ᔫᑎᐅᑉ ᐊᒡᓚᖏᑦ 1:23 - ᐊᒡᓔᑦ ᐃᑦᔪᕐᖕᓁᑦᑐᑦ

²³ ᐃᓚᖏᑦ ᓄᓱᒃᓯᒋᒃ ᓴᐳᑎᓗᒋᓪᓗ ᐃᑯᒪᕐᔪᐊᒥᑦ; ᐃᓚᖏᑦ ᓂᑲᒋᓗᒋᑦ ᓯᕘᕋᓂᕐᒥᑦ, ᐊᓐᓄᕌᖏᑦ ᐆᒥᒋᓗᒋᑦ ᑎᒥᐅᑉ ᐃᒃᖠᒎᕐᓂᖓᓄᑦ ᐃᑦᓴᒃᑕᐅᓯᒪᔪᑦ.

ᔫᑎᐅᑉ ᐊᒡᓚᖏᑦ 1:23 ပူးပေါင်းရင်းမြစ်များ

ᓲᓗᒨᓂᐅᑉ ᐅᖃᓪᓚᖕᓂᖏᑦ 7:8

ᑖᓐᓇ ᐱᓱᓚᐅᕐᐳᖅ ᐊᖅᑯᑎᒃᑯᑦ ᐊᕐᓇᐅᑉ ᐃᒡᓗᖓᑕ ᓴᓂᐊᒍᑦ, ᐊᖅᑯᑎᒃᑯᑦ ᐊᕐᓇᐅᑉ ᐃᒡᓗᖓᓄᑦ ᑐᕌᕐᑐᒃᑯᑦ

ᐂᓮᐊᓯᐅᑉ ᐊᒡᓚᖏᑦ 64:6

ᐃᓘᓐᓇᑕ ᓴᓗᒪᖏᑦᑐᑎᑐᑦ ᓇᕐᕈᓇᕐᓯᕗᒍᑦ, ᐃᓱᐊᕐᑑᓇᓱᐊᕐᓂᕗᓪᓗ ᖃᓪᓗᓈᕐᑕᑎᑐᑦ ᓴᓗᒤᑦᑐᑎᑐᑦ ᑍᒤᑉᐳᑦ, ᐅᖃᐅᔭᑎᑐᓪᓗ ᑐᖁᓕᖓᔪᑎᑐᑦ ᑍᒤᑉᐳᒍᑦ, ᐊᔪᕐᑐᓕᓂᑦᑕᓗ ᐊᓄᕆᒧᑦ ᑎᒃᑕᐅᔪᑎᑐᑦ ᑍᒤᑎᑉᐹᑎᒍᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:14

ᔨᕉᓴᓕᒥᐅᑦ ᓯᕗᓕᕐᑎᖏᑦ ᐊᖅᑯᑎᑎᒎᖃᑦᑕᕐᐳᑦ ᑕᐅᑐᖏᑦᑐᑎᑐᑦ, ᐊᐅᖕᒥᑦ ᐊᓐᓄᕌᖏᑦ ᐃᑦᓴᒃᓯᒪᖕᒪᑕ ᓇᕐᕈᓇᕐᓯᓪᓗᑎᒃ ᓇᓪᓕᐊᓐᓄᓪᓘᓐᓃᑦ ᐊᒃᑐᕈᒥᓇᕆᔭᐅᓐᖏᓚᑦ.

ᒨᓯᓯ ᐱᖓᔪᖏᑦ 14:47

ᓇᓪᓕᐊᓪᓗ ᓯᓂᒃᑐᖅ ᓂᕆᔪᕐᓘᓐᓃᑦ ᐃᒡᓗᒥ ᑕᕝᕙᓂ ᐊᓐᓄᕌᓂ ᐅᐊᓴᕆᐊᖃᕐᐰᑦ.

