ᔫᑎᐅᑉ ᐊᒡᓚᖏᑦ 1:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᐂᖏᓖᓪᓗ ᐱᔪᓐᓇᕐᓂᕐᒥᓃᖏᓐᓇᓚᐅᓐᖏᓚᑦ ᐃᓂᒋᔭᒥᖕᓂᒡᓗ ᕿᒤᓚᐅᕐᐳᑦ ᑖᑦᓱᒧᖓᓗ ᕿᓚᒃᑕᐅᓚᐅᕐᐳᑦ ᓴᕕᕋᔭᖕᓄᑦ ᐃᓱᖃᖏᑦᑐᒧᑦ ᕿᓚᒃᓯᒪᓂᐊᓕᕐᓗᑎᒃ ᑖᕐᑐᕐᔪᐊᕐᒥ ᐊᒃᐸᓯᖕᓂᕐᐹᒥ ᑕᕝᕙᓂᓗ ᐅᑕᖅᑭᑎᑕᐅᕗᑦ ᐅᓪᓗᕐᔪᐊᕐᒧᑦ ᐃᖅᑲᕐᑐᐃᓂᐅᓛᕐᑐᒧ;

ᔫᑎᐅᑉ ᐊᒡᓚᖏᑦ 1:6 ပူးပေါင်းရင်းမြစ်များ

ᒫᑎᐅᓯᐅᑉ ᐊᒡᓚᖏᑦ 10:15

ᖁᓚᕐᓇᖏᑦᑐᒥᒃ ᐅᖃᐅᑎᕙᑦᓯ, ᐃᖅᑲᕐᑐᐃᕕᒃ ᓇᓪᓕᐅᑎᒃᐸᑦ ᒎᑎᐅᑉ ᓂᑲᒋᓂᕐᓴᕆᓛᕐᐰᑦ ᓱᑑᒪᒥᐅᑦ ᒍᒨᕋᒥᐅᓪᓗ ᐃᓄᖏᑦ ᑖᒃᑯᓇᖓᑦ ᓄᓇᓕᖕᓂᑦ ᑐᓐᖓᓱᒃᑎᑦᓯᖏᑦᑐᓂᑦ.”

ᒫᑎᐅᓯᐅᑉ ᐊᒡᓚᖏᑦ 25:41

“ᑕᕝᕙ ᓴᐅᒥᖕᒥᓃᑦᑐᓄᑦ ᐅᖃᕈᒫᕆᕗᖅ, ‘ᑕᒫᓃᓐᖏᓚᐅᕆᑦᓯ ᒎᑎᒧᑦ ᓇᕐᕈᓇᕐᑐᓯ, ᐃᑯᒪᕐᔪᐊᕐᒧᑦ ᓄᖑᓱᐃᑦᑐᒧᐊᕆᑦᓯ ᐅᐸᓗᖕᒊᕈᑕᐅᓯᒪᔪᒧᑦ ᓵᑖᓇᓯᒧᑦ ᐂᖏᓖᖁᑎᖏᓐᓄᓪᓗ;

ᒫᑎᐅᓯᐅᑉ ᐊᒡᓚᖏᑦ 8:29

ᑖᒃᑯᐊᒃ ᓂᓪᓕᐊᓕᕐᐴᒃ ᕾᒐᓛᕐᓗᑎᒃ, “ᐅᕙᑦᑎᖕᓄᑦ ᖃᓄᐃᓕᐅᕆᐊᕐᑐᕐᐲᑦ ᒎᑎᐅᑉ ᐃᕐᓂᖓ? ᐋᓐᓂᐊᑎᑦᓯᔭᕐᑐᕐᐲᑦ ᓱᓕ ᐱᕕᒃᓴᖅ ᓇᓪᓕᐅᑎᓚᐅᕐᑎᓐᓇᒍ?”

