ᔨᕆᒤᐊᐅᑉ ᐅᒡᒍᐊᕐᓂᖏᑦ 2:11 - ᐊᒡᓔᑦ ᐃᑦᔪᕐᖕᓁᑦᑐᑦ

¹¹ ᐃᔩᒃᑲᒃ ᖁᕕᕐᓴᖃᕈᓐᓁᕐᐴᒃ ᕿᐊᓂᕐᒧᑦ, ᐃᓗᒃᑯᑦ ᐋᓐᓂᐊᕋᒪ, ᐃᓄᖁᑎᒃᑲ ᐊᓯᕈᕐᑕᐅᔪᑦ ᐱᑦᔪᑎᒋᓪᓗᒋᑦ ᑕᖃᕗᖓ, ᓄᑕᖅᑲᑦ ᓄᑕᕋᓛᓪᓗ ᓄᑭᖏᕈᑎᓂᑯᐃᑦ ᓇᓂᑐᐃᓐᓈᓕᕐᐳᑦ ᐊᖅᑯᑎᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:11 ပူးပေါင်းရင်းမြစ်များ

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:20

ᐊᑕᓃᖅ, ᑕᑯᓚᐅᓐᖓ ᐋᓐᓂᐊᕐᑐᖓ, ᐃᓗᒃᑯᑦ ᐋᓐᓂᐊᓕᕐᐳᖓ, ᐆᒻᒪᑎᒐ ᓯᖁᒥᑉᐳᖅ, ᐊᔪᕐᑐᓕᓯᒪᓂᕋ ᐱᑦᔪᑎᒋᓪᓗᒍ, ᓯᓚᒥ ᑐᖁᕋᐅᑎᔪᑦ ᐅᓄᕐᐳᑦ, ᐃᒡᓗᒥᓗ ᑐᖁᖓᔪᕐᑕᖃᐅᓕᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:16

ᑕᒪᓐᓇᓗ ᐱᓪᓗᒍ ᕿᐊᒧᑦ ᐃᔩᒃᑲ ᓴᓗᐊᔪᐃᑦᑑᓕᕐᐴᒃ ᖁᕝᕕᓐᓄᑦ, ᓮᒻᒪᕐᑎᑦᓯᔪᒃᓴᖅ ᒪᑭᑎᑦᓯᔪᒃᓴᕐᓗ ᐅᕙᓐᓂᑦ ᐅᖓᓯᖕᒪᑦ ᕿᑐᕐᖓᒃᑲᓗ ᐆᒪᑦᔪᑎᒃᓴᖃᕈᓐᓁᕐᐳᑦ, ᐊᑭᕋᕗᑦ ᓵᓚᖃᕐᒪᑕ ᐅᕙᑦᑎᓐᓂᒃ.

ᔫᐱᐅᑉ ᐊᒡᓚᖏᑦ 16:13

ᐊᕙᑎᓕᒫᓐᓂᑦ ᐱᓯᒋᐊᖃᑦᑕᓕᓚᐅᕐᐹᖓ ᖃᕐᔪᒥᓄᑦ, ᑲᐱᓚᐅᕐᐹᖓ ᑕᕐᑑᒃᑲᒃ ᑎᑭᓪᓗᒋᒃ ᓂᑲᒋᓚᐅᓐᖏᓛᖓ; ᓱᖓᕋ ᑯᕕᑎᓚᐅᕐᐹ ᒪᓂᖅᑲᒧᑦ.

ᔨᕆᒤᐊᐅᑉ ᐊᒡᓚᖏᑦ 4:19

ᐊᒃᓱᕈᕐᐳᖓ, ᐊᒃᓱᕈᕐᐳᖓ ᕿᑲᕈᓐᓁᓪᓕᕗᖓ ᐋᓐᓂᐊᓂᕐᒧᑦ ᐃᓗᒃᑯᑦ, ᐆᒻᒪᑎᒃᑯᑦ ᐋᓐᓂᐊᕋᒪ, ᐆᒻᒪᑎᒐ ᐊᖏᔪᒥᒃ ᑎᒡᓕᓕᕐᒪᑦ, ᓂᐱᖃᖏᑦᑑᔪᓐᓇᓐᖏᓚᖓ ᑎᑦᑐᓚᐅᑎᐅᑉ ᓂᐱᖓᓂᒃ ᑐᓴᕐᓯᒪᓕᕋᒪ, ᐅᓇᑕᕐᓂᐊᕐᑐᓂᒡᓗ ᑐᓵᓕᕐᐳᖓ.

