ᔨᕆᒤᐊᐅᑉ ᐅᒡᒍᐊᕐᓂᖏᑦ 2:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᓂᓐᖓᖕᓂᕐᒥᓄᑦ ᐃᓴᕆᐊᓕᒥᐅᑦ ᐱᔪᓐᓇᕐᓂᖃᕈᓐᓁᕐᑎᑉᐰᑦ, ᐊᑭᕋᖏᑦ ᑎᑭᐅᑎᖕᒪᑕ ᐱᔪᓐᓇᕐᓂᕐᒥᓄᑦ ᐃᑲᔪᕐᓯᕆᐊᓐᖏᓔᑦ ᐃᑯᐊᓪᓔᕙᓪᓕᐊᔪᑎᑐᑦ ᔧᑯᒃᑯᑦ ᑎᑭᓪᓗᒋᑦ ᓄᖑᑕᐅᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:3 ပူးပေါင်းရင်းမြစ်များ

ᑯᕉᓂᑲ ᐂᑉᐸᖏᑦ 34:25

ᐅᕙᓐᓂᒃ ᕿᒤᓚᐅᕐᒪᑕ ᑎᐱᑦᓯᐊᕆᒃᑐᓂᒡᓗ ᐃᑯᐊᓪᓔᖃᑦᑕᓕᕐᓗᑎᒃ ᒎᑎᓐᖑᐊᓄᑦ, ᐅᕙᓐᓂᒡᓗ ᓂᓐᖓᒃᓮᓚᐅᕐᒪᑕ ᐱᓂᐊᕐᓂᕐᒥᖕᓄᑦ, ᑍᒤᒻᒪᑦ ᓂᓐᖓᐅᓯᕋ ᑯᕕᓂᐊᕐᐳᖅ ᑕᕝᕗᖓ ᖃᒥᑎᑕᐅᓂᐊᕋᓂᓗ.

ᔫᐱᐅᑉ ᐊᒡᓚᖏᑦ 16:15

ᕿᒃᓵᖕᓂᕐᒧᑦ ᐊᓐᓄᕌᓕᐅᓚᐅᕐᐳᖓ ᐳᑐᕐᓛᒥᒃ, ᐳᔪᕋᕐᒥᓗ ᐃᒃᓯᕚᓕᕐᓗᖓ ᓱᓇᐅᔪᓐᓁᕐᓂᕐᒧᑦ.

ᐃᓐᖏᕈᑎᑦ 132:17

ᑕᕝᕙᓂ ᑍᕕᑎᐅᑉ ᓇᒡᔪᖓ ᒪᑭᑎᓐᓂᐊᕐᐸᕋ; ᐅᕐᓱᕐᑎᕐᓯᒪᔭᕋ ᐊᑐᐃᓐᓇᕈᐃᕕᒋᓯᒪᕙᕋ ᓇᓂᕈᐊᕐᒥᒃ.

ᐃᓐᖏᕈᑎᑦ 74:11

ᓱᖕᒪᑦ ᐊᒡᒐᑎᑦ ᐅᕙᑦᑎᓐᓂᒃ ᐃᑲᔪᕐᑍᓕᒪᑎᑉᐱᒋᑦ? ᓱᖕᒪᑦ ᐊᒡᒐᑎᑦ ᑕᓕᕐᐲᑦ ᑐᓄᖕᓃᑎᑉᐱᒋᑦ?

ᐃᓐᖏᕈᑎᑦ 75:10

ᐱᐅᖏᑦᑐᓕᔪᑦ ᓇᒡᔪᓕᒫᖏᑦ ᓇᑲᑎᕈᒫᕐᐰᑦ, ᐃᓱᐊᕐᑐᓕᔪᓪᓕ ᓇᒡᔪᖏᑦ ᐊᖏᔪᕈᕐᑎᑕᐅᔪᒫᕐᐳᑦ.

ᐃᓐᖏᕈᑎᑦ 75:5

ᓇᒡᔪᓯ ᖁᒻᒧᑦ ᐃᓴᐅᑎᓐᓂᐊᕋᓯᐅᒃ; ᑕᑎᑐᓗᓯᓗ ᓂᓪᓕᐊᓂᐊᕋᓯ.”

