ᔨᕆᒤᐊᐅᑉ ᐅᒡᒍᐊᕐᓂᖏᑦ 1:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐃᓄᐃᑦ ᑐᓵᒐᓗᐊᕋᒥᒃ ᐅᖁᒤᒃᓴᕐᓂᕆᔭᓐᓂᒃ ᓮᒻᒪᕐᓮᔪᒃᓴᕐᑕᖃᓐᖏᓚᖅ, ᐊᑭᕋᕐᑐᕐᑎᒃᑲ ᑐᓴᕋᒥᒃ ᐊᒃᓱᕈᕐᓂᕆᔭᓐᓂᒃ ᖁᕕᐊᓲᑎᖃᕐᐳᑦ ᖃᐅᔨᒐᒥᒃ ᓱᒋᐊᕐᑕᐅᓂᓐᓂᒃ ᐃᓕᖕᓄᑦ ᐃᖅᑲᕐᑐᐃᓂᕆᔪᒫᕐᓂᕋᕐᑍᑦ ᓇᓪᓕᐅᑎᑎᑦᔪᒃ, ᐅᕙᑦᑐᑦᑕᐅᖅ ᐅᖁᒤᓐᓇᕐᑐᒦᑎᒋᓕᖁᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:21 ပူးပေါင်းရင်းမြစ်များ

ᐃᓐᖏᕈᑎᑦ 35:15

ᑖᒃᑯᐊᓕ ᖃᓄᐃᓐᓇᕐᑐᒦᒃᑯᒪ ᖁᕕᐊᓲᑎᒋᕚᑦ, ᑲᑎᓪᓗᑎᒡᓗ; ᐊᑭᕋᕐᑐᕈᒪᔪᑦ ᑲᑎᑦᔪᑎᒋᕚᖓ, ᐊᓕᒃᑐᕐᑐᑎᑑᕐᐹᖓᓗ ᓄᖅᑲᕐᓂᐊᕋᑎᒃ.

ᐃᓐᖏᕈᑎᑦ 37:13

ᐊᑕᓂᐅᓪᓕ ᐃᔪᕆᕔᑦ ᐱᐅᖏᑦᑐᓕᔪᑦ, ᑕᑯᓐᓈᕋᒥ ᐅᓪᓗᒃᓴᖓᓂᒃ ᓇᓪᓕᐅᑎᔪᒫᕐᑐᒥᒃ.

ᐃᓐᖏᕈᑎᑦ 38:16

ᐅᖃᓚᐅᕋᒪ, “ᑐᓴᓚᐅᓐᖓ, ᐅᕙᓐᓂᒃ ᖁᕕᐊᓲᑎᖃᓕᖁᓇᒋᑦ, ᓯᐊᕐᕆᒍᒪᓗ ᐃᒻᒥᖕᓂᒃ ᓂᕐᑑᑎᖃᕐᓂᐊᕐᒪᑕ ᐊᑭᕋᕐᑐᕐᓗᖓ.”

ᐂᓮᐊᓯᐅᑉ ᐊᒡᓚᖏᑦ 14:5

ᐊᑕᓂᐅᑉ ᓇᐱᓯᒪᕔᑦ ᐱᐅᖏᑦᑐᓕᔪᑦ ᐊᔭᐅᑉᐱᐊᖏᑦ, ᐊᖓᔪᖅᑳᕐᔪᐊᓪᓗ ᐱᖁᔨᔪᓐᓇᐅᑎᒥᓄᑦ ᑎᒃᑯᐊᕐᓯᑦᔪᑎᖏᑦ.