ᐂᓮᐊᓯᐅᑉ ᐊᒡᓚᖏᑦ 22:4

ᑍᒤᒻᒪᑦ ᐃᒫᒃ ᐅᖃᓚᐅᕐᐳᖓ: “ᐊᓚᕆᑦᓯ ᐅᕙᓐᓂᒃ, ᐃᓱᒪᕐᓱᕐᓗᖓ ᕿᐊᓚᖓ; ᓮᒻᒪᕐᓴᕐᑕᐅᓇᓱᐊᕈᒪᓐᖏᓚᖓ ᐃᓅᖃᑎᒃᑲ ᑐᖁᑕᐅᓚᐅᕐᑐᑦ ᐱᓪᓗᒋᑦ.”

ᐃᓐᖏᕈᑎᑦ 22:14

ᐃᒥᕐᑐᑦ ᑯᕕᔭᐅᕗᖓ, ᓇᒡᒍᐊᒃᑲ ᑕᒪᕐᒥᒃ ᐃᓂᒥᓂᑦ ᓄᓱᒃᓯᒪᕗᑦ; ᐆᒻᒪᑎᒐ ᐸᑎᐅᔭᑐᑦ ᑍᒤᓕᕐᐳᖅ; ᐊᐅᒃᓯᒪᓪᓗᓂ ᓴᒡᕕᖕᒪ ᐃᓗᐊᓂ;

ᐃᓐᖏᕈᑎᑦ 6:7

ᐃᔩᒃᑲᒃ ᓴᓐᖐᑦᑑᓕᕐᐴᒃ ᕿᒃᓵᖕᓂᓐᓄᑦ; ᑕᒃᐲᑦᑑᓕᕐᐳᖓ ᐊᑭᕋᕐᑐᕐᑎᒃᑲ ᐱᑦᔪᑎᒋᓪᓗᒋᑦ.

ᓘᑲᓯᐅᑉ ᐊᒡᓚᖏᑦ 23:29

ᑕᑯᒋᑦ, ᐅᓪᓗᐃᑦ ᑎᑭᑦᓱᒫᕐᐳᑦ ᐃᓄᐃᑦ ᐅᖃᕐᕕᒋᔪᒫᕐᑕᖏᑦ, ‘ᓮᒻᒪᕐᑎᐅᓯᒪᔪᒥᒃ ᐃᓅᓯᖃᕐᐳᑦ ᐊᕐᓁᑦ ᕿᑐᕐᖓᕐᑖᕈᓐᓇᖏᑦᑐᑦ, ᓄᑕᕋᒃᑖᓚᐅᕐᓯᒪᖏᑦᑐᓪᓗ, ᐊᒫᒪᒃᑎᑦᑎᓚᐅᕐᓯᒪᓇᑎᒡᓗ!’

ᔨᕆᒤᐊᐅᑉ ᐊᒡᓚᖏᑦ 44:7

“ᑍᒤᒻᒪᑦ ᐃᒫᒃ ᐊᑕᓂᖅ ᒎᑎ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐃᓱᒪᓚᐅᕆᑦᓯ ᖃᓄᐃᒻᒪᑦ ᐃᓕᑦᓯᓐᓂᒃ ᐱᐅᖏᑦᑐᓕᐅᕐᑎᒻᒪᖔᑦᓯ, ᐊᖑᑎᑦ ᐊᕐᓁᓪᓗ ᓱᕈᓰᓪᓗ ᓄᑕᕋᑯᓗᐃᓪᓗ ᐊᓯᕈᕐᑕᐅᖁᒐᑦᓯᐅᒃ ᐊᒥᐊᒃᑯᖃᕈᒪᔪᓐᓃᕐᐱᓰ?