ᐃᓐᖏᕈᑎᑦ 79:5

ᐊᑕᓃᖅ ᖃᓄᖅ ᐊᑯᓂᐅᑎᒋᔪᖅ ᐅᕙᑦᑎᓐᓄᑦ ᓂᓐᖓᐅᒪᓂᐊᕐᐲᑦ? ᓯᖕᓇᓂᕐᒧᑦ ᓂᓐᖓᐅᒪᓃᑦ ᐃᑯᒪᑎᑐᑦ ᐃᑯᐊᓚᑏᓐᓇᕐᓂᐊᕐᐱᐅᒃ?

ᐃᓐᖏᕈᑎᑦ 89:24

ᓱᖁᓯᔪᐃᑦᑑᓂᕐᒪ ᓇᒡᓕᒍᓱᖕᓂᕐᒪᓗ ᐃᓚᒋᓂᐊᕐᐹ; ᑖᑦᓱᒪ ᐱᔪᓐᓇᕐᓂᖓ ᐊᑎᓐᓂ ᐊᖏᔪᕈᕐᑎᑕᐅᓂᐊᕐᐳᖅ.

ᐃᓐᖏᕈᑎᑦ 89:46

ᐊᑕᓃᖅ ᖃᓄᖅ ᐊᑯᓂᐅᑎᒋᔪᖅ ᐃᔨᕐᓯᒪᓂᐊᕐᐲᑦ? ᖃᓄᕐᓗ ᐊᑯᓂᐅᑎᒋᔪᖅ ᓂᓐᖓᐅᒪᓃᑦ ᐃᑯᐊᓚᔪᑎᑐᑦ ᑍᒤᓐᓂᐊᕐᐹ?

ᐂᓮᐊᓯᐅᑉ ᐊᒡᓚᖏᑦ 1:31

ᓴᓐᖏᔪᑦ ᐃᑯᐊᓪᓚᒃᓴᐅᑎᐅᔪᒫᕐᐳᑦ, ᐱᓇᓱᐊᕐᓂᖏᓪᓗ ᐊᐅᒫᒡᒋᕐᑐᑎᑐᑦ ᑍᒤᓕᕐᓗᑎᒃ, ᑕᒪᕐᒥᒃ ᑖᒃᑯᐊᒃ ᐃᑯᐊᓚᔪᒫᕐᐴᒃ, ᑭᓇᒧᓪᓘᓐᓃᑦ ᖃᒥᑕᐅᔪᓐᓇᖏᓪᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 42:25

ᑍᒤᒻᒪᑦ ᓂᓐᖓᒡᕕᒋᒻᒪᕆᓚᐅᕐᐰᑦ, ᐅᓇᑕᕐᓂᒧᓪᓗ ᐊᒃᓱᕈᕐᑎᑕᐅᓪᓗᑎᒃ; ᖃᓂᒋᔭᓕᒫᖓᓪᓗ ᐃᑯᐊᓪᓚᒃᑎᓪᓗᒍ, ᓱᓕᓕ ᑐᑭᓯᓚᐅᓐᖏᓚᑦ; ᐃᑯᒪᒧᓪᓗ ᐆᑕᐅᓚᐅᕐᐳᑦ, ᓱᓕᓕ ᐆᒻᒪᒻᒥᐅᑕᕐᑖᕆᓚᐅᓐᖏᓛᑦ.”

ᔨᕆᒤᐊᐅᑉ ᐊᒡᓚᖏᑦ 21:14

ᓱᒋᐊᕐᓂᐊᕐᐸᑦᓯ ᐱᓂᐊᕐᓂᓯ ᐱᕈᕐᑎᑕᖏᑦ ᒪᓕᒡᓗᒋᑦ, ᐊᑕᓂᖅ ᐅᖃᕐᐳᖅ; ᓇᐹᕐᑐᖁᑎᑦᓯᓐᓂᒃ ᐃᑯᐊᓪᓔᓂᐊᕐᐳᖓ ᓇᔪᕐᑕᓕᒫᓯᓗ ᐃᑯᐊᓚᓗᑎᒃ ᓄᖑᑕᐅᔪᒫᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 4:4