ᐂᓮᐊᓯᐅᑉ ᐊᒡᓚᖏᑦ 14:6

ᓂᓐᖓᐅᒪᓂᕐᒥᖕᓄᑦ ᐃᓄᖕᓂᒃ ᐊᓇᐅᓕᕐᓯᕙᓚᐅᕐᑐᑦ ᓄᖅᑲᓚᐅᕐᓯᒪᓇᑎᒃ, ᐃᓅᖃᑎᒌᒡᔪᐊᓂᒡᓗ ᓵᓚᒋᓯᒪᔭᒥᖕᓂᒃ ᐊᖓᔪᖅᑲᐅᕕᖃᖃᑦᑕᓚᐅᕐᑐᑦ ᐊᑭᕋᕐᑐᕐᓗᒋᑦ ᓄᖅᑲᐅᑦᔨᓚᐅᕐᓯᒪᓇᑎᒃ.

ᔨᕆᒤᐊᐅᑉ ᐊᒡᓚᖏᑦ 30:16

ᐃᓕᑦᓯᓐᓂᒃ ᓄᖑᑎᑦᓯᔪᓕᒫᑦ ᓄᖑᑕᔪᒫᕐᐳᑦ; ᐊᑭᕋᕐᑐᕐᑎᓕᒫᓯ ᐊᐅᓪᓚᕈᑦᔭᐅᔪᒫᕐᐳᑦ, ᐃᓕᑦᓯᓐᓂᒃ ᐱᖁᑍᕈᑦᔨᔪᑦ ᐱᖁᑍᕈᑦᔭᐅᔪᒫᕐᐳᑦ, ᐃᓕᑦᓯᓐᓂᒡᓗ ᓱᓇᐅᔪᓐᓃᕐᑎᑦᓯᔪᑦ ᓱᓇᐅᔪᓐᓃᕐᑎᑦᓱᒫᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 48:27

ᐃᓴᕆᐊᓕᒥᐅᑦ ᑍᒫᒃᑕᐅᖅ ᒥᑕᐅᑎᒋᔭᐅᑎᓚᐅᓐᖏᓚᑏᑦ? ᑎᒡᓕᒃᑎᓄᓪᓗ ᐱᔭᐅᑎᓪᓗᒋᑦ, ᐃᓕᕿᑕᒫᕐᓗᑎᓪᓗ ᐅᖃᐅᓯᕆᓕᕌᖓᕕᒋᑦ ᐱᕙᓚᐅᓐᖏᓚᑏᑦ?

ᔨᕆᒤᐊᐅᑉ ᐊᒡᓚᖏᑦ 50:11

“ᖁᕕᐊᓱᒃᑲᑦᓯ ᓯᕆᓪᓗᓯᓗ, ᓇᒡᕚᕐᑕᕐᓂᑦᓯᓐᓄᑦ ᐃᓄᖁᑎᒪ ᐱᖏᓐᓂᒃ, ᒥᓯᒃᑕᕐᐳᓯ ᐊᕐᓇᓪᓗᒃᑎᑐᑦ ᐸᐅᕐᖓᒃᓴᓂᒃ ᓯᐊᒻᒪᕐᑎᕆᔪᑎᑐᑦ, ᓂᓪᓕᐊᓪᓗᓯᓗ ᕿᒻᒥᕐᔪᐊᑎᑐᑦ.

ᔨᕆᒤᐊᐅᑉ ᐊᒡᓚᖏᑦ 50:15

ᐊᕙᑖᓂᑦ ᓂᓪᓕᐊᓗᓯ ᐅᐸᓕᕐᓯᒋᒃ, ᓴᐱᓕᕈᑎᒃ ᐃᒻᒥᖕᓂᒃ ᑐᓂᑦᔪᑎᒋᓂᐊᕐᒪᑕ, ᓇᐸᔪᕐᔪᐊᖏᑦ ᐅᕐᕈᔪᒫᕐᐳᑦ, ᐊᕙᓗᕐᔪᐊᖏᓪᓗ ᓱᕋᒡᓗᑎᒃ ᐊᑕᓂᐅᑉ ᐊᑭᓂᐊᕐᓂᕆᖕᒪᒍ, ᐊᑭᓂᐊᕐᕕᒋᓕᕐᓯᐅᒃ ᑍᒫᓪᓗᐊᖅ ᐱᓂᐊᕐᓂᕆᖃᑦᑕᕐᓯᒪᔭᖏᑎᑐᑦ ᐃᓕᑦᓯᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 50:29