ᒨᓯᓯ ᐱᖓᔪᖏᑦ 15:17

ᐊᓐᓄᕌᑦ ᓱᓇᑐᐃᓐᓁᑦ ᐆᒪᔫᓪᓘᓐᓃᑦ ᐊᒥᕕᓂᖏᑦ ᐅᓱᖕᒥᑦ ᒪᕿᕕᐅᓯᒪᔪᑦ ᐅᐊᓴᕐᑕᐅᔭᕆᐊᖃᕐᐳᑦ ᐃᒥᕐᒧᑦ ᓴᓗᒤᑦᑑᓂᐊᕐᓗᑎᒡᓗ ᐅᓐᓄᒃ ᑎᑭᓪᓗᒍ.

ᐂᒨᓯᐅᑉ ᐊᒡᓚᖏᑦ 4:11

“ᐃᓚᓯ ᐃᓚᖏᑦ ᐊᓯᕈᓚᐅᕐᐸᒃᑲ, ᒎᑎᐅᑉ ᓱᑑᒪᒥᒃ ᒍᒨᕋᒥᒡᓗ ᐊᓯᕈᐃᓂᕆᓚᐅᕐᑕᖓᑎᑐᑦ, ᕿᔪᒃᑐᑦ ᐃᑯᒪᔪᑎᑐᑦ ᑍᒤᓚᐅᕐᐳᓯ ᐃᑯᒪᒥᑦ ᐊᒧᔭᐅᔪᑎᑐᑦ, ᓱᓕᓕ ᐅᑎᓚᐅᓐᖏᓚᓯ ᐅᕙᓐᓄᑦ,” ᐊᑕᓂᖅ ᐅᖃᕐᐳᖅ.

ᕉᒪᒥᐅᓄᑦ 11:14

ᔫᑎᐅᖃᑎᒃᑲ ᑐᓱᓵᕐᓗᒋᑦ ᐱᔭᐅᖏᓐᓂᕐᓕᐅᓕᖁᓪᓗᒋᑦ, ᓇᓪᓕᐊᑦ ᐱᐅᓕᔭᐅᔪᓐᓇᓯᖁᓪᓗᒍ.

ᑯᕆᓐᑎᐊᒥᐅᓄᑦ ᓯᕗᓪᓖᑦ 15:33

ᑕᒻᒪᕐᑎᑕᐅᓂᐊᕋᓯ: “ᐱᐅᖏᑦᑐᓕᔪᓂᒃ ᐃᓚᖃᖃᑦᑕᕐᓂᖅ ᐃᓕᖅᑯᓯᑦᓯᐊᕙᖕᒥᒃ ᐊᓯᕈᐃᕗᖅ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:15

ᓇᓪᓕᐊᑦᑕᓕ ᓴᓇᓯᒪᔭᖓ ᐃᑯᐊᓪᓚᒃᐸᑦ, ᓴᓇᓚᐅᕐᑕᒥᓂᒃ ᐊᓯᐅᔨᔪᒫᕐᐳᖅ, ᓇᖕᒥᓂᕐᓕ ᐱᐅᓕᔭᐅᔪᒫᕐᐳᖅ, ᐃᑯᒪᒃᑰᕋᓗᐊᕐᓗᓂ.

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:11

ᑍᒤᒻᒪᑦ ᐊᑕᓂᕐᒥᒃ ᓯᕘᕋᒋᔭᖃᕐᓂᕐᒥᒃ ᖃᐅᔨᒪᒐᑦᑕ, ᐃᓄᐃᑦ ᐃᓇᓐᓇᓱᐊᕐᐸᕗᑦ; ᒎᑎᐅᓪᓕ ᖃᐅᔨᒪᕚᑎᒍᑦ, ᐃᓕᑦᓯᓐᓄᓪᓕᑦᑕᐅᖅ ᖃᐅᔨᔭᐅᓂᐊᕐᑐᒃᓴᐅᒐᓗᐊᕐᐳᒍᑦ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 3:14

ᓇᓪᓕᐊᑦ ᑎᑎᕋᕐᑕᑦᑎᓐᓂ ᑖᒃᑯᓇᖓᑦ ᐅᖃᐅᓯᕆᔭᑦᑎᓐᓂᒡᓗ ᓈᓚᒍᒪᖏᑦᑐᖅ, ᑖᓐᓇ ᓇᓪᓕᐊᖑᖕᒪᖔᑦ ᓇᓗᓁᕐᓯᐅᒃ, ᐱᓇᓱᐊᖃᑎᒋᔪᓐᓃᓗᒍᓗ, ᑲᓐᖑᓱᒃᑎᑕᐅᖁᓪᓗᒍ.