ᐊᑕᓂᕐᒧᑦ ᑐᓂᓕᕆᑦᓯ, ᐆᒻᒪᑎᓯᓗ ᑐᓂᓗᒋᑦ ᐃᓕᑦᓯ ᐃᓄᖁᑎᒋᔭᐅᔪᓯ ᔫᑕᒥ ᔨᕉᓴᓕᒥᓗ, ᑐᓂᓂᐊᖏᒃᑯᑦᓯ ᓂᓐᖓᖕᓂᕋ ᐃᑯᐊᓚᔪᑎᑐᑦ ᑍᒤᓐᓂᐊᕐᐳᖅ ᐱᐅᖏᑦᑐᓂᒃ ᐱᓂᐊᕐᓯᒪᓂᓯ ᐱᓪᓗᒋᑦ, ᑭᓇᒧᓐᓘᓐᓃᑦ ᖃᒥᑕᐅᔪᓐᓇᕐᓂᐊᓐᖏᓚᖅ.”

ᔨᕆᒤᐊᐅᑉ ᐊᒡᓚᖏᑦ 48:25

ᒧᐊᐱᒥᐅᑦ ᓇᒡᔪᐃᕐᑕᐅᖕᒪᑕ, ᑕᓖᕐᑕᐅᓪᓗᑎᒡᓗ, ᐊᑕᓂᖅ ᐅᖃᕐᐳᖅ.”

ᔨᕆᒤᐊᐅᑉ ᐊᒡᓚᖏᑦ 7:20

ᐃᒫᒃ ᑕᕝᕙ ᐊᑕᓂᖅ ᒎᑎ ᐅᖃᕐᐳᖅ: ᑕᑯᒋᑦ, ᓂᓐᖓᒃᑯᒪ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᕐᐸᒃᑲ ᐃᓄᐃᓗ ᐆᒪᔪᓪᓗ, ᓇᐹᕐᑐᐃᓪᓗ, ᐸᐅᕐᒊᓪᓗ ᓄᓇᒥ ᐱᕈᕐᐸᒃᑐᑦ, ᐃᑯᐊᓚᓂᐊᕐᐳᑦ ᖃᒥᑕᐅᔪᓐᓇᖏᑦᑐᒥᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:13

ᖁᑦᓯᒃᑐᒥᑦ ᐃᑯᒪᒥᒃ ᑎᑭᑎᑦᓯᕗᖅ ᐃᑯᐊᓚᔪᒥᒃ, ᓴᐅᓂᒃᑲ ᑎᑭᓪᓗᒋᑦ, ᒎᑎ ᓂᒐᕐᕕᒃᓴᓂᒃ ᐋᖅᑭᒃᓯᕗᖅ, ᓂᒐᕋᒪᓗ ᐅᑎᕆᐊᕐᑎᑉᐹᖓ, ᓱᓁᕈᑎᓪᓗᓂᖓ ᓄᑭᖃᕈᓐᓁᕐᑎᑉᐹᖓ ᐅᓪᓗᓕᒫᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:11

ᐊᑕᓂᐅᑉ ᓂᓐᖓᕕᒡᔪᐊᕐᓂᓂ ᓴᖅᑭᑎᒻᒪᒍ, ᓮᐅᓂ ᐃᑯᐊᓪᓚᒃᑕᐅᕗᖅ ᓄᖑᓪᓗᓂ.

ᐃᓯᑭᐊᓕᐅᑉ ᐊᒡᓚᖏᑦ 13:13

“ᑍᒤᒻᒪᑦ ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓂᓐᖓᐅᒪᓂᓐᓄᑦ ᐊᓄᕆᕐᔪᐊᖃᕐᑎᑦᓯᔪᒫᕋᒪ; ᓯᓚᓗᒡᔪᐊᕐᓗᓂᓗ ᓇᑕᖅᑯᕐᓇᕐᓗᓂᓗ ᓂᓐᖓᐅᒪᓂᓐᓄᑦ ᓯᖁᑦᑎᕈᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 7:14

ᑎᑦᑐᓚᐅᑦ ᓂᓪᓕᕐᑎᑉᐹᑦ ᐊᑐᐃᓐᓇᕈᕐᑐᐃᓐᓇᐅᓗᑎᒃ; ᐅᓇᑕᕆᐊᕈᓐᓇᕐᓯᓐᖏᓚᓪᓕ, ᓂᓐᖓᐅᓯᕐᒪ ᐃᓄᓕᒫᑦ ᑎᑭᒻᒪᒋᑦ.”