“ᐱᑎᒃᓵᕐᑏᑦ ᐹᐱᓘᓂᒧᑦ ᐱᑎᒃᓵᕆᐊᕐᑐᖁᔭᐅᓕᑦ, ᐊᕙᑕᖏᕐᑕᐅᓯᒪᓗᑎᒃ ᓯᓂᒃᑕᕆᐊᕐᕕᐅᓕᑦ, ᐊᑕᐅᓯᕐᒥᒡᓘᓐᓃᑦ ᐊᓐᓇᒃᑐᖃᕐᑍᓕᓕ, ᐊᑭᓂᐊᕐᕕᐅᓕᑦ ᐱᓂᐊᕐᓂᕆᖃᑦᑕᓚᐅᕐᑕᖏᑦ ᒪᓕᒡᓗᒋᑦ, ᐊᑕᓂᖅ ᐊᑭᕋᕐᑐᓚᐅᕐᒪᑦᔪᒃ ᐃᓴᕆᐊᓕᒥᐅᑦ ᐃᑦᔪᕐᓁᓐᓂᕐᐹᖁᑎᖓᑦ.

ᔨᕆᒤᐊᐅᑉ ᐊᒡᓚᖏᑦ 50:31

“ᑕᑯᒋᑦ ᐊᑭᕋᕐᑐᕐᐸᒋᑦ ᐱᔪᓐᓇᕋᓱᒋᓗᐊᓚᐅᕋᕕᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐅᓪᓗᖅ ᓱᒋᐊᕐᑕᐅᕕᒃᓴᖅ ᓇᓪᓕᐅᑎᕗᖅ.

ᔨᕆᒤᐊᐅᑉ ᐊᒡᓚᖏᑦ 51:24

ᐊᑕᓂᖅ ᐅᖃᕐᐳᖅ, “ᑕᐅᑐᒃᑎᓪᓗᓯ ᐹᐱᓘᓂ ᐊᑭᓂᐊᓛᕐᐸᕋ ᑕᕝᕙᓂᓗ ᓄᓇᖃᕐᑐᑦ ᑲᐅᓪᑎᐊᒥᐅᑦ, ᐱᐅᖏᑦᑐᓕᓂᕆᓚᐅᕐᑕᖏᓐᓄᑦ ᓮᐅᓂᒥ.

ᔨᕆᒤᐊᐅᑉ ᐊᒡᓚᖏᑦ 51:49

ᐃᓴᕆᐊᓕᒥᐅᓂ ᑐᖁᕋᕐᑕᐅᖃᑦᑕᕐᓯᒪᔪᑦ ᐱᓪᓗᒋᑦ ᐹᐱᓘᓂᒥᐅᑦ ᑲᑕᒍᑎᒋᔪᒫᕐᐰᑦ, ᑍᒫᒃᑕᐅᖅ ᓄᓇᖃᕐᑐᑦ ᐅᓄᕐᑐᑦ ᑲᑕᖃᑦᑕᕐᓯᒪᖕᒪᑕ ᐹᐱᓘᓂᒥᐅᑦ ᑐᖁᕅᖃᑦᑕᕐᓯᒪᓂᖏᓐᓄᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:16

ᑕᒪᓐᓇᓗ ᐱᓪᓗᒍ ᕿᐊᒧᑦ ᐃᔩᒃᑲ ᓴᓗᐊᔪᐃᑦᑑᓕᕐᐴᒃ ᖁᕝᕕᓐᓄᑦ, ᓮᒻᒪᕐᑎᑦᓯᔪᒃᓴᖅ ᒪᑭᑎᑦᓯᔪᒃᓴᕐᓗ ᐅᕙᓐᓂᑦ ᐅᖓᓯᖕᒪᑦ ᕿᑐᕐᖓᒃᑲᓗ ᐆᒪᑦᔪᑎᒃᓴᖃᕈᓐᓁᕐᐳᑦ, ᐊᑭᕋᕗᑦ ᓵᓚᖃᕐᒪᑕ ᐅᕙᑦᑎᓐᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:2