ᔪᐊᓇᓯᐅᑉ ᐊᒡᓚᖏᑦ 8:44

ᐊᑖᑕᑦᓯᓐᓂᑦ ᓵᑖᓇᓯᒥᑦ ᐱᕗᓯ, ᐊᑖᑕᑦᓯᓗ ᐱᔪᒪᔭᖏᑦ ᒪᓕᒍᒪᕙᓯ. ᑖᓐᓇ ᐱᒋᐊᕐᓂᖓᓂᑦ ᐃᓄᐊᕐᑎᐅᕗᖅ, ᓱᓕᔪᒥᒡᓗ ᐱᓯᒪᓚᐅᕐᓯᒪᓐᖏᓚᖅ, ᓱᓕᓂᖅ ᑖᑦᓱᒪᓃᖏᒻᒪᑦ. ᓴᒡᓗᒍᓂ, ᐱᐅᓯᒥᓂᒃ ᐊᑐᕐᐳᖅ, ᓴᒡᓗᑐᔫᒐᒥ ᓴᒡᓗᓂᐅᓪᓗ ᐊᑖᑕᒋᕚ.

ᕉᒪᒥᐅᓄᑦ 2:5

ᓯᑎᔪᐊᓘᓂᕐᓄᑦ ᐆᒻᒪᑎᒃᑯᓪᓗ ᖃᕿᐊᓕᕈᒪᖏᓐᓂᕐᓄᑦ ᐃᓕᖕᓂᒃ ᖁᒥᐅᑎᒋᓕᕐᐳᑎᑦ ᐅᓪᓗᒧᑦ ᒎᑎᐅᑉ ᓂᓐᖓᒡᕕᒃᓴᖓᓄᑦ ᐃᖅᑲᕐᑐᐃᓂᖓ ᓈᒻᒪᓈᑦᓯᐊᕐᑐᖅ ᓴᖅᑭᑉᐸᑦ.

ᐃᐱᓯᒥᐅᓄᑦ 6:12

ᐃᓄᖕᓂᒃ ᑎᒥᖃᕐᑐᓂᒃ ᑕᑯᒃᓴᐅᔪᓂᒃ ᐅᓇᑕᖏᓐᓇᑦᑕ, ᐊᔪᖏᑦᑐᕐᔪᐊᓄᓪᓕ ᐅᓇᑕᕐᐳᒍᑦ, ᐱᔪᓐᓇᕐᑐᕐᔪᐊᓄᑦ, ᐊᐅᓚᑦᓯᔪᓄᑦ ᓯᓚᕐᔪᐊᕐᒥ ᐊᖓᔪᖅᑲᐅᔪᓄᑦ, ᐊᖓᔪᖅᑳᖑᑎᑕᐅᔪᓄᓪᓗ ᓯᓚᕐᔫᑉ ᑕᒪᑐᒪ ᑖᕐᑑᓂᖓᓂ ᐱᔪᓐᓇᕐᓂᕐᔪᐊᖃᕐᑐᓄᑦ, ᐊᓂᕐᓂᕐᓄᑦ ᐱᐅᖏᑦᑐᕐᔪᐊᓄᑦ ᕿᓚᐅᑉ ᐊᑖᓃᑦᑐᓄᑦ.

ᐄᑉᕈᐃᓄᑦ 10:27

ᓯᕘᕋᓇᕐᑐᕐᔪᐊᒥᒡᓕ ᓯᕗᓂᒃᓴᖃᓕᕐᐳᒍᑦ ᐃᖅᑲᕐᑐᕐᑕᐅᕕᖕᒥᒃ, ᐃᑯᒪᒥᒡᓗ ᑲᑉᐱᐊᓇᕐᑐᕐᔪᐊᒥᒃ ᐊᓯᕈᐃᓂᐊᕐᑐᒥᒃ ᐊᑭᕋᕐᑐᕐᑐᓂᒃ.

ᐲᑦᑐᕉᓯ ᐂᑉᐸᖏᑦ 2:4

ᒎᑎ ᐂᖏᓕᓂᒃ ᐊᔪᕐᑐᓕᔪᓂᒃ ᐊᒥᐊᒃᑯᓯᓚᐅᓐᖏᓚᖅ, ᐃᒋᓚᐅᕐᐰᑦ ᑲᑉᐱᐊᓇᕐᑐᕕᖕᒧᑦ ᑕᕝᕙᓂᓗ ᕿᓚᒃᓱᕐᓗᒋᑦ ᐊᕐᓵᕐᑑᔭᓄᑦ ᑖᕐᓂᕐᐹᒥ ᑕᕝᕙᓃᓐᓂᐊᓕᕐᓗᑎᒃ ᐅᑕᖅᑭᓪᓗᑎᒃ ᐃᖅᑲᕐᑐᕐᑕᐅᕕᒃᓴᒥᖕᓂᒃ;