ᔨᕆᒤᐊᐅᑉ ᐊᒡᓚᖏᑦ 14:17

ᒪᑯᓂᖓ ᐅᖃᐅᓯᕐᓂᒃ ᐅᖃᐅᑎᒃᑭᑦ: “ᐃᔩᒃᑲᒃ ᖁᕝᕕᐅᕐᓂᕐᒧᑦ ᑯᕕᑐᐃᓐᓇᓕᕐᐴᒃ ᐅᓐᓄᐊᓕᒫᖅ ᐅᓪᓗᓕᒫᕐᓗ, ᓄᖅᑲᕈᓐᓁᓪᓕᓪᓗᖓᓗ, ᐅᐃᒡᒐᓱᒃᑎᑦᑐᑦ ᐃᓄᖁᑎᒃᑲ ᐃᑎᔪᒥᒃ ᑭᓕᕐᑕᐅᖕᒪᑕ, ᐋᓐᓂᐊᓇᕐᑐᕐᔪᐊᕐᒧᑦ ᐋᓐᓂᕐᑕᐅᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 8:19

ᐃᓅᖃᑎᒪ ᐊᔪᐃᓐᓇᕐᓗᑎᒃ ᕿᓄᓂᖏᑦ ᐅᖓᓯᒃᑐᒥᑦ ᑐᓴᒃᑭᑦ, ᐊᑕᓂᖅ ᓮᐅᓂᒦᑦᑐᓐᓃᕐᐹ? ᐊᖓᔪᖅᑳᕐᔪᐊᖁᑎᖓ ᑍᑲᓃᑦᓱᓐᓃᕐᐹ? ᓱᖕᒪᑦ ᓂᓐᖓᒃᑎᓐᓇᓱᐊᕐᐹᖓ? ᓴᓇᓐᖑᐊᕐᓯᒪᓪᓗᑎᒃ ᒎᑎᓐᖑᐊᕐᑖᕆᓯᒪᔭᒥᖕᓄᑦ ᓄᓇᖃᑎᒋᓐᖏᑕᒥᖕᓂᑦ ᐱᑖᕆᓯᒪᔭᒥᖕᓄᑦ.

ᐃᓐᖏᕈᑎᑦ 69:3

ᑕᖃᓯᒪᓕᕐᐳᖓ ᕿᐊᓂᕐᒧᑦ; ᐃᒡᒋᐊᕋᓗ ᐸᓂᓕᕐᓗᓂ. ᐃᔩᒃᑲᒃ ᐅᐃᑕᓂᖅ ᐊᔪᓕᕐᒪᑎᒃ, ᒎᑎᓐᓂᒃ ᕿᓂᕐᓂᕐᒧᑦ.

ᐃᓐᖏᕈᑎᑦ 31:9

ᐊᑕᓃᖅ, ᓂᑲᒋᓚᐅᓐᖓ, ᐅᖁᒤᑦᑐᒦᓗᐊᓕᕋᒪ; ᐃᔩᒃᑲᒃ ᓴᓐᖐᑦᑑᓕᕐᐳᒃ ᕿᒃᓵᖕᓂᕐᒧᑦ; ᐃᓛᒃ ᑕᕐᓂᕋ ᑎᒥᒐᓗᑦᑕᐅᖅ,

ᓴᒧᐃᓕ ᓯᕗᓪᓖᑦ 30:4

ᑕᕝᕙ ᑍᕕᑎᒃᑯᑦ ᐃᓚᖏᓪᓗ ᓂᐱᖃᕐᓗᑎᒃ ᕿᐊᓕᕐᐳᑦ, ᑭᐊᖏᓐᓇᓚᐅᕐᐳᓪᓗ ᑕᖃᓂᕐᒧᑦ ᕿᐊᔪᓐᓁᓪᓕᒐᒥᒃ ᑭᓯᐊᓂ ᓄᖅᑲᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 38:14