ᐅᓐᓄᐊᒃᑯᑦ ᕿᐊᖓᔭᖕᓂᕐᒧᑦ ᖁᕝᕕᖏᑦ ᑰᒐᕐᐳᑦ ᑮᓇᖓᓂ. ᐃᓚᓐᓇᕆᔭᖃᖏᑦᑐᑎᑐᑦ ᓮᒻᒪᕐᓮᔨᒃᓴᖃᓐᖏᓚᖅ, ᐃᓚᓐᓇᕆᓚᐅᕐᑕᖏᑕ ᐊᑭᕋᕐᑐᓕᕐᒪᑦᔪᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:22

ᐊᔪᕐᑐᓕᓂᖏᑦ ᓵᖕᓄᑦ ᓴᖅᑭᑎᒃᑭᑦ ᐱᓇᓱᐊᕈᑎᒋᓗᒋᓪᓗ, ᑍᒫᒃᑕᐅᖅ ᐊᔪᕐᑐᓕᓂᒃᑲ ᐱᓪᓗᒋᑦ ᐱᓂᐊᕐᕕᒋᓚᐊᕋᕕᖓ, ᐅᖁᒤᒃᓴᕈᑎᒋᔭᒃᑲ ᐅᓄᕐᒪᑕ ᐆᒻᒪᑎᒐᓗ ᓄᑭᖏᕈᑎᓕᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:4

ᓮᐅᓂᒧᑦ ᑐᒃᓯᐊᕆᐊᕐᑐᖃᕈᓐᓁᕐᐳᖅ ᐅᓪᓗᐃᑦ ᐃᑦᔪᕐᓁᑦᑐᑦ ᓇᓪᓕᐅᑎᕕᖏᓐᓂ, ᐃᑎᕐᑕᕐᕕᖏᑦ ᐃᓄᖃᕈᓐᓁᕐᐳᑦ, ᐊᔪᕆᕐᑐᐃᔨᖁᑎᖏᓪᓗ ᐅᖁᒤᒃᓴᕐᓇᕐᑐᒦᓕᕐᒪᑕ ᕿᒃᓵᖕᓇᕐᑐᒦᑎᑕᐅᕗᑦ, ᐊᕐᓁᑦ ᐃᓅᓱᒃᑐᑦ ᕿᒃᓵᒃᐳᑦ ᐋᓐᓂᐊᓇᕐᑐᒦᒻᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:8

ᔨᕉᓴᓕᒥᐅᑦ ᐊᔪᕐᑐᓕᓚᐅᕐᒪᑕ ᕿᒃᓵᖕᓇᕐᑐᒥᒃ ᒥᑕᐅᑎᒃᓴᑐᐃᓐᓇᐅᓕᕐᐳᑦ, ᐅᐱᒍᓲᑎᖃᓚᐅᕐᑐᓕᒫᑦ ᒫᓐᓇ ᓇᕐᕈᓕᕐᐳᑦ, ᓱᓇᖃᖏᓐᓂᖓ ᑕᑯᓕᕋᒥᑦᔪᒃ, ᓇᖕᒥᓂᕐᓗ ᐋᓐᓂᐊᑎᑉᐳᑦ ᑲᓐᖑᓱᒃᓗᑎᒡᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:15