ᓇᕼᐅᒥᐅᑉ ᐊᒡᓚᖏᑦ 1:6

ᓂᓐᖓᓕᕐᐸᑦ, ᑭᓇ ᐊᓐᓇᒍᓐᓇᕋᔭᕐᐹ? ᑭᓇᓗ ᐊᓐᓇᒍᓐᓇᕐᐹ ᓂᓐᖓᐅᒪᕕᒡᔪᐊᕐᓂᖓᓂᑦ? ᑖᑦᓱᒪ ᓂᓐᖓᐅᒪᓂᖓ ᐃᑯᒪᔪᑐᑦ ᑍᒤᑦᑐᖅ ᓈᕕᑕᐅᕗᖅ; ᑕᕝᕙ ᐅᔭᕅᑦ ᓯᖃᓪᓕᕗᑦ ᑖᑦᓱᒪ ᓵᖓᓂ.

ᒪᓚᑬᑉ ᐊᒡᓚᖏᑦ 4:1

“ᑕᑯᒋᑦ, ᐅᓪᓗᖅ ᑎᑭᓕᕐᐳᖅ, ᐃᑯᐊᓪᓔᔪᒫᕐᑐᖅ ᐃᒐᐅᑉ ᐆᑦᓯᕕᖓᑐᑦ, ᐱᐅᔪᕆᔪᓕᒫᑦ ᐱᐅᖏᑦᑐᓕᔪᓕᒫᓪᓗ ᐃᑯᐊᓪᓚᒍᒫᕐᐳᑦ; ᐅᓪᓗᖅ ᑎᑭᓕᕐᐳᖅ ᐃᑯᐊᓪᓔᔪᒫᕐᑐᖅ ᑖᒃᑯᓂᖓ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐊᒫᖃᕈᓐᓁᕈᒫᕐᐳᑦ ᐊᕙᓚᖓᔪᖃᕈᓐᓁᕐᓗᑎᒡᓗ.

ᓘᑲᓯᐅᑉ ᐊᒡᓚᖏᑦ 1:69

ᐱᐅᓕᔨᕐᔪᐊᒥᒃ ᑐᓂᓯᕕᒋᖕᒪᑎᒍᑦ, ᐱᔨᒥ ᑍᕕᑎᐅᑉ ᑭᖑᕚᖏᓐᓂ.

ᓘᑲᓯᐅᑉ ᐊᒡᓚᖏᑦ 3:17

ᑖᑦᓱᒪ ᐃᕖᔧᑦᔪᑎᓂ ᑎᒍᒥᐊᕐᐹ, ᓂᐊᖂᔭᒃᓴᓕᕆᕝᕕᖕᒥᓂ ᓂᐊᖂᔭᒃᓴᑦ ᐃᕖᔭᕐᓂᐊᕐᐰᑦ, ᓂᐊᖂᔭᒃᓴᑦ ᐴᖅᑲᕐᓗᒋᑦ ᓂᐊᖂᔭᒃᓴᒃᑯᕕᖕᒥᓄᑦ, ᐃᕕᐅᓂᖏᑦ ᐃᑭᓐᓂᐊᕐᐰᑦ ᐃᑯᒪᒧᑦ ᖃᒥᓱᐃᑦᑐᒧᑦ.”

ᒨᓯᓯ ᑕᓪᓕᒪᖏᑦ 32:22

ᓂᓐᖓᐅᓯᕋ ᐃᑯᒪᑎᑐᑦ ᐃᑯᐊᓪᓚᒃᑐᑎᑐᑦ ᑍᒤᓕᕐᐳᖅ, ᓄᓇᕐᔪᐊᕐᒦᑦᑐᓕᒫᓂᒡᓗ ᐃᑯᐊᓪᓚᒃᑎᑦᓯᓂᐊᕐᐳᖅ. ᐊᒡᓛᑦ ᓄᓇᕐᔪᐊᑉ ᐊᒃᐸᓯᖕᓂᖓᓃᑦᑐᑦ ᑎᑭᓪᓗᒋᑦ ᖃᖅᑬᓪᓗ ᑐᓐᖓᕕᖏᑦ ᐊᒡᓛᑦ ᑎᑭᓪᓗᒋᑦ.