ᖁᐸᓄᐊᑎᑐᑦ ᑕᑎᒡᒐᕐᔪᐊᑐᓪᓗ ᓂᓪᓕᐊᓕᓚᐅᕐᐳᖓ, ᑑᕕᑎᑐᑦ ᑎᖕᒥᐊᑐᑦ ᓂᑦᔮᔫᔮᓕᕐᓗᖓ, ᐃᔩᒃᑲᒡᓗ ᑕᖃᓪᓗᑎᒃ ᖁᒻᒧᑦ ᑕᑯᓇᓱᖕᓂᕐᒧᑦ, ᐊᑕᓃᖅ, ᐅᖁᒤᒃᓴᕕᒡᔪᐊᓕᕋᒪ ᓴᐳᑎᓚᐅᓐᖓ!

ᔫᐱᐅᑉ ᐊᒡᓚᖏᑦ 30:27

ᑕᕝᕙ ᐆᒻᒪᑎᒐ ᐃᓂᓯᔪᓐᓁᓪᓕᕗᖅ, ᕿᑲᕈᓐᓁᓪᓕᓪᓗᓂᓗ; ᐅᓪᓗᑕᒫᑦ ᐅᖁᒤᑦᑐᒧᑦ ᑎᑭᐅᒪᔭᐅᒐᒪ.

ᐃᓐᖏᕈᑎᑦ 38:8

ᐱᒡᒐᕐᑐᐊᓘᓕᕐᐳᖓ, ᓯᖁᒥᓯᒪᓕᕐᓗᖓᓗ; ᐋᓐᓂᐊᓂᕐᒧᓪᓗ ᓂᓪᓕᐊᕗᖓ ᐆᒻᒪᑎᒪ ᐅᖁᒤᒃᓴᓗᐊᕐᓂᖓᓄᑦ.

ᐃᓐᖏᕈᑎᑦ 119:82

ᐃᔩᒃᑲ ᐅᖃᐅᓯᕐᓂᒃ ᕿᒥᕐᕈᐊᕐᓂᕐᒧᑦ ᑕᖃᓕᕐᐴᒃ, ᐊᐱᕐᓱᕐᓗᖓᓗ, “ᖃᖓᓕ ᐃᑲᔪᕐᓂᐊᕐᐱᖔ?”

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:17

ᑍᒤᒻᒪᑦ ᐆᒻᒪᑎᕗᑦ ᖃᓂᒪᕗᑦ, ᐃᔨᕗᓪᓗ ᑕᐅᑐᑦᓯᐊᕈᓐᓃᕐᓗᑎᒃ.

ᐂᓮᐊᓯᐅᑉ ᐊᒡᓚᖏᑦ 51:20

ᐃᕐᓂᑎᑦ ᓄᑮᕈᑎᓯᒪᕗᑦ, ᓇᓚᓪᓗᑎᒡᓗ ᐊᖅᑯᑏᑦ ᓴᖑᒋᐊᕐᕕᖏᓐᓂ, ᑐᒃᑐᖓᔪᑎᑐᑦ ᓄᓗᐊᕐᑎᑕᐅᓯᒪᔪᑎᑐᑦ; ᑖᒃᑯᐊ ᐊᑕᓂᐅᑉ ᓂᓐᖓᐅᒪᓂᖓᓄᑦ ᐊᒃᑐᐊᔭᐅᕗᑦ, ᒎᑎᑦᓯᓗ ᐃᓂᕐᑎᕆᓂᖓᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:11

ᔨᕉᓴᓕᐅᑉ ᐃᓄᖏᑦ ᐊᒃᓱᕈᕐᓗᑎᒃ ᓂᕿᒃᓴᕐᓯᐅᕐᐳᑦ, ᐱᖁᑎᑎᒡᓗ ᑕᐅᕐᓯᐅᑎᖃᑦᑕᕐᓗᒋᑦ ᓂᕿᒧᑦ ᐆᒪᑦᔪᑎᒋᓇᓱᐊᕐᓗᒋᑦ, “ᑕᑯᒋᑦ ᐊᑕᓃᖅ ᓱᓇᐅᔪᓐᓃᕐᑐᖓ ᐃᓱᒪᒋᑦᓯᐊᓚᐅᓐᖓ.”