ᐲᑦᑐᕉᓯ ᐂᑉᐸᖏᑦ 2:9

ᑕᕝᕙ ᐊᑕᓂᐅᑉ ᓴᐳᑎᔪᓐᓇᕐᐰᑦ ᒎᑎᒧᑦ ᐅᒃᐱᕐᑐᑦ ᐆᒃᑐᕐᑕᐅᓂᖏᓐᓂᑦ, ᐱᐅᖏᑦᑐᒥᒃ ᐃᓕᖅᑯᓯᖃᕋᓱᐊᕐᑐᑦ ᓱᒋᐊᕐᑕᐅᓂᕐᒦᑎᓐᓂᐊᕐᐰᑦ ᐃᖅᑲᕐᑐᕐᑕᐅᕕᐅᑉ ᐅᓪᓗᖓ ᓈᒻᒪᒃᓯᑦᓯᐊᕆᓗᒍ;

ᔫᑎᐅᑉ ᐊᒡᓚᖏᑦ 1:13

ᐃᖏᐅᓕᐊᓗᒃᑎᑐᑦ ᐃᒪᕕᖕᒥ ᑍᒤᑉᐳᑦ, ᖃᐳᐊᓕᕐᑎᑦᓯᓂᕐᒥᒃ ᓴᖅᑭᑎᑦᓯᔪᑎᑐᑦ ᐱᓂᐊᕐᓂᕐᒥᒃᑎᒍᑦ ᑲᓐᖑᓇᕐᑐᒦᑎᑉᐳᑦ; ᐅᓪᓗᕆᐊᑎᑐᑦ ᐃᖏᕐᕋᑐᐃᓐᓈᕐᑐᑎᑐᑦ ᑍᒤᑉᐳᑦ ᐃᓂᓕᐅᕐᑕᐅᔭᕆᕐᓯᒪᕗᑦ ᐃᓱᖃᖏᑦᑐᒧᑦ ᑕᕝᕙᓃᖏᓐᓇᕐᓂᐊᓕᕐᓗᑎᒃ ᑖᕐᑐᕐᔪᐊᕐᒥ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:10

ᑕᕝᕙ ᓵᑖᓇᓯ ᑖᒃᑯᓂᖓ ᑕᒻᒪᕐᑎᑦᓯᓚᐅᕐᑐᖅ ᐃᒋᑕᐅᔪᒫᕐᐳᖅ ᑕᓯᕐᔪᐊᒧᑦ ᐃᒃᑭᕆᑦᑐᕐᔪᐊᒥᒃ ᓲᓪᕕᕆᒧᑦ ᐃᑯᒪᔪᒧᑦ ᑕᕝᕙᓂ ᐆᒪᔪᐊᓘᑉ ᓇᓚᐅᑦᑍᓂᕐᓗᒃᑑᓪᓗ ᐃᒋᑕᐅᕕᒋᓯᒪᔭᖓᓄᑦ, ᑖᒃᑯᐊᓗ ᑕᕝᕙᓂ ᐋᓐᓂᐊᑎᑕᐅᔪᒫᕐᐳᑦ ᐅᓪᓗᖅ ᐅᓐᓄᐊᕐᓗ ᓈᓗᒋᒃ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 20:2

ᑐᕌᒎᓂᓗ ᑎᒍᕚ, ᑖᓐᓇ ᖁᒡᓗᒋᐊᑐᖃᖅ, ᑕᕝᕙ ᐱᐅᓐᖏᑐᒥ ᐱᔪᒥᓵᕆᔨ ᑖᓇ ᓵᑖᓇᓯ, ᑖᓐᓇᓗ ᕿᓚᒃᓱᕐᐹ ᕿᓚᒃᓱᕐᓯᒪᓂᐊᓕᕐᓗᓂ ᐊᕐᕌᒍᓂᑦ 1,000ᓂᒃ.