓚᒃᑕᐅᕗᖅ ᓄᖑᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 13:13

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓂᓐᖓᐅᒪᓂᓐᓄᑦ ᐊᓄᕆᕐᔪᐊᖃᕐᑎᑦᓯᔪᒫᕋᒪ; ᓯᓚᓗᒡᔪᐊᕐᓗᓂᓗ ᓇᑕᖅᑯᕐᓇᕐᓗᓂᓗ ᓂᓐᖓᐅᒪᓂᓐᓄᑦ ᓯᖁᑦᑎᕈᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 20:34

ᓄᓇᓂᑦ ᓇᑭᑐᐃᓐᓇᖅ ᓯᐊᒻᒪᕐᑎᑕᐅᓯᒪᕕᑦᓯᓐᓂᑦ ᑲᑎᕐᓱᕈᒫᕐᐸᑦᓯ, ᐊᒡᒐᓐᓄᑦ ᓲᖑᔪᓄᑦ ᑕᓕᓐᓄᓪᓗ ᓴᓐᖏᔪᒧᑦ, ᓂᓐᖓᐅᓯᓐᓂᒃ ᐃᓚᖃᕐᑐᒧᑦ;

ᐃᓯᑭᐊᓕᐅᑉ ᐊᒡᓚᖏᑦ 22:22

ᓯᐅᓪᕕᕇᑦ ᐊᐅᒃᑎᑦᓯᕕᖕᒥ ᐊᐅᒃᑎᑕᐅᓲᖑᖕᒪᑕ, ᐃᓕᑦᓯᑦᑕᐅᖅ ᐊᐅᒃᑎᑕᐅᔪᒫᕐᐳᓯ ᑕᕝᕙᓂ; ᑕᕝᕙ ᖃᐅᔨᔪᒫᕐᐳᓯ ᐅᕙᖓ ᐊᑕᓂᖅ, ᐃᓕᑦᓯᓐᓂᒃ ᓂᓐᖓᐅᑦᔨᓯᒪᓂᓐᓄᑦ ᑍᒤᓕᐅᕐᕕᒋᓚᐅᕋᑦᓯ.”

ᐃᓯᑭᐊᓕᐅᑉ ᐊᒡᓚᖏᑦ 24:25

“ᐃᕝᕕᓪᓕ ᐃᓅᑉ ᐃᕐᓂᖓ, ᐅᓪᓗᖅ ᓇᓪᓕᐅᑎᒃᐸᑦ ᓴᓐᖏᑦᔪᑎᒋᔭᖓᑦ ᐲᕈᒃᑯ, ᖁᕕᐊᒋᔭᖓᑦ ᓂᕐᑐᕐᓇᐅᑎᒋᔭᖓᓪᓗ, ᑕᑯᒥᓇᕆᔭᖓᑦ ᐆᒻᒪᑎᖏᑕᓗ ᐱᔪᒥᓇᕆᔭᖓᑦ, ᐃᕐᓂᖏᓐᓂᒃ ᐸᓂᖏᓐᓂᒡᓗ ᐊᕐᓵᕈᒃᑭᑦ.

ᐃᓯᑭᐊᓕᐅᑉ ᐊᒡᓚᖏᑦ 36:18

ᑍᒤᒻᒪᑦ ᓂᓐᖓᕝᕕᒋᓚᐅᕐᐸᒃᑲ ᐃᓄᐊᕐᓗᑎᒃ ᐊᐅᖕᒥᒃ ᑯᕕᓯᖃᑦᑕᕐᒪᑕ ᓄᓇᒧᑦ, ᒎᑎᓐᖑᐊᓄᓪᓗ ᓄᓇᑎᒃ ᓇᕐᕈᓇᕐᓯᑎᓚᐅᕐᒪᑦᔪᒃ.

ᐃᓯᑭᐊᓕᐅᑉ ᐊᒡᓚᖏᑦ 5:13

“ᑍᒫᒃ ᓂᓐᖓᐅᒪᓂᕋ ᐊᐅᓚᓂᖃᕈᒫᕐᐳᖅ, ᓂᓐᖓᕕᒡᔪᐊᕐᓂᕋᓗ ᑖᒃᑯᓄᖓ ᑐᕌᕈᒫᕐᐳᖅ ᐱᔭᕇᓚᐅᖏᓐᓂᓐᓂ; ᑖᒃᑯᐊ ᖃᐅᔨᓕᕈᒫᕐᐳᑦ ᐅᕙᖓ ᐊᑕᓂᐅᔪᖓ ᐅᖃᓪᓚᒃᓯᒪᒐᒪ ᓯᖕᓇᓂᕐᒧᑦ, ᓂᓐᖓᒡᕕᖃᕐᓯᒪᓂᕐᒧᓪᓗ ᐱᓇᓱᐊᕐᓯᒪᓂᓐᓂᒃ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 6:12