ᐃᒡᓗᒐᓴᒡᔪᐊᑎᒍᑦ ᐊᖅᑯᓵᕐᑐᑦ ᐅᖃᐅᓯᕐᓘᑎᖃᕐᐳᑦ ᐃᓕᑦᓯᓐᓂᒃ ᐱᔪᓇᕈᓱᓐᖏᒧᑦ ᐃᒡᓚᐅᑎᖃᕐᐳᑦ ᔨᕉᓴᓕᐅᑉ ᐊᓯᕈᕐᑕᐅᓯᒪᓂᖓᓂᒃ, ᐅᖃᕐᓗᑎᒃ, “ᐃᒡᓗᒐᓴᒡᔪᐊᑦ ᑕᕝᕙ ᐱᐅᓂᕐᐹᖑᓂᕋᕐᑕᐅᕙᓚᐅᕐᑐᑦ, ᓯᓚᕐᔪᐊᕐᒥᐅᓄᑦ ᐅᐱᒍᓲᑎᒃᓴᐅᓂᕋᕐᑕᐅᕙᓚᐅᕐᑐᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:16

ᐊᑭᕋᖏᑕ ᒥᑕᐅᑎᒋᕚᑦ ᖀᒥᒋᓪᓗᒍᓗ ᐅᖃᕐᐳᑦ ᐊᓯᕈᕐᑕᐅᕋᑕᕐᐳᑦ, ᑍᒤᑕᐅᖁᓪᓗᒍ ᐅᑕᖅᑭᐊᕆᕙᓚᐅᕐᑕᕗᑦ ᐊᑑᑎᑎᑕᐅᓕᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 26:2

“ᐃᓅᑉ ᐃᕐᓂᖓ, ᑍᕆᒥᐅᑦ ᐅᖃᐅᓯᖃᓚᐅᕐᒪᑕ ᔨᕉᓴᓕᒥᒃ, ᐅᖃᕐᓗᑎᒃ ‘ᐋᕼᐊ, ᐃᓄᐃᑦ ᐃᑎᕐᑕᕐᕕᖓᑦ ᓯᖁᒥᑕᐅᕗᖅ, ᐅᕙᑦᑎᓐᓄᑦ ᒪᑐᐃᕐᐳᑦ; ᐱᑖᕈᓐᓇᕐᓂᐊᓕᕐᐳᒍᑦ ᑕᕝᕙᓐᖓᑦ, ᒫᓐᓇ ᐊᓯᕈᕐᑕᐅᓯᒪᓕᕐᒪᑕ.’

ᔪᐃᓕᐅᑉ ᐊᒡᓚᖏᑦ 3:14

ᐃᓄᒋᐊᒡᑐᕐᔪᐊᕌᓗᐃᑦ ᓇᕐᓴᒦᑉᐳᑦ ᐃᖅᑲᕐᑐᕐᑕᐅᕕᖕᒥ. ᑍᑲᓂ ᐊᑕᓂᐅᑉ ᐅᓪᓗᖓ ᖃᒡᓕᖕᒪᑦ ᓇᕐᓴᒥ ᐃᖅᑲᕐᑐᕐᑕᐅᕕᖕᒥ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:6

ᐃᓕᑦᓯᓐᓄᑦ ᐱᓂᐊᕐᓯᒪᓂᖓ ᒪᓕᒡᓗᒍ ᐱᓂᐊᕐᕕᒋᓯᐅᒃ, ᐱᓂᐊᕐᓂᕆᓚᐅᕐᑕᖏᓪᓗ ᒪᕐᕈᐃᕐᑐᓪᓗᐊᕐᑐᒥᒃ ᐊᑭᓂᐊᕐᕕᒋᓗᒍ, ᖃᓪᓗᑎᖓ ᐃᒻᒥᕐᑕᐅᓕ ᒪᕐᕈᐃᕐᑐᓪᓗᐊᕐᓗᓂ ᓴᓐᖏᓂᕐᓴᒥᒃ ᐃᓕᑦᓯᓐᓂᒃ ᐃᒥᕐᑎᑦᓯᓯᒪᓂᖓᓂᑦ.