ᑎᒧᑎᒧᑦ ᓯᕗᓪᓖᑦ 4:16

ᐃᓕᖕᓂᒃ ᐊᔪᕆᕐᓱᖃᓯᐅᔨᓴᑦᓯᐊᕆᑦ ᐊᔪᕆᕐᑐᐃᓂᕐᓂᒡᓗ. ᑕᒪᒃᑯᐊ ᐊᓯᐊᓄᐊᕐᑍᓕᒋᑦ, ᑍᒤᒃᑯᕕᑦ ᐃᓕᖕᓂᒃ ᐱᐅᓕᓂᐊᕐᐳᑎᑦ ᐊᔪᕆᕐᑐᕐᑕᕐᓂᒡᓗ.

ᔪᐊᓇᓯᐅᑉ ᐂᑉᐸᖏᑦ 1:11

ᓇᓪᓕᐊᑦ ᑍᒤᑦᑐᒥᒃ ᐃᓚᓕᐅᕐᓯᔪᖅ ᐃᓚᓕᐅᕐᓯᕗᖅ ᐱᐅᖏᑦᑐᒥᒃ ᐱᓇᓱᐊᕐᓂᖓᓄᑦ.

ᔫᑎᐅᑉ ᐊᒡᓚᖏᑦ 1:22

ᖁᓚᕐᑐᑦ ᓂᑲᒍᓱᒃᕕᒋᓯᐅᒃ;

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:18

ᑍᒤᒻᒪᑦ ᐅᖃᐅᑎᕙᒋᑦ, ᓂᐅᕕᖁᓪᓗᑎᑦ ᒎᓗᒥᒃ ᐅᕙᓐᓂᑦ ᒎᓗᓪᓚᕆᖕᒥᒃ ᐃᑯᒪᒧᑦ ᐱᐅᖏᓐᓃᔭᕐᑕᐅᓯᒪᔪᒥᒃ, ᐊᔪᕐᓴᕈᓐᓃᖁᓪᓗᑎᑦ, ᐊᓐᓄᕌᕐᓗᑎᓪᓗ ᖃᑯᕐᑕᒥᒃ ᐊᓐᓄᕌᖃᖏᓐᓂᕐᒧᑦ ᑲᓐᖑᓇᕐᓃᑦ ᓴᖅᑭᔮᕈᓐᓃᖁᓪᓗᒍ, ᐃᔨᓯᐅᒻᒧᓪᓗ ᐃᔩᒃᑭᒃ ᒥᖑᐊᕐᓗᒋᒃ, ᑕᐅᑐᓕᕐᓂᐊᕋᕕᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 3:4

ᓵᕐᑏᓯᒥᐅᓪᓕ ᐃᓚᖏᑦ ᐅᓄᖏᑦᑐᑦ ᐊᓐᓄᕌᒥᖕᓂᒃ ᓴᓗᒪᔪᓐᓃᕐᑎᑦᓯᓯᒪᓐᖏᓚᑦ, ᑖᒃᑯᐊ ᐱᓱᖃᑎᒋᔪᒫᕐᐹᖓ ᖃᖁᕐᑕᒥᒃ ᐊᓐᓄᕌᕐᓯᒪᓗᑎᒃ, ᑍᒤᑦᑐᒥᒃ ᐊᓐᓄᕌᕐᑎᑕᐅᓂᕐᒥᒃ ᐱᔪᓐᓇᕐᓯᖕᒪᑕ.