ᐅᖓᓯᒃᑐᒦᑦᑐᖅ ᐋᓐᓂᐊᓇᕐᑐᓄᑦ ᑐᖁᔪᒫᕐᐳᖅ; ᖃᓂᑦᑐᒦᑦᑐᕐᓗ ᓴᕕᒡᔪᐊᕐᒧᑦ ᑐᖁᓗᓂ, ᐊᒥᐊᒃᑰᔪᕐᓗ ᑳᖕᓇᕐᑐᕐᔪᐊᕐᒧᑦ ᐱᕐᓕᕐᓗᓂ. ᑍᒫᒃ ᓂᓐᖓᐅᒪᕕᒡᔪᐊᕐᓂᓐᓄᑦ ᐱᓇᓱᐊᕈᒫᕐᐳᖓ ᑖᒃᑯᓄᖓ.

ᐃᓯᑭᐊᓕᐅᑉ ᐊᒡᓚᖏᑦ 7:14

ᑎᑦᑐᓚᐅᑦ ᓂᓪᓕᕐᑎᑉᐹᑦ ᐊᑐᐃᓐᓇᕈᕐᑐᐃᓐᓇᐅᓗᑎᒃ; ᐅᓇᑕᕆᐊᕈᓐᓇᕐᓯᓐᖏᓚᓪᓕ, ᓂᓐᖓᐅᓯᕐᒪ ᐃᓄᓕᒫᑦ ᑎᑭᒻᒪᒋᑦ.”

ᒨᓯᓯ ᐱᖓᔪᖏᑦ 26:17

ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᓇᕼᐅᒥᐅᑉ ᐊᒡᓚᖏᑦ 1:2

ᐊᑕᓂᖅ ᒎᑎᐅᕗᖅ ᐊᓯᒥᓅᖁᔨᖏᑦᑐᖅ ᐊᑭᓂᐊᕐᑎᐅᓪᓗᓂᓗ; ᐊᑕᓂᖅ ᐊᑭᓂᐊᕐᐳᖅ ᓂᓐᖓᐅᒪᓕᕐᓗᓂᓗ; ᐊᑕᓂᐅᑉ ᐊᑭᕋᕐᑐᕐᑎᓂ ᐊᑭᓂᐊᕐᐰᑦ, ᐆᒥᒋᔨᒥᓄᓪᓗ ᓂᓐᖓᖕᓂᓂ ᐃᓕᖓᑎᑉᐹ.

ᓇᕼᐅᒥᐅᑉ ᐊᒡᓚᖏᑦ 1:6

ᓂᓐᖓᓕᕐᐸᑦ, ᑭᓇ ᐊᓐᓇᒍᓐᓇᕋᔭᕐᐹ? ᑭᓇᓗ ᐊᓐᓇᒍᓐᓇᕐᐹ ᓂᓐᖓᐅᒪᕕᒡᔪᐊᕐᓂᖓᓂᑦ? ᑖᑦᓱᒪ ᓂᓐᖓᐅᒪᓂᖓ ᐃᑯᒪᔪᑐᑦ ᑍᒤᑦᑐᖅ ᓈᕕᑕᐅᕗᖅ; ᑕᕝᕙ ᐅᔭᕅᑦ ᓯᖃᓪᓕᕗᑦ ᑖᑦᓱᒪ ᓵᖓᓂ.

ᒨᓯᓯ ᑕᓪᓕᒪᖏᑦ 32:22

ᓂᓐᖓᐅᓯᕋ ᐃᑯᒪᑎᑐᑦ ᐃᑯᐊᓪᓚᒃᑐᑎᑐᑦ ᑍᒤᓕᕐᐳᖅ, ᓄᓇᕐᔪᐊᕐᒦᑦᑐᓕᒫᓂᒡᓗ ᐃᑯᐊᓪᓚᒃᑎᑦᓯᓂᐊᕐᐳᖅ. ᐊᒡᓛᑦ ᓄᓇᕐᔪᐊᑉ ᐊᒃᐸᓯᖕᓂᖓᓃᑦᑐᑦ ᑎᑭᓪᓗᒋᑦ ᖃᖅᑬᓪᓗ ᑐᓐᖓᕕᖏᑦ ᐊᒡᓛᑦ ᑎᑭᓪᓗᒋᑦ.

ᓴᒧᐃᓕ ᓯᕗᓪᓖᑦ 28:16

ᓴᒧᐃᓕᓗ ᐅᖃᕐᐳᖅ, “ᓱᖕᒪᓪᓕ ᐊᐱᕆᕕᖔ, ᐊᑕᓂᕐᒧᑦ ᕿᒪᒃᑕᐅᓯᒪᓕᕋᕕᑦ ᐊᑭᕋᕆᓕᕋᕕᐅᒡᓗ?